काठमाडौँ, २१ माघ
नवनिर्वाचित प्रधानमन्त्री झलनाथ खनालले संविधान निर्माण र शान्तिप्रक्रियालाई सार्थक बनाउने आफ्नो प्रमुख प्राथमिकता रहने बताएकाछन । आज बिहान आफ्नै निवास डल्लुमा सञ्चारकर्मीसँग कुराकानी गर्दै प्रधानमन्त्री खनालले यस कार्यमा सबै राजनीतिक दलहरुलाई समेटेर कार्य अगाडि बढाउने प्रतिबद्धता व्यक्त गरे ।
उनले सहमति र सहकार्यको विकल्प नभएको दोहो¥याउँदै पहिलो सानो आकारको मन्त्रिमण्डल बनाएर जनताका समस्याहरु निराकरण गरिने उल्लेख गरे । प्रधानमन्त्री खनाललाई शुभकामना तथा बधाई ज्ञापन गर्न बिहानदेखि नै उनको निवासमा ठूलो सङ्ख्यामा भीड लागेको थियो ।
नेपालका लागि चिनियाँ राजदूत क्यु गो होङले उहाँकै निवासमा गई बधाई तथा शुभकामना व्यक्त गरेका थिए । सो भेटमा चीनले नेपालको शान्तिप्रक्रियामा सहयोग गर्ने र द्विपक्षीय सम्बन्ध विस्तार गर्ने प्रतिबद्धता व्यक्त गरेको प्रधानमन्त्री खनालले बताए ।
उनले हिजो राति भारतीय प्रधानमन्त्री डा मनमोहन सिंहले टेलिफोनबाट बधाई तथा शुभकामना व्यक्त गरेको जानकारी गराउँदै दुवै छिमेकीसँगको सम्बन्ध र सहयोगलाई सरकारले महत्व दिने उल्लेख गरे ।
0
0
