A+ A A-

International: Indigenous Voices In Asia-Pacific

International: Indigenous Voices In Asia-Pacific - Identifying The Information And Communication Needs Of Indigenous Peoples

बिस्तृत जानकारीको लागि यहाँ क्लिक गर्नुहोस

 

Last Updated on Sunday, 09 September 2012 03:35

Hits: 773

एमाले भित्रका जनजाति नेताहरुको पहलमा नयाँ पार्टी जन्मिदै

एमाले भित्रका असन्तुष्ट जनजाति नेताहरु आफ्ना ९ बुदेँ माग सम्बोधन गर्न नेतृत्वले चासो नदेखाएको  भन्दै उक्त माग एमालेबाट सम्बोधन हुने संकेत नमिलेपछि नयाँ पार्टी गठनका लागि जुटेको बताएका छन् । जनजाति नेताहरुले आगामी दुई हप्ता भित्र नयाँ पार्टी गठन गर्न गरि काम सुरु गरेको स्रोतले बतायो । पार्टीको घोषणा पत्र राजनीतिक विचार धारा र विधान तयार गर्न छलफल भैरहेको छ । नयाँ दलको तयारी पूरा भए लगतै एमाले भित्रका असन्तुष्ट जनजाति नेताहरुले सामूहिक राजीनामाको योजना बनाएको बुझिएको छ । तर एमाले भित्रैका केही जनजाति नेताहरु भने एमालेमा  बस्ने निर्णय गरेका छन् । पृथ्वी सुब्वा गुरुङ, दलबहादुर राना लगायतका नेताहरु एमाले भित्रै बसेर आफ्ना मुद्धालाई उठाइरहने बताए । राजेन्द्र श्रेष्ठ, विजय सुब्वा, अजम्बर काम्वाहङ राई र अशोक राई समेतका नेताहरु भने नयाँ पार्टी निर्माणका लागि जुटेका छन् । एमाले उपाध्यक्ष अशोक राई  र रामचन्द्र झालाई मुख्य जिम्मेवारी दिएर पार्टी खोलिने स्रोतले बतायो ।  उनीहरुले नयाँ पार्टीको नाम संघीय समाजवादी पार्टीको प्रस्ताव गरेका छन् । यस अगाडि एमाले परित्याग गरेका र केही अन्य जनजाति अधिकारवादीहरुद्धारा छिट्टै सार्वजनिक गर्ने तयारीमा रहेको नयाँ पार्टीमा  उनीहरु नजाने निश्चित भएको छ । पार्टीको घोषणा पत्र र नाम यस अगाडि नै सार्वजनिक भएको उक्त पार्टी निर्माणलाई अन्तिम रुप दिन कार्यदल मार्फत् काम भैरहेको छ । कार्यदलका संयोजक डा. चैतन्य सुब्वाका अनुसार आगामी असोज १६ मा नयाँ पार्टी पूण आकारमा घोषणा हुने छ । तर एमाले छाड्ने तयारीमा रहेका जनजाति नेताहरु उक्त पार्टीमा नजाने भएपछि जनजातिहरुको सब भन्दा ठूलो पार्टी बन्ने यस अगाडि बताए पनि सबैलाई समेट्न भन्दा आफ्नो विचार समूह अनुकूलको पार्टी बनाउँन नेताहरु सक्रिय बनेका छन् । यस अगाडि झन्डै दुई दर्जन जति जनजातिको नाममा खुलेका दलहरु जनताहरुबाट त्यसै विलाइसकेको अवस्थामा अब पनि त्यसरी नै स– साना दलहरु गठन गरिदा राजनीतिक रुपमा स्थापित गर्न निश्चित रुपमा गाह्रो हुन्छ नै जनजातिको साझा मुद्धालाई सम्वोधन गराउँन पनि कठीन बन्ने छ ।

        (राज्यसत्ता नेपाल व्युरो )

Last Updated on Sunday, 09 September 2012 03:11

Hits: 805

म्याग्देली, युकेबासीद्वारा सहयोग गरिएको एम्बुलेन्सको सेवा शुभारम्भ

म्याग्दी, म्याग्दी घरभई विभिन्न पेशा, व्यवसायका लागि विभिन्न समयमा बेलायतमा बस्दै आएका म्याग्देलीहरुले जिल्लालाई एकै पटक तीनवटा एम्बुलेन्स सहयोग गरेर नेपाल रेडक्र्स सोसाइटी, म्याग्दी स्थापना भएको स्वर्ण जयन्ती समारोहको उपलक्ष्य पारेर एकै पटक तीनवटा एम्बुलेन्सको सेवा शुभारम्भ गरेका छन् ।
 
  म्याग्दी प्रवासी नेपाली संघ, बेलायत (मोना, युके) ले म्याग्दीको पश्चिम भेग दरबाङ, अर्थुङे र उत्तरी भेग भुरुङ तातोपानीका बासिन्दाको सुविधाका लागि यो व्यवस्था गरेका हुन् । बेलायतमा बसोबास गरिरहेका म्याग्देलीहरुबाट आफ्नो जिल्लाबासीहरुको लागि सहयोगत संकलन गरि एम्बुलेन्स उपलब्ध गराएको कुरा मोना युकेका अध्यक्ष योगकुमार फगामीले बताउनु भयो । गाउँ गाउँमा ग्रामीण सडक निर्माण भएतापनि गाउँका विरामीहरुले यातायातका साधन नपाएर अकालमै ज्यान गुमाउने समस्या थियो । यसर्थ सम्बन्धीत क्षेत्रमा नै गाउँका बासिन्दाको सुविधाको लागि एम्बुलेन्स सहयोग गरिएको कुरा अध्यक्ष फगामीको भनाई छ ।
  
  युकेबासी म्याग्दीहरुले आफ्नो गास काटेर सहयोग संकलन गरि यो एम्बुलेन्स उपलब्ध गराएका छन् यसको सही रुपमा सदुपयोग गरिने कुरा नेपाल रेडक्र्स सोसाईटी, म्याग्दीका अध्यक्ष लेखबहादुर हमालले जानकारी गराउनु भयो । एम्बुलेन्समा रक्तचन्दन तथा अनैतिक कार्य गरिएकै कारण गत फागुनमा नै सम्पन्न हुनु पर्ने यो कार्यक्रम सरकारले एम्बुलेन्स भित्राउने नीतिलाई रोक्का गरेकै कारण भन्सार छुट नपाउने भएको कारण सरकारको यो नीति परिवर्तन हुँदा सम्म पर्खेकै कारण अहिले मात्र सेवा शुभारम्भ भएको हो– अध्यक्ष लेखबहादुर हमाल । सेवा शुभारम्भ भएको अवसरमा म्याग्दी प्रवासी नेपाली संघका पदाधिकारी, रेडक्र्स सोसाईटीका सदस्यहरु, विद्यालयका जुनियर रेड्क्रसहरु, म्याग्दीका विभिन्न संघ, संस्था, उद्योग व्यवसायीहरु तथा सर्वसाधरणहरु बाजागाजाका सहित बेनी बजार परिक्रमा गरेका थिए ।
 
  एम्बुलेन्स सेवा शुभारम्भ तथा बाढी पिडितहरुलाई अष्ट्रेलियाबाट आएको सहयोग हस्तान्तरण कार्यक्रमको उद्घाटन जिल्ला प्रमुख अधिकारी कृष्णप्रसाद ज्ञवाली, मोना युकेका अध्यक्ष योगकुमार फगामी र संरक्षक योगेन्द्र क्षेत्रीले संयुक्त रुपमा गर्नु भएको थियो । यस अघि एम्बुलेन्स सदरमुकाम केन्द्रीत भएको गुनासो आउने गरेको थियो । यो एम्बुलेन्स भएपछि ग्रामीण क्षेत्रसम्म सेवा पुर्याउन सहज हुने कुरा नेपाल रेड्क्रस सोसाईटी, भुरुङ तातोपानीका अध्यक्षको भनाई थियो । यो भन्दा अगाडि महंगो मुल्य तिरेर बिरामीहरु ट्याक्सीमा पोखरा सम्म पुगेर सेवा लिनु पर्दथ्यो तर अब यी एम्बुलेन्सको कारण अलि सर्वसुलभ तरिकाबाट बिरामीहरु पोखरासम्म पुग्न सक्नेछन् भन्दै बेगखोला गाविस, महादेव माविका शिक्षक बिनोद फगामी भन्दै थिए ।
 
 
 मेजन पुन मगर
 — म्याग्दीबाट फर्केपछि

Last Updated on Thursday, 06 September 2012 01:58

Hits: 791

आदिवासी जनजाति संयुक्त संघर्ष समिति, नेपालको प्रेस विज्ञप्ति

              आदिवासी जनजाति संयुक्त संघर्ष समिति, नेपाल

Indigenous Nationalities Joint Struggle Committee, Nepal     

                                     स्थापना: २०६८

प्रेस विज्ञप्ति

सार्वभौम नेपाली जनताका अधिकारका लागि २०६२/०६३ को जनआन्दोलनबाट संविधानसभा स्थापित भयो । यो संविधानसभाको मुख्य उद्देश्य माओवादी बिद्रोह, आदिवासी जनजाति आन्दोलन मधेस आन्दोलन, दलित, महिला आन्दोलनको जगमा भएको २०६२/०६३ को जनआन्दोलनको भावना र माग अनुरुप गणतन्त्र, पहिचानसहितको संघीयता, धर्मनिरपेक्षता, स्वशासन तथा स्वायत्ततासहितको नयाँ समावेशी संविधान निर्माण गर्नु थियो । तर पुरातन यथास्थितिवादी, पहिचान र संघीयता नचाहने एकात्मकतावादी राजनीतिक दल र नेताहरुबाट पहिचानसहितको संघीयता र अधिकारको विरुद्धमा षडयन्त्र गर्ने काम भयो । त्यसको विरुद्धमा पहिचानसहितको संघीयता र अधिकारसहितको संविधानको पक्षमा दवाव दिने उद्देश्यले आदिवासी जनजाति संयुक्त संघर्ष समिति, नेपालले बिभिन्न चरणको आन्दोलनको घोषणा गर्यो । परिणाम २०६९ जेष्ठ ७, ८ र ९ गते नेपाल बन्दको घोषणा गरी देश नै ठप्प पारेको कुरा सर्वविधितै छ । फलस्वरुपः नेपाल सरकार र आदिवासी जनजाति संयुक्त संघर्ष समिति, नेपाल बीच २०६९ जेष्ठ ९ गतेका दिन ९ बुदें ऐतिहासिक सहमति भयो । तर ठूला राजनीतिक दलका कथित शिर्ष नेताहरुको बेइमानी र पहिचानविरोधी यथास्थितिवादीहरुको चलखेलको कारण ४ वर्षपछि (२०६९ जेठ १४ गते मध्यराति) संविधानबिना संविधानसभाको अवसान गराइयो ।
त्यस यता मुलुक अत्यन्त तरल र जटिल अवस्थामा छ । जेठ १४ पछि ३ महिना वितिसक्दा पनि दलहरु संविधानका विवादित विषयहरुमा सहमति गरेर निकास खोज्नुको सट्टा कुर्चिको झगडामा मुलुकलाई अनिश्चयको बन्दी बनाइरहेका छन् । उल्टो मुलुकका आदिवासी जनजाति, मधेशी, दलित एवं उत्पीडित वर्ग र क्षेत्रको जनताले खोजेको पहिचानका विरुद्ध षडयन्त्र गरिरहेका छन् । संविधानका विषयमा पूर्व सहमतिसहित विघटित संविधानसभा पुनःस्थापना गर्ने र नयाँ संविधान जारी गर्ने वा त्यसो नभए संविधानसभाको अर्को निर्वाचनमा जानेवारे प्रक्रियागत सहमति नगरी जनमत संग्रहको कुरा झिकेर आत्मनिर्णयको अधिकार र पहिचान जस्तो मौलिक अधिकारको हनन् गर्ने र मुलुकलाई अरु द्वन्द्वमा लैजाने षडयन्त्रप्रति हाम्रो गंभीर ध्यानाकृष्ट भएको छ । संविधानका विवादित विषयमा सहज र जनताका आकांक्षालाई सम्बोधन हुने गरी संविधानसभाबाटै शान्तिपूर्ण निकास नखोजेर मुलुकलाई कुनै न कुनै रुपमा द्धन्दमा लैजाने ढंगले गरिने कुनै पनि प्रक्रियाप्रति हाम्रो समर्थन नरहने् कुरा हामी प्रष्ट पार्न चाहान्छौं । अतः आदिवासी जनजाति संयुक्त संघर्ष समिति नेपाल र नेपाल सरकार वीच प्रमुख राजनीतिक दलहरुका शीर्ष नेताहरुको उपस्थितिमा भएको ९ बुदें सहमति तत्काल कार्यान्वयन गर्न गराउन र सो अनुसार आगामी असोज मसान्तसम्ममा वर्तमान अन्यौलको निकास खोज्न दलहरुलाई हामी जोडदार माग गर्दछौं । उपरोक्त अनुसार ९ बुँदे सहमति कार्यान्वयन नगरिएमा र वर्तमान राजनीतिक संकटको निकास नखोजिएमा त्यसपश्चात सशक्त आन्दोलनमा उत्रन हामी बाध्य हुने कुरा पनि प्रष्ट पार्न चाहान्छौ । त्यसबाट उत्पन्न हुने परिस्थितिको जिम्मेवारी स्वयं सरकार र प्रमुख राजनीतिक दलहरुले लिनुपर्ने छ ।


................                                                                                ...................
नरबहादुर गुरुङ                                                                                 राजभाइ जक्रःमि
सचिवलय संयोजक                                                                               अध्यक्ष


                                          २०६९ भाद्र २१ गते विहिबार
                                                  काठमाडौं, नेपाल  

Last Updated on Friday, 07 September 2012 15:11

Hits: 815

डा. बाबु राम भट्टराई सरकार भ्रष्टहरुका भासमा आफु पनि किन भास्सिने ?

एआइजी कुबेर सिंह रानाका कुरा आदिबासी जनजाति वा कुनै खास खास जातजाति भन्ने कुरों अब रहेन | राष्ट्रिय सुरक्षा व्यवस्थापन गर्ने जस्तो अत्यन्त महत्वपूर्ण निकायमा योग्य, इमान्दार र सक्षम व्यक्ति नियुक्त हुनुपर्ने भन्ने यो एउटा राष्ट्रिय सवाल बन्यो | तथाकथित मानव अधिकारकर्मी जसलाई अंग्रेजीमा 'ह्युमन राइट्स याक्टीभिस्ट्स ( Human Rights Activists)' पनि भनिन्छ ( डा, कृष्ण भट्टचनको भाषामा 'हनुमान राइट्स याक्टीभिस्ट्स (Hanuman Rights Activists)' ) तिनले अगस्त १५ तारिख प्रधानमन्त्रीलाई बुझाएको स्मृतिपत्रको र आफुलाई आदिबासी जनजाति भएकाले उतिबेला प्रधानमन्त्रीका निम्ति उम्मेदवार हुदा आदिबासी जनजाति सभासदहरुले उनलाई भोट दिनु पर्ने भन्ने जिकिर गर्ने हालका गृहमन्त्री विजय कुमार गच्छेदार के कति सम्म गर्न सक्छन भन्ने कुरा अहिलेको 'प्रहरी प्रमुख'को नियुक्ति बारेको लफडाबाट नै स्पष्ट हुन्छ | यी गृहमन्त्री मनुवाबारे अखबारहरुले के लेखेका थिए र छन भन्ने बारेमा यहाँ दोहोर्याउनु नै छैन |


मुलुकमा प्रधानमन्त्री नै अन्तिम निर्णायक कार्यकारी हो, कुनै गृहमन्त्री होइन | देश र जनभावना विपरीत एकोहोरो ढिपी गर्ने, भ्रष्ट भनेर चिनिएका व्यक्तिलाई बोकी हिड्ने गृहमन्त्रीलाई प्रधानमन्त्रीले आफुलाई देश र जनताका निम्ति काम गर्न बाधा अड्चन पैदा गरेकाले तत्काल त्यो मन्त्रालयबाट अर्को मन्त्रालय सरुवा गर्नु वा वर्खास्त पनि गर्न सक्नु पर्छ | यस्तो हुने गर्छ अन्य मुलुकहरुमा |

आफै भ्रष्ट भनी लान्छित कुनै गृहमन्त्रीको, कुनै राजनीतिक दर्शन र सिद्धान्त नभएको अत्यन्त सानो जमातको पार्टीले सरकारलाई दिएको समर्थन फिर्ता लिन्छ कि भन्ने सोच्नु सही लाग्दैन | अहिलेको अवस्थामा कुनै दलको वा बहुमतको के औच्चित्य छ र ? आफै भ्रष्ट भनी लान्छित कुनै गृहमन्त्रीले बोकी हिडेको मान्छेलाई आइ.जी.पी. नबनाउदा कुनै गृहमन्त्री विजय कुमार गच्छेदारहरुले सरकारबाट हट्छु भनेमा सरकारलाई अफ्ठ्यारो हुने केही पनि त देखिन्न नि ? आखिर जनभावना अनुरुप चल्ने हो कुनै डा. बाबु राम भट्टराई सरकारहरु भने यस्ता भ्रष्टहरुका भासमा आफु पनि किन भास्सिने ?

चुनाव आइरहेको छ अथवा एकदिन चुनावमा त जानै पर्ने हुन्छ, त्यसबेला के गर्ने नि ?  
 
दि हिमालयन भ्वाइस

Last Updated on Wednesday, 05 September 2012 01:22

Hits: 924

 हार्दिक श्रध्दाञ्जलि - भिमी देवी राना

मिग मिडिया प्रा.ली द्धारा संचालित

www.rajyasatta.com

सुचना तथा प्रसारण बिभाग

दर्ता नम्बर १६८७/०७६-७७

ठेगाना

ललितपुर १४, ललितपुर

संचालक/प्रधानसम्पादक

हुम बहादुर थापा मगर

मोबाईल ९८४१५९३६०६