उपराष्ट्रपति स्वदेश फिर्ता

काठमाडाँै, ७ असोज

उपराष्ट्रपति परमानन्द झा चीनमा आयोजित “११ औँ पश्चिम चीन अन्तर्राष्ट्रिय मेला” मा सरिक भई आज स्वदेश फकिएका छन् ।

चारदिने भ्रमण सकेर उहाँ आज बिहान ९ः४५ बजे स्वदेश फर्कनुभएको उपराष्ट्रपतिको कार्यालयले जनाएको छ ।

उपराष्ट्रपति झाले भ्रमणका क्रममा आफूले चीनका उच्चस्तरीय सरकारी अधिकारीहरूसँग नेपाल–चीनबीच व्यापारिक सम्बन्ध बढाउने तथा नेपालको पूर्वाधार विकास सम्बन्धमा छलफल भएको सञ्चारकर्मीलाई जानकारी गराए ।

भ्रमणका क्रममा उनले चीनमा रहेका नेपाली विद्यार्थी, व्यापारीलगायतसँग भेटघाट गरेका थिए ।

सो भ्रमणमा मन्त्रिपरिषद् सचिवालयका सचिव विमल वाग्ले, उपराष्ट्रपति कार्यालयका सचिव वज्रकिशोरप्रसाद साह, परराष्ट्र मन्त्रालयका सहसचिव रुद्रकुमार नेपालसहित आठजना अधिकारी सहभागी थिए ।

रासस