A+ A A-

मगरको माघे सकराटी टुँडिखेलमा

 मगर समुदायले विगतझैँ यस वर्ष पनि माघे सकराति काठमाडौंको टुँडिखेलमा मनाउने भएका छन् ।

नेपाल मगर संघका अनुसार यस वर्ष माघे सकराति दुई दिनसम्म मनाइनेछ । २० हजारभन्दा धेरै सहभागी हुने भनिएको पर्व उद्घाटन उपराष्ट्रपति नन्दबहादुर पुनले गर्ने छन् । पर्वभर टुँडिखेलमा हुर्रा, सोरठी, कौडा, मारुनी, पैँस्यारु, टप्पा, घाँटु, यानीमायालगायतका सांस्कृतिक नाच प्रदर्शन हुनेछ ।

स्टलहरूमा भने गिठ्ठा, भ्याकुर, पिँडालु, तरुल, रोटीलगायत मगर जातिका मौलिक खाद्यपरिकार राखिनेछन् । पर्वभर टुँडिखेलमा धनुबाँण खेल समेत प्रदर्शन हुनेछ । मगर समुदायको मुख्य पर्व मानिएको माघे सकरातिमा मगर समुदायको बसोबास रहेको क्षेत्रमा सरकारले समेत सार्वजनिक बिदा घोषणा गरिसकेको छ ।

संघका अध्यक्ष नवीन रोकाले भने, ‘मगर संघले टुँडिखेलमा माघे सकराति माने पनि मुलुकभरका मगरले ७७ वटै जिल्लामा मनाउने छन् । यसका लागि प्रदेश तथा स्थानीय सरकारले बिदाको व्यवस्थासमेत गरेको छ । यस्तै बिदा अन्य समुदायको पर्वमा पनि सरकार दिनु पर्छ ।’-नयाँ पत्रिका। 

 हार्दिक श्रध्दाञ्जलि - भिमी देवी राना

मिग मिडिया प्रा.ली द्धारा संचालित

www.rajyasatta.com

सुचना तथा प्रसारण बिभाग

दर्ता नम्बर १६८७/०७६-७७

ठेगाना

ललितपुर १४, ललितपुर

संचालक/प्रधानसम्पादक

हुम बहादुर थापा मगर

मोबाईल ९८४१५९३६०६