A+ A A-

स्व. गोरेबहादुर खपाङगीको शोक सभा सम्पन्न, फाउन्डेसनलाई जग्गा दान प्राप्त (दाताको नामावली सहित) !

सञ्जय सिंजाली मगर

काठमाण्डौ, भदौ १६ स्व. पूर्व मन्त्री तथा नेपाल मगर संघ केन्द्रिय समितिका पूब अध्यक्ष गोरे बहादुर खपाङगी मगरको ५ औ पुण्य तिथीको अवसरमा आयोजित शोक सभा एवं श्रद्धाञ्जली कार्यक्रम ललितपुर मगर सेवा समाज हलमा सम्पन्न गरियो ।

आयोजित शोक सभा एवं श्रद्धाञ्जली कार्यक्रममा स्व. पूर्व मन्त्री तथा नेपाल मगर संघ केन्द्रिय समितिका पूब अध्यक्ष गोरे बहादुर खपाङगी मगरको फाउन्डेसनलाई ३ आना जग्गा दान प्राप्त भएको छ । जग्गा दाताद्धय पबिता सुस्लीङ मगर महोत्तरी र मिलन थापा मगर बागलुङ रहनु भएको छ ।

बाबा रामबहादुर सुस्लीङ मगर र आमा चन्द्र माया सुस्लीङ मगरको कोख बाट २०३३ बैशाख १ गते जन्मनु भएका पबिता सुस्लीङ मगरको स्थाई ठेगाना हाथीलेट गाबिस वार्ड नं.१ महोत्तरी हो भने हाल उहां ललितपुर १४ नख्खीपोटमा श्रीमान दिनेश राई संग बस्नु हुन्छ । जग्गा दाताद्धयले दिनु भएको ३ आना जग्गा सूर्य बिनायक नगरपालीका वार्ड नं.१६ स्थित डुकुछापमा रहेको छ ।

उक्त शोक सभाका सभापति नेपाल मगर संघ केन्द्रिय समितिका अध्यक्ष्ँ नविन रोका मगर थिए भने शोक सभा आयोजक समितिका सदस्यहरुमा नेपाल मगर बौद्ध समाजका अध्यक्ष क्या। देउ बहादुर राना मगर, गोरे बहादुर खपाङ्गी फाउण्डेसनका अध्यक्ष हुम बहादुर पचैभया थापा मगर, र खपाङ्गी कै पार्टी लिबर डेमोक्रेटिक पार्टीका कार्यबहाक अध्यक्ष्ँ गणेश बहादुर बल तामाङ बिशेष अतिथि थिए । नेपाल मगर संघका महासचिव ज्ञानेन्द्र पुन मगर, नेपाल मगर संघका पुर्व उपाध्यक्ष्ँ बम कुमारी बढा मगर, नेपाल प्रहरीका भू पू महानिरिक्षक कुवेर सिंह राना मगर, जग्गा दाता पविता सुस्लीङ मगर, सफल व्यवसायी शिब गुर्माछान मगर, एमाले संम्बन्ध लोकतान्त्रिक मगर मञ्चका अध्यक्ष भोज बिक्रम बूढा मगर, आदिकवि जित बहादुर सिंजाली मगर प्रतिष्ठानका अध्यक्ष संञ्जोग लाफा मगर, मास्टर मित्रसेन प्रतिष्ठानका अध्यक्ष  त्रिलोक सिंह थापा मगर, प्रथम शहिद लखन थापा मगर प्रतिष्ठानका उपाध्यक्ष उमेस राना मगर, समाजसेवी डा. मिन श्रीस मगर, मनि विहारका भिक्षु मधेङकर (नारायण बहादुर आले मगर), खपाङ्गीका धर्मपत्नी बिध्य खपाङ्गी मगर, मगर चलचित्र कर्मिका महासचिव लगायतका विशिष्ट अतिथिहरुको उपस्थित रहेको थियो ।

स्वागत मन्तव्य सहित खपाङ्गीका बारेमा नेपाल मगर संघका महा सचिव ज्ञानेन्द्र पुन मगरले आफ्नो विचार राखेका थिए भने कार्यक्रम संञ्चालक टोप बहादुर सारु थापा मगरले गरेका थिए ।

स्व. खपाङ्गीका शोक सभामा उपस्थित हुनु भएका विशिष्ट व्यक्तिहरु सहित माहनुभावहरु द्धारा स्र्वगीय खपाङ्गीको तस्विरमा  माल्य अर्पण गरिए लगत्तै एक मिनेट मौन धारण गरिएको थियो । मौन धारण  पश्चात उपस्थित अतिथि माहानुभावहरले स्व.खपाङ्गी देनको बारेमा प्रकाश पारेका थिए ।

खपाँगी परिवारको तर्फबाट खपाँगीका कान्छा छोरा शिखरजित खपाँगीले सहयोग गर्ने सबै महानुभावहरूलार्इ धन्यबाद दिनु भएको थियो ।

उक्त शोक सभा कार्यक्रमा खपाङ्गीको दाहासंस्कार देखि अन्त्यस्ष्टी सम्मको लागि उपस्थित देहाएका माहानुभावहरु बाट दान संकलन गरिएको थियो ।

 

पबिता सुस्लीङ मगर महोत्तरी र मिलन थापा मगर बागलुङ बाट  ३ आना जग्गा प्राप्त

आशिर्वाद पुन मगर ( मगर्स क्रियसन )  १०,०००

सानु पुर्बा छाने मगर (मगर टेक्सी सवारी संघ) कलङकी   ६,६००

माया घले मगर गाईघाट  हाल, इज्रायल ५,०००

भिम बहादुर समाल   रामनगर, महोत्तरी  २,१०५

क्या.दुर्गा प्रसाद गुरुङ      बुटवल २,०००

क्या.देउ बहादुर राना मगर   ललितपुर २,०००

हरि ब. थापा     ललितपुर    २,०००

चन्द्र ब. पुलामी मगर कुसुन्ती  २,०००

हरि शंकर थापा मगर बानेश्वर  १,५०५

कुवेर सिंह राना   सुकेधारा   १,५००

त्रिलोक सिंह थापा मगर (मास्टर मि.से.सी प्र. अध्यक्ष्ँ) १,१००

 

(जग्गा दाता पबिता सुस्लीङ मगर मञ्चमा,त्रिलोक सिंह थापा मगर मन्तब्य दिदै)

अमर मिरिङहीङ  हात्तीलेट , धामीटोल  १,१००

अमर मिरिङहीङ महोत्तरी  ११०० ? समिर राना मगर ???

हुम बहादुर पचभैया थापा मगर   पाल्पा १,०५०

मान ब. लामा रसुवा के.स १,०१०

बल ब. राना मगर  महोत्तरी सत्खोली १,००५

भिम प्र. रोका मगर   डोल्पा १,००५

तोइना आले मगर  बुटवल    १,०००

नारायण ब. मगर  सितापाइला  १,०००

अमर आरङजा  मगर साथै परिवार   सुर्खेत     १,०००

भुइसल लामा उपाध्यक्ष्ँ  १,०००

चित्र गुरुङ  बागडोल  १,०००

न्यू पासा क्यटरिेङ  एण्ड रेण्टल सर्भिस ललितपुर बाट १,००० 

सुमिता आले मगर बाँके , ललितपुर   ५००

मनमाया मगर   ललितपुर      १००

शिव राना मगर कपन काठमाण्डौं ५००

बम कुमारी बुढा मगर रोल्पा       ५००

समिर थापा मगर ललितपुर       १००

गंगा बहादुर आले मगर काठमाण्डौं   ५००

रमेश पहरी ललितपुर    उपत्यका इन्चार्ज  ५१५

टोप ब. थापा मगर      के.स.          ५५५

मन ब. पुन मगर     म्याग्दी मगर समाज  ५०५

तुल प्रसाद पुन मगर  म्याग्दी मगर समाज अध्यक्ष्ँ ५१०

यदु नन्द सुवेदी        चितवन    ३३५

गंगा पुलामी           पांचथर   ५००

मान बाहदुर धनहा मगर  र प्रमिला समाल ढल्केवर,धनुषा   ५००

केसर सिंह मसरांगी मगर    पाल्पा    ५०५

देव पुन             बाग्लुङ      १०५

मनी माया पुन      कोरीयान होटल सुन्धारा ६००

खगेन्द्र पुन  दैलेख         ५००

खड्ग ब. मगर    स्वयम्बु  ५००

कुमार मगर    स्वयम्बु  ५०५

हिम्मत ब. घर्ती मगर  धापासी  ५००

तिर्थ ब. थोकर तामाङ  ललितपुर १००

कल्पना थापा मगर    भैसेपाटी  ५००

हिरा ब. थापा मगर   धोविघाट ५००

देव पुन मगर   बाग्लुङ्ग  ५००

हर्क पुन मगर  बाग्लुङ्ग  ५००

राजु राना मगर सोलुखुम्बु   ५००

दल ब. श्रीस मगर ललितपुर ५००

सुरेश मगर   ओखलढुङ्गा  ३००

बाबु काजी मगर ओखलढुङ्गा २००

राम कृषण मगर   ओखलढुङ्गा २००

डि.वि ढोङ  कलाकार संघ अध्यक्ष्ँ ५००

हरी ब. थापा मगर बानेश्वर   ५००

रविन्द्र थिङ तामाङ  रामेछाप १००

लेख ब. रेग्मी मगर धनुषा   २००

सानी थापा मगर   के.स ५०५

राज कुमार योन्जन   सर्लाही  के.स ५००

शान्ता तामाङ जोरपाटी महिला प्रमुख ५००

सुरेश योन्जन   जोरपाटी के.स ५१०

सन्चमाया तामाङ  जोरपाटी  ५००

निरमाया   बौद्ध तिन चुले ११०

हेमसिह ल्हो तामाङ   सर्लाही ५००

सुक राम जिम्वा   सर्लाही  ५००

राजकुमार राना मगर  सिन्धुली  ५१०

अजय लामा  सर्लाही  ५००

तेज ब. राना मगर ने.म. बुद्ध सेवा समाज जि.स काठमाण्डौ ५००

टेक ब. बलम्पाकी मगर   महोत्तरी ५००

लेख बहादुर पुलामी मगर   सर्लाही  ५००

सपना दर्लामी मगर  ललितपुर २०५

मोहन बहादुर  राना मगर हात्तीलेट , मोहत्तरी  ५०

मिन श्रीस   नैकाप  ५००

बरदान बुढा मगर  सातदोबाटो, ललितपुर ५०० र

मिलन मगर तकसेरा ८, इलाम  बाट रू.५०० प्राप्त भएको छ ।

उक्त सहयोग बाट उठेको रकम सोही दिन ५ औ पुण्य तिथीको अवसरमा आयोजित शोक सभा एवं श्रद्धाञ्जली कार्यक्रममा उपस्थित पाहुनाजनहरूलार्इ (घोट) नास्तापानीको लागी रू.५१,०००/- न्यू पासा क्यटरिेङ  एण्ड रेण्टल सर्भिस ललितपुरलार्इ भूक्तानि गरिएको गोरेबहादुर खपाँगी फाउन्डेसनका अध्यक्ष हुमबहादुर पचभैया थापा मगरले राज्यसत्तालार्इ जानकारी दिनु भयो । 

 

Last Updated on Friday, 02 September 2016 05:48

Hits: 852

रोल्पाका मगरले सम्झिए खपाङ्गीलार्इ !

राज्यसत्ता व्यूरो,

रोल्पा, भदौ १५ - यहाँका मगरले नेपाल मगर संघका पूर्व अध्यक्ष तथा आदिवासी जनजाति आन्दोलनका अगुवा गोरेबहादुर खपाङ्गी मगरलाई सम्झिएका छन ।


उनको पाँचौ दिनको पुण्य तिथिको अवसरमा सदरमुकाम लिबाङमा एक कार्यक्रम आयोजना गरी उनको सम्झना गरिएको हो । नेपाल मगर संघ रोल्पाद्धारा आयोजित शोक सभा तथा श्रद्धाञ्जली कार्यक्रममा जिल्लाका मगर अग्रजले खपाङ्गीले मगर संघमा खेलेको भूमीकाको चर्चा गरे ।

अधिकाश वक्ताले आदिवासी जनजातिको अधिकार प्राप्तिको निम्ति खपाङ्गीले देखाएको मार्गको प्रशंसा गरे । नेपाली काग्रेसका पूर्व सभापति कृष्णबहादुर घर्तीमगरले खपाङ्गीलाई प्रखर र स्पष्ट वक्ताको रुपमा अथ्र्याए । खपाङ्गीले मगर समुदायलाई जागरुक बनाउन महत्वपूर्ण भूमीका निर्वाह गरेको उनले बताए । लिबरल डेमाक्रेटिक पार्टीका सचिवालय सदस्य नन्दबहादुर घर्तीमगरले खपाङ्को निधनले नेपालको जातिय मुक्ति आन्दोलनमा अपूरणीय क्षति भएको उल्लेख गरे । नेपालका जनजातिहरु राजनीतिक चेटनासँगै सत्ता प्राप्तिको मार्गमा लाग्नु पर्ने उनको जिकिर थियो ।

नेपाल मगर संघका जिल्ला अध्यक्ष अमृत बाँठामगरले खपाङ्गीलाई आदिवासी जनजातिको दार्शनिकको रुपमा लिनु पर्ने बताए । खपाङ्गीले देखाएको बाटोमा नेपालका आदिवासी जनजातिहरु लाग्नु पर्नेमा उनले जोड दिए । आदिवासी जनजाति पत्रकार महासंघ (फोनिज) का मध्यपश्चिम संयोजक खेमबहादुर बुढामगरले जनजातिले खपाङगीले अंगालेको दर्शनलाई आत्मसात गर्नु पर्नेमा जोड दिए ।

आदिवासी जनजाति समुदायमा खपाङगी जतिको अगुवा व्यक्ति पाउन गाह्रो रहेको उनले बताए । मगर संघका जिल्ला उपाध्यक्ष श्यामबहादुर बुढामगरले खपाङ्गीको व्यक्तित्व माथि प्रकाश पारेका थिए । एक दशक भन्दा बढी समय खपाङ्गीले नेपाल मगर संघको नेतृत्व गरेको बुढामगरले बताए । उनका अनुसार पछिल्लो समय खपाङ्गी लिबरल डेमोक्रेटिक पार्टीको अध्यक्ष थिए ।

Last Updated on Thursday, 01 September 2016 14:25

Hits: 1046

पुर्व मन्त्री स्व. गोरे वहादुर खपाङ्गी प्रति श्रदाञ्जली अर्पण !

इश्वर बलम्पाकी मगर

उदयपुर, भादै १५ - उत्पीडित समुदायका शिखर ब्यक्तित्व, नेपाल मगर संघका पुर्व अध्यक्ष तथा पुर्व मंत्री गोरे बहादुर खपाङ्गी प्रति नेपाल मगर संघ उदयपुरको आयोजनामा बुधबार श्र्रदान्जली सभाको आयोजना गरीएको छ ।
वि.सं. २००३ साल साउन २५ गते उदयपुरको थाक्लेमा जन्मनु भएका मगरको काठमाण्डौ बाँसबारीको न्युरो अस्पतालमा ७० वर्षको उमेरमा गत शनिबार बेलुकी १० बजेर २२ मिनेट मा निधन भएको थियो । श्र्रदान्जली कार्यक्रममा बोल्दै नेवा देदबु उदयपुरका सचिब गौरी संकर उदासले खपाङ्गीे मगर जातीलाइ मात्रै नभएर सम्पुर्ण अदीबासीजनजातीकै शिखर ब्यत्तित्व रहेको बताउनु भयो । यस्तै कार्यक्रममा बिभिन्न जातीय संस्थाका प्रतिनिधि तथा अदक्ष्यले खपाङ्गीको योगदान बारेमा चर्चा गर्नुभएको थियो ।

यता नेपाल मगर संघ उदयपुरका अदक्ष्य तथा आदीबासि जनजाती महासंघ उदयपुरका अदक्ष्य केशब खपाङ्गी मगरले कार्यक्रममा बोल्दै उच्च सोच, दुर्दर्शी विचार र गहन सोचाइले सुसम्पन्न भएको एक व्यक्ति बहुआयामिक व्यक्तित्व ुको देहावसान ले हामिमा रिक्तता महसुस गराएको बताउदै उहाले सम्प्रेषण गर्नु भएको मुल्भावमा टेकेर उक्त रिक्तता परिपुर्ति गर्नु नै हामी सबैको दायित्व रहेको बताउनु भयो ।

खपाङ्गी २०५९ साल भदौ २२ गते तत्कालिन राजा ज्ञानेन्द्र शाहको पालामा ८ महिनासम्म महिला तथा बालबालिका मन्त्री बन्नुभएको थियो । उहाँ नेपाल मगर संघको सस्थापक सदस्य तथा २०४८ सालदेखि निरन्तर ४ कार्यकाल मगर संघको अध्यक्ष समेत हुनुभएको थियो । यस्तै  प्रखरवक्ताको रुपमा परिचित खपाङ्गी पञ्चायतकालमा १४ महिना जेल पर्नुभएको थियो ।

Last Updated on Saturday, 17 September 2016 03:27

Hits: 772

स्व गोरे बहादुर खपांगी मगर प्रति ३ थुङ्गा श्रद्धाका फूल स्वरुप ३ प्रसंगहरु

बि के राना

समाजवादी नेता स्व. गोरे बहादुर खपांगी मगरको आज अन्त्येष्टी भैसकेकोछ काठमाडौँमा ! यस पंक्तिकारले उहाँसंग धेरै नजिक रहेर केही काम गर्ने मौका पायो । सात समुन्द्र पारिदेखि उहाँप्रति तीन थुङ्गा श्रद्दाका फूल स्वरुप यहाँ तीनवटा प्रसंगहरु उल्लेख गरिएको छ ।

१) बिक्रम सम्बत् २०३६ सालको विधार्थी आन्दोलनपछि राजा बीरेन्द्रबाट वि. सं. २०३६ साल जेठ १० गतेका दिन आउने २०३७ साल बैशाख २० गते मुलुकमा 'सुधारिएको पंचायत' वा 'बहुदलीय व्यवस्था' मध्ये कुन चाहिँ ? भन्ने विषयमा जनमत संग्रह गरिने भन्ने घोषणा भएको थियो । त्यसपछि मुलुकमा स्वभावैले गरम्जोश्का साथ चुनाव प्रचार प्रसारको कुरो अर्थात् भाषण भीषण शुरु हुने नै भयो । एक दिन अपरान्ह त्रिचन्द्र क्याम्पसमा त्यस्तै 'भाषण भीषण'को कार्यक्रम आयोजन गरिएको थियो । मन्चमा आसिन वक्ताहरु हुनुहुन्थ्यो : हृषिकेश शाह, गोरे बहादुर खपांगी र प्रदिप गिरि ।

यस पेजको एड्मिनले स्वर्गीय खपांगीलाई त्यसैदिन हो सबभन्दा पहिलो पटक देखेको र उहाँको भाषण प्रत्यक्ष सुनेको श्रोताहरुको पंक्तीबाट ! ब्राह्मणजनहरुको वर्चस्व रहेको तत्कालिन 'माले' (हालको 'एमाले'। हालपनि सबै राजनीतिक पार्टीहरुमा ब्राह्मणजनहरुको नै वर्चस्व कायम छ ।) को "राजनीतिक चक्रव्यूहभित्र वहिष्करणमा पर्नगएको र जसरी सल्लाको वनमा एक्लो 'साल' किचरिक्क परेर आफै मर्छ - त्यस्तै हुने अवस्था देखेर मैले त्यो पार्टी छोडेको हुँ " भन्ने ऐलान गर्नु भएको थियो मंचबाट उहाँले । अत्यन्त मीठो लागेको थियो उहाँको त्यो भाषण !

२) त्यसबेला रामेछाप जिल्लामा प्रतिबन्धित वा भूमिगत 'नेपाल कम्युनिष्ट पार्टी (मार्क्सवादी-लेनिनवादी) अर्थात् 'माले पार्टी'कोनिम्ति जोतिंदा, माने कामगर्दा उहाँ सरकारी तारो बन्न पुग्नुभयो । र, दोलखा जिल्लाको लामोबगर भन्ने अत्यन्त दुर्गम गाउँमा केही समयकानिम्ति लुकिछिपी बस्न जानुभयो । त्यस सिलसिलामा एकरात बासबसेको घरको एउटा रोचक प्रसंग उहाँले सुनाउनु भएको थियो यस पंक्तिकारलाई । कुरो के थियो भने, त्यो ठाउंमा औधी जाडो हुने गर्छ । "खान त रुखोसुखो, मीठो नमीठो खाईयो नै । तर सुत्नेबेलामा चौंरीको छाला ओछ्याउनु पर्यो, ओढ्नु पनि पर्यो । शरीर चिलाएर कन्याई रहनु पर्दा रातभर निदाउन सकिएन । भोलिपल्ट बिहान उठ्दा त , गोरो छालाको शरीरभरि जम्मै राता राता डाबरै डाबरा ! ........ " नेपाल कम्युनिष्ट पार्टी (मार्क्सवादी-लेनिनवादी) अर्थात् हालको एमालेका निम्ति उहाँले त्यसरी कामगर्नु भएको थियो ।

३) सम्बत् २०५७ साल श्रावण २३, २४ र २५ गते काठमाडौँमा तीनदिने ' विश्व आदिवासी दिवस - २०५७' (अगष्ट ७ - ९, २०००) विशेष ढंगबाट मनाइने कार्यक्रमको बनेको थियो । हालको 'आदिवासी जनजाति महासंघ' श्रोत र साधनको अभावमा शंकरदेव क्याम्पस पछाडिको एउटा घरको सानो कोठामा जसोतसो चलेको थियो । त्यसबेलासम्म नेपालका आदिवासी जनजातिहरु आज झैँ अपेक्षित रुपमा संगठित, सक्रिय र अभिप्रेरित हुनसकिरहेका थिएनन् । स्व. गोरे बहादुर खपांगी त्यसबेला नेपाल मगर संघ, केन्द्रीय समितिको अध्यक्ष हुनुहुन्थ्यो र उहाँको कुशल नेतृत्वमा संघले सामाजिक परिवर्तनका जोडदार कार्यक्रमहरु जनस्तरमा संचालन गरिरहेको थियो ।

'विश्व आदिवासी दिवस - २०५७' बीरेन्द्र अन्तर्राष्ट्रिय सभागृह (हालको व्यवस्थापिका संसद भवन)मा भव्यरुपले मनाउनकानिम्ति एउटा तदर्थ समिति गठन गरिएको थियो र त्यसको संयोजकका रुपमा स्वर्गीय खपांगीलाई चुनिएको थियो । त्यहाँ एकदिनको कार्यक्रमकोलागि हल भाडा १ लाख रुपैयाँ भनिएको थियो । वस्तुतः त्यो पैसा सरकारी अड्डा, तत्कालिन राष्ट्रिय जनजाति बिकास समितिले दिने भन्ने जनाएको थियो । तर, रकम चाहिँ मन्त्रालयबाट निकाशा भैसकेको भने थिएन । भोलि कार्यक्रम गर्नु पर्ने, बुक मात्र गरिएको तर पैसा नबुझाइएको हुँदा सो सभागृहले दिउसो ३ बजेतिर 'हल बुकिङ्ग' रद्दगर्ने कुरा गर्यो । अनि अब के गर्ने ? अफ्ठ्यारो पर्यो त । स्व. अध्यक्ष खपांगीले स्वर्गीय नारायण सिंह पुन मगरसँग १ लाख रुपियाँ सापटी लिएर आउनु भो र बुझाउनु भो । बल्ल हो बाबा भए नेपालका आदिवासी जनजाति नेता, अभियन्ताहरु ! भोलिपल्ट अर्थात २०५७ श्रावण २३ गते भव्यरुपले कार्यक्रम सम्पन्न भयो काठमाडौँमा ।

त्यसभन्दा पहिले नेपालका आदिवासी जनजातिहरुले कहिले पनि विश्व आदिवासी दिवस त्यस ढंगले मनाएका थिएनन् ।

अस्तु ।

Last Updated on Thursday, 01 September 2016 04:55

Hits: 700

स्वर्गिय पुर्ब मन्त्री खपाङ्गीको सोमबार मात्रै अन्त्येष्टी गरिने !

देब पचभैया

काठमाण्डौ, भाद्र १२ - शनिबार बेलुकी निधन भएका पुर्ब मन्त्री गोरे बहादुर  
खपाङ्गीको सोमबार मात्रै अन्त्येष्टी गरिने भएको छ ।

उपचारको क्रममा काठमाण्डौ वासवारीको न्युरो अस्पतालमा ७० बर्षको उमेरमा उहाको निधन भएको थियो ।  उहाको शनिबार बेलुकी १० बजेर २२ मिनेट जादा अस्पतालमै मृत्यु भएको हो ।

नेपाल मगर संघका पुर्ब अध्यक्ष खपाङ्गीको शबलाई आईतबार बिहानै देखि कलंकी स्थित नेपाल मगर संघको केन्द्रिय कार्यालयमा राखेर श्रद्धान्जली दिईएको छ । संघका अध्यक्ष नबिन रोकाका अनुसार सोमबार बिहान ८ बजे देखि दिउसो १२ बजे सम्म खुलामन्चमा राखेर श्रद्धान्जली अर्पण गरिने र त्यस पछि मात्रै अन्त्येष्टी गर्ने कार्यक्रम रहेको छ । मगरी परम्परा अनुसार खपाङ्गीको अन्त्येष्टी गरिने पारिवारिक स्रोतले जनाएका छन् ।

२०६९ साल भाद्र २२ गते तत्कालिन पुर्ब राजा ज्ञानेन्द्र शाहको पालामा खपाङ्गी ८ महिना सम्म महिला तथा बालबालिका मन्त्री बन्नुभएको थियो ।

२०७० साल बैशाख १२ गते काठमाण्डौ राष्ट्रिय सभागृहमा आयोजित आदिवासी जनजाति चलचित्र महोत्सबमा सहभागी हुन जाने क्रममा खपाङ्गीलाई प्रदर्शनी मार्गमा मोटरसाईकलले ठक्कर दिई गंभिर घाईते बनाएको  थियो । दुर्घटना पछि नै अर्धचेत हुनुभएका पुर्ब मन्त्री खपाङ्गीको माईतीघर स्थित अन्नपुर्ण न्युरो अस्पतालमा पहिलो सल्य कृया गराईएको थियो । शल्यकृया पछि पनि स्वास्थ्यमा कुनै सुधार नआएपछि उहालाई सिंगापुर लगी थप उपचार गरिएको थियो । दुर्घटना पछि नै उहा बोल्न र चल्ल समेत नसक्ने हुनुभएको थियो ।

२००३ साल श्रावण २५ गते थाक्ले उदयपुरमा वावा अम्रित बहादुर र आमा पदममायाको कोखबाट जन्मिनुभएका गोरे बहादुर नेपाल मगर संघको सस्थापक हुनुहुन्थ्यो । २०४८ साल देखि निरन्तर सम्म ४ कार्यकाल मगर संघको अध्यक्ष बन्नुभएका खपाङ्गी मन्त्री छदा राजाको हातबाट टिका लगाएको भन्दै सर्बत्र आलोचित हुनुभएको थियो । खपाङ्गीको परिवारमा श्रीमती बिध्या ,  छोराहरु  शिलाजित र शिखरजित,बुहारी , छोरी चारु र शिरु र नातिनि निरया छन् ।

नेकपा मालेबाट राजनितिमा प्रवेश गर्नुभएका खपाङ्गी पार्टी परित्याग गरि राष्ट्रिय जनमुक्ति पार्टीका सस्थापक महासचिब हुदै हाल लिवरल डोमेक्रयाटिक पार्टीको अध्यक्ष हुनुहुन्थ्यो । राजनिति शास्त्रमा एम, ए उर्तिण खपाङ्गी २०४२ सालमा राष्ट्रिय शिक्षक संगठनको सस्थापक केन्द्रिय सदस्य हुनुहुन्थ्यो । प्रखरबक्तको रुपमा परिचित खपाङ्गी पंचायत कालमा १४ महिना जेल पर्नुभएको थियो । 

Last Updated on Friday, 02 September 2016 07:48

Hits: 421

हार्दिक श्रध्दाञ्जलि - गोरे बहादुर खपांगी