A+ A A-

सेना समायोजनमा पनि जनजातिमाथि विभेद

 

मगर बस्तीमा युद्ध लडेर ठूलो पार्टी बनेको एमाओवादीले लडाकु समायोजनमा जाने क्रममा भने मगर वा अन्य जनजातिलाई विश्वास गरेन ।  नेपाली सेनामा समयोजन हुन लागेको लडाकुको नेतृत्व प्रतीक्षा उपनाम भएका यमबहादुर अधिकारीले गर्ने भएका छन् । एमाओवादी अध्यक्ष पुष्पकमल दाहाल र सेना समायोजन विशेष समितिका संयोजक समेत रहेका प्रधानमन्त्री बाबुराम भट्टराईको ठाडो निर्देशनमा वाहुनकै नेतृत्वमा समायोजनमा पठाउन लागिएको स्रोतले बताएको छ ।

सात मध्ये पहिलो डिभिजन कमाण्डर रहेका अधिकारीलाई नेपाली सेनामा फूल कर्णेल बनाउने प्रस्ताव गरिएको छ ।  डिभिजन कमाण्डर तहका कुनै पनि जनजातिले यो अवसर नपाउने १०० प्रतिशत पक्का भईसकेको छ । दुई लेफ्टिनेन्ट कर्णेल मध्ये पनि एक जना अनिवार्य बाहुन समुदायबाट पठाउने तयारी भईरहेको छ । तेस्रो डिभिजनका सहायक कमाण्डर रहेका पावेल उपनामका बासुदेव घिमिरेलाई लेफ्टिनेन्ट कर्णेल बनाइने भएको छ ।

गएको चैतमा २७६४ लडाकुलाई सेनामा प्रवेश गराउने भएपछि उच्चतहमा वाहुन क्षेत्रीलाई पठाउन एमाओवादी हेडक्वार्टरले कसरत गरेको हो । २६ मेजर, ४९ क्याप्टेन, ३० लेफ्टिनेन्ट, २० सुबेदार र ७५ जनालाई जमदार बनाउने प्रस्ताव गरिएको छ । माथिल्लो तहका यि सबै दर्जामा जाने अधिकांश वाहुन क्षेत्री समुदायका छन् । उनीहरु बाहेकलाई विरोध हुने डरले मात्रै सामेल गराए जस्तो देखिन्छ ।

एमाओवादी महासचिव रामबहादुर थापा, स्थायी समिति सदस्य तथा जनजाति विभागका देव गूरुङ, पोलिटब्यूरो सदस्य खड्गबहादुर विश्वकर्मा, केन्द्रीय सदस्य तथा अनेम संघ क्रान्तिकारीकी अध्यक्ष जयपुरी घर्ति, दलित मुक्ति मोर्चाका तिलक परियारहरु दाहाल र भट्टराईले जनमुक्ति सेनालाई आत्मसर्मपण गराएको भन्दै मोहन वैद्यको नेकपा-माओवादीमा लागी सकेका छन् । राजधानीमा सम्पन्न सातौं विस्तारित बैठकमा शिविरको आर्थिक अनियमिततामा केन्द्रीय नेताहरुको समेत हात रहेको भनेर बैठकअवरुद्ध हुँदा पनि यो विषयमा चर्चा समेत भएन ।
 
एमाओवादी शान्ति प्रकि्रयामा आउनु भन्दा पहिला दुई मगर र दुई बाहुन लडाकुको डिप्युटी कमाण्डर थिए । माओवादी लडाईलाई नजिकबाट नियालीरहेकी जापानी पत्रकार कियोकी ओगुराका अनुसार लडाईकालमा मारिने मध्ये आधा भन्दा बढी मगर समुदायका थिए । सैन्य विभागमा सबैभन्दा बढी योगदान गरेका रामबहादुर थापाको बर्हिगमनपछि मगरलाई दिन लागेको सबैभन्दामाथिल्लो पद मेजर हो ।
 
तिलिसरा राना, काठमाडौं
 

Last Updated on Saturday, 21 July 2012 17:41

Hits: 1498

एमालेको कारवाहीले नयाँ शक्ति निर्माणको बाटो स्पष्ट भयो-विजय सुब्बा


नेकपा एमाले पोलिटब्यूरो सदस्य विजय सुब्बाले संघीयताका पक्षधर आदिवासी जनजाति र मधेशी नेताहरुलाई एमाले संस्थापनको कारवाहीले नयाँ शक्ति निर्माणका लागि बाटो स्पष्ट भएको बताए । आफूहरु यसको तयारीमा लागि सकेको पनि उनले खुलासा गरे । साउन ३ गते एमालेका बाहुन क्षेत्रीहरु मात्रै सम्मिलित स्थायी समितिको बैठकले आदिवासी जनजाति र मधेशी नेताको जिम्मेवारी खोसेको सन्दर्भमा  सुब्बाले यस्तो प्रतिकि्रया दिएका हुन ।

एमालेका जनजाति नेताको जिम्मेवारी खोसेर वाहुन क्षेत्रीलाई

साउन ५ गते राज्यसत्ता डटकमसँग विशेष कुराकानी गर्दै सुब्बाले एमालेका शीर्ष नेताहरुको संकीर्ण सोच र जातीय हुंकारका कारण आफूहरुमाथि कारवाही भएको बताए । यसअघि अनुशासन आयोगको नाममा लिखित बयान मागेर पहिलो कारवाही गरिसकेको एमालेले विभागीय जिम्मेवारीबाट हटाएर आफूहरुलाई दोस्रो कारवाही गरेको उनको भनाई छ ।

महाधिवेशनबाट निर्वाचित केन्द्रीय सदस्यलाई स्थायी समितिले कारवाही गर्न नमिल्ने भएकाले मात्रै आफूहरुलाई विभागीय जिम्मेवारीबाट मात्रै हटाएको सुब्बाले जानकारी दिए । कारवाहीको उद्देश्य पार्टीबाट हटाउनु नै रहेको उनको बुझाई छ ।

तिलिसरा राना, काठमाडौं  

 

Last Updated on Friday, 20 July 2012 13:40

Hits: 1319

डिआईजी पार्वती थापा मगरलाई नखाको विष लाग्यो

राज्यसत्ता नेपाल ब्यूरो, २७ असारमा कान्तिपुरमा प्रतिमा वास्तोलाले लेखेको डिआइजी पार्वती थापा मगरले एक महिला प्रहरीलाई दुई थप्पड चड्काएको समाचारले निकै हल्लाखल्ली मच्चियो । धेरैले पार्वतीलाई सत्तोसराप गरे । यथार्थ के हो र सुरक्षाक्षेत्रको संवेदनशीलतमा यस्ता घट्नाको अर्थ र महत्तो के हुन्छ भन्ने बारेमा कसैले दिमाग खियाउन खोजेको देखिएन । भोलिपल्ट पुनः त्यहि समाचारमा ३ थप्पड दिएको समाचार ब्यावसायिकताको हरेराम जप्ने त्यहि पत्रिकामा प्रकाशित गरियो । संचार जगतको विश्वब्यापीकरणमा निमेषमै विश्वभर फैलिएको यो खबर प्रायोजित थियो या साचों थियो भन्ने कुरा हाम्रा निम्ति उत्सुकताको विषय थियो । त्यसैले नेपाल स्थित हाम्रा संवाददाताको फोन पार्वती थापाको मोबाईलमा बज्यो । अन्र्तवार्ताको क्रममा उनले जे भनिन् त्यसको स्वरुप नै ९० डिग्रीले फरक पाइयो।
त्यसदिन मध्यपश्चिममा कार्यरत डिआईजी थापा मगर आफ्नो छोटो विदा सकाएर हाजिर दिन कर्मथलो नेपालगन्ज हानिदै थिईन । कार्यालय समयमा त्यसै त काठमाण्डुको ट्राफिक त्यसमाथि हतार । उनी यथासक्य गन्तब्यमा पुग्न हतार हतार त्रिभुवन विमानस्थलतर्फ जादैंथिईन । त्यहाँ डोमेस्टिक एयरपोर्टको मुख्य गेटमा रहेका एक प्रहरी जवानलाई आफ्नो परीचय दिई भित्र पसिन् । ति जवानले उनलाई एउटा कड्केदार स्यालुट पनि ठोके । भित्र बोडिङ पास लिई सुरक्षा जाँच गर्ने गेटमा जसै पुगेकि थिईन उनले एउटा अनपेक्षित ब्यवहारको सामना गर्नुपरयो ।
भित्र छिर्ने क्रममा गेटमा खटिएकी महिला प्रहरीलाई थापाले अघि जस्तै आफु डि आई जी पार्वती थापा भनेर चिनाईन । तर ति महिला प्रहरीले न त अभिभादन गर्ने आवश्यकता ठानिन् न कुनै प्रतिक्रिया दिईन । कुनै सिस्टता पालना नगरेकि ति महिला प्रहरीलाई  फेरी भनेका रहेछन म डी आइ जी पार्बती थापा मगर ।  म अलिक हतारमा छु तेस्यैले अलि छिटो गर त बहिनी, तर तीन चोटी सम्म भन्दा पनि नटेरेर अनोठो व्यबहार गर्न थालेपछि थापाले प्रहरी जस्तो गरिमामय  सेवाको काम कर्तब्य र सिस्टता साथै जिम्मेवारी सम्वन्धी जानकारी गराएछिन ।  साथै तिम्रो यस्तो अभद्र व्यबहार प्रती म तिम्रो हाकिमलाई खबर गरेर कारबाही गर्न लगाउछु भनि दिएछिन र हतारिदै उनि आफ्नो गन्तब्य तिर लागेछिन ।
भोलिपल्ट नेपालगन्जमा समाचार पढेपछि त उनी झसंग  हुन पुगेछिन ।  गर्दे नगरेको कामको बारेमा समाचार प्रकाशित भएपछि उनी तीन छक्क पर्नु स्वभाविक पनि हो । राज्यसत्ताको फोनवार्ताको क्रममा उनले खुलस्त त बताउन चाहिनन् तर उनलाई आफुमाथि गरिएको सुनियोजित षड्यन्त्र हो कि भन्ने उनको संकेतबाट बुझिन्थ्यो  ।  किनकी कारण पनि थियो । सुन्तली धामीका अभियुक्तलाई बचाउन स्वंय तत्कालिन गृहमन्त्री भीम रावल लागेपछि उनी स्वंय गृहमन्त्रीकै विरुद्धमा खडा भएकि थिइन । त्यतिबेला कार्वाहीको प्रवाह नगरिकनै उनले अन्यायको विरुद्ध आवाज उठाएकि थिईन । कही कतै पार्बतीलाई त्यहि बेलाको बदला लिन खोजिएको त होइन ? जसले पनि अनुमान लगाउन सक्ने कुरा हो ।
 फेरि केहि समयभित्रै उनी बढुवा हुने रोलक्रममा छिन् । कतै त्यहाँ पो षड्यन्त्र गरिन थालिएको त होईन भनेर सोच्न सक्ने ठाउँ प्रसस्त छ । किनभने जनजाति आन्दोलनले अत्तालिएको सत्ताका पहरेदारहरुले जनजाति मुलकालाई माथि जान नदिन अनेकन प्रपन्च गर्ने गरेका छन् । प्रहरी प्रमुखमा जाने निश्चित भैसकेका कुवेर राना मगर विरुद्ध पनि अनेकन षड्यन्त्र हुँदै गरेको हामी सबैलाई थाहा भएकै कुरा हो । किनभने पार्बतीलाई बेइज्जत गराउन एउटा जनजाति दराई चेली नै अगाडि राखिदिएपछि फलामले फलाम काट्न यस्तो गरिएको एउटा सुनियोजित घट्ना होकि भनेर सङ्का गर्न सकिन्छ ।  किनकी जनजातिहरुको मनोबल फुस्काउन सधैं जनजातिहरुलाई नै प्रयोग गर्दै आएको  चलन कुनै नौलो होईन ।
सामान्य अवस्थामा पनि एउटा प्रहरीले नेपाल प्रहरीमा भएका, मात्र दुई जना महिला डिआईजी मध्ये पार्वतीलाई देख्नासाथ चिन्नु पर्थ्यो । चिन्नैपर्छ । प्रहरी जस्तो इन्टेलिजेन्स सङ्ठनमा यतिको ठुलो लापर्वाही यदि अन्य देशमा भएको भए त्यस्ता कर्मचारी लाई तु बर्खास्त गरिन्छ । प्रहरी विभाग जस्तो अनुशासनमा चल्ने संस्थाको कर्मचारीबाट यो स्तरको गैरजिम्मेवारीपना देखाउने ति महिला प्रहरीलाई कार्वाही गराउने माग गर्नुको साटो केहि ब्यक्तिहरु उनको पक्षमा लाग्नु झन उदेक लाग्दो देखिन्छ । उनले थप्पड नै नहानेकोमा थप्पड हानेको कुरा किन गरिन त साचै नै रहस्यमय देखिन्छ । चिनेर पनि नचिनेको जस्तो अभिनय गर्न लगाएको हुन सक्छ, परिचय दिदा पनि केहि पनि गर्न पर्दैन भनेर सिकाइएको हुनु पर्छ । साथै बहकाबमा आउन सोझो दराइलाई कडा दवाब दिएको हुनु पर्छ र त्यस्तै लाग्दछ । त्यसैले प्रहरी जस्तो मायार्दित पेशालाई अनुशासनले सुसस्जित गरौ, ‘ कसैको बहकाउमा नलागी झुठ नबोलौ । प्रहरी पेशालाई मर्यादित बनाऔं । चाकरी हैन कर्तब्यको पालना गरौं । प्रहरीको कर्तब्यलाई सम्मानित बनाऔं । यसैमा सबैको र देशकै कल्याण हुनेछ

Last Updated on Tuesday, 09 October 2012 15:32

Hits: 2736

एमालेका जनजाति नेताको जिम्मेवारी खोसेर वाहुन क्षेत्रीलाई

आदिवासी जनजाति, दलित र मधेशी समुदायका लागि अधिकार मागेको भन्दै एमालेले जनजाति नेताहरुको जिम्मेवारी खोसेको छ । साउन ३ गते एमाले मुख्यालय मदननगर बल्खुमा बसेको स्थायी समिति बैठकले पार्टी उपाध्यक्ष अशोक राईलगायतले सम्हाल्दै आएको जिम्मेवारी खोसेको हो । बैठकमा एकमात्र गैर-वाहुन सदस्य अशोक राई भने उपस्थित थिएनन् ।
 
पार्टी उपाध्यक्ष अशोक राईलाई मोर्चा-संगठनको संयोजकबाट हटाएर सचिव शंकर पोखरेल ल्याएको छ । जातीय पहिचान सहितको संघीयताको पक्षमा उभिएको भन्दै पृथ्बी सुब्बा गुरुङलाई लोकतान्त्रिक आदिवासी जनजाति महासंघको संयोजकबाट हटाएर रघुबीर महासेठ ल्याइएको छ । मधेशी समुदायका महासेठलाई जवरजस्ती आदिवासी जनजातिको नेता बनाइएको छ ।
 
पोलिटब्यूरो सदस्य विजय सुब्बालाई हटाएर सांस्कृतिक मञ्चमा संघीयता विरोधी प्रदीप नेपाललाई ल्याइएको छ । संघीयता विरोधी भएकै कारणले शिक्षा मन्त्री भएको बेलामा चुनाव लड्दा पनि प्रदीप नेपाल काठमाडौं १ बाट हारेका थिए । समावेशी विभागको नेतृत्व किरण गुरुङबाट खोसेर उर्मिला अर्याललाई दिइएको छ । रकम चेम्जोङलाई पदच्यूत गरेर बुद्धिजिवि विभागमा गोकर्ण विष्टलाई नेता बनाइएको छ ।

एमालेले जनजाति विभागमा मधेशी समुदायका महासेठलाई दिएको वाहेक बाँकी सबै जनजातिको पद खोसेर क्षेत्री र वाहुनले भाग लगाएका छन् । जनजाति र मधेशी नेताहरुसँग असार २१ गते एमाले अनुशासन आयोगले लिखित बयान मागेको थियो । समुदायगत अधिकार मागेको निहुँमा जनजाति र मधेशी नेताहरुलाई कारवाही गरेपनि यसअघि पदका लागि लविङ गर्दा पनि वामदेव गौतमलगायत कसैलाई पनि कारवाही गरेको थिएन । आदिवासी जनजाति र मधेशी नेताहरुले संविधानसभा पुनर्स्थापना गरेर संविधान बनाउनु पर्ने माग गरेपछि स्थायी समिति बैठकले कुनै पुनर्स्थापना नगर्ने निर्णय गरेको छ ।
 
तिलिसरा राना, काठमाडौं

Last Updated on Thursday, 19 July 2012 13:06

Hits: 1319

पार्टीमा आत्मसमर्पण गरिदैनः अशोक राई

 

नेकपा एमाले उपाध्यक्ष अशोक राईले आफूहरुले पार्टी सस्थापनसँग आत्मर्समर्पण नगर्ने बताएका छन् । एमालेसम्बद्ध नेपाल लोकतान्त्रिक आदिवासी जनजाति महासङ्घ उपत्यका समन्वय कमिटीले २९ असारमा काठमाडौंमा आयोजना गरेको अन्तरक्रिया कार्यक्रममा बोल्दै उनले हिम्मत भए कारवाही गरेर देखाउन एमाले अनुशासन आयोगलाई चुनौति दिएका हुन । अघिल्लो साता एमाले अनुशासन आयोगले अधिकारका लागि वकालत गरेको भन्दै आदिवास जनजाति र मधेशी नेताहरुसँग लिखित बयान मागेका थिए ।

पार्टी नेतृत्वप्रति निकै आलोचक देखिएका र्राईले नयाँ पार्टी गठन गर्ने वा अन्य तरिकाले आदिवासी जनजातिको अधिकार सुनिश्चित गराउने भन्ने विषयमा भने केही बताएनन् । जनजाति र मधेशी नेताहरुलाई बस्ने वातावरण नबनाए बढी घाटा एमालेलाई नै हुने र्राई भनाई थियो ।

एमाले पोलिटब्यूरो सदस्य पृथ्वीसुब्बा गुरुङले पार्टीको आठो महाधिवेशनले जनजातिको अधिकारको पक्षमा कुरा उठाएको भए पनि त्यसलाई कार्यान्वयन गर्ने बेलामा नेताहरुले धोखा दिएको बताए । बल्खु दरबार धोकेबाज भएको गुरुङको टिप्पणी थयो ।

एमालेका युवा नेता अजम्बर काङबाङ र्राईले भने असन्तुष्ट जनजाति र मधेशी नेताहरुले वार कि पारको निर्णय लिन नसकेको भन्दै कडा विरोध जनाए ।

कार्यक्रममा रकम चेम्जोङ्, गोपाल ठाकुर, मङ्गलसिद्धी मानन्धर, रिजवन अन्सारी, राजेन्द्र श्रेष्ठ लगायतका नेताहरुले बाहुन नेतृत्वबाट पिछडिएका समुदायको मुक्ति असम्भव रहेको धारणा राखेका थिए । उपत्यका समन्वय कमिटीका अध्यक्ष रामकुमारी महर्जनले सबै समुदायको अधिकार ग्यारेन्टी गर्न नसक्ने पार्टी, पार्टी गरहने बताए ।

तिलिसरा राना गाहा, काठमाडौं

Last Updated on Saturday, 14 July 2012 13:48

Hits: 968

Error: No articles to display