प्रधानमन्त्री नेपाल र अध्यक्ष नेम्वाङ को साउती !

काठमाडौँ ९ कात्तिक
प्रधानमन्त्री माधवकुमार नेपालसँग संविधानसभाका अध्यक्ष सुवास नेम्वाङले आज बिहान प्रधानमन्त्री निवास बालुवाटारमा भेट गरी वर्तमान राजनीतिक गतिरोध र बजेटका बारेमा छलफल गरेकाछन् ।

अहिले राजनीतिक समस्या नै मुख्य जड भएकाले यसमा दलहरूबीच सहमति गरी बजेट ल्याउनुपर्ने कुरामा आफूले प्रधानमन्त्रीलाई ध्यानाकर्षण गराएको भेटपछि अध्यक्ष नेम्वाङले पत्रकारलाई जानकारी गराए । बजेट ल्याउने बारेमा सत्तारुढ दलहरूबीचमै एकमत नदेखिएको अवस्थामा प्रमुख प्रतिपक्षीलाई समेत सहमतिमा ल्याउन राजनीतिक सहमतिबाट सबै समस्या निराकरण गर्न सकिने नेम्वाड.ले बताए ।

प्रधानमन्त्री नेपालले राजनीतिक सहमतिका लागि दलहरूबीच संवाद अझ तीव्र पार्ने र देशको आर्थिक सङ्कट आउने बारेमा गम्भीर छलफल गरिने धारणा राखेको उनले बताए । रासस