लहान, ३० असोज
उपराष्ट्रपति परमानन्द झाले मधेसवादी दलहरू इमानदार नभएकाले मधेसको विकास हुन नसकेको । सिरहाको दक्षिणी सीमावर्ती भगवानपुर गाविसस्थित ऐतिहासिक शक्तिपीठ बालासुन्दरी भगवतीको दर्शनपश्चात आयोजित कार्यक्रममा उनले मधेसवादी दलहरूबीच भएको फुटको कारण यस क्षेत्रको विकास प्रभावित भएको बताए ।
राज्यबाट आउने विकास बजेटको सहीरूपमा सदुपयोग भएको छ, छैन त्यसप्रति स्थानीयवासी गम्भीर हुनुपर्दछ भन्दै उपराष्ट्रपति झाले पूर्व मेचीदेखि पश्चिम महाकालीसम्म सबभन्दा ठूलो समस्या भनेको तराई मधेसको विकास नहुनु हो ।
विकासका लागि आउने बजेटमा हुने गरेको भ्रष्टाचारकै कारण लहान ढाडी सडकको दुरावस्था भएको उल्लेख गर्दै उपराष्ट्रपति झाले सो सडकको विकासप्रति यस क्षेत्रका मन्त्री, सभासद् र जनताले तत्परता देखाउनु पर्ने बताए ।
उपराष्ट्रपति झाले स्थानीय भगवानपुर गाविस र जनश्रमदानसमेत गरी रु सात लाखको लागतमा १२ कट्ठा जग्गामा निर्माण भएको आधुनिक बगैँचाको उद्घाटन गरे । सो कार्यक्रम निर्माण समितिका अध्यक्ष देवनारायण यादवको सभापतित्वमा भएको थियो ।
रासस
0
0
