चितवन, ८ माघ
एकीकृत नेकपा माओवादीका लडाकूहरू विशेष समिति मातहत आउने आजको दिन ऐतिहासिक भएको विभिन्न दलका नेताहरूले बताएका छन् ।
नेपाली काँग्रेसका वरिष्ठ नेता शेरबहादुर देउवाले माओवादी लडाकू विशेष समितिमा मातहत जानुले शान्तिप्रक्रियालाई टुङगोमा पु¥याउन सहयोग पुग्ने बताए ।
तेस्रो डिभिजन शक्तिखोरमा आज पत्रकारहरूसँग कुराकानी गर्दै उनले ढिलै भए पनि विशेष समितिमा गएकाले सेना समायोजनको विषय टुङ्गो लाग्न अब सहयोग पुग्नेछ भने ।
यो सकारात्मक कदम हो भन्दै उनले शान्तिप्रक्रियालाई निष्कर्षमा पु¥याउन एनेकपा माओवादी इमान्दार हुनुपर्नेमा जोड दिए ।
यस विषयमा प्रतिक्रिया दिँदै एनेकपा (माओवादी)का प्रवक्ता दीनानाथ शर्माले भने – महत्वपूर्ण कामको थालनी भएको छ । यसले संविधान लेखन र राजनीतिक समस्या निराकरणमा सहयोग पुग्छ ।
माओवादी लडाकू सरकारको अधीनमा नभई विशेष समितिको मातहतमा रहेको बताउँदै उनले दलहरूबीचमा सहमतिमा पुग्न मद्दत मिल्ने धारणा प्रकट गरे ।
मधेसी जनअधिकार फोरमका अध्यक्ष उपेन्द्र यादवले माओवादी र लडाकूहरूबीचको सम्बन्ध विच्छेद हुनुपर्ने बताउँदै विशेष समितिको अनुगमनको काम चुनौतीपूर्ण वताए ।
पत्रकारहरूलाई प्रतिक्रिया दिँदै एनेकपा (माओवादी)का वरिष्ठ उपाध्यक्ष मोहन वैद्य किरणले यो कदमबाट शान्तिप्रक्रियामा नयाँ आयामको सुरुवात भएको बताए ।
0
0
