सोलुखुम्बु, कार्तिक २१
लुक्लाबाट सोलुखुम्बुको आमाडब्लम हिमालको बेस क्याम्पका लागि उडेको फिस्टेल एअरको हेलिकप्टर आइतबार बिहान बेस क्याम्प नजिकै दुर्घटना हुँदा हेलिकप्टरमा सवार दुई जनाको मृत्यु भएको छ । काठमाडौंबाट लुक्ला पुगेर पर्वतारोहीलाई उद्धार गर्न गएको बेला हेलिकप्टर दुर्घटना भएको फिस्टेल एअरले जनाएको छ । दुर्घटनामा क्याप्टेन सबिन वस्नेत र इन्जिनियर पूर्ण आवालेको मृत्यु भएको छ ।
बिरामी परेका जापानी पर्वतारोहीको उद्धारका लागि गएको हेलिकप्टरमा क्याप्टन र इन्जिनियर मात्र थिए । नागरिक उड्डयन प्राधिकरण फाप्लुका प्रमुख विष्णु अधिकारीले दिएको जानकारी अनुसार विहान ९ बजेर ५० मिनेटमा उक्त हेलिकप्टर आकाशबाट सिधा खंसेको थियो । प्रतिकुल मौसमका कारण १८ हजार फिट उँचाईमा हेलिकप्टर दुर्घटनाग्रस्त भएको लुक्ला विमानस्थलका प्रबन्धक प्रेमनाथ ठाकुरले जानकारी दिए ।
0
0
