संवैधानिक समितिको बैठकमा उप समिति गठन गर्ने विषयमा छलफल

काठमाडौँ, १२ फागुन

संविधानसभा, संवैधानिक समितिको आज बिहान बसेको बैठकमा राज्य पुनःसंरचना आयोग गठन, संविधान निर्माण प्रक्रियालाई सहजरूपमा अगाडि बढाउन उप समिति गठन एवम् शान्ति प्रक्रियाका बारेमा छलफल भयो ।

संविधानसभामा प्रतिनिधित्व गरेका सबै दलका शीर्ष नेतृत्वहरु सहभागी भएको सो बैठकमा सहभागीहरूले ती विषयमा दलहरुका दलगत धारणा राखेको नेपाली काँग्रेस संसदीय दलका नेता रामचन्द्र पौडेलले सञ्चारकर्मीहरुलाई जानकारी दिए । उनले भने “राज्य पुनः संरचना आयोगले नै राज्यको पुनः सरचना गर्नुपर्छ ।”

एकीकृत नेकपा (माओवादी)का उपाध्यक्ष डा बाबुराम भट्टराईले संविधानलेखन कार्यलाई अगाडि बढाउन उपसमिति निर्माण गर्नु राम्रो भएको बताए ।