A+ A A-

आखिर मध्यरातमा मारियो संविधानसभा


अन्ततस् संविधानसभाको हत्या गरिएकोछ । प्रधानमन्त्रीको १२ बजे मध्यरात्रीको सम्बोधनपछि जनताको भाग्य कोर्न बनाइएको संविधानसभालाई हत्या गरिएकोछ । हत्याका प्रमुख खलनायक बाबुराम भएकाछन् भने साक्षी सबै समूदायहरु बन्नु परेकोछ ।
संविधानसभाबाट संविधान जारी नगरेपछि ३ विकल्पमा छलफल चलाइएकोथियो । तर त्यसमध्ये नयाँ जनादेशमा जाने निर्णय सहित संविधानसभा विघटन गरिएकोछ ।
विहान ११ बजे बस्ने भनि सभासदहरुलाई संविधानसभा भवनमा बोलाइएपनि राती १२ बजेसम्म पनि बैठक बस्न कुनै खबर दिइएन । आखिर जनताको बलमा खडा भएको चार बर्ष लामो अभ्यास गरिएको संविधानसभालाई बेमौत मारिएकोछ । यसमा प्रमुख ३ दलले प्रमुख भूमिका निभाएकाछन् ।

Last Updated on Sunday, 27 May 2012 19:01

Hits: 925

‘हामीले परिवर्तन सहितको संविधान बनाउन सकेनौं । अन्य दलहरुले गर्न दिएनन् ।’ – प्रधानमन्त्री भट्टराई

प्रधानमन्त्री बाबुराम भट्टराईले भर्खर राष्ट्रको नाममा दिएको  सन्देशमा आफुहरुले  अग्रगामी संविधान दिन चाहेपनि अग्रगमन मन नपराउने शक्तिले त्यस्तो संविधान बनाउन नदिएको आरोप लगाएकाछन् । अब त्यस्ता शक्ति र अग्रगामी शक्तिहरुले नयाँ चुनावमा लाग्न चुनौती दिएकाछन् । उनले ७ मंसीरमा गर्न प्रस्ताव गरिएको चुनावमा त्यस्तो प्रतिस्पर्धा गर्न आग्रह गरेकाहुन् ।
उनले मधेसी, जनजाति, दलित , उत्पिीडित क्षेत्रहरुका लागि गर्न चाहेको काम गर्न नसकेको भन्दै माफी मागेकाछन् । आफुहरुले अन्तिम समयसम्म प्रयास गर्दा पनि संविधानसभा बचाउन नसकेको भन्दै यसको दोष अन्य दलहरुमाथि दोष थोपरेकाछन् । उनले अग्रगमनका विरोधी भनेर अन्य दलहरुलाई बारम्बार आरोप लगाएकाछन् ।
सके संविधानसभाबाट संविधान दिने तर त्यसमा सफल नभएपछि सबै विकल्पहरुमा छलफल गर्दा दलका साथीहरुले धोका दिएकोले चुनावमा जानुको विकल्प नरहेको स्पष्टिकरण दिएकाछन् ।
सम्बोधनपछि गरिएको पत्रकार सम्मेलनमा संविधानसभा विघटन भएपनि मन्त्रीमण्डल विघटन नहुने उनको भनाई थियो । अन्तरिम संविधानले यस्तो ब्यवस्था गरेको भट्टराईको स्पष्टोक्ति थियो । दुई तिहाई बहुमतबाट संविधान जारी गर्न सक्ने अवस्था रहेपनि त्यसमा दलहरुले सहयोग नगरेकोले अब आउने चुनावबाट जनताले दुई तिहाई बहुमतले मन परेको दललाई जिताउन अनुरोध गरेकाछन् । उनको सम्बोधन लगत्तै ४ बर्षपछि जनताको भाग्य लेख्न बनाइएको संविधानसभा मृत भएकोछ ।

Last Updated on Sunday, 27 May 2012 18:47

Hits: 852

पौने १२ बजे प्रधानमन्त्रीको सम्बोधन आँउदै


संविधानसभा सकि १५ मिनेट बाँकी छँदा अर्थात पौने १२ बजे प्रधानमन्त्री बाबुराम भट्टराईले देशबासीको नाममा सम्बोधन गर्देछन् । यो सम्बोधन बालुवाटारबाट गरिदैछ ।
प्रधानमन्त्री  अहिले केहि बेरमै राष्ट्रपति कार्यालय जाने भएकाछन, छलफलका लागि ।
प्रमले ुनावको प्रस्ताव गरेपछि राष्ट्रपति कार्यालयमा गई राष्ट्रपतिसंग प्रस्तावमाथि व्रिफिङ गर्नेछन् । तर उनको यो प्रस्तावमै सहमति हुन सकेकोछैन । सहयोगी दलले नै विरोध गरेकाछन् ।

Last Updated on Sunday, 27 May 2012 17:33

Hits: 703

राष्ट्रपतिलाई भेट्न प्रधानमन्त्रीको पछिपछि एमाले र नेकाका नेताहरु

भर्खर जनादेशको प्रस्ताव लिएर राष्ट्रपति कार्यालयतर्फ गएका प्रधानन्त्री भट्टराईको पछि पछि नेका र एमालेका नेताहरु पनि त्यसतर्फ लागेकाछन् ।
संविधानसभामा बैठक नै नबसेको तर बालुवाटार र सिहदरबारमा दलहरुबीच बसेका अनेकन बैठकले केहि निर्णय दिन नसकेपछि अब राष्ट्रपति कार्यालयबाट चमत्कारपूर्ण निर्णय आउने होकि भन्ने आस गरिएकोछ । त्यस्तो चमत्कारको यतिबेला कुरा गरिदैछ । राष्ट्रपति कार्यलयबाट त्यस्तो चमत्कारको आस गरिदैछ ।

Last Updated on Sunday, 27 May 2012 17:48

Hits: 773

प्रधानमन्त्रीको नयाँ चुनावमा जाने प्रस्ताव । तर सहयोगी दलहरु नै विरोधमा

भर्खर बसेको मन्त्रीपरिषद बैठकले संविधानसभाको अर्काे चुनाव गराउने प्रस्ताव प्रधानमन्त्रीले ल्याएकाछन् । यो आकस्मिक रुपमा आएकोछ । प्रस्तावित प्रस्तावमा ७ मंसीरमा त्यस्तो चुनाव गराउने कुरा उल्लेख छ । रुपान्तरित संसदले त्यस्तो चुनाव गर्नेछ । तर यस्तो निर्णय एकतर्फी ल्याइएको भन्दै एमालेबाट बैठकमा सहभागी इश्वर पोख्रेल विरोध गर्दे बैठकबाट बाहिरिएकाछन् । राप्रपाका प्रतिनीधि परसुराम खापुङ पनि बाहिरिएकाछन् । उनी दोश्रो ब्यक्ति हुन् । सरकारको यो ताजा जनादेश लिने निर्णयमा अन्य दलले पनि विरोध गरेको बताइएकोछ ।
अर्काे विकल्प संकटकाल लगाएर संविधान जारी गर्नुपर्नेथियो । तर संकटकाल लगाउने कारकतत्वहरु नदेखिएकोले त्यसमा दलहरु सफल हुन सकेनन् ।
अन्ततः नयाँ जनादेशमा जाने निर्णय गरिएकोछ ।  स्रोतका भनाईमा यसअघि भएका बैठकमा जनजाति, मधेसी प्रतिनीधिहरुले लचकता प्रदर्शन गरेकाथिए । जसरी पनि संविधान जारी गर्ने कुरा थियो । तर त्यसो नगरि यो प्रस्ताव आएकोछ । यद्यपि अझै १ घण्टा बाँकी छ । मन्त्रीपरिषद बैठक चलिरहेकोछ । त्यसमा केहि चमत्कार हुने हो कि होइन त्यो भने हेर्न बाँकी छ ।

Last Updated on Sunday, 27 May 2012 17:18

Hits: 676

Error: No articles to display