समयमै पूर्ण वजेट नआए असफल राष्ट्र : पोखरेल

काठमाडौँ, १२ कात्तिक

राष्ट्रिय योजना आयोगका उपाध्यक्ष डा जगदीशचन्द्र पोखरेलले कात्तिक मसान्तसम्म पूर्ण बजेट आउन नसके मुलुक आर्थिक रुपले असफल राष्ट्र बन्ने वताएका छन् ।

रिपोर्टर्स क्लबले आज यहाँ आयोजना गरेको बजेटसम्बन्धी साक्षात्कार कार्यक्रममा उपाध्यक्ष पोखरेलले दलबीच अनेकता बढ्दै गएको र एकले अर्काको अस्तित्वलाई स्वीकार गर्न नसकेकाले नै बजेट आउन ढिला भएको बताए ।

उनले मुलुकमा तीन खर्ब ३५ अर्ब रुपैयाँको बजेट आवश्यक पर्ने राय दिनुहुँदै बजेट जुनसुकै पार्टीले जसरी ल्याए पनि दलहरुबीच बेमेल हुन नहुने धारणा व्यक्त गरे ।

योजना आयोगका उपाध्यक्ष पोखरेलले भने‘
सरकार काम चलाउ हो, देश काम चलाउ होइन, मुलुक आर्थिकरुपमा असफल भए त्यसको जवाफ नेपालका प्रमुख दलहरुले दिनुपर्छ ।” रासस