A+ A A-

नेपालमा कोरोनावाट ज्यान गुमाउनेको संख्या ६३ पुग्यो

काठमाण्डौं, साउन २१

नेपालमा कोरोना संक्रमण बाट ज्यान गुमाउनेको संख्या ६३ पुगेको छ । बुधबार एकै दिन ५ जनाको ज्यान गएको स्वास्थ्य तथा जनसंख्या मन्त्रालयले जनाएको छ । बुधबार कोरोना बाट ज्यान गुमाउनेमा पर्सा र मोरङमा दुई–दुई जना र काठमाडौंमा एक जना रहेका छन् । पछिल्लो २४ घण्टामा नेपालमा थप तीन सय ८१ जनामा कोरोनाको सङ्क्रमण पुष्टि भएको छ । योसँगै सङ्क्रमितको कुल संख्या २१ हजार तीन सय ९० पुगेको छ । 

स्वास्थ्य तथा जनसंख्या मन्त्रालयका अनुसार गएको २४ घण्टामा थप एक सय ३० जना कोरोना सङ्क्रमणबाट निको भएर घर फर्किएका छन् । योसँगै कोरोना सङ्क्रमणबाट निको हुनेको संख्या १५ हजार एक सय ५६ पुगेको छ । अहिले ६ हजार एक सय ७४ जना आइसोलेसनमा रहेका छन् भने नौ हजार नौ सय २५ जना क्वरेण्टीनमा छन् । अहिलेसम्म चार लाख १२ हजार नौ सय ५३ जनाको पीसीआर विधिमार्फत कोरोना परीक्षण भएको मन्त्रालयले जनाएको छ ।

 हार्दिक श्रध्दाञ्जलि - भिमी देवी राना

मिग मिडिया प्रा.ली द्धारा संचालित

www.rajyasatta.com

सुचना तथा प्रसारण बिभाग

दर्ता नम्बर १६८७/०७६-७७

ठेगाना

ललितपुर १४, ललितपुर

संचालक/प्रधानसम्पादक

हुम बहादुर थापा मगर

मोबाईल ९८४१५९३६०६