भिसी गुरुङ चीरनिद्रामा

लन्डन
भिक्टोरिया क्रस विजेता पूर्व सैनिक लछिमान गुरुङको आइतवार १२ः४० मा लन्डन हयामरस्थित चेरिङ क्रस अस्पतालमा उपचारकै क्रममा निधन भएको छ । ९५ वर्षिय गुरुङ निमोनियावाट थलिएपछि गत १९ नोभेम्वरमा अस्पताल भर्ना गरिएको थियो ।
दोस्रो विश्वयुद्धमा वर्माको लडाइँमा वहादुरी देखाएकावापत भिक्टोरिया क्रस पाएका उनको एक हात भने युद्धमै गुमेको थियो । सन् २००८ देखि वेलायत वस्दै आएका उनका तीन छोरा , एक छोरी र श्रीमति छन् । स्वर्गिय गुरुङको दाहसंस्कार नेपालमा वा युकेमा गर्ने भन्ने निर्णय नभएको पारिवारिक स्रोतले जनाएको छ ।