A+ A A-

स्व गोरे बहादुर खपांगी मगर प्रति ३ थुङ्गा श्रद्धाका फूल स्वरुप ३ प्रसंगहरु

बि के राना

समाजवादी नेता स्व. गोरे बहादुर खपांगी मगरको आज अन्त्येष्टी भैसकेकोछ काठमाडौँमा ! यस पंक्तिकारले उहाँसंग धेरै नजिक रहेर केही काम गर्ने मौका पायो । सात समुन्द्र पारिदेखि उहाँप्रति तीन थुङ्गा श्रद्दाका फूल स्वरुप यहाँ तीनवटा प्रसंगहरु उल्लेख गरिएको छ ।

१) बिक्रम सम्बत् २०३६ सालको विधार्थी आन्दोलनपछि राजा बीरेन्द्रबाट वि. सं. २०३६ साल जेठ १० गतेका दिन आउने २०३७ साल बैशाख २० गते मुलुकमा 'सुधारिएको पंचायत' वा 'बहुदलीय व्यवस्था' मध्ये कुन चाहिँ ? भन्ने विषयमा जनमत संग्रह गरिने भन्ने घोषणा भएको थियो । त्यसपछि मुलुकमा स्वभावैले गरम्जोश्का साथ चुनाव प्रचार प्रसारको कुरो अर्थात् भाषण भीषण शुरु हुने नै भयो । एक दिन अपरान्ह त्रिचन्द्र क्याम्पसमा त्यस्तै 'भाषण भीषण'को कार्यक्रम आयोजन गरिएको थियो । मन्चमा आसिन वक्ताहरु हुनुहुन्थ्यो : हृषिकेश शाह, गोरे बहादुर खपांगी र प्रदिप गिरि ।

यस पेजको एड्मिनले स्वर्गीय खपांगीलाई त्यसैदिन हो सबभन्दा पहिलो पटक देखेको र उहाँको भाषण प्रत्यक्ष सुनेको श्रोताहरुको पंक्तीबाट ! ब्राह्मणजनहरुको वर्चस्व रहेको तत्कालिन 'माले' (हालको 'एमाले'। हालपनि सबै राजनीतिक पार्टीहरुमा ब्राह्मणजनहरुको नै वर्चस्व कायम छ ।) को "राजनीतिक चक्रव्यूहभित्र वहिष्करणमा पर्नगएको र जसरी सल्लाको वनमा एक्लो 'साल' किचरिक्क परेर आफै मर्छ - त्यस्तै हुने अवस्था देखेर मैले त्यो पार्टी छोडेको हुँ " भन्ने ऐलान गर्नु भएको थियो मंचबाट उहाँले । अत्यन्त मीठो लागेको थियो उहाँको त्यो भाषण !

२) त्यसबेला रामेछाप जिल्लामा प्रतिबन्धित वा भूमिगत 'नेपाल कम्युनिष्ट पार्टी (मार्क्सवादी-लेनिनवादी) अर्थात् 'माले पार्टी'कोनिम्ति जोतिंदा, माने कामगर्दा उहाँ सरकारी तारो बन्न पुग्नुभयो । र, दोलखा जिल्लाको लामोबगर भन्ने अत्यन्त दुर्गम गाउँमा केही समयकानिम्ति लुकिछिपी बस्न जानुभयो । त्यस सिलसिलामा एकरात बासबसेको घरको एउटा रोचक प्रसंग उहाँले सुनाउनु भएको थियो यस पंक्तिकारलाई । कुरो के थियो भने, त्यो ठाउंमा औधी जाडो हुने गर्छ । "खान त रुखोसुखो, मीठो नमीठो खाईयो नै । तर सुत्नेबेलामा चौंरीको छाला ओछ्याउनु पर्यो, ओढ्नु पनि पर्यो । शरीर चिलाएर कन्याई रहनु पर्दा रातभर निदाउन सकिएन । भोलिपल्ट बिहान उठ्दा त , गोरो छालाको शरीरभरि जम्मै राता राता डाबरै डाबरा ! ........ " नेपाल कम्युनिष्ट पार्टी (मार्क्सवादी-लेनिनवादी) अर्थात् हालको एमालेका निम्ति उहाँले त्यसरी कामगर्नु भएको थियो ।

३) सम्बत् २०५७ साल श्रावण २३, २४ र २५ गते काठमाडौँमा तीनदिने ' विश्व आदिवासी दिवस - २०५७' (अगष्ट ७ - ९, २०००) विशेष ढंगबाट मनाइने कार्यक्रमको बनेको थियो । हालको 'आदिवासी जनजाति महासंघ' श्रोत र साधनको अभावमा शंकरदेव क्याम्पस पछाडिको एउटा घरको सानो कोठामा जसोतसो चलेको थियो । त्यसबेलासम्म नेपालका आदिवासी जनजातिहरु आज झैँ अपेक्षित रुपमा संगठित, सक्रिय र अभिप्रेरित हुनसकिरहेका थिएनन् । स्व. गोरे बहादुर खपांगी त्यसबेला नेपाल मगर संघ, केन्द्रीय समितिको अध्यक्ष हुनुहुन्थ्यो र उहाँको कुशल नेतृत्वमा संघले सामाजिक परिवर्तनका जोडदार कार्यक्रमहरु जनस्तरमा संचालन गरिरहेको थियो ।

'विश्व आदिवासी दिवस - २०५७' बीरेन्द्र अन्तर्राष्ट्रिय सभागृह (हालको व्यवस्थापिका संसद भवन)मा भव्यरुपले मनाउनकानिम्ति एउटा तदर्थ समिति गठन गरिएको थियो र त्यसको संयोजकका रुपमा स्वर्गीय खपांगीलाई चुनिएको थियो । त्यहाँ एकदिनको कार्यक्रमकोलागि हल भाडा १ लाख रुपैयाँ भनिएको थियो । वस्तुतः त्यो पैसा सरकारी अड्डा, तत्कालिन राष्ट्रिय जनजाति बिकास समितिले दिने भन्ने जनाएको थियो । तर, रकम चाहिँ मन्त्रालयबाट निकाशा भैसकेको भने थिएन । भोलि कार्यक्रम गर्नु पर्ने, बुक मात्र गरिएको तर पैसा नबुझाइएको हुँदा सो सभागृहले दिउसो ३ बजेतिर 'हल बुकिङ्ग' रद्दगर्ने कुरा गर्यो । अनि अब के गर्ने ? अफ्ठ्यारो पर्यो त । स्व. अध्यक्ष खपांगीले स्वर्गीय नारायण सिंह पुन मगरसँग १ लाख रुपियाँ सापटी लिएर आउनु भो र बुझाउनु भो । बल्ल हो बाबा भए नेपालका आदिवासी जनजाति नेता, अभियन्ताहरु ! भोलिपल्ट अर्थात २०५७ श्रावण २३ गते भव्यरुपले कार्यक्रम सम्पन्न भयो काठमाडौँमा ।

त्यसभन्दा पहिले नेपालका आदिवासी जनजातिहरुले कहिले पनि विश्व आदिवासी दिवस त्यस ढंगले मनाएका थिएनन् ।

अस्तु ।

Last Updated on Thursday, 01 September 2016 04:55

Hits: 713

पुर्व मन्त्री स्व. गोरे वहादुर खपाङ्गी प्रति श्रदाञ्जली अर्पण !

इश्वर बलम्पाकी मगर

उदयपुर, भादै १५ - उत्पीडित समुदायका शिखर ब्यक्तित्व, नेपाल मगर संघका पुर्व अध्यक्ष तथा पुर्व मंत्री गोरे बहादुर खपाङ्गी प्रति नेपाल मगर संघ उदयपुरको आयोजनामा बुधबार श्र्रदान्जली सभाको आयोजना गरीएको छ ।
वि.सं. २००३ साल साउन २५ गते उदयपुरको थाक्लेमा जन्मनु भएका मगरको काठमाण्डौ बाँसबारीको न्युरो अस्पतालमा ७० वर्षको उमेरमा गत शनिबार बेलुकी १० बजेर २२ मिनेट मा निधन भएको थियो । श्र्रदान्जली कार्यक्रममा बोल्दै नेवा देदबु उदयपुरका सचिब गौरी संकर उदासले खपाङ्गीे मगर जातीलाइ मात्रै नभएर सम्पुर्ण अदीबासीजनजातीकै शिखर ब्यत्तित्व रहेको बताउनु भयो । यस्तै कार्यक्रममा बिभिन्न जातीय संस्थाका प्रतिनिधि तथा अदक्ष्यले खपाङ्गीको योगदान बारेमा चर्चा गर्नुभएको थियो ।

यता नेपाल मगर संघ उदयपुरका अदक्ष्य तथा आदीबासि जनजाती महासंघ उदयपुरका अदक्ष्य केशब खपाङ्गी मगरले कार्यक्रममा बोल्दै उच्च सोच, दुर्दर्शी विचार र गहन सोचाइले सुसम्पन्न भएको एक व्यक्ति बहुआयामिक व्यक्तित्व ुको देहावसान ले हामिमा रिक्तता महसुस गराएको बताउदै उहाले सम्प्रेषण गर्नु भएको मुल्भावमा टेकेर उक्त रिक्तता परिपुर्ति गर्नु नै हामी सबैको दायित्व रहेको बताउनु भयो ।

खपाङ्गी २०५९ साल भदौ २२ गते तत्कालिन राजा ज्ञानेन्द्र शाहको पालामा ८ महिनासम्म महिला तथा बालबालिका मन्त्री बन्नुभएको थियो । उहाँ नेपाल मगर संघको सस्थापक सदस्य तथा २०४८ सालदेखि निरन्तर ४ कार्यकाल मगर संघको अध्यक्ष समेत हुनुभएको थियो । यस्तै  प्रखरवक्ताको रुपमा परिचित खपाङ्गी पञ्चायतकालमा १४ महिना जेल पर्नुभएको थियो ।

Last Updated on Saturday, 17 September 2016 03:27

Hits: 785

रामचन्द्रलाई बचाउन जनमुक्ति अगाडि सर्यो

संजय सिंजाली मगर

काभ्रे,श्रावण २९–रामचन्द्र तिमल्सिनालाई बचाउन राष्ट्रिय जनमुक्ति पार्टी उनको घर बनेपा,पनौति,कुसादेवी गा.वि.स. वडा नं.२,घिमीरे गाँउपुगेर सहयोग गरेको छ ।

पार्टीको तर्फ बाट चेक हस्तान्तरण गर्दै अध्यक्ष पालुंगा

जनमुक्ति पार्टी शाखा कतारका अध्यक्ष राज खम्बुको नेतृत्वमा रु. ७५ हलार रकम संकलन गरी पठाएको पैसा रा.ज.मु.पार्टीका अध्यक्ष केपी पालुङगा,सहअध्यक्ष मानध्वज व्लोन तामाङ,उपाध्यक्ष कमला थापा,कोषाध्यक्ष डबबहादुर गर्बुजा मगर,केन्द्रीय सदस्यहरुमा हुमबहादुर थापा पचभैया मगर,बिजय सिह थापा मगर र माधव राज गिरीको टोलि हिजो बनेपामा  पुगेर ब्लड मनी सहयोग हस्तान्तरण गरेका थिए ।

साउदी जेलमा रहेका रामचन्द्र तिमिल्सीना

रामचन्द्र बिगत १५ महिना देखी साउदी अरब आयलको जेलमा आजीवन जेल सजाय भोग्न बाध्य भएका छन् ।

विगत ३ वर्ष देखी शेषनारायण तिमल्सिनाका माइला छोरा रामचन्द्र तिमील्सना (वर्ष २५) साउदी अरबको हेभी ट्रक ड्राईभरमा कार्यरत थिए ।

साउदी अरबमा २०७२ बैशाख १०गते (२३ अप्रिल २०१५) हायल सिमेन्ट फ्याक्ट्रीको जोवहिरा सडकमा रामचन्द्रले चलाएको ठूलो गाडि र पाकिस्तानी नागरिक कैमरी सावारीले चलाएको सानो गाडि एक आपसमा ठोकक्दिा पाकिस्तानी ड्राईभरको मृत्यु भएको थियो ।

ब्लड मनि स्वरुप ३ लाख साउदी रियाल(रु.९२ लाख) तिर्न नसकेपछि रामचन्द्र तिमल्सिना साउदी अरबको अदालतले आजीवन जेल सजाय सुनाइएको थियो । मृतकका काका मुनिर अब्बासी,निसर अब्बासी र राम प्रसाद सापकोटाको संगको सम्झौता अनुसार मृतक परिवारको तर्फबाट १७ जुलाई २०१६ देखी १५ सेप्टेम्वर २०१६(४५ दिन) भित्रमा ३ लाख रियाल मागेको भएपनि साउदी रियाल १ लाख २० हजार बुझाउन सके प्रतिबादी रामचन्द्र तिमल्सिना छुट्न सक्ने सम्झौता पत्र गरेका छन् ।

रामचन्द्रका बाबा,आमा श्रीमती,२ छोरा र भार्इ बुहारी

अछाम घर भएका भोजराज तिमल्सिनाले पीडित रामचन्द्रको उद्धारको लागि सहजीकरण गरीरहेका छन् । भोजराजले सरकारको ढोका घचघच्याउने देखी लिएर विभिन्न राजनैतिकदल,संघ संस्था र मिडिया लाई समेत सहयोगको लागि अपिल गरेता पनि घरमै गएर आर्थिक सहयोग गर्ने राष्ट्रिय जनमुक्ति पार्टी पहिलो भएको विशेष कार्यक्रममा तिमल्सिनाले बताए ।

उनलाई साथ दिन राष्ट्रिय जनमुक्ति पार्टीका केन्द्रीय सदस्य बनेपा निवासी माधव गिरी लागेका छन् । रामचन्द्रको परिवारमा आमा,बुबा ५६ बर्षीय शेष नारायण तिमल्सिना, वर्ष २५ का श्रीमती सरिता तिमल्सिना, दुई छोरा बर्ष ७ को निराजन र बर्ष ४ को आयुस,रामचन्द्र का जेठा दाईको मृत्यु भईसकेको छ भने साईला र कान्छा भाई साथै दुई दिदि बहिनीहरु घरमै रहेका छन् ।

सवै संघ संस्था,राजनैतिकदल,निजी क्षेत्र बाट गरी रु. २८ लाख जम्मा भएको र  सम्झौता अनुरुप करीब १ महिना मात्र समय भएको हुँदा जेलबाट मुक्तहुन  नेपाली रु.१५ लाखजति आवश्यक पर्ने हुँदा सवै स्वदेश तथा विदेशमा रहनु भएका नेपाली दाजुभाई तथा दिदी बहिनी लाई सक्दो आर्थिक सहयोगको लागि परिवार तथा राज्यसत्ता बाट हार्दिक अपिल गर्दछौ ।

श्रब्य तथा दृश्यको लागि प्रतिक्षामा रहनु होला ।

 

Last Updated on Saturday, 13 August 2016 04:05

Hits: 1395

स्वर्गिय पुर्ब मन्त्री खपाङ्गीको सोमबार मात्रै अन्त्येष्टी गरिने !

देब पचभैया

काठमाण्डौ, भाद्र १२ - शनिबार बेलुकी निधन भएका पुर्ब मन्त्री गोरे बहादुर  
खपाङ्गीको सोमबार मात्रै अन्त्येष्टी गरिने भएको छ ।

उपचारको क्रममा काठमाण्डौ वासवारीको न्युरो अस्पतालमा ७० बर्षको उमेरमा उहाको निधन भएको थियो ।  उहाको शनिबार बेलुकी १० बजेर २२ मिनेट जादा अस्पतालमै मृत्यु भएको हो ।

नेपाल मगर संघका पुर्ब अध्यक्ष खपाङ्गीको शबलाई आईतबार बिहानै देखि कलंकी स्थित नेपाल मगर संघको केन्द्रिय कार्यालयमा राखेर श्रद्धान्जली दिईएको छ । संघका अध्यक्ष नबिन रोकाका अनुसार सोमबार बिहान ८ बजे देखि दिउसो १२ बजे सम्म खुलामन्चमा राखेर श्रद्धान्जली अर्पण गरिने र त्यस पछि मात्रै अन्त्येष्टी गर्ने कार्यक्रम रहेको छ । मगरी परम्परा अनुसार खपाङ्गीको अन्त्येष्टी गरिने पारिवारिक स्रोतले जनाएका छन् ।

२०६९ साल भाद्र २२ गते तत्कालिन पुर्ब राजा ज्ञानेन्द्र शाहको पालामा खपाङ्गी ८ महिना सम्म महिला तथा बालबालिका मन्त्री बन्नुभएको थियो ।

२०७० साल बैशाख १२ गते काठमाण्डौ राष्ट्रिय सभागृहमा आयोजित आदिवासी जनजाति चलचित्र महोत्सबमा सहभागी हुन जाने क्रममा खपाङ्गीलाई प्रदर्शनी मार्गमा मोटरसाईकलले ठक्कर दिई गंभिर घाईते बनाएको  थियो । दुर्घटना पछि नै अर्धचेत हुनुभएका पुर्ब मन्त्री खपाङ्गीको माईतीघर स्थित अन्नपुर्ण न्युरो अस्पतालमा पहिलो सल्य कृया गराईएको थियो । शल्यकृया पछि पनि स्वास्थ्यमा कुनै सुधार नआएपछि उहालाई सिंगापुर लगी थप उपचार गरिएको थियो । दुर्घटना पछि नै उहा बोल्न र चल्ल समेत नसक्ने हुनुभएको थियो ।

२००३ साल श्रावण २५ गते थाक्ले उदयपुरमा वावा अम्रित बहादुर र आमा पदममायाको कोखबाट जन्मिनुभएका गोरे बहादुर नेपाल मगर संघको सस्थापक हुनुहुन्थ्यो । २०४८ साल देखि निरन्तर सम्म ४ कार्यकाल मगर संघको अध्यक्ष बन्नुभएका खपाङ्गी मन्त्री छदा राजाको हातबाट टिका लगाएको भन्दै सर्बत्र आलोचित हुनुभएको थियो । खपाङ्गीको परिवारमा श्रीमती बिध्या ,  छोराहरु  शिलाजित र शिखरजित,बुहारी , छोरी चारु र शिरु र नातिनि निरया छन् ।

नेकपा मालेबाट राजनितिमा प्रवेश गर्नुभएका खपाङ्गी पार्टी परित्याग गरि राष्ट्रिय जनमुक्ति पार्टीका सस्थापक महासचिब हुदै हाल लिवरल डोमेक्रयाटिक पार्टीको अध्यक्ष हुनुहुन्थ्यो । राजनिति शास्त्रमा एम, ए उर्तिण खपाङ्गी २०४२ सालमा राष्ट्रिय शिक्षक संगठनको सस्थापक केन्द्रिय सदस्य हुनुहुन्थ्यो । प्रखरबक्तको रुपमा परिचित खपाङ्गी पंचायत कालमा १४ महिना जेल पर्नुभएको थियो । 

Last Updated on Friday, 02 September 2016 07:48

Hits: 434

देश र समाजको विकासमा युवाहरु लाग्नु पर्छ :प्रजिअ ढकाल

देव घर्ती मगर

रुपन्देही, साउन २८ - देश र समाजको विकासमा युवाहरु लाग्नु पर्ने रुपन्देहीका प्रमुख जिल्ला अधिकारी विष्णुप्रसाद ढकालले बताउनु भएको छ । उहाले समाजमा सुसान कायम गर्न युवाहरुले अह्म भूमिका खेल्नु पर्ने भन्दै त्यसको लागि सकारात्मक सोचको आवश्यक रहेकोमा जोड दिनु भएको थियो ।

अन्र्तराष्ट्रिय युवा दिवसको अवसरमा रुपन्देहीको देवदहमा लियो क्लव अफ लर्ड बुद्धको आयोजनामा आयोजित कार्यक्रममा बोल्दै उहाले उक्त कुरा बताउनु भएको हो । प्रमुख जिल्ला अधिकारी ढकालले युवाहरु विदेशमा पलायन नभई स्वदेश मै बसेर आत्मनिर्भर बन्ने तर्फ लाग्नु पर्नेमा जोड दिनु भयो । लियो क्लव अफ लर्ड बुद्ध देवदहका अध्यक्ष दिपक मल्लको अध्यक्षतामा भएको कार्यक्रममा लियो क्लवका एडभाईजर गोपाल पाण्डे, देवदहद उद्योग बाणिज्य संघका अध्यक्ष गोपाल ढकाल, हेरितेजका टंकप्रसाद पोखरेल लगायतले आ–आफना भनाई राख्नु भएको थियो ।

कार्यक्रममा चित्र प्रतियोगिता र मेहेन्दी प्रतियोगिता सेमत सम्पन्न भएको छ । चित्र प्रतियोगितामा केरवानी उच्च माविका आयुषमा भण्डारी प्रथम, देवदह बोडिङ्ग स्कुलका आशिष काफ्ले द्धितिय र देवदह उच्च माविका एसवन सापकोटा तृतिय भएको छ । त्यसैगरी मेहेन्दी प्रतियोगितामा कलावती न्यौपाने प्रथम, सुनिता थापा द्धितिय र सारदा श्रेष्ठ तृतिय हुन सफल भएको थियो ।

विजेन्द्रमान शाक्यको स्वागत र विकास गौतमको संचालनमा भएको कार्यक्रममा विभिन्न सांस्कृतिक प्रस्तुत गरिएको थियो ।

Last Updated on Saturday, 13 August 2016 08:32

Hits: 262

हार्दिक श्रध्दाञ्जलि - गोरे बहादुर खपांगी