काठमाडौँ, १५ पुस
सूचना तथा सञ्चारमन्त्री शङ्कर पोखरेलले राजनीतिक दलबीच सहमति भएमा अबको पाँच महिनाभित्रमै संविधान बनाउन सकिने बताएकाछन् ।
दलित निगरानी एक वर्ष पुरा भएको अवसरमा दलित अध्ययन तथा विकास केन्द्रद्वारा आज आयोजित ‘दलितपक्षीय संविधान निर्माणमा यसले खेलेको भूमिका’ विषयक अन्तरक्रियामा उनले संविधानसभाबाटै संविधान लेख्नुको विकल्प नभएको धारणा राखे ।
संविधानमा दलितको अधिकार सुनिश्चित गर्नका लागि दलित मुद्दामा बहस गरिनुपर्ने र दलित र सभासद्, दलित समुदाय एकीकृत हुनुपर्नेमा मन्त्री पोखरेलको जोड थियो ।
सोही कार्यक्रममा नेपाल टेलिभिजनका अध्यक्ष कुन्दन अर्यालले दलित निगरानीले एक वर्ष पुरा गरेकामा शुभकामना व्यक्त गर्दै दलित निगरानीमा आफ्नै बोली र आफ्नै स्वर भएको बताए ।
सभासद् धर्म विश्वकर्माले दलित विभेद अन्त्य गर्नका लागि राज्यले दलित समुदायलाई विशेष अधिकारको व्यवस्था गर्नुपर्ने बताए ।
0
0
