A+ A A-

मगर साहित्य लेखन विश्लेषण

मगर आदिकवि जीतबहादुर सिञ्जाली मगर साहित्य प्रतिष्ठानले मगर भाषा साहित्य विकासमा मगरपनको लागि मासिक अन्तरक्रिया कार्यक्रम अन्तर्गत ‘मगर साहित्य लेखन विश्लेषण’ विषयमा चलचित्र, साहित्य विश्लेषक शोभा चन्दले मेक राना मगर लिखित ‘रीक्मा भेर्म ह्वानाङ्’ (कलम भिरेर हिंडदा) निवन्ध संग्रहको शिर्ष माथि विश्लेषण गरिएको थियो ।
लेखकले वाल्यवस्थामा अनुभुत गरेको स्याङ्जाको पश्चिमी भेग विर्घामा पाण्डे बाहुनहरुले मगरलाई सामाजिक, सांस्कृतिक रुपले हेप्ने प्रचलन छ । बाउआमाले कारोवार गर्दा उनिहरुले लेखोस नलेखोस गोजिमा चारपाँचवटा कलम भिरेर जान्ने भएर हिंडेको देख्दा उसले पनि गोजिमा कलम भिरेर हिंड्न थाल्यो सवैले कलमे दाई भनिदिंदा ठुलो मान्छे भएको गौरव र लाजले भुतुक्कै भएको मनोविज्ञानलाई प्रस्तुत गरेका थिए ।
कार्यक्रममा मगरहरु लाहुरे जाने संस्कृति भएकोले कलमे दाई किन भनियो ? उसलाई कलमे भाई, कलमे छोरा, कलमे लाहुरे किन भनिएन ? मगर समाजमा सानो ठुलो भनेर छुट्टाउने गरिन्छ ? भन्ने प्रश्नहरु उठाइएको थियो ।
भाषामा संस्कृति, संस्कार, दर्शन हुने भएकोले नेपालीमा अनुवाद गर्दा भाव नभएर मरुभुमिमा गएको जस्तो हुने भएकोले मगर भाषामा लेखिएको साहित्यलाई संयुक्त रुपमा अनुवाद र पुस्तक प्रकाशन गर्नु अघि पाण्डुलीपिमा छलफल गर्नु पर्नेमा सहभागीहरु सहमत भएका छन् ।

Last Updated on Saturday, 22 September 2012 15:26

Hits: 860

मगर महिला संघको १५ औं स्थापना दिवस सम्पन्न

नेपाल मगर महिला संघको १५ औं स्थापना दिवस सम्पन्न भएको छ । संघको स्थापना भएको दिनलाई स्मरण गर्दै काठमाडौंमा विभिन्न कार्यक्रमका स्थापना दिवस सम्पन्न भएको हो ।
कार्यक्रममा मगरहरुको संस्कृति सम्वन्धि कार्यपत्र नेपाल मगर महिला संघका महासचिव पूर्णमाया रानाले बाचन गरेकी थिइन् । उक्त कार्यक्रममा नेपाल मगर महिला संघका संस्थापक अध्यक्ष एवम सल्लाहकार बम कुमारी बुढा मगर राष्ट्रिय जनजाति संग्राहलयको अध्यक्ष पदमा निवार्चित हुनु भएकोमा वहाँलाई बधाई ज्ञापन गरियो । कार्यक्रममा राष्ट्रिय आदिवासी जनजाति महिला महासंघका अध्यक्ष ङिमी शेर्पा, नेपाल मगर संघ केन्द्रीय समितिका महासचिव नविन रोकामगर लगायतकाले मन्तव्य व्यक्त गरेका थिए ।

 

Last Updated on Wednesday, 26 September 2012 10:01

Hits: 826

क्षतिपुर्ति नपाउंदा, पुनःनिर्माण भएन : थारु राष्ट्रिय संग्रहालय

प्रेमध्वज गाहा मगर, कावासोती, नवलपरासी
सरकारले समयमा क्षतिपुर्ति उपलब्ध नगराउँदा नवलपरासी सहीदनगर डण्डास्थित थारु राष्ट्रिय संग्रहालयको पुनःनिर्माण हुन सकेको छैन । संग्रहालयमा गत बैशाख २६ गते ब्राम्हण क्षेत्री संगठनका कार्यकर्ताहरुले आगजनी तथा तोडफोड गर्दा करिव १५ लाख रुपैया बराबरको सामग्रीको क्षति भएको थियो । आगजनीबाट उत्तर तर्फको भवन र यसभित्रका सामानहरु पुर्ण रुपमा नष्ट भएको थियो भने थुप्रै सवारीका साधनहरु पनि जलेका थिए । कार्यालय भवनका झ्याल ढोका, कुर्सी र टेवलहरुमा पनि क्षति पुगेको थियो ।
५ महिना बितिसक्दा पनि सरकारले क्षतिपुर्ति रकम उपलब्ध गराएको छैन । संग्रहालय ब्यवस्थापन समितिका अध्यक्ष मझिलाल थारु थनेतले क्षतिपूर्ति सम्बन्धि फाइल गृहबाट अर्थमन्त्रालयमा पुगेर अड्किएको जानकारी दिनुभएको छ । जम्मा १५ लाख रुपैयाको कुरामा पनि सरकारले आनाकानी गरिरहेको वहाँको ठहर छ । “सँग्रहालयको क्षतिपूर्तिका लागि आन्दोलन गर्नुपर्ने भएको छ, हामी त्यसको तयारी गर्दैछौं । ”वहांले भन्नुभयो ।
संग्रहालय पुनःनिर्माण हुन नसक्दा थारु सँस्कृति झल्कने सामग्रीहरुको ब्यवस्थापन गर्न समस्या भएको,सँरक्षणकर्ता खड्ग बहादुर महतोको भनाई छ । स्मरण रहोस् यही सँग्रहालयको क्षतिपूर्तिको माग गर्दै बैशाख २७ गते निस्केको शान्तिपूर्ण जुलुस माथि प्रहरीले गोली चलाउंदा सख्त घाइते भएका गोछडा नवलपरासीका धन बहादुर थनेतले शहादत प्राप्त गरेका थिए भने तीन जना घाइतेहरु उपचार पश्चात सामान्य जीवनमा प्रवेश गरीसकेका छन् ।                      

Last Updated on Friday, 21 September 2012 01:04

Hits: 721

मगर समाजबाट राना मगर छैटौ आईजिपी

हुम बहादुर पचभैया थापा मगर, तिभात, मन्टेनेग्रो,
बाबा स्व. मेजर लिलाबिर राना मगर र आमा जोगमाया राना मगरको कोखबाट बिसं २०१७ श्रावण ६ गते पाल्पा जिल्ला बौघा, गुम्मा गा बि स वार्ड नं ५ राना टोलमा जन्मनु भएको हो । चार दिदीबैनी र सात दाजुभाई मध्ये राना मगर पांचौ (राईला) भाई हुनुहुन्छ ।
बाबा भारतीए सेनाका रिटायर्ड कमिशन मेजर हुन । प्राम्भिक शिक्षा बाल्यकालमा भारतमै भएता पनि पछि नेपाल आएर हाल शिद्धार्थ नगर पालिकाको पक्लिहवा हाईस्कुलमा अध्यान गरि सन १९७८ मा उत्कृष्ट अंक ल्याएर एसएलसी र सन १९८२ मा सामाजिकशास्त्रमा स्नातक गर्नु भएको हो ।
सन १९८३ अर्थात २०४० साल कात्तिक ३० गतेमा प्रहरी निरीक्षकका रुपमा सेवा प्रबेश गरेका मगरले सोही सालमा प्रहरी निरीक्षक र लोकसेवा आयोग मार्फत निजामति कर्मचारी सेवामा पनि परिक्षा पास गरि मुख्य सचिब सम्मको यात्रा तय गर्नु भएको थियो । तर उहाँलाई निजामति कर्मचारी भन्दा प्रहरी सेवामा बढि जनताको सेवा गर्ने चहानाले प्रहरी सेवा रोज्न पुग्नु भयो । उहाँ नेपाल प्रहरी संगठनको २३ औ नेतृत्वकर्ताका रुपमा र नेपाल सरकारको मर्यादा क्रममा ५२ औ नम्बरमा साथै मगर समाजको तर्फबाट प्रहरी महानिरीक्षक बन्नेमा छैटौ नम्बरमा पर्नुहुन्छ । उहाँ भन्दा अगाडी क्रमश श्याम भक्त थापा मगर (१८), दुर्लब कुमार थापा मगर (१०), खड्गजीत बराल मगर, पाल्पा (९), रोमबहादुर थापा मगर (८) र पूर्णसिंग खवास मगर (५) नेपाल प्रहरी संगठनको महानिरीक्षक बनिसक्नु भएको छ ।
प्रधानमन्त्री बाबुराम भट्टराई र गृहमन्त्री बिजयकुमार गच्छदार बिच लामो रस्साकसी बीच प्रहरी प्रमुखमा चयन भएका कुबेरसिंह राना मगर प्रहरी संगठन भित्र बिवादरहित, कार्यकुशलता, आर्थिक पारदर्शीता एबम भद्र स्वभाव र ब्यावसायिक ब्याक्तित्वका रुपमा चिनिन्छन् ।
शब्दबाणले कसैलाई नपिरोल्ने र पिठ्यू पछाडी कसै माथि कैची नचलाउने स्वभावका राना मगर प्रस्ट, स्पष्ट त छदैछन् खरो एबम् पारदर्शी ब्यवहार तथा इमान्दार छबीले गर्दा उनि प्रहरी संगठनभित्र धेरैको रोजाईमा पनि पर्न सफल भएका हुन् ।
नागरिक बिना बर्दीका प्रहरी र प्रहरी बर्दीधारी नागरिक हुन् भन्ने मुलमन्त्र राना मगरको बिशेशताले उनलाई हरपल सफल्ताले चुमेको छ । बरिष्ठता, कार्यक्षमता, आर्थिक पारदर्शीता, आचारणमा शुद्धता, सेवा प्रवाहमा प्रभावकारीता यिनै आधारले गर्दा भट्टराई सामु गच्छदार घुंडा टेक्न बाध्य भएका हुन ।

यस्तो छ, संगठन सुधारका लागि महानिरीक्षक रानाका नौ प्राथमिकता
१, जनउत्तरदायी प्रहरी सेवा प्रवाहलाई प्रभावकारी बनाउने
२, पेसागत व्यवसायिकता प्रवद्र्धन गर्ने
३, अपराध अनुसन्धान विशिष्टीकरण गर्ने
४, प्रहरी कार्यमा जनसमुदायको सहभागितालाई जोड दिने
५, भ्रष्टाचार तथा दण्डहीनता माथि शून्य सहनशीलता कायम गर्ने
६, जवाफदेही बनी मानव अधिकार संरक्षण गर्ने
७, संस्थागत सुदृढीकरण, भौतिक संरचना, पूर्वाधार र व्यवस्थापनमा विशेष जोड दिने
८, प्रहरीको सरुवा बढुवा नियमसंगत र पारदर्शी बनाउने
९, सरकारबाट भएको निर्देशनको अक्षरशः पालना गर्ने

नेपाल प्रहरीका बर्तमान र भूपु आईजिपीहरु यसप्रकारका छन् ।
२३ औ , कुबेरसिंग राना मगर
२०६९ भाद्र—
२२ औ , रबिन्द्र प्रताप शाह        
२०६८ आषाड — २०६९ भाद
२१ औ, रमेश चन्द ठकुरी         
२०६५ फागुन — २०६८ जेठ
२० औ , हेम बहादुर गुरुग        
२०६५ असोज — २०६५ फागुन
१९ औ , ओम बिक्रम राणा       
२०६३ भाद्र — २०६५ भाद्र
१८ औ , श्याम भक्त थापा मगर   
२०५९ पौष — २०६३ भाद्र  
१७ औ , प्रदिप शमशेर ज ब रा    
२०५७ आश्विन — २०५९ पौष
१६ औ , अच्युत कृष्ण खरेल      
२०५३ फागुन — २०५३ चैत्र , २०५४ मंसिर — २०५७ अश्विन, सर्बोच्च अदालतले उनको पक्षमा फैसला गरि दिएको
१५ औ, ध्रुब बहादुर प्रधान       
२०५३ चैत्र — २०५४ मंसिर 
१४ औ , मोतिलाल बोहरा      
२०४९ फागुन — २०५३ माध
१३ औ , रत्न शमसेर ज ब रा   
२०४७ असार — २०४९ फगुन
१२ औ , हेम बहादुर सिंह        
२०४३ असार —२०४७ जेठ 
११ औ , दिलबहादुर लामा      
२०३९ असार — २०४३ जेठ
१० औ, दुर्लब कुमार थापा मगर  
२०३५ सावन —२०३९ जेठ 
९ औ, खड्गजीत बराल मगर (पाल्पा)  
२०२९ सावन — २०३५ जेठ 
८ औ,  रोमबहादुर थापा मगर   
२०२३ असार — २०२९ असार
७ औ, पहलसिंह लामा         
२०१८ पुष — २०२३ असार 
६ औ , ढुण्डीराज शर्मा         
२०१४ भदौ — २०१८ पुष
५ औ, पूर्णसिंह खवास मगर     
२०१३ सावन — २०१४ भाद्र 
चौथो, गोपाल शमसेर ज ब रा 
२०१२ भदौ — २०१३ साउन  
तेस्रो, ज्ञानबहादुर याकथुम्बा   
२०१० मंसिर — २०१२ भाद्र
दोस्रो, नर शमसेर ज ब रा  
२००७ चैत्र — २०१० मंसिर 
पहिलो, तोरण शमसेर ज ब रा  
२००७ चैत्र — २००७ चैत्र

Last Updated on Thursday, 20 September 2012 00:58

Hits: 1957

 हार्दिक श्रध्दाञ्जलि - भिमी देवी राना

मिग मिडिया प्रा.ली द्धारा संचालित

www.rajyasatta.com

सुचना तथा प्रसारण बिभाग

दर्ता नम्बर १६८७/०७६-७७

ठेगाना

ललितपुर १४, ललितपुर

संचालक/प्रधानसम्पादक

हुम बहादुर थापा मगर

मोबाईल ९८४१५९३६०६