A+ A A-

अधिकार सहितको संविधान नआए आन्दोलन


आदिवासी जनजातिको अधिकार सहितको संविधान जारी नभए कास्कीका आदिवासी जनजातिले अनिश्चितकालिन आन्दोलन गर्ने भएका छन । संविधान जारी गर्नुपर्ने अन्तिम दिन जेठ १४ गते नेपाल आदिवासी जनजाति महासंघ कास्की र तमुवान संर्घष्ा समिती कास्कीले पोखरामा आयोजना गरेको खवरदारी कार्यक्रमका वक्ताहरुले यस्तो घोषणा गरेका हुन ।

कार्यक्रममा तमुवान संर्घष्ा समिति कास्कीका अध्यक्ष देविराज तमुले आदिवासी जनजातिको अधिकार सम्पन्न संविधान आजै जारी नभए जेठ १५ गतेदेखि आन्दोलनको आँधीवेहरी सिर्जना गर्ने बताए । उनले पहिचान सहित तमुवान स्थापित भए विजय र्याली र तमुवान स्थापित नभएर युद्धका लागि तयार रहन आदिवासी जनसमुदायलाई आग्रह गरे ।

नेपाल लोकतान्त्रिक तमु संघका गिरीप्रसाद तमुले नयाँ संविधानमा आदिवासी जनजाति सहित उत्पिडित जनसमुदायको अधिकार विरुद्ध षडयन्त्र भइरहेकाले त्यसका विरुद्ध आम आदिवासी जुट्न आग्रह गर्दै नौ बु्ँदे सहमति अक्षरस पालना गर्नुपर्नेमा जोड दिए । तमु राष्ट्रिय मुक्तिमोर्चा कास्कीका अध्यक्ष धर्मबहादुर तमुले आज जारी हुने संविधानमा आदिवासी जनजातिको अधिकार सुनिश्चित गरिनुपर्ने र हिन्दु एकल राज्यको अन्त्यका लागि सबैको एकता आवाश्यक रहेको बताए  ।

नेपाल तमु संघका भिमकाजी तमुले संविधान जारी नभए आदिवासी जनजातिको आन्दोलनले प्रतिगामी यथास्थितीवादीलाई बढारेर बताए । तमुले राजनितक दलका नेताहरुलाइ आदिवासी जनजातिको आवाश्यकता छ कि छैन प्रश्न गरे ।

नेपाल आदिवासी जनजाति महासंघ कास्कीका अध्यक्ष पानबहादुर र्घर्तीको अध्यतामा भएको कोणसभामा राष्ट्रिय आदिवासी जनजाति महिला महासंघका मिना पुन मगर, आदिवासी जनजाति महासंघ एकिकृतका केन्द्रिय उपाध्यक्ष भिमबहादुर श्रीस, तमुवान युथ भोलिन्टियर्स कास्कीका सदस्य सचिव केवी तमु, ङ्योए तमु धिंका सचिव मनबहादुर तमु, राष्ट्रिय उच्च माविका मनबहादुर तमु लगायतले अधिकार सुनिश्चित भएको संविधान नआए आन्दोलन गर्नुपर्नेमा जोड दिएका थिए ।

जेठ १४ मा जनताको संविधान जारी गर्नुपर्ने, संविधानमा आदिवासी जनजातिका अधिकार सुनिश्चित गर्नुपर्ने,  आदिवासी जनजातिसंग भएको ९ बुदे सहमति तत्काल कार्यान्वयन गर्नुपर्ने, जातिय पहिचान सुनिश्चित गर, संविधान दिएनौ सभासद खाएको भत्ता फिर्ता गर लगायतका नारा लगाउदै तमु धि नेपालको कार्यालय नयाँबजारबाट सुरु भएको र्‍याली नयाँबजार, लखनचोक, सभागृहचोक, न्युरोड, चिप्लेढुङ्गा हुदै भिमसेन चोकमा पुगेर कोणसभामा परिणत भएको थियो ।


हुम तमु, पोखरा

Last Updated on Sunday, 27 May 2012 10:21

Hits: 661

अधिकार सहितको संविधान आए विजयसभा नत्र संर्घष

केही घण्टा भित्र संविधानसभाको म्याद समाप्त हुँदैछ । जेठ १४ गते राती १२ भित्र संविधान जारी हुने नहुने विषयमा नेपाली जनता मात्रै होइन प्रमुख दलका प्रमुख नेताहरु समेत अनिश्चित छन् ।  

प्रधानमन्त्री निवास दलका नेताहरुले भरिभराउ भईरहेका बेला नयाँबानेश्वरस्थित संविधानसभा भवन भने अधिकार खोज्ने विभिन्न समूहको जुलुसले घेरिएका छन् । ३८ प्रतिशत जनसंख्या भएका आदिवासी जनजातिहरु जातीय पहिचान सहितको संविधान बने विजय जुलुस निकाल्ने र नबने संर्घष्का कार्यक्रम घोषणा गर्ने तयारीमा छन् ।

आदिवासी जनजाति संयुक्त संर्घष् समितिका संयोजक परशुराम तामाङ राती १२ बजेसम्म विजय जुलुस र विरोधसभा दुबैका लागि तयार भएर जनजातिहरु आएको बताउँछन् । जनजातिहरुले आजपनि नाका नाका घेराउका लागि जातजातिलाई जिम्मेवारी छुट्याएको छ ।
 
राष्ट्रिय जनमुक्ति पार्टी प्रचार प्रसार विभाग प्रमुख टोप अस्लामी जातीय जनसंख्याको आधारमा समानुपातिक प्रतिनिधित्व र पहिचान विनाको संघीयता अस्विकार्य हुने बताउँछन् । बानेश्वरस्थित धर्नास्थलबाट अस्लामीले राज्यसत्ता डटकमलाई भने कि अधिकार लिएर गइन्छ नत्र विरोधका कार्यक्रम घोषणा गछौं ।

एमाओवादी, मधेशी मोर्चा, राष्ट्रिय जनमुक्ति पार्टी र्संघीय लोकतान्त्रिम राष्ट्रिय मन्च, नेवा राष्ट्रिय पार्टरी लगायतका पार्टी पहिचान सहितको संघीयताको पक्षमा छन् भने काँग्रेस र एमालेले पहिचान सहितको संघीयताले आदिवासी जनजाति, दलित, मधेशीलाई अधिकार सम्पन्न गराउने तर वाहुन क्षेत्रीको अधिकार खोसिने निश्कर्षामा छन् ।

Last Updated on Sunday, 27 May 2012 07:39

Hits: 792

राजमुपाद्वारा संविधानसभा घेराउ

संविधानसभामो म्याद सकिन एक दिनबाँकी रहँदा राष्ट्रिय जनमुक्ति पार्टी संविधानसभा घेराउ गरेको छ । जेठ १३ गते विहान बबरमहलमा विशाल जुलुसका सहित संबिधानसभा पुगेर घेराउन गरिएको हो ।


जातीय समानुपातिक प्रतिनिधित्व र पहिचानको ग्यारेन्टी सहितको संबिधान १४ जेठभित्रै जारी गर्नुपर्ने माग सहित घेराउ गरिएको सो पार्टी महासचिव केशव र्सूवंशीले राज्यसत्ता डटकमलाई जानकारी दिएका छन् । महासचिव र्सूयवंशीका अनुसार धर्ना भोलि पनि जारी रहने छ ।  

Last Updated on Saturday, 26 May 2012 08:58

Hits: 728

जनजातिले सभासदलाई बाहिर निस्कन नदिने


आदिवासी जनजाति संयुक्त संर्घष समितिले संबिधानसभा घेराउ गरेका छन् । जेठ १३ गतेबाट उनीहरुले संबिधानसभाको सबै नाकाबाट घेराउन शुरु गरेका हुन ।
संविधानसभाको वैठकमा गएका सभासदहरुलाई पहिचानमा आधारित संघीयता निर्माण गरेर मात्रै बाहिर निस्कन दिने लक्ष्यले घेराउ शुरु गरिएको संर्घष्ा समितिका संयोजक परशुराम तामाङले जानकारी दिए ।
आफूहरुको अधिकार सुनिश्चित भएको संविधान नबने यो घेराउमा लागेको जुलुले संविधान जलाउने र अधिकार सहितको संबिधान आए विजय जुलुस मनाउने तामाङले राज्यसत्ता डटकमलाई जानकारी दिए ।
तीन दिने सफल बन्द आयोजना गरेका जनजातिहरुले विभिन्न नाकामा जाति जातिलाई जिम्मेवारी दिएर घेराउन गरेका हुन ।

संविधानसभा घेराउ गर्ने स्थानहरुः
संविधानसभाको उत्तर पट्टी ( सिठ्ठी जुलुस बसेको स्थान) देखि पुरानो बानेश्वर
चोकसम्म शेर्पा स्वायत्त प्रदेश कार्यान्वयन संर्घष समिति, लामा भोटे स्वायत्त
कार्यान्वयन संर्घष समिति र हिमाली क्षेत्रका सबै आदिवासी जनजातिका जातिय
संगठनहरु

मिन भवन ट्रली बसको चोक ः तामसलिङ, किराँत र लिम्बुवान स्वायत्त प्रदेश
कार्यान्वयन संर्घष समिति र पहाडी क्षेत्रका आदिवासी जनजातिका जातिय संगठनहरु
कृष्ण टावर अगाडी नेवाः तमुवान र मगरात स्वायत्त प्रदेश कार्यान्वयन संघर्ष
समिति र पहाडका आदिवासी जनजातिका जातिय संगठनहरु

शंखमूल तर्फको बाटोमा, थरुहट, वल्लो किराँत स्वायत्त प्रदेश कार्यान्वयन
संर्घष समिति, राष्ट्रिय आदिवासी जनजाति महिला महासंघ, अल्पसंख्या सिमान्तकृत
आदिवासी जनजाति सञ्जाल र तराई र भित्री तराईका आदिवासी जनजातिको जातिय
संगठनहरु


तिलिसरा राना गाहा

Last Updated on Saturday, 26 May 2012 09:19

Hits: 771

गैर-आदिवासीलाई आदिवासी बन्ने रहर !


लक्की शेर्पा
एक्काइसौं शताब्दीमा आएर पनि केही समुदायलाई आदिवासी जनजाति बन्न रहर लागेको देख्दा अचम्म लागेको छ । जबकी प्रतिनिधित्वको कुरा गर्दा प्रमुख दलहरु वाहुनकै कब्जामा छ । सबै दलका नेता वाहुन नै छन् । प्रशासनको उच्च तहमा १५ प्रतिशत जातीले ८६ प्रतिशत भन्दा बढी स्थान ओगट्दा पनि ३७ प्रतिशत आदिवासी जनजातिले विरोध गरेका छैनन् । दलीत र मधेशीहरु पनि  खुशी नै छन् ।
नेपाल एकिकरण भएदेखि नै एउटै जातिको हिजीमेनीमा रहनुलाई साँचो अर्थ मै जातीयतामा आधारित देश भन्नुपर्ने हुन्छ । जुन हामीले अहिले अभ्यास गरिरहेका छौं । आदिवासी जनजाति को हुन भन्ने वित्तिकै चेपाङ् र राउटे सबैभन्दा अगाडि आउँछन् ।


(सभासद् शेर्पाद्वारा याहूग्रुप नेपाल नेर्टवर्क फर सस्टेनेबल डेभलपमेन्ट(एनएनएसडी) मा व्यक्त धारणाको सम्पादित अंश )

Last Updated on Thursday, 24 May 2012 09:27

Hits: 797

 हार्दिक श्रध्दाञ्जलि - ज्ञान बहादुर गाहा मगर