A+ A A-

भ्यू टावर निर्माणका लागी लगानी जुटाउदै मगरहरु

देब पचभैया
पाल्पा, मंशिर १७ - रत्नपार्क, काठमाण्डौमा निर्माणाधिन भ्यू टावर निर्माणका लागि मगर अगुवाहरुले देशविदेशमा रहेका मगरहरुलाई सहभागी गराउने बताएका छन् ।

Image may contain: 1 person, standing


कुल लागतको २० प्रतिशत शेयर लगानी गर्ने गरी मगर इन्भेष्टमेन्ट गु्रप (MIG) नेपालको नेतृत्वमा सबै मगरहरुलाई सहभागी गराउने गरी अभियान संचालन भैरहेको यूके मगर संघका अध्यक्ष एबम् ग्लोबल  कोअर्डिनेटर नेम थापा मगरले जानकारी दिनुभयो । 

Image may contain: 8 people, people sitting and indoor

मिग हङकङ्ग र यूके बाट भ्यू टावरमा लगानी गर्ने अभियान भैरहेपनि पछिल्लो समय संसारभर रहेका मगरहरुलाई पनि लगानी गर्ने बाताबरण सिर्जना गर्दै अभियानलाई तिब्र पारिएको  मिग हङकङ्गका संयोजक सुमन थापाले बताउनुभयो ।

Image may contain: 3 people, including Nem Thapa, people sitting

काठमाण्डौ भ्यू टावरका नेपाल संयोजक हुम बहादुर थापाका अनुसार पैसा भएकाहरुलाई मात्रै समेट्ने भन्दा पनि गाँउमा कुखुरा बाख्रा बेच्ने मगरहरुलाई पनि लगानी गर्न उत्प्रेरित गर्ने गरी नेपालका सबै जिल्लाहरुमा जानकारी दिन अन्र्तक्रियात्मक कार्यक्रम भैरहेको छ ।

Image may contain: 9 people, including Om Bahadur Gharti Magar, Jiba Ale and Kushum Thapa Magar, people sitting and indoor

जिल्लामा पुगेर गरिएका कार्यक्रमले लगानी गर्ने मगरहरुको जमात बढ्दै गएको भन्दै संयोजक थापाले सबैलाई समेट्ने नसकिएपनि धेरैलाई सहभागी गराउने अभियानलाई तिब्र पारिएको बताउनुभयो ।

Image may contain: 5 people, including Girdhari Sharma, people sitting

मगर संघ हङकङ्गकी अध्यक्ष युगमाया रानाले भ्यू टावर नेर्माणमा मगरहरुको योगदान पनि देखिने  र त्यसबाट हुने आम्दानी सबैलाई समान रुपमा बितरणका लागि पनि अभियानलाई सक्रिय बनाइएको जानकारी दिनुभयो । रानाका अनुसार काठमाण्डौ , पोखरा , झापा, पाल्पा, रुपन्देही, चितवन लगाएतका जिल्लामा भ्यूटावर निर्माणमा लगानी जुटाउने गरी बृहत छलफल भैसकेको छ ।

Image may contain: 4 people, including Yug Maya Rana, people sitting and indoor

झण्डै २३ रोपानी क्षेत्रफलको जमिनमा ७ अरब ६४ करोडको लागतमा बन्न लागेको ३२ तले भ्यूटावर निर्माणमा जलेश्वर कम्पनीको ५० प्रतिशत, आईडिया फर नेपालको ३० प्रतिशत र मिग नेपालको २० प्रतिशत लागत रहेको छ ।

Last Updated on Tuesday, 04 December 2018 15:40

Hits: 464

श्रीनगर एफ,एमका म्यानेजरलाई उत्कृष्ट पत्रकारिता पुरस्कार !

राज्यसत्ता संबादाता

पाल्पा, असोज ७ - श्रीनगर एफ,एम पाल्पाका स्टेशन म्यानेजर देब पचभैया उत्कृष्ट पत्रकारिता पुरस्कारवाट पुरस्कृत हुनुभएको छ । बरिष्ठ समाजसेवी मनवीर गर्बुजा पुन मगरको सातौं स्मृति समारोहमा  नेपाली पत्रकारिताको क्षेत्रमा क्रियाशिल रहेर सुचना सञ्चार सम्प्रेषित गरी प्रशसंनीय काम गरेको भन्दै आईतबार बुटवलमा एक कार्यक्रमका बिच पचभैयालाई रेडियो समावेशीले स्थापना गरेको उत्कृष्ट पत्रकारिता पुरस्कार २०७५ बाट पुरस्कृत गरिएको हो ।

Image may contain: 3 people, including Dev Pachabhaiya, people standing

श्रीनगर एफएम पाल्पाका प्रबन्धक एवं फोनिज प्रदेश नं. ५ का इन्चार्ज पचभैया झण्डै १७ बर्ष देखि निरन्तर पत्रकारीतामा सक्रिय हुनुहुन्छ ।  प्रदेश नं. ५ का सामाजिक विकास मन्त्री सुदर्शन बराल मगरले पचभैया संगै उत्कृष्ट समाजसेवी पुरस्कारबाट  शकुन्तलादेवी पुनलाई पुरस्कृत गर्नुभएको हो । वरिष्ठ समाजसेवी मनवीर गर्बुजा पुन मगरको सातौं स्मृति समारोहका अवसरमा “सामाजिक क्षेत्रमा मनवीर गर्बुजा मगरको योगदान” बिषयक गोष्ठी समेत सम्पन्न भएको छ । समारोहमा बोल्दै प्रदेश नं. ५ का सामाजिक विकास मन्त्री सुदर्शन बराल मगरले मनवीर गर्बुजा सबैको अभिभावक भएको भन्दै राजनीतिक तथा सामाजिक उत्पीडनका विरुद्ध जीवनपर्यन्त क्रियाशीलता रहेको स्मरण गर्नुभयो । मन्त्री बरालले गणतान्त्रिक आन्दोलनमा गर्बुजाको उच्च योगदान रहेको भन्दै उहाँको अथक योगदानको प्रेरणाले अहिले थुप्रै सामाजिक व्यक्तित्वहरुलाई जन्माएको बताउनुभयो ।
उहाँले गर्बुजाको सपना पुरा गर्न सबै लाग्नुपर्नेमा जोड दिनुभयो ।

Image may contain: 6 people, people sitting, people standing and indoor

कार्यक्रममा लेखक दिल साहनीले मनवीर गर्बुजाले मुलुकको वाम तथा उत्पीडित वर्ग समुदायको आन्दोलनलाई अघि बढाउन महत्वपूर्ण भूमिका खेलेको बताउँदै उहाँ समाजको एउटा जिउँदो र उदाहरणीय व्यक्ति रहेको बताउनुभयो । उद्यमी एवं समाजसेवी गोपाल रानाले बुटवलको हिलपार्क, मणिमुकुन्द सेन उद्यान, मगरघाट, देवीनगरस्थित फुटवल स्टेडियम, शिक्षा, सडक निर्माण र मिडिया क्षेत्रलाई सबल बनाउन गर्बुजाले महत्वपूर्ण योगदान गरेको जानकारी दिनुभयो । नेपाल मगर संघका जिल्ला अध्यक्ष गिता सारु मगरले आदिबासी जनजाति एवं मगर समुदायको भाषा, संस्कृति संरक्षणका लागी मनवीर गर्बुजाको योगदान रहेको भन्दै राज्यले अझै बहुभाषिक शिक्षा नीति लागु गर्न नसकेको बताउनुभयो ।


रेडियो समावेशीका अध्यक्ष प्रकाश रानाले मनवीर गर्बुजाको सपना पुरा हुन नसकेको बताउनुभयो । पत्रकार देव पचभैया मगरले अहिलेको समाज धनवीर र मनवीरहरुको अन्तरविरोधमा रहेको भन्दै मनवीरहरुको जीतले सवैको न्याय हुनेमा जोड दिनुभयो ।

उहाले पत्रकारिता क्षेत्र अझै समावेशी हुन नसकेको बताउनुभयो । कार्यक्रममा भूपू सैनिक कल्याण क्लबका अध्यक्ष एवं प्रतिष्ठानका कोषाध्यक्ष क्या.पदमबहादुर पुन, तमु छो धींका केन्द्रीय सल्लाहकार सूर्यलाल गुरुङ, आदिबासी जनजाति महासंघ प्रदेश सचिव मनोज राना लगायतले गर्बुजाको सामाजिक योगदानवारे बोलेका थिए ।  मनवीर–माया गर्बुजा पुन मगर प्रतिष्ठान नेपाल, मनवीर स्मृति अक्षयकोष र भूतपूर्व सैनिक कल्याण क्लबको संयुक्त आयोजना गरिएको समारोहमा प्रतिष्ठानका अध्यक्ष तुलबीर गर्बुजाको अध्यक्षता, सामाजिक विकास मन्त्री माननीय सुदर्शन बरालको प्रमुख आतिथ्यता, अक्षयकोषका अध्यक्ष क्या.जनक थापा मगरको स्वागत तथा प्रतिष्ठानका सचिव खोमा तरामु मगरको सञ्चालनमा सम्पन्न भएको थियो ।

प्रतिष्ठानका तर्फबाट मनकुमारी गर्बुजाले धन्यवाद ज्ञापन गर्नुभएको थियो । स्मृतिको सन्दर्भमा प्रतिष्ठानले देवीनगरस्थित अन्तर्राष्ट्रिय बौद्ध विहारमा खाद्यान्न तथा फलफूल वितरण समेत गरेको थियो ।

Last Updated on Tuesday, 25 September 2018 13:35

Hits: 535

जीबी फाउण्डेशन तनहुंमा मोहन राना मगर !

राज्यसत्ता संबादाता 
तनहुं, भदौ २७ नेपालका महान बिचारक स्व. गोरेबहादुर खपांगी फाउण्डेशनको तनहुंमा जीबी फाउण्डेशन शाखा गठन भएको छ ।

Image may contain: 7 people, including Mani Tek Rai and Mohan Rana Magar, people standing

गोरेबहादुर खपांगीको दोस्रो स्मृति दिवशको अवसरमा गोरेबहादुर खपांगी प्रथम स्मृतिकप २०७५ का संयोजक मोहन राना मगरको अध्यक्षतामा तिन सदसिय सल्लाहकार समिति र नौजनाको तर्दथ कार्यसमिति गठन भएको छ ।

नेपाल मगर संघ तनहुं जिल्ला समन्वय समितिका अध्यक्ष शिदान्त थापा मगर खपांगी फाउण्डेशनको संरक्षक हुनुहुन्छ भने, तनहुं शाखाका प्रमुख सल्लाहाकारमा राष्ट्रिय जनमुक्ति पार्टी तनहुं जिल्ला समितिका अध्यक्ष भुवन थापा मगर र सल्लाहाकारमा नेपाल मगर यूबा  संघ तनहुं जिल्ला समितिका अध्यक्ष (बादल) केहरसिंह आलेमगर रहनु भएको छ ।

Image may contain: 2 people, including Mohan Rana Magar, people standing

जीबी फाउण्डेशनको तनहुं शाखाको पदाधिकारीहरुको नामावली यस प्रकार रहेको छ ।

अध्यक्षमा : मोहन बहादुर राना मगर,
उपाध्यक्षमा : रिख बहादुर थापा मगर,
सचिबमा : हर्क बहादुर (एच.बि) थापा मगर ,
सह.सचिबमा : तिलक राना मगर,
कोषाध्यक्षमा : बिष्णु अस्लामी मगर चयन हुनु भएको छ ।
सदस्यहरुमा : सिजन थापा मगर , शरुना थापा मगर र दुईजना पछि थपगर्ने गरि नौ जनाको तनहुं जिल्ला समितिको शाखा गठन भएको छ ।

जीबी फाउण्डेशनका अध्यक्ष हुमबहादुर  थापा मगर र फाउण्डेशनकै सह कोषध्यक्ष चन्द्र बहादुर  थापा मगरको बिशेस उपस्थितिमा १९ भदौ २०७५ का दिन तनहुं जिल्लाको सदरमुकाम दमौली बजारमा फाउण्डेशनको तनहुं शाखा गठन भएको हो ।

यस अघि जीबी फाउण्डेशनको शाखा स्व. खपांगीको गृह जिल्ला महोत्तरीमा २०७४ कार्तिक ५ गतेका दिन गठन भई सकेको छ भने हुमबहादुर थापा मगरको अध्यक्षतामा २०७२ साल मंसिर २८ गते काठमाण्डौमा जीबी फाउण्डेशनको जन्म भएको हो ।

 

Last Updated on Wednesday, 12 September 2018 15:20

Hits: 466

भूपू सैनिक र उनका परिवारको नेपाली नागरिक्ता नखोसियोस ।

राज्यसत्ता संबादाता,

ललितपुर,असोज १ भूतपूर्ब सैनिक कल्याणकारी समिति नेपाल तथा बृटिश र गोरखा नेपाली नागरिक्ताको निरन्तरता संघर्ष समिति बेलायतले भदौ २८ गतेका दिन  ब्रिटिस गोर्खा भूतपूर्ब सैनिक र उनका परिवारलाई बंशजको आधारमा नेपाली नागक्तिाको निरन्तरता र पुजि पलायनको बारेमा कार्यशालागोष्ठी सम्पन्न गरेको छ ।

Image may contain: 8 people, people smiling, crowd and indoor

उक्त कार्यशालागोष्ठीमा मुख्य बक्ताको रुपमा पूर्र्ब प्रधानमन्त्री तथा नेपाल कम्यूनिष्ट पार्टी (ने.क.पा)का अध्यक्ष माननीय सांसद पुस्पकमल दाहाल प्रचण्ड थिए । बिशेष बक्ताका रुपमा पूर्ब मन्त्री एबं संघिय समाजबादी फोरमका बरिष्ठ नेता अशोक राई , पूर्ब मन्त्री एबं ने.क.पाका माननीय सांसद पम्फा भुसाल,नेपाली कांग्रेसका पूर्ब राज्य मन्त्री दिलमान पाख्रीन थिए । अथितिका रुपमा बिभिन्न पार्टीका पूर्ब तथा बर्तमान माननीय सांसदहरुको बाक्लो उपस्थित रहेको थियो ।

Image may contain: 11 people, people smiling, indoor  संबीधानबिद्ध डा. चन्द्रकान्त ज्ञावाली ,क्या.यमबहादुर बुढाथोकी मगर र  सा.प्रा.बालकृष्ण माबुहांगले भूपू सैनिक र उनका परिवारको नेपाली नागरिक्ता निरन्तरताको बारेमा कार्यपत्र प्रस्तुत गरेका थिए । कार्यपत्र माथी प्रा.डा. ओम गुरुंगले टिपणी गरेका थिए ।

Image may contain: 3 people, people sitting and indoor

उक्त कार्यशालागोष्ठीका अध्यक्षता आयोजक समितिका अध्यक्ष क्या. यमबहादुर बुढाथोकीले गरेका थिए भने स्वागत मन्तब्य समितिका उपाध्यक्ष क्या. हिमाल राईले र संस्थाका सचिब मुक्ति बहादुर घर्तीले कार्यक्रम संचालन गरेका थिए ।

Image may contain: 4 people, people standing

ब्रिटिस गोरखा नेपाली नागरिक्ताको निरन्तरता संघर्ष समिति बेलायतले पठाएको शुभकामना सन्देश समितिका सदस्य क्या. भिमबहादुर लिम्बुले पढेर सुनाएका थिए । साथै उक्त दिनको संपूण खर्च बेलायतका संघर्ष समितिले सहयोग गरेको थियो । कार्यक्रम जावलाखेलको बालमन्दिरमा सम्पनन भएको थियो । कार्यक्रम जावलाखेलको LOVELY BANGUET तेस्रो तला बालमन्दिरमा सम्पनन भएको थियो ।

कार्यशालागोष्ठीमा प्रचण्डले ब्यक्त गरेका बिचार हुबहु राखिएकोछ ।

यो बिषयमा संबैधानीक कानुन ज्ञाता डा. चन्द्रकान्त ज्ञावाली जीले संक्षिप्तमा भए पनि बुझीने गरी समस्याको चुरो याहाहरु मर्फत राख्नु भएको छ । म दुई टिन्टा कुरामा मात्रै म मेरो धारणा राखेर बिदा हुन चहान्छु ।

Image may contain: 3 people, people standing

पहिलो कुरा अहिलेको संबीधान बनाउने बेलामा हामीहरुको ध्यान बिदेशमा रहेको नेपालीहरु गैर आवासिय नेपालीहरुलाई पनि नेपाली नागरिक्ता लिन बाट बञ्चित गरिनु हुन्न र नागरिक्ता दिनुहुन्न भन्ने यि दुईवटा बिषमा गंभिर छलफल भएको थियो । र छलफलपछि हामीहरुकै बिषेश पहलमा गैर आवासिय नेपालीहरुलाई पनि नेपाली नागरिक सरह अन्य सबै सुबिधा प्राप्त गर्ने गरि यि सबै हक अधिकार उपयोग गर्ने गरि नागरिक्ताको ब्याबस्था गर्नु पर्छ भन्ने ब्यबस्था राखिएको हो ।

Image may contain: 1 person

राजनैतिक अधिकार भने बिदेशमा बसेर देशभित्र उपभोग गर्न स्थिति हुदैन भन्ने त्यस अर्थमा दोहोरो नागरिक्ताको औपचारिक ढंगले ईन्टरड्युस गरिएको यो पहिलो चोटिको संबैधानीक बेबस्था हो । त्यतिबेला तपाईहरुको तर्फबाट भिन्नरुपमा र बेबस्थिति रुपमा अहिले जसरी तहां कुरा उठेको भए पूर्ब सैनिकहरुकोहकमा अझ अगर त्यसमा पनि ब्रिटिस गोर्खाजहरुकोहकमा के गर्ने भन्ने बिषयमा तेतिबेला संबैधानिक समितिमा यो रुपमा प्रश्न उठेको मलाई अ‍ैले संझना छैन ।

Image may contain: 1 person, indoor

ब्रिटसि सैनिकसरह सुबिधा पाउनु पर्छ भन्ने बिषयमा धेरै लामो समय सम्म तपाइहरुले आवाज उठाउदै आएको यूकेमा पनि त्यो त्याहाका र्पाल्यामेण्ट,तेहाका मन्त्रीहरुले पनि त्यो बिषयलाई गंभीरता पूर्बक लिनु पर्ने अबस्था तपाइहरुले सिर्जना गर्दै गरेको र ति सुबिदाहरु प्राप्त गर्नु पर्छ भन्ने कुरा खाली पूर्ब सैनिकहरुको पहिचान र अधिकारको कुरा मात्र नभएर स्वयम नेपालको राष्ट्रियता,नेपालको सार्भभौमसत्ता संग यो संबन्धित कुरा हो भने र मैले यू.केमा जादा पनि पटक पटक तपाईहरु संग र त्याहाका सरकारका प्रतिनिधिहरु संग कुरा गर्ने गरेको थिए । 

Image may contain: 3 people, people sitting and indoor

र याहा पनि तपाईहरुले उठाउनु भएको आवाजहरुलाई यो तपाईहरुको कुनै समुदाय बिषेशको या कुनै पूर्ब सैनिकहरुको कुनै चांसोको बिषय हैन यो नेपाल राज्यको , नेपालको स्वतन्त्रता संग संबिन्धत नेपालको आत्मासम्मान संग संबन्धित भएको हुनाले र १९४७ को सन्धि अनुसार पनि सहमतिअनुसार ब्रिटसि सरकार र हाम्रो नेपाली सैनिकहरुको बिचमा सबै अवसर र अधिकार समान हुनु पर्छ भन्ने मान्यता स्थापित गर्नाका लागी तपाईहरुको आवाज र आन्दोलनलाई हामीले साथ दिदै आयौ र नागरिक्ताको बिषयमा दोहोरो नागक्तिालाई एकहद सम्म हामीले संबोधन गर्यौ यो पहिलो पटक नेपालको संबैधानिक ब्याबस्थामा यस खालको प्रावधान राखिएको हो ।

Image may contain: 8 people, people sitting, crowd and indoor  अब अहिले बंशजको आधारमा नागरिक्ताको निरन्तरता हुनु पर्यो भन्ने आवाज जो हजुरहरुले उठाउदै आईरहनुभएको छ ,मैले संबीधान निर्माणको बेलामा भएको छलफल र बहसबाट उठेको कुरा के हो भने तपाईहरु त अहिले पनि बंशजको आधारमा नागरिक त अहिले पनि हुदैहुनुहुन्छ ।  तपाइहरुले प्राप्त गरेको बंशजको नागक्तिा खोस्ने त्यस्तो कुराको बारेमा संबीधानले कहिकतै गरेको पनी छैन , त्यसकारण तपाईहरु अन्य गैर आवासीय नेपाली जस्तो नभएर तपाईहरुको अलग्गै परिभाषा नेपाल राष्ट्रसंग जोडिएकोछ र नेपलाले गरेको नेपाल, भारत र यू.के बिचमा भएको संझौता द्धारा तपाईहरुलाई रेगुलेट गरिएको स्थिति हो ।

र अहिलेको संबैधानिक ब्याबस्थाले तपाईहरुको बंशजको नागरिक्ता खोस्ने भन्ने बेबस्था गरेको मैले बुझेको छैन । तर, पनि याहां केहि न केहि कन्फ्यूजन चांहि देखियो ,अन्य गैर आवासीय नेपालीहरु, १९४७ को त्रिपछिय सन्धी द्धारा परिभाषीत गरिएका ब्रिटसि गोर्खामा रहेका सैनिकहरुको नागरिक्ताको बिषयमा अलग,अलग परिभाषा नहुंदा कहिन कहि केहि कन्फ्यूजन छ भन्ने देखियो । त्यसकारण तपाईहरुले उठाउनु भएको आवाज भनौ अहिले हाम्रो बंशजको आधारमा  प्राप्त भएको नागरिक्ता ,किनकि राष्ट्रियताको आधारले हामी नेपाली हौ, बंशजको आधारमा हामीले नागरिक्ता प्राप्त गरेको हो र ब्रिटिस नागरिक्ता हामीले सम्मान स्वरुप त्रिपक्षिय सन्धी अनुसार प्राप्त गरेको र त्यो सुबिदा प्राप्त गर्नु पर्छ भन्ने लडाईको परिणाम र तपाईहरुले गरेकोे आन्दोलनको परिणामले त्यो सम्मान प्रात गर्नु भयो ।

यध्यपी त्यो सम्मान प्राप्त गर्नु पर्छ भन्ने कुरा १९४७ मानै ब्याबस्था गरिएको हो । तर, त्यस्को कार्यन्वयन गर्ने क्रममा जुन कम्जोरी थियो त्यो करेक्सन गर्ने सम्बन्धमा पछिल्लो चरणमा त्यो सम्मान तपाईहरुले ब्यबाहारिकरुपले प्राप्त गर्नु भयो । तर, त्यो प्राप्त गरेको अहिलेको कुनै नौलो सन्धी संझौता अनुसार नभएर १९४७ कै सन्धी सम्झौता भएको हुनाले र तपाईहरुको बंशजको नागरिक्ता खारिज गर्ने प्रावधान पनि भएन र कुनै अधिकार पनि होईन । संबैधानीकरुपले भने यो बिषयलाई संबिधानमा कानुन बनाउदा किलियर गर्ने कुरा हो या संबीधानमै संसोधन गरेर कन्फ्यूजनलाई किलियर गर्ने र संबिधानमै छलफल चलाउने र स्थिितिलाई स्पस्ट गर्ने कुराको आबस्यक्ता मैले याहा प्रस्तुत भएका बिषय बस्तुहरु र याहा अहिले भरखरै डा. चन्द्रकान्त ज्ञावली साबले राख्नु भएका कुराहरु आबस्यक छ भन्ने मैले महसुस गरे ।
 
अस्ति भरखरै पनि  यूकेका एकजना मन्त्री याहा आउनु भएको थियो र दुबै सेना नेपाली र ब्रिटीस सेनालाई समान अधिकार जो चलिरहेको अभियान छ, त्यो अभियानको बारेमा पनि दुईतिन हप्ता पहिले मैले कुरा राखेको थिए । यो बिषय संपूर्णरुपमा अझै पनि टुंगि सकिएको त छैन सकरात्मक ढंगले तपाईहरु दिन प्रतिदिन सफल्तातिर तपाईहरु अगाडी बडेको देख्छु र नेपाल सरकार नेपालका राजनीतिक दलहरु,नेपालको राजनीतिक नेतृत्व पनि तपाईहरु संग नेपालकै समग्र नेपालको हितका कारण जोडिएको छ र सहयोग पनि रहदै आएको छ ।

अब यो नागरिक्ता संबन्धी कन्फ्यूजन पनि मलाई लाग्छ छिटै अहिले सायद समितिमा जो संघीय कानून संग संबन्धीत बिषयमा छलफलमा पनि छ । र त्याहांको छलफमा पनि राजनीतिक नेतृत्वतहको छलफलमा पनि र अहिले उठेको यो बिषयमा पनि एकछिनपछि हाम्रो पार्टीको सचिवालय बैठक पनि छ र त्यो बिषयमा तपाईहरुले उठाएको नागरिक्ता संबन्धी बिषयमा छलफल अगाडी बडाउने म तपाईहरुलाई बिस्वास दिलाउन चहान्छु र म तपाईहरुको सदै साथमा रहने छु तपाईहरुको यो कार्यक्रम सफल्ताको शुभकामना छ , धन्यबाद ।

पुरा फोटो र्हेनका लागी यो थिच्नुहोस :नेपाली नागरिक्ता नखोसियोस ।

 

 

Last Updated on Tuesday, 18 September 2018 04:50

Hits: 578

स्व.खपाङ्गीको दोस्रो स्मृतिसभा संपन्न , एक करोडको अक्षयकोष घोषणा !

 

खड्क सारु मगर
काठमाण्डौ,भदौ १४ गोरेबहादुर खपाङ्गी फाउण्डेशनद्धारा मिति २०७५ साल भाद्र ११ गते गोरेबहादुर खपाङ्गीको दोस्रो स्मृतिदिवस संपन्न भएको छ ।

Image may contain: 5 people, people sitting and people standing  फाउण्डेशनको अध्यक्ष हुमबहादुर थापा मगरको अध्यक्षतामा महिला बालबालिका तथा जेष्ठ नागरिक माननीय मन्त्री थममाया थापाको प्रमुख आतिथ्यतामा प्रज्ञा भवन कमलादी काठमाण्डौंमा सम्पन्नभयो  ।

Image may contain: 7 people, including Ganga Khasu and Prem Tamang, people standing and indoor

 

विशेष अतिथिमा खपाङ्गीको अर्धाङ्गिनी विद्याखपाङ्गी रहनु भएको थियो भने अतिथिहरुमा पूर्वमन्त्री बलाराम घर्तिमगर, संघिय समाजवादीफोरम नेपालका सह–अध्यक्ष एब पूर्वमन्त्री माननीय सांसद राजेन्द्र श्रेष्ठ, पूर्वमन्त्री देवीप्रसाद ओझा, नेपाल राष्ट्रिय शिक्षक संगठनका संस्थापक अध्यक्ष बद्रीप्रसाद खतिवडा, नेपाल मगर संघ तथा नेपाल जनजातिमहासंघका संस्थापक महासचिव सुरेश आलेमगर, प्रा.डा. श्रीराम प्रशाद उपाध्याय, आदिवासीजनजाति महासंघका पूर्व महासचिव प्रा.बालकृष्ण माबुहाङ, नेपालीकाँग्रेसका पूर्व सांसद आनन्द सन्तोषी राई राष्ट्रिय जनमुक्ति पार्टीका अध्यक्ष के.पी. पालुङ्वा, लिवरल डेमोक्रेटीक पार्टीका अध्यक्ष गणेशवल तामाङ्ग नेपाल मगर संघका महासचिव ज्ञानेन्द्र पुन मगर हुनुहुन्थ्यो ।

Image may contain: one or more people and people standing  २०३० देखि २०३६ साल सम्म गोरेबहादुर खपाङ्गी प्रधानाध्यापक रहेका तत्कालिन रामेछाप जिल्लाको सदरमुकाम रामेछाप डाँडामा अवस्थित गौरीशंकर मा.वि.हालउच्च मा.वि.का प्रधानाध्यापक निरबहादुर कार्की,नेपाल मगर संघका पूव अध्यक्ष क्या. यमबहादुर बुढाथोकी मगर, मगर बुद्ध सेवा संघका केन्द्रिय अध्यक्ष देउबहादुर राना मगर,पि.ए नेपालका ईन्दिरा राना मगर, आदिबासी जनजाति अपांग महासंघका अध्यक्ष खड्क सारु मगर, फउण्डेसनका सल्लाहाकार अधिबक्ता गौबहादुर आले मगर,राष्ट्रिय समचार समितिका पूव माहानिर्देशक खिलध्वज थापा मगर ,मा.मित्रसेन प्रतिष्ठानका अध्यक्ष त्रिलोक थापा मगर, नेपालका प्रथम शहिद लखन थापा मगरका उपाध्यक्ष उमेश राना मगर, आदिकबी जितबहादुर सिंगजाली प्रतिष्ठानका अध्यक्ष शंजोग लाफा मगर,मगर बुद्ध संघ हंगकंगका अध्यक्ष एम.बि.थापा दर्लामी मगर , मगर संघ यू.केका सल्लाहाकार सरिता पुलामी मगर ,नेपाल मगर महिला संघका संस्थापक अध्यक्ष  बम कुमारी बुढामगर, नेपाल मगर संघका अध्यक्ष बिनिता आले मगर, मगर सास्कृतिक संघका अध्यक्ष कबिराज मगर,नेपाल मगर यूबा संघका उपाध्यक्ष संगीता पुलामी मगर लगायत मगर संघका बिभिन्न संगठनका प्रमुखहरुको उपस्थित रहेको थियो ।

प्रमुखImage may contain: 8 people, including Rudra Siddhant Gurmachhan, people sitting

 

अतिथि माननीयमन्त्री थममायाथापाले उद्दघाटन मन्तव्यको क्रममा जब गोरेबहादुरले आफ्नो समाजलाई चिन्नथाल्नु भयो र समाजमा शोषण उत्पीडिन छ त्यसको अन्त्यहुनु पर्दछ भन्ने सोचका साथ पछाडि परेको वर्गको समुदायको उत्थान गर्ने कार्यमा सहभागिहुनेक्रमउहाँले जेलनेलका साथै आरोप प्रत्यारोप खेप्नु भयो । सुरुमा बामपन्थीआन्दोलनको दौरानमालाग्दै गर्दा आफू जन्मे हुर्केको समाज अर्थात मगर समाजको पनिउत्थान हुनुपर्दछ भनेर मगर संघको स्थापनाकालदेखि भाषिक धार्मिक साँस्कृतिक अधिकार मुद्दालाई राज्यको मुलप्रवाहमाल्याउन नेतृत्वदायीभुमिका पनि निर्वाह गर्नुभयो । उहाँले उठाएको मुद्दा अहिले सत्यसावितभएको छ । हामीले उहाँले उठाएको मुद्दालाई सच्चारुपले बहस र छलफल गर्दै आमसमुदायबिच पु¥याउने काम गरेको खण्डमामात्र गोरेबहादुर खपाङ्गीप्रति सच्चा सम्मान भएको ठहरिनेछ ।

Image may contain: 1 person, eyeglasses, beard and text

 

यस कार्यमा फाउण्डेशन सक्रियताकासाथ लाग्नेछ त्यसको लागि मेरो व्यक्तिगत एवं नेपाल सरकारबाट गर्न सकिने सहयोग रहनेछ । उपस्थित अन्य अतिथि वक्ताहरुले गोरेबहादुर खपाङ्गीले राज्यबाट विभेदमा परेका जाति समुदायको उत्थान र उनिहरुको सामाजिक आर्थिक राजनीतिक एवं शैक्षिक परिवर्तनको लागि गरेको योगदानको चर्चा गर्दै उहाँको व्यक्तित्वको बारेमा मन्तव्य राख्नुभएको थियो । सो अवसरमा खपाङ्गीको बारेमा विभिन्न समयमा पत्रपत्रिका र छापामा प्रकाशित लेखहरुलाई समेटेर पुस्तकको रुपमा गोरेबहादुर खपाङ्गी–स्मारिका २०७५ प्रमुख अतिथि माननीय मन्त्री थममाया थापा मगरज्यूले विमोचन गर्नु भएको थियो ।

Image may contain: 1 person

 

खपाङ्गीको दुर्घटना पश्चात उपचारको क्रममा फाउण्डेशनलाई अतुलनिय आर्थिक एव विभिन्न प्रकारका सहयोग गर्ने संघ – संस्था तथा व्यक्तिहरुलाई सम्मान गर्नुका साथै फाउण्डेशनका संरक्षक र आजिवन सदस्यहरुलाई प्रमाण पत्र वितरण समेत गरिएको थियो ।

Image may contain: 1 person, standing and indoor

 

संस्थाका महासचिब भाबेश भूमरीले कार्यक्रम सञ्चालन गर्नुभएको थियो भने संस्थाका सदस्य  बिष्णु सिंजालीले स्व. नेता खपाङ्गीको जिवानी सहित प्रकाशीत स्मारिकाको बारेमा जानकारी र स्वागत मन्तब्य दिनुभएको थियो ।

Image may contain: 4 people, people standing and indoor

 

कार्यक्रमको अन्त्यमा फाउण्डेशनका अध्यक्ष ह’मबहाद’र थापा मगरले स्मृतिग्रन्थ प्रकाशन गर्न लेखहरु आउने क्रमजारी रहेकोले निकट भबिश्यमा प्रकाशन गर्ने गरी यस पटक नेता खपांगीको मृत्यु पश्चात बिभिन्न पत्रपत्रिकामा प्रकाशीत लेखहरुको संगालो गोरेबहादुर खपाङ्गी–स्मारिका २०७५ प्रकाशीत भएको सभालाई जानकारी दिनुभएको थियो ।

Image may contain: 5 people, including Homraj Khapangi Magar and Man Bahadur Budha, people smiling, people standing
साथै स्व. गोरेबहादुर खपाङ्गीको नाममा एक करोड रुपैया बराबरको अक्षयकोष खडा भएको अध्यक्षले जानकारी दिदै प्रत्येक बर्ष गोरेबहादुर खपाङ्गीको नाममा  प्राज्ञीक पुरस्कार , गोरेबहादुर खपाङ्गी स्मृति छात्रबृत्ती पुरस्कार र गोरेबहादुर खपाङ्गी स्मृत्ती प्रतिभा पुरस्कार एक एक जनालाई आगामी बर्ष देखि दिने जानकारी दिनुभयो ।

Image may contain: 8 people, including Himal Gharti Magar and Deepa Ale, people sitting

 फोटोहरु : कमला थापा र ज्ञानेन्द्र पुन मगरको फेसबुक बाट लिईएको ।

(नोटः आगामिदिनहरुमा विशेष अतिथि र अतिथिहरुको मन्तव्य युट्यूब तथा यसै राज्यसत्तामा प्रकाशन गरिनेछ )

फोटो हेर्न लिङ्क थिच्नुहोस्  :

महान बिचारक खपांगीको दोस्रो स्मृति सभा - २०७५ यसरी मनाइयो.

 

 

Last Updated on Tuesday, 18 September 2018 04:48

Hits: 1373

 हार्दिक श्रध्दाञ्जलि - ज्ञान बहादुर गाहा मगर