काठमाडौँ, २७ मङ्सिर
राष्ट्रपति डा रामवरण यादवसँग प्रधानमन्त्री माधवकुमार नेपालले राष्ट्रपति भवन शीत्तल निवासमा आज बिहान परामर्श गरेका छन ।
उनीहरुबीच संविधानलेखन, शान्तिप्रक्रिया, सरकार गठन र व्यवस्थापिका–संसद्को बैठक बोलाउनेलगायत समसामयिक विषयमा छलफल भएको प्रधानमन्त्रीका राजनीतिक सल्लाहकार रघुजी पन्तले जानकारी दिए ।
भेटपछि सञ्चारकर्मीको जिज्ञासामा सल्लाहकार पन्तले सरकार र सहयोगी दलहरुसँग परामर्श नै नगरी एकीकृत नेकपा (माओवादी)लगायतका केही दलले संसद्को अधिवेशनका लागि राष्ट्रपतिसमक्ष गरेको समावेदनप्रति प्रधानमन्त्रीको असहमति र त्यसले संसद्मा देखिएको विवादको समाधान गर्न नसक्ने बताए ।
प्रधानमन्त्री स्वयम् व्यवस्थापिका–संसद्को बैठक छिटोभन्दा छिटो बोलाउन परामर्श गरिरहनुभएको जानकारी दिँदै उहाँले सरकार संसद्को सामना गर्न तयार रहेको उल्लेख गरे ।
0
0
