A+ A A-

देश र समाजको विकासमा युवाहरु लाग्नु पर्छ :प्रजिअ ढकाल

देव घर्ती मगर

रुपन्देही, साउन २८ - देश र समाजको विकासमा युवाहरु लाग्नु पर्ने रुपन्देहीका प्रमुख जिल्ला अधिकारी विष्णुप्रसाद ढकालले बताउनु भएको छ । उहाले समाजमा सुसान कायम गर्न युवाहरुले अह्म भूमिका खेल्नु पर्ने भन्दै त्यसको लागि सकारात्मक सोचको आवश्यक रहेकोमा जोड दिनु भएको थियो ।

अन्र्तराष्ट्रिय युवा दिवसको अवसरमा रुपन्देहीको देवदहमा लियो क्लव अफ लर्ड बुद्धको आयोजनामा आयोजित कार्यक्रममा बोल्दै उहाले उक्त कुरा बताउनु भएको हो । प्रमुख जिल्ला अधिकारी ढकालले युवाहरु विदेशमा पलायन नभई स्वदेश मै बसेर आत्मनिर्भर बन्ने तर्फ लाग्नु पर्नेमा जोड दिनु भयो । लियो क्लव अफ लर्ड बुद्ध देवदहका अध्यक्ष दिपक मल्लको अध्यक्षतामा भएको कार्यक्रममा लियो क्लवका एडभाईजर गोपाल पाण्डे, देवदहद उद्योग बाणिज्य संघका अध्यक्ष गोपाल ढकाल, हेरितेजका टंकप्रसाद पोखरेल लगायतले आ–आफना भनाई राख्नु भएको थियो ।

कार्यक्रममा चित्र प्रतियोगिता र मेहेन्दी प्रतियोगिता सेमत सम्पन्न भएको छ । चित्र प्रतियोगितामा केरवानी उच्च माविका आयुषमा भण्डारी प्रथम, देवदह बोडिङ्ग स्कुलका आशिष काफ्ले द्धितिय र देवदह उच्च माविका एसवन सापकोटा तृतिय भएको छ । त्यसैगरी मेहेन्दी प्रतियोगितामा कलावती न्यौपाने प्रथम, सुनिता थापा द्धितिय र सारदा श्रेष्ठ तृतिय हुन सफल भएको थियो ।

विजेन्द्रमान शाक्यको स्वागत र विकास गौतमको संचालनमा भएको कार्यक्रममा विभिन्न सांस्कृतिक प्रस्तुत गरिएको थियो ।

Last Updated on Saturday, 13 August 2016 08:32

Hits: 281

राज्यसत्ता सहकर्मी पचभैया सहित दुई पत्रकार र ३ सय खेलाडी सम्मानित !

राज्यसत्ता

पाल्पा, श्रावण २८- राज्यसत्ता सहकर्मी देब पचभैयालाई जिल्ला खेलकुद बिकास समिति पाल्पाले पुरस्कृत गरेको छ । खेलपत्रकारीताको माध्यमबाट पाल्पा जिल्लाको गरिमालाई उचाईमा पुर्याउन योगदान गरेको भन्दै पचभैया र ए,बि,सि टेलिभिजनका पाल्पा संवाददाता कृष्ण पोखे्रललाई ५ हजार नगद र सम्मान पत्रले पुर्व युवा तथा खेलकुद मन्त्री पुरुषोत्तम पौडेल र  पुर्व उधोगमन्त्री सोम प्रसाद पाण्डेले सम्मान गर्नुभयो । झण्डै १७ बर्ष देखि सक्रिय पत्रकारिता गर्दे आउनुभएका पचभैया तेक्वाण्डोका पुर्ब अन्र्तराष्ट्रिय खेलाडी पनि हुनुहुन्छ ।

अन्तराष्ट्रिय युवा दिवशको अवशरमा जिल्ला खेलकुद विकास समिती पाल्पाले शुक्रबार विभिन्न विधाका ३ सय खेलाडीलाई पनि सम्मान गरेको छ ।

समितिले २०३० साल देखी हाल सम्मका २१ विधाका सवै  नयाँ तथा पुराना खेलाडीहरु लाई सम्मान गरेको जिल्ला खेलकुद बिकास समिति पाल्पाका अध्यक्ष करुणा काफ्लेले जनाकारी दिनुभयो । समितिले आई टि एफ टेक्वान्डोका ७० जना, क्रिकेट तर्फ ३० जना, व्याडमिण्टन तर्फ ३० जना, फुटवल तर्फ २५ जना, भलिवल तर्फ १० जना, कराते तर्फ १५ जना, डव्लु. टि. एफ तेक्वाण्डो तर्फ १० जना, एथलेटिक्स तर्फ ४० जना, जुडो, उसो, शारिरिक सुघठन, टिटी लगायत अन्य विधामा गरी ७० जना खेलाडी  लाई सम्मान गरेको हो ।  राष्ट्रिय प्रतियोगितामा सहभागी  पदक विजेता २५० जना र अन्तराष्ट्रिय खेलमा सहभागी ५० जना खेलाडीलाई  जिल्ला खेलकुद विकास समितीले पहिलो पटक सम्मान पत्रले सम्मान गरेको हो ।

कार्यक्रम लाई सम्वोधन गर्दै पुर्व युवा तथा खेलकुदमन्त्री पौडेलले खेलकुद विकासको लागी पुर्वाधार, आधुनिक तरिकाको प्रशिक्षण र खेलाडी लाई सुविधा जरुरी भएको बताउनुभयो ।

नेपाली  खेलाडीहरुले भोको पेटमा पटुका बाधेर नेपाल लाई चिनाउने काम गर्दै आएको पुर्व मन्त्री पौडेलको भनाई छ । आफ्नो कार्यकाल अघि खेलकुदको बजेट जम्मा ५९ करोड ४६ लाख रहेकोमा निरन्तर सर्घष गरी ३ अर्वको  हाराहारीमा बजेट बृद्धि गरी पुर्वाधार तथा खेलाडीहरुमा लगानी गरेको उहाको भनाई छ ।

कार्यक्रममा पुर्व उधोगमन्त्री सोम प्रसाद पाण्डेले केपि ओली नेतृत्वको सरकारले नेपालका विभिन्न खेलहरु लाई अन्तराष्ट्रिय स्तरमा पुर्याउने योजनाका साथ खेलकुदको पुर्वाधार विकास, खेलाडीहरुको सुविधामा प्रयाप्तमात्रामा बजेट विनियोजन गरेको दाबी गर्नुभयो । आगामी दिनमा पनि सांसदको हैसियतामा जिल्लाको खेलकुद विकासको लागी आफु निरन्तर लागी रहने पाण्डेले जानकारी दिनुभयो ।

कार्यक्रममा खेलकुद बिकास समितिका पश्चिमाञ्चल क्षेत्रका क्षेत्रिय कोषाध्यक्ष बसन्त जि आर, बरिष्ट पत्रकार मेघराज शर्मा, सहायक प्रजिअ धुव्र बहादुर कुवँर, नेपाली काग्रेसका जिल्ला सचिव झपेन्द्र गहिरे, नेकपा एमालेका जिल्ला अध्यक्ष देवी प्रसाद बस्याल, नेपाल पत्रकार महासंघका अध्यक्ष राजेश कुमार अर्याल, समितीका पुर्व अध्यक्ष विमल काफ्ले लगायतले सम्मानित खेलाडी तथा पत्रकारहरु लाई बधाई दिनुभयो । खेलकुद विकास समिती पाल्पाका अध्यक्ष करुवा काफ्लेको सभापतित्वमा भएको सम्मान कार्यक्रममा कोषाध्यक्ष प्रकाश श्रेष्ठको स्वागत र सदस्य नमिता बस्यालले संचालन गर्नुभएको थियो ।

Last Updated on Saturday, 13 August 2016 08:25

Hits: 377

जनमुक्ति पार्टी आबद्ध लिम्बुवान राज्य परिषद्ले लिम्वूवान वन्द गरे !

भैरब आङ्ला

धरान, श्रावण २२ - राष्ट्रिय जनमुक्ति पार्टी लिम्बुवान राज्य परिषद्ले आवहान गरेको लिम्वूवान वन्दको प्रभाव अरुण पुर्वको नौ जिल्लामा परेको छ ।

बन्दको कारण विहानै देखि मोटरसाईकल, प्रेसका गाडी, कुटनितिक नियोगका गाडी, दमकल र एम्वुलेन्स बाहेक कुनै पनि सवारी साधन चलेका छैनन् । बजार पसल वन्द छन् । साउन २२ लाई कालोदिन मान्दै आएको राष्ट्रिय जनमुक्ति पार्टी लिम्बुवान राज्य परिषद्ले आज लिम्बुवानको ९ जिल्ला बन्द गरेको हो ।

१८३१ साउन २२ गते कै दिन लिम्बुवान तत्कालिन गोर्खा सँग भएको  नुनपानी सन्धीले आत्मनिर्णयको अधिकार खोसिएको भन्दै कालो दिनको रुपमा साउन २२ लाई परिषद्ले मनाउँदै आएको छ । २०६६ सालदेखि आजैको दिनलाई कालो दिन मान्दै परिषद्ले लिम्बुवान क्षेत्र बन्द गराउँदै आएको छ ।

बन्द अघि बिहानको ५ बजेदेखि साँझ ५ बजेसम्म रहने पार्टीका केन्द्रीय उपाध्यक्ष एवं लिम्बुवान इन्चार्ज चन्द्रबहादुर खापुङहाङले बताउनुभएको छ ।

बन्दमा प्रेश, कुटनीतिक नियोगका गाडी, परीक्षार्थी बोकेको गाडी, एम्बुलेन्स, शब बाहान तथा मोटरसाइकलहरुलाई छुट दिने बताइएको छ ।

Last Updated on Saturday, 06 August 2016 03:19

Hits: 1053

टुक्रिएको मगरात एक गराउन प्रधानमन्त्री संग मगर अगुवाको आग्रह !

देब पचभैया

काठमाण्डौ, श्रावण २७ - मुलुकलाई संघिय संरचनामा लग्दा मगरात क्षेत्रलाई टुक्रयाएको भन्दै त्यसलाई एक गराउन मगर अगुवाहरुले प्रधानमन्त्री पुष्पकमल दाहाल (प्रचण्ड) संग आग्रह गरेका छन् ।

प्रधानमन्त्री निवासमा पुगेर नेपाल मगर भुपु सैनिक तथा प्रहरी संघका केन्द्रिय अध्यक्ष हुम बहादुर थापा (पचभैया ), मगर संघका संस्थापक महासचिब सुरेश आले मगर, नेपाल मगर लेखक संघका सदस्य हिरा सिँजाली मगर लगाएतको टोलीले नव निवार्चित प्रधानमन्त्री प्रचण्डलाई भेटी बधार्इ तथा शुभकामना दिदैँ  अन्तरिम संबिधान भन्दा पछि हटेर अहिले निर्माण भएको संबिधानलाई तत्काल पुर्नलेखन गर्न आग्रह गरेका हुन् ।


भेटमा उनीहरुले पहिचान र अधिकार नभई बनेको संबिधानलाई पुर्नलेखन गर्न आग्रह गर्दै आदीबासी जनजाति, मधेसी लगाएतका नेपालीहरुको असन्तुष्ती रहीरहेको भन्दै ति समस्या तत्काल सम्बोधन गर्न प्रधानमन्त्री प्रचण्ड संग आग्रह गरेको भेटमा सहभागी हुम बहादुर थापाले जानकारी दिनुभयो ।

 

 

 

 

 

Last Updated on Wednesday, 10 August 2016 18:07

Hits: 3156

राष्ट्रिय जनमुक्ति पार्टीको पहिलो बैठक सम्पन्न पश्चात रिपोर्टस कलबमा पत्रकार सम्मेलनको पूर्ण पाठ

राज्यसत्ता         

काठमाण्डौं,अषाढ १८ - राष्ट्रिय जनमुक्ति पार्टी, संघीय परिष (केन्द्रीय समिति) को पहिलो बैठक पार्टी अध्यक्ष खड्ग प्रसाद पालुङ्गवाको अध्यक्षतामा यही मिति २०७३ साउन १४ देखि शुरु भई आज १७ गते सम्म १० बजे सम्पन्न भयो । उक्त बैठकका मुख्य निर्णयहरु यसै पत्रकार सम्मेलन मार्फत जानकारी गराउन चाहन्छौं ।


१. सरकार र संविधान बारे : हाल प्रधानमन्त्री के.पी. ओली नेतृत्वको सरकारको विघटनलाई पार्टीले सकारात्मक रुपमा लिएको छ । मूलुकको वर्तमान परिस्थितिको सम्बोधन र समाधानका लागि मार्ग प्रशस्त गर्न अब बन्ने सरकार राष्ट्रिय सरकारको स्वरुपमा निर्माण हुनुपर्दछ । सबै नेपालीहरुले स्वामित्व ग्रहण गर्ने गरी संविधानको पुनर्लेखन वा नयाँ संविधान–२०७२ मा आधारभूत संशोधन हुनु पर्दछ ।

२) राष्ट्रिय समस्या, संविधान र निकास बारे : यस सम्बन्धमा प्रादेशिक तहमा (पहिलो चरण) सर्वपक्षीय अन्तरकृयात्मक छलफल, गोष्ठी भदौ महिना भरीमा सम्पन्न गर्ने निर्णय गरिएको छ ।

३) प्राकृतिक विपत्ति र मानवीय राहत सम्बन्धमा : हालै आएको प्राकृतिक विपत्ति (भारी वर्षाका कारण डुबान र बाढी पहिरो) बाट हुन गएको धनजनको व्यापक क्षति प्रति पार्टीले गहिरो दुःख व्यक्त गर्दछ । सो विपत्तिबाट घाईते, वेघरबार भएकाहरुलाई सरकारबाट अविलम्ब उचित राहत प्रदान गर्न पार्टी जोडदार माग गर्दछ । साथै पीडितहरुलाई पार्टीको तर्फबाट यथासक्य राहत उपलब्ध प्रदान गर्न गराउन राज्य परिषदको नेतृत्व रहने गरी पार्टीले पहल गर्ने निर्णय भएको छ । बाढी पहिरो र डुबानबाट पीडितलाई अविलम्ब राहत वितरण गर्ने सम्बन्धमा सरकारी ढिलासुस्ती र गैरजिम्मेवारीपनाको पार्टीले भ्रत्सर्ना गरेको छ । पार्टीले प्राकृतिक विपत्ति तथा मानविय सहायता कोषको स्थापना गर्ने छ । तत्काल पार्टीको राज्यपरिषदहरु मार्फत राहत/उद्धार कार्य अगाडी बढाउने निर्णय गरिएको  छ ।

४. पार्टी र संघीय गठबन्धन सम्बन्धमा : पार्टी सम्मिलित संघीय गठबन्धन (२९ दलिय गठबन्धन) ले कृयाकलाप हाल सम्म सन्तोषजनक रहेको बैठकको निष्कर्ष रहेको छ । संघीय गठबन्धनले संविधान–२०७२ मा पुनर्लेखन वा आधारभूत संशोधनको शर्तलाई अनिवार्य रुपमा मुख्य प्रस्ताव बनाएर अगाडि बढ्नु पर्ने निर्णय गरियो ।

५. जनमुक्ति अध्ययन प्रतिष्ठान (Janamukti Academy) को गठन : मूलतः पार्टीको विचारधारालाई संस्थागत गर्ने, अन्तर्राष्ट्रियकरण गर्ने, पार्टी नेता–कार्यकताहरुलाई  वैचारिक रुपमा परिस्कृत र दक्ष बनाउने लगायतका वैचारिक, बौद्धिक जिम्मेवारी निर्वाहका लागि स्वायत्त स्वरुपको “जनमुक्ति अध्ययन प्रतिष्ठान” (Janamukti Academy) निर्माण गरिएको छ । यस प्रतिष्ठनको मुख्य जिम्मेवारी केशव सूर्यवंशी (महासचिव) लाई दिईएको छ ।

६. विभागहरुको गठन र जिम्मेवारी : पार्टी विविध जिम्मेवारीहरुलाई चुस्त दुरुस्त बनाउनका लागि निम्नानुसारका विभागहरुको गठन गर्ने निर्णयहरु गर्दै जिम्मेवारीहरु समेत तोकिएको छ ।

क) डि.के. बुद्धिष्ट (वरिष्ठ नेता) : परराष्ट्र विभाग प्रमुख

   टोप अस्लामी (उपहासचिव) : परराष्ट्र विभाग उपप्रमुख

ख) केशव सूर्यवंशी (महासचिव) : युवा, विद्यार्थी र बुद्धिजीवि विभाग प्रमुख

ग) मानध्वज ब्लोन (सहअध्यक्ष) :अन्तरपार्टी सम्पर्क विभाग प्रमुख

   टिकाराम शर्मा (उपाध्यक्ष)  :अन्तरपार्टी सम्पर्क विभाग उपप्रमुख

घ) बुद्धश्री लामा (सहअध्यक्ष ) : महिला विभागा प्रमुख

ङ) मोहन धिमाल (उपाध्यक्ष) : प्रशिक्षण विभाग प्रमुख

च) टोप अस्लामी (उपहासचिव) : सञ्चार विभाग प्रमुख

छ) रामु परियार (उपमहासचिव) : संगठन विभाग प्रमुख

ज) डब बहादुर गर्वुजा (कोषाध्यक्ष) : आर्थिक विभाग प्रमुख

झ) के.बी. पुन (संघीय परिषद सदस्य) : संगठन विभाग उपप्रमुख

ञ) बोम दर्लामी (संघीय परिषद सदस्य) : संगठन विभाग सदस्य सचिव

ट) दल बहादुर वीरकट्टा (संघीय परिषद सदस्य) : जातीय समन्वय विभाग प्रमुख

ठ) हरिदेव थापा (संघीय परिषद सदस्य) : आयआर्जन तथा स्वरोजगार विभाग प्रमुख

ड) सूर्य कुमार सारु (संघीय परिषद सदस्य) : यातायात विभाग प्रमुख

ढ) चेत बहादुर आले (संघीय परिषद सदस्य) : कानुन तथा न्याय विभाग प्रमुख

ण) होमलाल पुन  (संघीय परिषद सदस्य) :साँस्कृतिक विभाग प्रमुख

त) मुरलीधर मिश्र (संघीय परिषद सदस्य) : कृषि विभाग प्रमुख

७. साँगठनिक अभियान  : पार्टीको संगठन निर्माण र सदृढीकरण अभियान आगामी भदौ महिना भरी (मिति २०७३ भदौ १ गते देखि मसान्त सम्म) सञ्चालन गर्ने निर्णय भएको छ । सो अभियान अन्तर्गत (क) सदस्यता अध्यावधी गर्नका लागि घरदैलो, (ख) जिल्ला तहमा अगुवा कार्यकर्ता प्रशिक्षण शिविर र (ग) संविधान पुनर्लेखन सम्बन्धी विभिन्न स्तरमा गोष्ठी सञ्चालन गर्ने निर्णय भएको ।

८. मनोनयन : संघीय परिषद (केन्द्रीय समिति) मा ३५ जना सदस्यहरु थप गरिएको छ । पार्टीको केन्द्रीय स्थायी संरचना संघीय महासभा (Federal House) मा ५५ जना लाई मनोनयन गरिएको छ ।

..........................                                                                   टोप अस्लामी                                                                             (सञ्चार विभाग प्रमुख)

मिति : २०७३ असोज १७ गते ।

 

 

 

Last Updated on Thursday, 04 August 2016 12:08

Hits: 291

 हार्दिक श्रध्दाञ्जलि - ज्ञान बहादुर गाहा मगर