A+ A A-

नमुना मगर समाज अब मगर संघ कास्की मातहत

रूद्र श्रीस मगर
                                 नमुना एकाइ समितिको अध्यक्षमा श्रीस

पोखरा, ११ भदौ

पोखरा महानगरपालिका वडा नं. १४ मा क्रियाशील नमुना मगर समाज सोमबारदेखि औपचारिक रुपमा नेपाल मगर संघ कास्कीमा समाहित भएको छ ।

सोमबार आयोजित विशेष कार्यक्रममा नेपाल मगर संघको विधान अन्तर्गत रहने गरी कास्की जिल्ला मातहतको नमुना एकाइ समितिका रुपमा क्रियाशील रहने औपचारिक घोषणा गरिएको हो ।

सो अवसरमा नेपाल मगर संघ, नमुना एकाइ समितिको नयाँ नेतृत्व घोषणा समेत गरिएको छ । जस अन्तर्गत अध्यक्षमा ओम श्रीसमगर, उपाध्यक्षमा विना थापामगर, सचिवमा शिव थापामगर, सह–सचिवमा दिलु पुनमगर र कोषाध्यक्षमा प्रकाश पुनमगर चयन हुनुभएको छ ।

त्यसैगरी, सदस्यहरूमा हेमन्त रेगामीमगर, यम तरामुमगर, सांस्कृतिक उपसमिति संयोजकमा कृष्ण रेगामीमगर, सदस्यहरूमा रत्नकुमारी बुढामगर, सुमित्रा थापामगर, टिकाकुमारी थापामगर, आर्थिक उपसमिति संयोजकमा सूर्यकला थापा श्रीसमगर, सदस्यहरूमा सूर्यकुमारी थापामगर, पार्वती रेगामीमगर रहनुभएको छ । त्यस्तै, सल्लाहकारहरूमा कृष्णबहादुर पुनमगर, बुद्धिबहादुर पुनमगर, सु. बलबहादुर थापामगर, गेमबहादुर थापामगर रहनुभएको छ ।

यसअघि, घोषणा कार्यक्रममा बोल्दै नेपाल मगर संघ कास्कीका अध्यक्ष पूर्णबहादुर रानामगरले सम्पूर्ण मगरहरू मगर संघ मातहत संगठित भएर अघि बढ्नुपर्नेमा जोड दिनुभयो । विगतमा राज्यको शोषण र दमनका कारण मगर जातिले मातृभाषा गुमाउन परेको उल्लेख गर्दै अध्यक्ष रानामगरले अझै पनि राज्यले आदिवासी जनजातिको पहिचानलाई उपेक्षा गरेको गुनासो गर्नुभयो ।

कार्यक्रममा नेपाल मगर संघ, कदममार्ग एकाइ समितिकी अध्यक्ष सुनमाया आलेमगर, छिनेडाँडा एकाइ समितिका अध्यक्ष ज्योतिराम थापामगर, नेपाल मगर महिला संघ कास्कीकी जिल्ला सदस्य तारामाया थापामगरले शुभकामना मन्तव्य व्यक्त गर्नुभएको थियो ।

नेपाल मगर संघ, नमुना एकाइ समिति, पोखरा–१४ का अध्यक्ष ओम श्रीसमगरको अध्यक्षतामा सम्पन्न भएको कार्यक्रमको सञ्चालन सचिव शिव थापामगर र उपाध्यक्ष विना थापामगरले स्वागत गर्नुभएको थियो ।

 हार्दिक श्रध्दाञ्जलि - ज्ञान बहादुर गाहा मगर