काठमाडौं, कार्तिक ११
माओवादीको विस्तारित बैठक तेश्रो पटक सारिएको छ । मुस्लिमहरुको पवित्र चाड बकर ईद परेकाले कात्तिक २८ गतेदेखि गर्ने भनिएको बैठक मंसिर ५ गतेदेखि गर्ने गरी सारिएको प्रवक्ता दीनानाथ शर्माले जानकारी दिए ।
बिहीबार बसेको माओवादी स्थायी समितिको बैठकले गोरखाको पालुङ्टारमा नै विस्तारित बैठक गर्ने गरी नयाँ मिति तय गरेको हो । यसअघि असोज ५ गतेदेखि चितवनमा गर्ने भनिएको विस्तारित बैठक डेङ्गु सर्ने भयले कात्तिक १२ गते सारिएको थियो । यस्तै चाडपर्व तथा अध्यक्ष पुष्पकमल दाहालको चीन भ्रमणको कारण देखाउँदै कात्तिक १२ गतेदेखि गोरखाको पालुङ्टारमा गर्ने भनिएको बैठक पुनः कात्तिक २८ गतेका लागि सारिएको थियो ।
बैठकमा माओवादी अध्यक्ष दाहालले यहि साता भएको चीन भ्रमणबारे जानकारी गराएका थिए । उनले यसै साता गर्ने चिनियाँ स्थायी समितिको टोलीलाई नेपालसहित भारत र चीनबीच रणनीतिक सम्झौताका लागि पहल गर्न सुझाव दिएको जानकारी गराएका थिए ।
0
0
