भारतको चुनावका कारण दुई दिन नाका बन्द

बाँके ३ कात्तिक

भारतमा भोलि हुने विधानसभाको चुनावलाई मध्यनजर गर्दै भोलि राति १२ बजेदेखि दुई दिनका लागि भारतले नेपाल– भारत सीमा नाकाको जमुनाहा नाका बन्द गर्ने भएको छ ।

भारतीय प्रहरी एसएसबीका अनुसार निर्वाचनको समय अप्रिय घटना हुन नदिन चुनाव हुनुभन्दा २४ घण्टा अगाडिदेखि नाका बन्द गर्न लागिएको हो ।

बिहार राज्यको विधानसभाका लागि भोलि पहिलो चरणको निर्वाचन हुँदैछ । विधानसभाको निर्वाचन छ चरणमा गरिने भएको छ ।

भोलि पहिलो चरणको चुनावमा ४७ पदका लागि मतदान हुँदैछ । रासस