A+ A A-

एमालेका जनजाति नेताहरु नयाँ पार्टी गठनका लागि गोप्य बैठकमा



राष्ट्रिय कार्यकर्ता भेला बोलाएर एमालेले पहिचान सहितको संघीयता कुनै हालत अस्विकार गर्ने निर्णय गरेको भोलिपल्टदेखि एमालेका असन्तुष्ट आदिवासी जनजाति नेताहरुले गोप्य बैठक शुरु गरेका छन् । एमाले उपाध्यक्ष अशोक र्राई सहित प्रभावशाली नेताहरुको बैठक असार ६ गते धुलिखेलमा शुरु भएको हो ।

स्रोतका अनुसार बैठकमा नेता राई, पोलिटब्यूरो सदस्यहरु पृथ्वी सुब्बा गुरुङ, विजय सुब्बा, रामचन्द्र झा, राजेन्द्र श्रेष्ठ र केन्द्रीय सदस्य दलबहादुर राना मगर लगायतका नेताहरू सहभागी छन् । भावी रणनीति तय गर्न स्थानीय मिरावेल रिर्र्सोटमा सुरु भएको बैठकमा राष्ट्रिय कार्यकर्ता भेला र सङ्घीयताबारे आएको सुझावलाई छलफलको विषय बनाइएको छ ।


आदिवासी जनजाति र मधेशीले अधिकार मागेर संविधान बन्न नदिएको एमाले अध्यक्षको प्रतिवेदनलाई गम्भिर रुपमा लिएको बैठकमा सहभागी एक नेताले राज्यसत्ता डटकमलाई जानकारी दिए । उनका अनुसार दुइ दिन भित्र ठोस निर्णय आउन सक्ने सम्भावना प्रबल छ । यद्यपि हतारमा निर्णय गरेर फुर्सदमा पछुताउने पक्षमा आफूहरु नरहेको उनको भनाई छ ।

तिलिसरा राना गाहा, काठमाडौं

Last Updated on Wednesday, 20 June 2012 15:01

Hits: 903

कांग्रेसका जनजातिद्वारा पार्टीको सम्पूर्ण कार्यक्रम बहिस्कार !

नेपाली कांग्रेसले आदिवासी जनजातिको पक्षमा सिँको भाँच्ने छाँट नदेखाएपछि आदिवासी जनजाति नेताहरुले पार्टीको सम्पूर्ण कार्यक्रम बहिस्कार गर्ने भएको छ ।  कांग्रेसका प्रभावशाली जनजाति नेताहरुले २ असारमा प्रेस विज्ञप्तिमार्फ काँग्रेसले आयोजना गरेको गाउँ, नगर, क्षेत्र, जिल्ला र केन्द्रीयस्तरका सबै कार्यक्रम बहिस्कार गर्न अपिल गरेका छन् ।
 
आफूहरुले २५ जेठमा पार्टी सभापति सुशिल कोइरालालाई ११ बुँदे माग बुझाएको र सुनुवाई हुने प्रतिबद्धतापछि २६ जेठको कार्यक्रममा सहभागी भएको विज्ञप्तिमा उल्लेख छ । तर सभापति कोइराला र वरिष्ठ नेता शेरबहादुर देउवाले जनजातिको मागको वेवास्ता गरेर अपमानित गरेकाले बहिस्कार गर्ने निर्णय गरिएको हो ।

कांग्रेस नेताहरु इन्द्रबहादुर गुरुङ, नरेन्द्रविक्रम नेम्वाङ, जिपछिरिङ शेर्पा, सीता गुरुङ, उर्मिला थापा मगर लगायतले विज्ञप्तिमा हस्तक्षार गरेका छन् ।

तिलिसरा राना गाहा, काठमाडौ




Last Updated on Sunday, 17 June 2012 03:53

Hits: 1086

हङकङका आदिवासी जनजातिहरुद्धारा दलका आदिवासी नेताहरुलाई पार्टीमा विद्रोह गर्न दवाव

आदिवासी जनजाति महासंघ हंगकंगको विशेष छलफल कार्यक्रममा सहभागी हुने हंगकंगका अधिकांश आदिवासी जनजाति नेताहरुले नेपालका आदिवासी जनजाति नेताहरुलाई अविलम्व नयाँ पार्टी गठ्न गरी आदिवासी जनजातिलाई मुक्ति दिनको लागि आह्वान गरेको छ । एमाले हंगकंग इकाई कमिटीका अध्यक्ष ओम राज सम्वाहाम्फेले पार्टी नेतृत्वले आदिवासी जनजातिलाई अन्तिम समयमा आएर धोका दिएर संविधान सभा विघटन गरेको आरोप लगाए ।

आदिवासी जनजातिको मुक्तिको लागि बाहुनबादी पार्टी एमालेमा बसेर केही नहुने भएकोले आदीबासी जनजाति नेतृत्वले यथाशिध्र नयाँ पार्टी खोली आदिवासी जनजातिको मुक्तिको लागि लड्नु पर्ने बताए ।  त्यस्तै नेपाली काग्रेस समर्थक नेपाली जनसम्र्पक समितिका महामन्त्री बसन्त श्रीनेट मगरले पनि नेपाली काग्रेस नेतृत्वले आदिवासी जनजातिलाई घात गरेकै हो र यसको लागि पार्टी भित्रै बसेर संर्घष गर्नु पर्ने बताए । माओबादीका जे वि ओख्रावोले पनि अन्तिम समयमा आएर पार्टीले धोका दिएकोले भित्र बसेर नै सर्घष गर्नु पर्ने बताए ।

तमुवान मक्ति मोर्चाका अध्यक्ष विष्णु गुरुङले बाहुनबादी नेताहरुले पुस्तौदेखि हामीलाई छल्दै आएकोले हामीहरु सचेत हुनुपर्ने बताए । त्यस्तै राजमुपा समर्थक नेपाली समाज हंगकंगका महासचिब भीम थापा मगरले आहिले सवै पार्टी २१ बर्ष पहिले राजमुपाले लिएको नितिमा आई पुगेकोले अब तिन ठूला दलका आदिवासी जनजाति नेताहरुले पार्टी त्याग गरी एक भएर अगाडि बढनु पर्ने बताए । आदिवासी जनजाति पत्राकार महासंघका अध्यक्ष तथा आदिवासी जनजाति महासंघका पूर्व अध्यक्ष भूपेन्द्र चेम्जोङले पनि बाहुनबादी नेताहरुले धोका दिएको हुनाले एमाले, काग्रेस र माओबादीमा बस्नुको अर्थ नरहेको बताए ।

नेपाल पत्रकार महासंघका अध्यक्ष तथा एभरेष्ट साप्ताहिकका सम्पादक किसन राईले पनि एमाले परित्याग गरेको र अब एमाले लगायत तिन ठूला दलबाट आदिवासी जनजातिको मुक्ति नहने बताए । नरेश सुनुवार, अधिराज राई, हेम तामांग, चन्द्र मादेन, मोति चामलिंग लगायतले बोलेका थिए ।


आदिवासी जनजाति महासंघ हंगकंगका सल्लाहकार भक्त दुराले छलफलको निष्कर्ष निम्न भएको जानकारी गराउदै भने,
१. नेपालमा क्रियाशिल भएको नेपाल आदिवासी जनजाति महासंघ संघर्ष समितिलाई सहयोग गर्नको लागि ४१ सदस्यीय आदिवासी जनजाति संघर्ष सहयोग समिति हंगकंग पनि गठन गरेको छ ।
२. नेपालका आदिवासी जनजाति नेताहरुलाई बाहुनवादी नेतृत्वको पार्टी छोडेर नयाँ पार्टी खोल्न सुझाव दिइनेछ ।
आदिवासी जनजाति महासंघ हंगकंगका अध्यक्ष एम वि थापा मगरको अध्यक्षतामा सम्पन्न उक्त कार्यक्रम महासचिव निमा शेर्पाले सञ्चालन गरेको थिए । हंगकंग तमाङ धेदुङका अध्यक्ष दुर्गा तमाङले स्वागत मन्तब्य दिएका थिए । धन बहादुर थनेट थारु आन्दोलनको क्रममा प्रहरीको गोली लागि घाइते भएका थिए र केहि दिनपछि उपचारको क्रममा शाहदात प्राप्त गरेको हुनाले मृत आत्माको चिर शान्तिको कामना गर्दै आदिवासी जनजातिको महान योद्धाको रुपमा सम्झदै एक मिनट मौन धारण गरी कार्यक्रम शुरु गरीएको थियो । 
  

Last Updated on Friday, 15 June 2012 03:40

Hits: 1092

मानविकी संकायको परिक्षामा उत्तरा थापा मगर भारतमै पहिलो स्थान


१४ जुन २०१२ मा प्रकाशित यसबर्षको मानविकी संकाय  ( Intermediate of Science in Humanities Stream  ) तर्फको परिक्षामा ९८.७५ प्रतिशत अंक ल्याई उत्तरा थापा मगरले भारतमै प्रथम नंवर हासिल गरेकिछन् । दार्जिलिङकि थापा मगर असम भ्याली स्कूल भालिपारा आसामकि विद्यार्थी हुन् ।

 

उनले इतिहास र समाजशास्त्रमा १००– १०० नंबर हासिल गरेकिछन् । शैक्षिक रुपले पारिवारिक पृष्ठभूमी राम्रो भएकी थापा मगरकी बुवा स्वर्गिय नारायण थापा मगर रसायनशास्त्रका प्राध्यापक थिए ।

Last Updated on Friday, 15 June 2012 03:11

Hits: 1354

खस आर्य समाज दुवईमा पनि



दुबई, युएईस्थित नेपालीहरुद्धारा संचालित जातीय, धार्मिक, जिल्ला, अञ्चल, महिला, सामाजिक र भात्रुसंगठनहरु लगभग ८० वटा छन्  । त्यसमा थप अर्काे जातीय संस्था थपिएकोछ  । बाहुन क्षेत्रीहरुले खस आर्य समाज युएई तदर्थ समिति गठन गरेकाछन् । सो तदर्थ समिति गठन गत ८ जुन शुक्रबारका दिन दुबईको एभरेष्ट होटलमा गरेको हो ।
विभिन्न संघ संस्थाहरुका प्रतिनिधि, महिला, समाजसेवी र पत्रकारहरु अतिथि रहेको भेलाको संचालन पत्रकार भुपुराज बस्यालले गरेकाथिए । प्रकाश कोइरालाको शुभकामना मन्तव्यबाट औपचारिक रुपमा थालनी भएको भेलामा चन्द्रप्रसाद सापकोटा, चुडामणि ढकाल, चन्द्र रोकाहा, कृष्ण ढकाल, डीएल शर्मा, अर्चना बस्नेत रोकाहा, भुवानी तिमिल्सिना, कृष्ण भुसाल, शंकर ज्ञवाली र निमिष गिरीले आ–आफ्ना विचार राखेका थिए ।
उक्त भेलाले प्रकाश कोइरालाको संयोजकत्वमा १३ सदस्यीय “खस आर्य समाज युएई” को तदर्थ समिति गठन गरेको छ । जसमा क्रमशः संयोजकमा प्रकाश कोइराला, सहसंयोजकमा भुपुराज बस्याल, गोपाल कंडेल र भुवानी तिमिल्सिना रहेका छन् भने अन्य सदस्यहरुमा भिमकुमार अधिकारी, नारायण शर्मा, सुजना गिरी, यादव अर्याल, दीपक शाह, गितामणि पाण्डे, केदारसिंह नेपाली, पिताम्बर पाण्डे र टेकनाथ खनाल चयन भएका छन् ।
यस समितिले तीन महिनाभित्रमा अझै बृहत् भेलाको आयोजना गरी पूर्ण कार्यसमिति गठन गर्ने भएको छ । प्रवासमा रहेका प्रवासी नेपालीहरुलाई आइपर्ने दुःख र समस्याको समाधान गर्ने हेतुले स्थापना गरेको समितिले युएईस्थित संचालनमा रहेका अन्य संघ संस्थाहरुसंग सहकार्य गर्दै लैजाने प्रतिवद्धता समेत गरेको छ । छिट्टै समिति गठन होस् र समिति गठन भएपछि यस संस्थाले चालेको हरेक कार्यलाई सफलता मिलोस् भन्दै उपस्थित अतिथिहरुले शुभकामना दिएका थिए ।      
    लालबहादुर ढेंगा, दुबई, युएई

Last Updated on Thursday, 14 June 2012 05:10

Hits: 830

Error: No articles to display

मिग मिडिया प्रा.ली द्धारा संचालित

www.rajyasatta.com

सुचना तथा प्रसारण बिभाग

दर्ता नम्बर १६८७/०७६-७७

ठेगाना

ललितपुर १४, ललितपुर

संचालक/प्रधानसम्पादक

हुम बहादुर थापा मगर

मोबाईल ९८४१५९३६०६