A+ A A-

मंसिर ७ मा निर्वाचन गर्न सकिन्न : निर्वाचन अयोग

सरकारले गत जेठ १४ गते राति मंसिर ७ मा निर्वाचन गर्ने घोषणा गरे लगतै निर्वाचनको तयारीमा जुटेको निर्वाचन आयोग भने अब तोकिएको मितिमा निर्वाचन गर्न संभव नभएको बताएको छ ।
कानुनी जटिलता हल गर्न आयोगले सरकारलाई दिएको समय सीमा गत साउन ७ मा सकिएपछि आयोगले निर्वाचन अब मंसिर ७ मै गर्न संभव नभएको बताएको हो । आयोगका आयुक्त आयोदीप्रसाद यादवले तोकिएको समय सीमा भित्र सरकारले कानुनी जटिलता समधान गर्न नसकेकाले पनि निर्वाचन मंसिर ७ मा संभव नभएको बताएका छन् । निर्वाचन आयोगले यस अगाडि पनि राजनीतिक सहमति विना मंसिर ७ मा निर्वाचन गर्न संभव नभएको बताउँदै आएको थियो । यता सरकारले भने निर्वाचनका लागि अध्यावश्यक कानुन संशोधन अध्यादेश मार्फत् गर्नका लागि दुई वटा अध्यादेश राष्ट्रपति समक्ष पेश गरेको छ । अध्यादेशका विषयमा नै  दलहरु बीच व्यापक विवाद कायम रहेका बेला उक्त अध्यादेश पारित हुने वा नहुने विषय अन्यौलतमा परेको छ । तर,सरकार पक्षका कतिपय नेताहरुले समेत मंसिर ७ मा निर्वाचन अहिलेको स्थितिमै गर्न संभव नभएको र त्यसको विकल्पमा सहमति गरि नयाँ मिति तय गर्नु पर्ने बताउन थालेकाले सरकारले गरेको मंसिर ७ को निर्वाचन घोषणा त्यसै तुहिने संभावना बढेर गएको छ ।
(राज्यसत्ता नेपाल व्युरो )

 

 

Last Updated on Sunday, 29 July 2012 02:37

Hits: 833

शेर्पाद्वारा पार्टी परित्याग प्रबासबाट पनि एमालेलाई झटका

केजिनराई, ब्रसेल्सबेल्जियम, जुलाई  २६, संघियताको सवालमा नेकपा एमालेको  दोधारे तथा अस्पष्ट नीतिका कारण र षड्यन्त्रमुलक ढंगले  संबिधान सभाको बिघटन गरिएपछी एमालेबाट  बितृष्णा पैदा भई पार्टी परित्याग गर्ने क्रमले युरोपलाई पनि छाडन सकेन।
 झनै  एमाले प्रबास संगठन लोकतान्त्रिक मन्च पोर्चुगलको अधिबेशनमा नेपालबाट आएका   अतिथी तथा  पार्टी पोलिटब्यूरो सदस्यद्वय भिम रावल र प्रकाश ज्वालाको कार्यक्रममा नेपाल आदिबासी जनजाती महासंघ पोर्चुगलले बिरोध स्वरुप कालो झण्डा देखाइनु र पार्टीबाट राजिनामा आऊनुले एमाले यूरोपलाई अर्को झटका लागेको छ। 
 पोर्चुगलको घटना पश्चात नेताद्वयले जर्मनी ,बेल्जियम ,फ्रान्स, नेदरल्याण्ड  लगायत यूरोपभर गर्ने भनिएको कार्यक्रमहरूको तालिका सार्बजनिक नगरिनु लोकतान्त्रिक मंच युरोपको संगठनमा ब्यापक त्रास उत्पन्न भएको आंकलन गर्न थलिएकोछ।
 यसै सन्दर्भमा नेपाल आदिबासी जनजाती महासंघ बेल्जियमका अध्यक्ष तथा गैर आबासिय नेपाली संघ अन्तराष्ट्रीय समन्बय परिषद  आईसीसी  सदस्य पेम्बा गेल्बु शेर्पाले एमाले लगायतका राजनीतिक पार्टीहरूले जातीय पहिचान सहितको संघियता नस्वीकारे सम्म युरोपभर संघियता बिरोधी नेताहरूको आतिथ्यतामा कार्यक्रमहरू आयोजना गर्न चुनौतिपूर्ण बन्दै गएको बताए ।
 अध्यक्ष शेर्पाकै शब्दहरू दोहोर्याउदै महासंघ बेलायतका महासचिब नरेश काङ्माङ राई ,आदिबासी सयुक्त संघर्ष समिती जर्मनीका सयोजक चाप्चा राई ,एनडीएफ स्पेनका उपाध्यक्ष हेम शेर्पा ,महासंघ पोर्चुगलका पूर्व अध्यक्ष गणेश याखा लगायतले यस समाचारदाता सँगको अनलाईन कुराकानीमा भने हामी अब पछाडी फर्कनेवाला छैनौ । आदिबासी जनजातिको अभियान ;जातिय पहिचान सहितको संघिय संबिधान भन्ने हाम्रो चाहनालाई कुल्चने नेताहरूलाई अब पनि फुलमालाले स्वागत गर्न नसकिने बताए। 
एमालेमा  रहेका पूर्व संबिधानसभा सदस्य र आदिबासी जनजाती महासंघका पूर्व केन्द्रीय अध्यक्ष पासाङ शेर्पाले संबिधानसभा बिघटन लगतै एमालेबाट राजिनामा दिए । जनजाती प्रति एमाले पार्टी नरम नभई    प्रतिसोधको भाबनाले अघि बढेको आङकाजी शेर्पा, अशोक राई ,पुथ्बी सुब्बा गुरुङ, राजेन्द्र श्रेष्ठ ,रामचन्द्र झा,   किरण गुरुङ, बिजय सुब्बा, रकम चेम्जोङ, हेमराज राई ,अजम्बर काङमाङ ,बिर बहादुर लामा ,दलबहादुर राना मगर लगायतलाई गरिएको कारबाही र जिम्मेवारीबाट मुक्त गरिएपछी   आरोप सत्य हुँदै गएपछी प्रबासमा रहेका जनजातीहरू समेत आक्रोशित बनेको उदाहरण  अहिले युरोपमा देखिएको छ ।
पार्टीको मेची अञ्चलको जिम्मेबारीबाट बिदा भएका डेण्डी शेर्पा, पार्टी हङकङ कमिटीबाट किसन राई लगायतले  उही मुद्दाको कारण एमाले परित्याग गरेका हुन । त्यही क्रमले यूरोपलाई पनि अछुतो राख्न नसकेको प्रमाणित लोकतान्त्रिक मन्च स्पेनका उपाध्यक्ष तथा शेर्पा संघ युरोपका महासचिब हेम शेर्पाले गरेका छन ।
उपाध्यक्ष शेर्पाले आज एक बिज्ञप्ती प्रकाशित गरी नेकपा एमालेको भात्री संगठन नेपाली लोकतान्त्रिक मंच, स्पेनको उपाध्यक्ष पदबाट र सो पार्टीको साधारण सदस्यताबाट समेत राजिनामादिएको बताएका छन।
आदिवासी जनजातीको हक अधिकार सुनिश्चितताको बारेमा सकारात्मक अभिव्यक्ति दिन खोज्ने मेरो भित्रि अभिप्राय हुदाहुदै पनि भूलवश पोर्चुगलको एनडीएफको कार्यक्रममा एमालेको समर्थन र जनजातीको खिलाफमा दिएको अभिब्यक्ती  आदिवासी जनजातीमाथि गहिरो चोट पर्ने प्रकृतिको भएको महसुस आफू स्वयंलाई भएको  मेरो उक्त गलत अभिव्यक्तिबाट सम्पूर्ण हाम्रो शेर्पा समुदाय लगायत आम आदिवासी जनजाती समुदायको भावना र मर्ममाथि पर्न गएको गहिरो चोटप्रति आत्मालोचना गर्दै क्षमा चाहन्छु    र भविष्यमा यस्तो गल्ति मबाट कहिल्यै    नदोहोरिने   प्रतिबद्धताब्यक्त गरेका छन।
आफू आवद्ध राजनैतिक पार्टी नेकपा एमाले भित्र रहेर दबाव सिर्जना गरी हाम्रो मुद्दाहरुलाई सम्बोधन गराउने मेरो सोंच थियो तर त्यो भन्दा बढी प्रभावकारी पार्टी बाहिर रहेर आदिवासी जनजाती महासंघको नेतृत्वमा हाल जारी रहेको ऐतिहासिक आन्दोलनमा प्रत्यक्ष सहभागी हुँदा हुने मेरो निष्कर्ष भएकोले म यही विज्ञप्ति मार्फत ने.क.पा.(एमाले) को भात्री संगठन नेपाली लोकतान्त्रिक मंच, स्पेनको मैले सम्हाल्दै आएको उपाध्यक्ष पदबाट र सो पार्टीको साधारण सदस्यताबाट समेत राजिनामा दिएको व्यहोरा अवगत गराउन चाहन्छु। साथै बिगतका दिनमा मैले हामी शेर्पा समुदायको विभिन्न संस्थाको जिम्मेवार पद तथा नेपाल आदिवासी जनजाती विध्यार्थी महासंघको संस्थापक महासचिवमा समेत रही लामो समयदेखि समस्त हाम्रो समुदायको हक, हित र अधिकार प्राप्तिको लागि आफ्नो समय, श्रोत र विवेकले भ्याएसम्म योगदान दिंदै आएको थिएँ र आउदो दिनमा यो कार्यलाई निरन्तर रुपमा अगाडी बढाई नै रहने छु एमाले स्पेनका उपाध्यक्ष हेम शेर्पाले आफ्नो प्रेस विज्ञप्तिमा अगाडी भनेका छन ।

 

 

 

 
प्रेस विज्ञप्ति
 
गत जुलाई २२ तारिख, २०१२ आइतवारको दिन नेपाली लोकतान्त्रिक मंच, पोर्तुगलको दोश्रो अधिवेशनमा शेर्पा संघ, यूरोपको तर्फबाट मैले दिएको मन्तव्यमाथि विभिन्न संचार माध्यमहरुमा प्रकाशित समाचारमाथि मेरो ध्यानाकर्षण भएको छ। उक्त कार्यक्रममा बोल्ने क्रममा हामी आदिवासी जनजातीको हक अधिकार सुनिश्चितताको बारेमा सकारात्मक अभिव्यक्ति दिन खोज्ने मेरो भित्रि अभिप्राय हुदाहुदै पनि बोल्दै जाने क्रममा केहि शब्दहरु भूलवश: हामी आदिवासी जनजातीमाथि गहिरो चोट पर्ने प्रकृतिको भएको महसुस आफू स्वयंलाई भएको छ। मेरो उक्त गलत अभिव्यक्तिबाट सम्पूर्ण हाम्रो शेर्पा समुदाय लगायत आम आदिवासी जनजाती समुदायको भावना र मर्ममाथि पर्न गएको गहिरो चोटप्रति आत्मालोचना गर्दै क्षमा प्रार्थी चाहन्छु र भविष्यमा यस्तो गल्ति मबाट कहिल्यै नदोहोरिने प्रतिबद्धता यही विज्ञप्ति मार्फत व्यक्त गर्न चाहन्छु। 

आफू आवद्ध राजनैतिक पार्टी ने.क.पा.(एमाले) भित्र रहेर दबाव सिर्जना गरी हाम्रो मुद्दाहरुलाई सम्बोधन गराउने मेरो सोंच थियो तर त्यो भन्दा बढी प्रभावकारी पार्टी बाहिर रहेर आदिवासी जनजाती महासंघको नेतृत्वमा हाल जारी रहेको ऐतिहासिक आन्दोलनमा प्रत्यक्ष सहभागी हुँदा हुने मेरो निष्कर्ष भएकोले म यही विज्ञप्ति मार्फत ने.क.पा.(एमाले) को भात्री संगठन नेपाली लोकतान्त्रिक मंच, स्पेनको मैले सम्हाल्दै आएको उपाध्यक्ष पदबाट र सो पार्टीको साधारण सदस्यताबाट समेत राजिनामा यही विज्ञप्ति मार्फत दिएको व्यहोरा यहाँहरु समक्ष अवगत गराउन चाहन्छु। साथै बिगतका दिनमा मैले हामी शेर्पा समुदायको विभिन्न संस्थाको जिम्मेवार पद तथा नेपाल आदिवासी जनजाती विध्यार्थी महासंघको संस्थापक महासचिवमा समेत रही लामो समयदेखि समस्त हाम्रो समुदायको हक, हित र अधिकार प्राप्तिको लागि आफ्नो समय, श्रोत र विवेकले भ्याएसम्म योगदान दिंदै आएको थिएँ र आउदो दिनमा यो कार्यलाई निरन्तर रुपमा अगाडी बढाई नै रहने छु भन्ने हार्दिक प्रतिबद्धता व्यक्त गर्न चाहन्छु।

अन्तमा, मेरो यो विज्ञप्ति यहाँहरुको लोकप्रिय संचार मध्यमहरुमा सम्प्रेषण गरिदिनु भै हामी आदिवासी जनजातीहरुको मागलाई पूरा गराउने सवालमा सहयोग गरिदिनु हुन सम्पूर्ण पत्रकार मित्रहरुलाई हार्दिक अनुरोध गर्न चाहन्छु।

हेम शेर्पा
(महासचिव)
शेर्पा संघ, यूरोप।
मिति: २६ जुलाई, २०१२

Last Updated on Sunday, 29 July 2012 02:41

Hits: 1479

सेना समायोजनमा पनि जनजातिमाथि विभेद

 

मगर बस्तीमा युद्ध लडेर ठूलो पार्टी बनेको एमाओवादीले लडाकु समायोजनमा जाने क्रममा भने मगर वा अन्य जनजातिलाई विश्वास गरेन ।  नेपाली सेनामा समयोजन हुन लागेको लडाकुको नेतृत्व प्रतीक्षा उपनाम भएका यमबहादुर अधिकारीले गर्ने भएका छन् । एमाओवादी अध्यक्ष पुष्पकमल दाहाल र सेना समायोजन विशेष समितिका संयोजक समेत रहेका प्रधानमन्त्री बाबुराम भट्टराईको ठाडो निर्देशनमा वाहुनकै नेतृत्वमा समायोजनमा पठाउन लागिएको स्रोतले बताएको छ ।

सात मध्ये पहिलो डिभिजन कमाण्डर रहेका अधिकारीलाई नेपाली सेनामा फूल कर्णेल बनाउने प्रस्ताव गरिएको छ ।  डिभिजन कमाण्डर तहका कुनै पनि जनजातिले यो अवसर नपाउने १०० प्रतिशत पक्का भईसकेको छ । दुई लेफ्टिनेन्ट कर्णेल मध्ये पनि एक जना अनिवार्य बाहुन समुदायबाट पठाउने तयारी भईरहेको छ । तेस्रो डिभिजनका सहायक कमाण्डर रहेका पावेल उपनामका बासुदेव घिमिरेलाई लेफ्टिनेन्ट कर्णेल बनाइने भएको छ ।

गएको चैतमा २७६४ लडाकुलाई सेनामा प्रवेश गराउने भएपछि उच्चतहमा वाहुन क्षेत्रीलाई पठाउन एमाओवादी हेडक्वार्टरले कसरत गरेको हो । २६ मेजर, ४९ क्याप्टेन, ३० लेफ्टिनेन्ट, २० सुबेदार र ७५ जनालाई जमदार बनाउने प्रस्ताव गरिएको छ । माथिल्लो तहका यि सबै दर्जामा जाने अधिकांश वाहुन क्षेत्री समुदायका छन् । उनीहरु बाहेकलाई विरोध हुने डरले मात्रै सामेल गराए जस्तो देखिन्छ ।

एमाओवादी महासचिव रामबहादुर थापा, स्थायी समिति सदस्य तथा जनजाति विभागका देव गूरुङ, पोलिटब्यूरो सदस्य खड्गबहादुर विश्वकर्मा, केन्द्रीय सदस्य तथा अनेम संघ क्रान्तिकारीकी अध्यक्ष जयपुरी घर्ति, दलित मुक्ति मोर्चाका तिलक परियारहरु दाहाल र भट्टराईले जनमुक्ति सेनालाई आत्मसर्मपण गराएको भन्दै मोहन वैद्यको नेकपा-माओवादीमा लागी सकेका छन् । राजधानीमा सम्पन्न सातौं विस्तारित बैठकमा शिविरको आर्थिक अनियमिततामा केन्द्रीय नेताहरुको समेत हात रहेको भनेर बैठकअवरुद्ध हुँदा पनि यो विषयमा चर्चा समेत भएन ।
 
एमाओवादी शान्ति प्रकि्रयामा आउनु भन्दा पहिला दुई मगर र दुई बाहुन लडाकुको डिप्युटी कमाण्डर थिए । माओवादी लडाईलाई नजिकबाट नियालीरहेकी जापानी पत्रकार कियोकी ओगुराका अनुसार लडाईकालमा मारिने मध्ये आधा भन्दा बढी मगर समुदायका थिए । सैन्य विभागमा सबैभन्दा बढी योगदान गरेका रामबहादुर थापाको बर्हिगमनपछि मगरलाई दिन लागेको सबैभन्दामाथिल्लो पद मेजर हो ।
 
तिलिसरा राना, काठमाडौं
 

Last Updated on Saturday, 21 July 2012 17:41

Hits: 1639

एमालेले नेताहरुबाट एमालेकै विरोध

नेकपा एमाले उपाध्यक्ष अशोक राईले आफ्नो पार्टी नेतृत्व यथास्थितिवादी र दक्षिणपन्थीसँग मोर्चाबन्दी गरेर हिँडेको बताएका छन् । एमालेसम्बद्ध नेपाल लोकतान्त्रिक आदिवासी जनजाति महासङ्घ कास्कीले साउन ९ गते वर्तमान परिस्थिति पार्टी नीति र आदिवासी जनजातिहरुको भूमिका विषयक अन्तकिर््रयामा  उनले यस्तो धारणा राखेका हुन् ।

संविधान निर्माणको कार्य ९५ प्रतिशत सम्पन्न भएर  पनि एमाले र कांग्रेसका कारण संविधान बन्न नसकेको राईको भनाई थियो । जातीय पहिचानसहितको संविधानको पक्षमा ३२० भन्दा बढी सभासद्को हस्ताक्षर भइसकेको अवस्थामा एमालेले अन्तिममा आएर धोका दिएको उनको भनाई थियो ।
 
एमाले पोलिटब्युरो सदस्य पृथ्वीसुब्बा गुरुङले नेपालमा जनजाति विरोधी पार्टीको भविष्य नभएको धारणा राखे । अर्को पोलिटब्यूरो सदस्य रामचन्द्र झाले एमालेमा अन्तरपार्टी सङ्घर्ष सुरु भईसकेको तथा जनजाति नेताहरुको माग सम्बोधन नभए नयाँ पार्टी गठन हुने उल्लेख गरे । एमाले केन्द्रीय सदस्य वीरबहादुर लामा, किरण गुरुङ, राजेन्द्र श्रेष्ठ, रिजवान अन्सारी, तुलबहादुर गुरुङले संघीयता विरोधहरुको दिन सकिएको टिप्पणी गरे ।

Last Updated on Tuesday, 24 July 2012 17:14

Hits: 837

एमालेको कारवाहीले नयाँ शक्ति निर्माणको बाटो स्पष्ट भयो-विजय सुब्बा


नेकपा एमाले पोलिटब्यूरो सदस्य विजय सुब्बाले संघीयताका पक्षधर आदिवासी जनजाति र मधेशी नेताहरुलाई एमाले संस्थापनको कारवाहीले नयाँ शक्ति निर्माणका लागि बाटो स्पष्ट भएको बताए । आफूहरु यसको तयारीमा लागि सकेको पनि उनले खुलासा गरे । साउन ३ गते एमालेका बाहुन क्षेत्रीहरु मात्रै सम्मिलित स्थायी समितिको बैठकले आदिवासी जनजाति र मधेशी नेताको जिम्मेवारी खोसेको सन्दर्भमा  सुब्बाले यस्तो प्रतिकि्रया दिएका हुन ।

एमालेका जनजाति नेताको जिम्मेवारी खोसेर वाहुन क्षेत्रीलाई

साउन ५ गते राज्यसत्ता डटकमसँग विशेष कुराकानी गर्दै सुब्बाले एमालेका शीर्ष नेताहरुको संकीर्ण सोच र जातीय हुंकारका कारण आफूहरुमाथि कारवाही भएको बताए । यसअघि अनुशासन आयोगको नाममा लिखित बयान मागेर पहिलो कारवाही गरिसकेको एमालेले विभागीय जिम्मेवारीबाट हटाएर आफूहरुलाई दोस्रो कारवाही गरेको उनको भनाई छ ।

महाधिवेशनबाट निर्वाचित केन्द्रीय सदस्यलाई स्थायी समितिले कारवाही गर्न नमिल्ने भएकाले मात्रै आफूहरुलाई विभागीय जिम्मेवारीबाट मात्रै हटाएको सुब्बाले जानकारी दिए । कारवाहीको उद्देश्य पार्टीबाट हटाउनु नै रहेको उनको बुझाई छ ।

तिलिसरा राना, काठमाडौं  

 

Last Updated on Friday, 20 July 2012 13:40

Hits: 1423

 हार्दिक श्रध्दाञ्जलि - भिमी देवी राना

मिग मिडिया प्रा.ली द्धारा संचालित

www.rajyasatta.com

सुचना तथा प्रसारण बिभाग

दर्ता नम्बर १६८७/०७६-७७

ठेगाना

ललितपुर १४, ललितपुर

संचालक/प्रधानसम्पादक

हुम बहादुर थापा मगर

मोबाईल ९८४१५९३६०६