A+ A A-

नेपालका प्रथम शहिद लखन थापा मगर अब हुलाक टिकटमा

प्रथमशहीद लखन थापा मगरको संस्मरणात्मक हुलाक टिकट प्रकाशन भएकोमा संसारभर खुसियाली मनार्इ रहेको जानकारी प्राप्त भएकोछ ।

उमेश बहादुर राना मगर

 

काठमाण्डौ,मङसिर ३ - नेपालको हुलाक सेवा विभागले २०७३ मार्ग १ गतेका दिन राजधानी काठमाडौंमा एक समारोह विच प्रथम शहीद लखन थापा मगरको चित्रांकित रु. १०।– को हुलाक टिकट सूचना तथा संचार मन्त्री सुरेन्द्र (राम) कार्कीबाट प्रथम दिवसीय टाँचा लगाई सार्वजनिक गरिएको छ ।

कार्यक्रममा प्रथमशहीद लखन थापा मगर स्मृति प्रतिष्ठानका तर्फबाट अध्यक्ष रूल बहादुर आले मगरले मन्तव्यको क्रममा गोरखा जिल्लाको दूरदराजमा साधारण परिवारमा जन्मेका लखन थापाले नेपाली सेनामा लामो समय सेवा गरेको, सोही क्रममा लखनऊ बिद्रोहमा खटिएको, भारतीय विद्रोहीहरूको मर्म बुझेर जंगहादुर राणाको ज्यादती विरुद्ध उत्प्रेरित भई उनले गोरखा बुंकोटबाट विद्रोहको उद्घोष गरेको प्रसंग बताउँदै उनको वलिदानबाट प्रेरणा पाएर नै राणा शासनको विरुद्ध लागेका ४ सपुतहरू पनि शहीद बने र सात सालको जनक्रान्ति सफल भएको बताउनु भयो । प्रजातन्त्र, लोकतन्त्रको लागि वि.सं. १९३३ मा जीवन अर्पण गरे तापनि २०५६ सालमा सरकारले लखन थापालाई शहीद र २०७३ असोज ३ गते प्रथम शहीदको घोषणा गर्यो । यसका लागि प्रतिष्ठानले अनेकौं लबिङ, संघर्ष र दबाव दिनु परेको थियो । उनी राष्ट्रिय विभूतिका समेत हकदार हुन् भन्ने चर्चा गर्दै देशका विभिन्न भागमा आजसम्म जनस्तरबाट मात्र प्रथम शहीदको सालिक बनेकोले राज्यस्तरबाट पनि शहीदको सालिक निर्माण गर्न सरकारलाई आग्रह गरिएको थियो ।
 

(प्रथम शहीद लखन थापाको तस्वीर अंकित रु.१०।– को टिकट १० लाख प्रति छापियो)

कार्यक्रममा अन्य राष्ट्रिय व्यक्तित्वको रूपमा निष्ठावान राजनीतिज्ञ महेन्द्र नारायण निधि (महोत्तरी) र समाज सुधारक योगमाया न्यौपाने (भोजपुर) र देशका विभिन्न धार्मिक साँस्कृतिक महत्व बोकेका ५ वटा मठमन्दिरहरूको हुलाक टिकट सार्वजनिक गरिएको थियो ।

हुलाक टिकट हेर्दा सानो वस्तु भए पनि यसले राष्ट्रिय अन्तर्राष्ट्रिय जगतमा विशेष महत्व राख्दछ । राष्ट्रले आदर सम्मान गर्नु पर्ने व्यक्तिको योगदान बारे सन्देश प्रवाह हुन्छ, त्यस्ता व्यक्तित्वको परिचय र पहिचान संसारभर फैलन्छ । नेपाल फिलाटेलिक सोसाइटीका अध्यक्ष शंकर श्रेष्ठले राष्ट्रिय व्यक्तित्वको हुलाक टिकट प्रकाशित गरेर राष्ट्रको तर्फबाट सम्मान प्रकट गर्ने परम्पराले एउटा पुस्ताबाट अर्को पुस्तामा ज्ञान सर्ने हुँदा राष्ट्रको तर्फबाट गौरवको जर्गेना समेत हुने भन्दै यही महिनामा चीनमा हुने अन्तर्राष्ट्रिय हुलाक टिकट प्रदर्शनीमा सन् २०१६ सम्म प्रकाशित सबै टिकटहरू समावेश गरिने जानकारी दिनु भयो ।



सूचना तथा संचार मन्त्रालयका सहसचिव सुरेश अधिकारीले मुलुकको राजनैतिक सामाजिक रूपान्तरणमा विशिष्ट योगदान पुर्याउने राष्ट्रिय व्यक्तित्व र धार्मिक साँस्कृतिक धरोहरको कोटीमा राखेको र प्रचारप्रसार गर्ने उद्देश्यले नै हुलाक टिकट प्रकाशन हुने गरेको, यसले पहिचान मात्र नदिएर राष्ट्रिय गौरव र पर्यटन प्रबद्र्धनमा समेत योगदान पुर्याउने बताएका थिए । प्रथम शहीद लखन थापाको तस्वीर अंकित रु.१०।– को टिकट १० लाख प्रति छापिएको जानकारी दिनु भयो ।

मन्त्रालयका सचिव दिनेश थपलियाले वि.सं.१९३५ मा सुन्धारा काठमाडौंमा पहिलो डाँकघरको स्थापना भएको र त्यहीबाट क्रस खुकुरी अंकित पहिलो हुलाक टिकट प्रकाशित भई नेपाल र नेपालीको पहिचान विश्वभर फैलिन पुगेको, हालसम्म ११७३ वटा टिकट प्रकाशित भई प्रचलनमा ल्याइएको जानकारी दिदै राष्ट्रिय व्यक्तित्वको टिकट प्रकाशनबाट आफ्नो स्थान, चरित्र र व्यक्तित्व पनि त्यस्तै बनाउनु पर्छ भन्ने प्रेरणा जाग्ने र राम्रो कर्तव्यपथमा हिड्ने चेतना समेत प्रवाह हुने विश्वास व्यक्त गर्नु भयो । उनले हालसम्म प्रकाशित भएका टिकटको रेकर्ड डिजिटल अर्काइभमा राख्ने प्रयास भइरहेको जानकारी समेत दिनु भयो ।

कार्यक्रमका विशिष्ट अतिथि तथा पूर्वमन्त्री कृपाशुर शेर्पाले लखन थापा मगरले देश र जनताको लागि सत्कर्म गरेको कारण राज्यले उनलाई महत्व दिएको चर्चा गर्दै व्यक्तित्व र कृतित्व सधैं अमर रहने, कहिल्यै नमर्ने भन्दै लखन थापा मगरको आज पुनर्जन्म भएको आफूलाई अनुभूति भइरहेको धारणा राख्नु भयो ।

प्रमुख अतिथि संचारमन्त्री सुरेन्द्र (राम) कार्कीले प्रथम शहीद लखन थापा मगर, राजनीतिज्ञ महेन्द्र नारायण निधि र समाज सुधारक योगमाया राष्ट्रका नायक र सम्मानित पात्र रहेकाले को ठूलो, को सानो भन्ने होइन, यी हाम्रा शक्ति हुन् यी हाम्रा गौरव हुन् भनेर सवैले बुझ्न जरुरी छ, अव बुद्ध र सगरमाथाबाट मात्र हामी चिनिने र पालिने होइन, देशमा अरु पनि गौरवशाली व्यक्तित्व र कृतित्व छन् त्यसको खोजी गरौं, आफ्नो पहिचान बनाऔं, त्यसको स्वामित्व पनि लेऔं र विश्वभर चिनाऔं भन्ने सारगर्भित विचार राख्नु भयो । कार्यक्रममा हजारौंको उपस्थिति रहेको थियो ।

(उमेश बहादुर राना मगर प्रतिष्ठानका उपाध्यक्ष हुनुहुन्छ)

श्रब्य/दृश्य : हुबिमगर

फोटो झलककोलागी तलको लिङ्क दाब्नुहोस ।

प्रथम शहीद लखन थापा मगरको सस्मरात्मक हुलाक टिकट प्रकाशन.

 

 

 

 

 

 


Last Updated on Friday, 18 November 2016 09:26

Hits: 3592

मगर अध्ययनको लागि देउसी भैलोबाट एकलाख सत्रहजार रुपैंयाँ संकलन !(फोटो सहित)

विष्णुकुमार सिंजाली / गुप्तबहादुर राना

काठमाण्डौ ,१६ कार्तिक २०७३ - आदिवासी जातिका ऐतिहासिक राजा “बलिहाङ अर्थात बलिराजा”को कालखण्डदेखि चलिआएको तिहार चाड र देउसी भैलो खेलेर रकम जम्मा गरी सामाजीक कार्यमा  लगाउने चलन नेपालका आदिवासी जातिहरुमा प्राचिन कालदेखि चलिआएको परम्परा हो ।

आदिवासी समुदायमा तिहारमा खेलीने देउसी भैलो कार्यक्रमबाट उठेको रकमले थुप्रै सामाजिक कार्यहरु गरेको उदाहरणहरु नेपालमा प्रशस्त पाउन सकिन्छ । त्यही सिलसिलामा मिति २०७३ कात्र्तिक १५ गते गोवद्र्धन पूजाको दिन मगर अध्ययन केन्द्रले “अध्ययन तथा प्रकाशन कोष”को सहयोगार्थ १ दिने देउसी कार्यक्रम सम्पन्न गरेको छ । सो देउसी भैलो कार्यक्रमबाट प्राप्त रकम मगर जातिको अध्ययन अनुसन्धानमा खर्च गरिने, मगर अध्ययन केन्द्रका अध्यक्ष पूर्व ए.आई.जी. डा. गोविन्द प्रसाद थापाले बताउनु भयो । सो केन्द्रले नियमित रुपमा शोधमुलक जर्नल “शोधमाला” प्रकाशन गर्दै आउनुका साथै थुप्रै अध्ययन अनुसन्धान गरी शोधमुलक पुस्तकहरु पनि प्रकाशन गरेको छ र यसका साथै मगर जातिको सन्दर्भमा विविध प्राज्ञिक बहस, कार्यशाला गोष्ठीहरु गर्ने गराउने गरेको छ ।

आज समग्र मगर  जाति/समाज, आफ्नो चाडबाड, धर्म, संस्कार र संस्कृतिका सम्बन्धमा गहिरो अध्ययन अनुसन्धान नभई हचुवा राजनैतिक निर्णयहरु विगतमा भएकोले अन्योलनमा फसेको छ । मगर जाति र समाज, मगर जातिको चाडबाड, धर्म, संस्कार र संस्कृति तथा पहिचानका सन्दर्भमा स्पष्ट हुनको लागि बृहत्तर रुपमा अध्ययन अनुसन्धानको खाँचो भएको कुरा प्रा.डा. केशरजङ बरालमगर, प्रा.डा. चित्र बुढाथोकी, मा. सांसद प्रा.डा. कृष्ण बहादुर छन्त्याल, डा. श्यामु थापामगर, डा. मीन श्रीस लगायतका थुप्रै प्राज्ञिक व्यक्तित्वहरुले बताउँदै आएका छन् । 

जुन व्यक्तिगत अध्ययन अनुसन्धानबाट सम्भव छैन र यस्तो बृहत्तर अध्ययन अनुसन्धानको कार्य गर्न करोडौं रुपियाँको बजेटको आवस्यकता पर्दछ । सबै मगरहरुको छाता संगठन नेपाल मगर संघ पनि अन्य मुद्दाहरुमा अल्झिनु परेकोले ध्यान दिन सकेको छैन भने सरकारी लगानी शुन्य छ, यस्तो अवस्थामा मगर अध्ययन केन्द्रको काम “जुनकीरीको बत्ती” भए पनि केन्द्रलाई आर्थिक रुपमा सबल बनाई समग्र मगर तथा नेपालको बारेमा अध्ययन अनुसन्धान गरी सही तथ्य बाहिर ल्याउनको लागि एक अक्षय कोषको स्थापना गरेको केन्द्रका महासचिव हर्क थापामगरले बताउनु भयो । उक्त अक्षयकोषमा योगदान दिन चाहाने व्यक्तित्वहरुले, अध्ययन अनुसन्धानमा योगदान पुर्याउन चाहाने व्यक्तित्वहरुले नेपाल बैंक लिमिटेडमा खोलिएको मगर अध्ययन केन्द्रको खाता नं. १९१ १० ३५६१४ मा रकम जम्मा गर्न सकिने केन्द्रका कोषाध्यक्ष गोपाल थापामगरले बताउनु भयो ।

मगर अध्ययन केन्द्रको देउसी भैलो टोली मेजर हरी बहादुर थापा, धोबीघाट; मेजर जीवनबहादुर राना, सानेपा; क्याप्टेन कमान सिंह राना, मानभवन; क्याप्टेन देउ बहादुर राना, भनीमण्डल; श्री सुरेन्द्र सिं राना, भैंसेपाटी; इश्वर/पद्यमा आले, बागडोल; पूर्व मन्त्री बालाराम घर्तीमगर, सातदोवाटो; श्री शिवकुमार गुर्माछाने, नखीपोट; लेप्टेन कर्णेल श्री रामकाजी राना, नखीपोट; श्री हुम बहादुर थापा, शान्तीचोक, क्याप्टेन कुल प्रसाद पुन, महालक्ष्मीस्थान ज्यूका निवासहरुमा गएर देउसी खेलेको थियो । सो कार्यक्रमबाट एक लाख सत्र हजार रुपैंया (रु १,१७,०००।–) मगर अध्ययनको सहयोगार्थ संकलन गरेको कोषाध्यक्षले जानकारी दिनु भयो । अन्य ईच्छुक महानुभावहरुले यस केन्द्रको बैंक खातामा रकम जम्मा गरी यस बर्षको तिहारमा मगर अध्ययनको लागि दान दिन सकिने कुरा कोषाध्यक्ष गोपाल थापा ज्युले बताउनु भयो ।

सो देउसी भैलो टोलीमा डा. गोविन्द प्रसाद थापा, श्री गुप्तबहादुर राना, श्री हर्कबहादुर थापा, श्री प्रतिभा पुन, श्री गोपाल सिं थापा, डा. मीन श्रीस, श्री विष्णुकुमार सिंजाली, श्री फटिक बहादुर थापा, श्री माया हिस्कीमगर, श्री पवित्रा राना, श्री मञ्जु राना, क्या.कुल प्रसाद पुन, श्री भीम राना, श्री भीष्म पुन, सुश्री कला वराल, सुश्री जुना वराल, श्री विक्रम राना, श्री द्धिप दर्लामी, श्री विभाष श्रीस, श्री प्रतिमा पुन, श्री शान्ति पुन, सुश्री सृजना पुन, श्री कुमार कार्की, सुश्री आलिसा सिंजाली, सुश्री सुस्मिता राना लगायतको सहभागीता थियो भने टोलीको नेतृत्व केन्द्रका अध्यक्ष डा. गोविन्द्र प्रसाद थापाले गर्नु भएको थियो ।

फोटो : हर्क थापा मगर

लिङ्क थिच्नुहोस, फोटो हेर्नुहोस ।

मगरको अध्यानको लागी अध्यानले उठायो सवा लाख रूपैया.

 

 

Last Updated on Wednesday, 02 November 2016 16:26

Hits: 2809

खपाङ्गीको बौद्धिक र ब्यक्त्तित्वले विरोधीहरु पनी उहाँको भाषण सुन्न लालायित हुन्थे:अशोक राई(भिडियो सहित)

यामुना राना मगर /सञ्जय सिँजाली मगर

काठमाण्डौ, असोज २९ स्व. गोरेबहादुर खपाँङ्गीको “खपाँङ्गीको विचारधारा” नामक पुस्तक असोज २८ गतेका दिन एक कार्यक्रमका  विच विमोचन गरिएको छ ।


“खपाँङ्गीको विचारधारा”को किताब यो लिङक थिच्नुहो:स्व. खपाँङ्गिीले राष्ट्रिय जनमुक्ती पार्टीको चौथो राष्ट्रिय महाधिवेशनका लागी तयार गरी तत्कालिन केन्द्रिय समितिमा पेश गरिएता पनि महाधिवेशनमा प्रस्तुत हुननसकेको खपाँङ्गीको विचारधारा नै सो पुस्तकको रुपमा प्रकाशन गरिएको छ । स्व. खपाँङ्गीको निधन भएको ४९ दिनऔको पुण्य तिथिको अबसरमा  आयोजना गरिएको श्रदाञ्जली सभामा खपाँङ्गीको विचारधार पुस्तकको विमोचन संघिय समाजवादी फोरम पार्टीका बरिस्ठ नेता एबम माननिय सांसद अशोक कुमार राईले गर्नु भएको हो ।

कार्यक्रमका प्रमुख अतिथि समेत रहनु भएका मन्त्री राईले स्व.खपाङ्गी स्पष्ट बक्ता, भाषणबाज ,मिलनसार व्यवहार, उच्च बौद्धिक ज्ञान, शरल जिवन शैली र प्रभावशाली वक्तृत्वकला भएका कारण उँहा सबैको प्रिय बन्न सफल भएको भन्दै उहाँका विरोधीहरु पनी उहाँको भाषण सुन्न लालायित हुन्थे भन्नु भयो । दँशैमा टिका लगाएका कारण  आलोचित हुनुपरे पनी अफुबाटा उहाँप्रतीको सम्मान र श्रद्धामा कमी नआएको भन्दै उहाँका विचारधारा सदैव अमर रहने छ भन्नु भयो ।

  त्यस्तै श्रदाञ्जली सभामा नेपाल आदिवासी जनजाति महासंघका संस्थपक महासचिव शुरेस  आले मगर, पुर्व मन्त्री तथा नँया शक्तीका डा. केशवमान शाक्य, नेपाल मगर संघका अध्यक्ष नविन रोका मगर, तामाङ मातृ माषाका भाषाविद अमृत कुमार  योन्जन तामांग, एल.डि.पी पार्टीका केन्द्रिय सदस्य टोप सारु मगर लगायतले मन्तव्य राख्दै स्व.खपाङ्गीको जीवनी उहाँको राजनितिक जिवन, उहाँले जनजाती तथा  सिंगो  देशलाई पुराएको योगदान तथा उहाँको व्यक्तित्व  माथी प्रकाश पार्नु भएको यियो । 

साथै गोरेबहादुर खपाङ्गी फाउन्डेशनको स्थापाना महत्वपुर्ण र ऐतिहासिक भएको भन्दै  उहाँका सबै अन्तरवार्ता,भाषणलाई संकलन गरी मार्गदर्शनको रुपमा राख्नु पर्नेमा जोड  दिईएको थियो । गोरेबहादुर खपाङ्गी फाउन्डेशनले आयोजना गरेको श्रद्धाञ्जली सभामा स्व. गोरे बहादुर खपाङ्गी की धर्मपत्नी विद्या राना खपाङ्गी विशेष अतिथीको रुपमा उपस्थिति रहनु भएको थियो ।
 

अन्य अतिथिहरुमा राष्ट्रिय जनमुक्ती पार्टीका सहअध्यक्ष बुद्ध श्री लामा, राष्ट्रिय जनमुक्ती पार्टीका बरिष्ठ उपाध्यक्ष क्या. यमबहादुर बुडाथोकी मगर, एल.डि.पीका कार्यबहाक अध्यक्ष गणेशबल तामाङ ,समाजसेबि बमकुमारी बुढा मगर,नेपाल मगर बुद्ध सेवा समितिका केन्द्रिय अध्यक्ष क्या. देउबहादुर राना मगर, राष्ट्रिय जनमुक्ती पार्टी लोकतान्त्रीकका महासचिब चन्द्र बहादुर श्रीस मगर, बरिष्ठ अधिबक्ता गौबहादुर आले मगर, आदिकबी जीतबहादुर सिंजाली प्रतिष्ठानका अध्यक्ष सञ्जोग लाफ मगर, पूर्ब जनरल श्यामबहादुर थापा मगर अतिथि हुनुहुन्थ्यो ।

त्यस्तै फाउण्डेशनलाई जग्गा दाता पबिता सुसलीँग मगर,ललितपुर मगर समाज सेवा केन्द्रका अध्यक्ष ले. मानबहादुर बुडा मगर,रा.ज.मु.पा संघिय माहासभाका सदस्य क्या. दुर्गा प्रशाद गुरुंग,नेपाल मगर संघका पूब केन्द्रिय कोषाध्यक्ष क्या.कुल प्रशाद पुन मगर,नेपाल मगर बिध्यार्थीस संघका पूर्ब अध्यक्ष  भोज बिक्रम बुढा मगर , समाजसेबिद्धव मेजर सुर्जबहादुर थापा मगर र मेजर हरीबहादुर थापा मगर, नेपाल मगर संघ काठमाण्डौ जिल्ला समितिका सचिब रधु थापा मगर,नेपाल मगर संघ सास्कृतिक संघका अध्यक्ष कबिराज थापा मगर लगायत जनजाती नेता तथा अगुवाहरुहरुको करिब १५० जनाको उपस्थिती रहेको थियो  ।

श्रदाञ्जली सभाका सभापतीत्व गर्नुभएका राज्यसत्ता डटकमका प्रबन्धक तथा गोरे बहादुर खपाङ्गी फाउण्डेशनका अध्यक्ष हुम थापा मगरले नेता खपाङ्गीको अदर्श, सिद्धान्त र विचारलाई जनताको मन मस्तिष्कमा  जीवन्त वनाउने दुरगामी सोँचका  साथ फाउण्डेशनको स्थापना गरेको भन्दै सबैको सल्लाह सुझावलाई आत्मसाथ गर्दै फाउण्डेशनलाई अगाडी बढाउने भन्दै यसको लागी सबैको साथ र सहयोगको जरुरी रहेको र निकट भबिस्यमा सबै पक्ष संग अन्त्ररकृया गदै अगाडी बढने  बताउनु  भयो  ।

कार्यक्रमको सुरुवातमका प्रमुख अतिथि लगाएत उस्थित सबै अतिथिहरु बाट उहाँको मृतआत्माको चिरसान्तिको कामना गर्दै एक मिनेट मौनधारण गरी खपाँगीको तस्बिरमा पुस्पगुच्छा र माल्याअर्पण गरीएको थियो । “खपाङ्गीको विचारधारा” लाई राष्ट्रिय जनमुक्ती पार्टीका केन्द्रिय सचिब बलदिप प्रभाश्वर राईले प्रस्ट रुपमा टिपणी गर्दै यो किताबले राष्ट्रिय जनमुक्ती पार्टीलाई मात्रै नभई सिंगो राष्ट्रलाई मर्गदर्शकको रुपमा सहयोग पुग्ने बताउनु भयो ।

फाउण्डेशनका अध्यक्ष हुमबहादुर पचभैया थापा मगरको अध्यक्षतामा सस्थाका सदस्य बिष्णु सिंजाली मगरले खपाँगीको चर्चा गर्दै अतिथिज्यूहरुलाई स्वागत मन्तब्य दिनु भएको थियो भने सस्थाका उपाध्यक्ष रुद्र गुर्माछान मगरले सन्चालन गर्नु भएको कार्यक्रममा सस्थाका कोषाध्यक्ष खुनबहादुर राना मगरले ब्याबस्थापनको जिम्मा सम्हाल्नु भएको थियो । कार्यक्रम तमु बौद्ध समाजको भवन आनमनगरमा सम्पन्न भएको थियो । कार्यक्रममा प्रमुख अतिथि बाट पाउण्डेशनको आजिवन सदस्य बने बापत मनिराज पुन मगरलार्इ सम्मान गरिएको थियो ।

 

स्व. खपाँङ्गीको ४९ दिनऔको पुण्य तिथिको अबसरमा बिहान ८ बजे देखि खपाँगी परिवार र आफन्तजनले मगरबौद्ध सस्कार र भिक्षुबाट शान्ती पुजापाठ सम्पन्न गरिएको थियो । 

“खपाँङ्गीको विचारधारा” लाई उहाँका छोरी चारु खपाँगी र जवई चन्द्रबहादुर थापा मगरले आर्थिक ब्यबस्थापन गर्नु भएको छ भने गोरेबहादुर खपाँगी फाउण्डेशन प्रकाशक रहेको उक्त किताबको मुल्य फाउण्डेशनलाई सहयोग स्वरुप नेपाली दुई सय रुपैया र बिदेसको लागी यू.ए.ए पाँच डलर राखिएको छ ।

पुरा तस्बिर र भिडियो हेर्न तलको लिङक थिच्नुहोस:

Rajyasatta

 

Last Updated on Saturday, 15 October 2016 23:44

Hits: 4284

फोप्लीको ठाकुरभूमिलाई भुमरी संयोजनको राहत सहयोग

राज्यसत्ता,

प्यूठान,असोज २९- गत साउनमा गएको बाढी र पहिरोबाट प्यूठानको फोप्लीमा भएको जनधनको क्षति अनि त्यसबाट प्रभावित एवम् पीडितको सहयोगार्थ भावेश भुमरीले आह्वान गरेको राहत हालै फोप्ली– ५ स्थित ठाकुरभूमि प्राथमिक विद्यालयको भौतिक निर्माणका लागि हस्तान्तरण गरिएको छ ।  

प्यूठान नगरपालिका– १७, मरन्ठाना, कोटमा स्थायी घर भएका भावेश भुमरीले २०५१ सालमा उच्च शिक्षा हासिल गर्न काठमाडौँ गएसँगै काठमाडौँलाई नै कर्मथलो बनाउँदै आएका छन् । विगत लामो समयदेखि साहित्य सिर्जना र शिक्षामा काम गरिरहेका भुमरी प्यूठानबाट काठमाडौँ गएर सिर्जनामा सार्वजनिक रूपले चर्चा र लोकप्रियता हासिल गरेका एक उच्च प्रतिभा हुन् । विशेषतः नेपाली कविता र गीत लेखनमा केन्द्रीय रूपमा आफ्नो उच्च स्थान बनाएका भुमरीका दर्जनौ गीतहरू लोकप्रिय छन् । हालसम्म पाँचवटा गीति एल्बम, चारवटा गीतसङ्ग्रह र एउटा कवितासङ्ग्रह प्रकाशन गरेका भुमरी नेपाली गीतलेखनबाट ठूला पुरस्कार प्राप्त गर्ने विशिष्ट प्रतिभा हुन् । नेपाली गीति लेखनमा गीतकार संघ नेपालको रु. १ लाखको नगद पुरस्कारसहित वर्ष गीतकार २०७०, रेडियो नेपालद्वारा आयोजित आधुनिक गीत प्रतियोगितामा रचनामा प्रथमसहित तमाम म्युजिक अवार्डहरू प्राप्त गर्ने भुमरीको रुचि र कार्यको अर्को पाटो समाज सेवा पनि रहेको छ । सोही रुचिकै कारण भुमरीका लोकप्रिय दर्जनौ गीतका स्रोता र शुभचिन्तकहरूले प्यूठानको बाढी र पहिरोपीडितका लागि भुमरीकै संयोजकत्वमा सहयोग सङ्कलन गरेका थिए ।

भुमरी सामाजिक सञ्जाल फेसबुकलाई राम्रोसँग सदुपयोग गर्ने स्रष्टा हुन् । गत साउन १० गते प्यूठानमा बाढीपहिरोले पु-याएको क्षतिबाट दुखी भएका भुमरीले फेसबुकमा सहयोगका लागि आह्वान गरेका थिए । त्यही आह्वानमा हातेमालो गर्न विभिन्न देशमा रहेका नेपालीहरूले काठमाडोँमा भुमरीलाई सहयोगस्वरूप रकम पठाएका थिए । भुमरीले सुनाए, सर्वप्रथम रुकुम घर भएकी अमेरिकामा कार्यरत गीतकार पद्मा लिंखा मगरले सहयोग पठाइन् । त्यसपछि रकम पठाउने हातहरू जुट्दै आए । धेरैभन्दा धेरै सहयोग रकम सङ्कलनका लागि केही कागजी कार्य प्यूठानबाट अगाडि बढ्न नसकेको कुरा भुमरीले सहयोग हस्तान्तरण कार्यक्रममा व्यक्त गरे । त्यही कारण धेरै रकम सङ्कलन गर्न नसकेको यथार्थ पनि कोट्याए । दशैँअगाडि नै भुमरीले युकेमा कार्यरत पवित्रा गुरुङ, आयरल्यान्डमा कार्यरत दामिनी गुरुङ, क्यानडामा कार्यरत सुरुङ्गी साहिला, इजरायलमा कार्यरत जुनु राई, अमेरिकामा कार्यरत पद्मा लिंखा मगर, युकेमा कार्यरत लाल रानासहित काठमाडौँका भुमरी स्वयम्, नानु राना, जीतबहादुर राई र रवीन्द्र घिमिरेबाट रकम सङ्कलन गरेका थिए । दशैँ मान्न र सहयोग हस्तान्तरण गर्न रु. ९१००१/- रकमको पोको बोकेर काठमाडौँबाट प्यूठान आएका भुमरीले फोप्लीमा पहिरोबाट अत्यधिक प्रभावितहरूका बालबालिका पढ्ने विद्यालयको खोजी गरे । खोजी गर्ने क्रममा ठाकुरभूमि प्राथमिक विद्यालय पत्ता लगाए । त्यही विद्यालयको भौतिक निर्माणका लागि सो रकम सहयोग गर्ने निर्णय गरे । आर्थिक सहयोग हस्तान्तरण कार्यमा प्यूठानका कलाकार, पत्रकार र समाजसेवीहरूले भुमरीलाई सघाए । सदरमुकाम खलङ्गाबाट भावेश भुमरी, राष्ट्रिय लोक तथा दोहोरी गीत प्रतिष्ठान प्यूठानका अध्यक्ष तुकमानसिंह कार्की, सोही संस्थाका उपाध्यक्ष निर्मलदास नकर्मी, कोषाध्यक्ष माधव पराजुली, सल्लाहकार राममणि थापा, सामुदायिक रेडियो प्रसारक संघका सदस्य भुवन सिंह, रेडियो कृपालु प्यूठानका कमल वि.क., समाजसेवी माधव भन्डारीलगायतका व्यक्तिहरू सम्बन्धित विद्यालयमा पुग्न धेरै हिँड्नुपर्ने भएकाले फोप्ली– १, अँधेरीखोलामा पुगेका थिए । फोप्ली गाविस एवम् सोही ठाकुरभूमि प्राथमिक विद्यालयका निवर्तमान अध्यक्ष समाजसेवी देवीराम पुनमगरसहितका व्यक्तिहरू गाउँबाट सहयोग बुझ्नका लागि अँधेरीखोलामै उपस्थित भएका थिए ।

सानो अनौपचारिक कार्यक्रम गरी इलाका प्रहरी कार्यलय, लुङ, बाहनेका सुरक्षाकर्मीसहित उपस्थित १० जना व्यक्तिहरूको रोहवरमा सो रकम भुमरीले देवीराम पुनमगरलाई हस्तान्तरण गरे । हस्तान्तरणपछि बोल्दै भुमरीले आफू पनि शिक्षा क्षेत्रमै कार्यरत हुनाले अत्यधिक पहिरोपीडितहरूका बालबालिकाहरू अध्ययन गर्ने विद्यालयको भौतिक निर्माणमा लागि आर्थिक सहयोग गर्न पुगेको कुरा राखे । सो विद्यालयलाई पछि पनि सक्दो सहयोग गर्ने भन्दै भुमरीले आफ्नो अभियानमा सहयोग र साथ दिने सबैलाई धन्यवाद दिए । मन्तव्य राख्ने क्रममा राष्ट्रिय लोक तथा दोहोरी गीत प्रतिष्ठान प्यूठानका अध्यक्ष तुकमानसिंह कार्कीले आफ्नो संस्था पनि तिहारअगाडि नै सहयोग हस्तान्तरण गर्न फोप्ली आउने कुरा राखे । सहयोग बुझेपछि संक्षिप्त मन्तव्य राख्दै देवीराम पुनमगरले फोप्लीमा पहिरोले अपूरणीय क्षति पु-याएर क्षतविक्षत भएको गाउँका घाइतेहरूलाई यसरी लगाइदिने मल्हमले केही सान्त्वना दिने कुरा व्यक्त गरे । उनले पहिरोेले सामान्य क्षति पु-याएको त्यस विद्यालयमा अत्यधिक पहिरोपीडितहरूका बालबालिकाले पढ्ने र भौतिक रूपले नाजुक भएकाले यो सहयोगलाई सही रूपले सदुपयोग गर्ने कुरा पनि राखे । व्यक्तिगत रूपमा पनि यसरी पहल गरेर विद्यालयलाई सहयोग गर्ने भुमरीलगायतका सबै सहयोगदाताप्रति पुनमगरले धेरै कृतज्ञता व्यक्त गरे ।

Last Updated on Saturday, 15 October 2016 16:14

Hits: 520

स्व.गोरेबहादुर खपाँगीको श्रद्धाञ्जली सभामा उहाँकै कृती बिमोचन हुने !

सञ्जय सिंजाली मगर

काठमाण्डौ , असोज २२ - प्रणेता स्व.गोरेबहादुर खपाँगीको ४९ दिनऔको पुन्य तीथिमा श्रद्धाञ्जली सभा तथा उहाँकै कृती बिमोचन गरिने भएकोछ ।



गोरेबहादुर खपाँगी फाउण्डेसनले श्रद्धानजली सभा र खपाँगीको पहिलो कृती प्रकाशन र बिमोचनको जिम्मा लिएको छ । प्रकाशनको लागी उहाँकी जेठी छोरी चारु खपाँगी र जवई चन्द्रबहादुर थापा मगरले ७५ प्रतिशत र बाँकी फाउण्डेशनले आर्थीक लगानी गरेको छ ।

कार्यक्रम २८ असोज २०७३ का दिन आनम नगर स्थित तमु बौद्ध समाजको भवनमा उहाँको परिवार र आफन्तजनले बौद्ध सस्कार अनुसार ठिक ८ बजे देखि शान्ति पुजा सुरु गर्ने भएका छन । शान्ति पुजा सक्नासाथ करिब ११ बजे देखी औपचारीक कार्यक्रम हुने फाउण्डेशनका उपाध्यक्ष रुद्र गुर्माछान मगरले जानकारी दिनु भयो ।

नेता खपाँगीको गत भाद्र ११ गते उपचारको क्रममा न्यूरो हस्पिटल बासबारीमा निधन भएको थियो । नेता खपाँगीको मृत्यु देखि (घोट) अन्तेस्टी सम्म फाउण्डेशन, नेपाल मगर संघ,नेपाल मगर बुद्ध समाज र लिबीरल डेमोक्राटिक पार्टीले संयूक्त रुपमा सबै कार्य सम्पन्न गरेको थियो ।

Last Updated on Saturday, 08 October 2016 14:44

Hits: 1072

 हार्दिक श्रध्दाञ्जलि - ज्ञान बहादुर गाहा मगर