प्रधानमन्त्रीले तल्काल राजीनामा दिनुपर्दछ : सुजाता कोइराला

विराटनगर, १७ फागुन

पूर्व उपप्रधानमन्त्री एवम् नेपाली काँग्रेसकी नेत्री सुजाता कोइरालाले वर्तमान सरकारको नेतृत्व देश र जनताले नस्वीकारेको हुनाले प्रधानमन्त्रीले अविलम्ब राजीनामा दिनुपर्ने वताएकीछन् ।

उनले नेपाल प्रेस युनियन मोरङद्वारा आज यहाँ आयोजित पत्रकार सम्मेलनमा एमाले अध्यक्ष र माओवादीबीच भएको सातबुँदे समझदारी जालझेल र षड्यन्त्रबीच गरिएको हुनाले यसबाट देस अगाडि नभई पछाडि फर्कने दाबीसमेत समेत गरिन ।

नेपाली काँग्रेस प्रजातान्त्रिक र इतिहास एवम् धेरै त्याग र बलिदान दिएको पार्टीलाई बाहिर राखेर देशको राजनीतिक निकास नहुने जिकिर गर्दै उनले पुनः सबै पार्टीबीच सहमति र सहकार्यमा गरी नयाँ सातबुँदे समझदारी गरेमा मात्र देश सङ्घीय लोकतान्त्रिक सबै समस्याको समाधान हुने दाबीसमेत गरिन ।
्