A+ A A-

मगर र थारूलार्इ एउटै कलस्टरमा राख्ने तयारी गर्दैछौ - प्र.म. दाहाल (भिडियोमा)

सन्जय सिङजाली मगर

काठमाण्डौ,असोज १८- प्रधानमंत्री पुस्पकमल दाहल प्रचण्ड र सभामुख ओनसरी घर्ती मगरलाई नेपाल मगर संघका अध्यक्ष नबिन रोका मगर ज्यूले उहाँहरूको निवासमा पुगी ज्ञापनपत्र बाचन गरि मगरको मागपत्र बुझाउनु भयो ।
प्रतिनिधि मण्डलमा माओबादी केन्द्रका नेता रामबहादुर थापा बादल, नेता सुरेस आले मगर , पूर्ब सभासद सुदर्शन बराल मगर ,नेपाल मगर सँघका पूर्ब अध्यक्ष क्या. यमबहादुर बुढाथोकी मगर लगायत संयुक्त मगर मंच, संयुक्त मगरात संघर्स समिति साथै मगर वोकील, प्राध्यापक , पत्रकार , राजनितिज्ञ र सामाजिक अभियान्ताहरूको बाक्लो उपस्थित रहेको थियो ।
ज्ञापनपत्रको पुरा पाठ पढ्न तल राखिएको छ साथै पीडिएफ लिङक थिच्नुहोस :
मगर र थारू भिडाउने तरखर

सम्माननीय प्रधानमन्त्रीज्यू,

व्यवस्थापिका संसद् सचिवालय सिंहदरबार, काठमाडौँ ।

मिति : २०७३/०६/१७

विषय : ज्ञापनपत्र सम्बन्धमा ।

बहुजातीय, बहुभाषिक, बहुधार्मिक, बहुसांस्कृतिक लगायतको विशेषताले भरिपूर्ण हाम्रो देश नेपालमा विडम्बना नै भन्नुपर्छ विगत २५० वर्षदेखि एउटै वर्ग, जाति, भाषा, संस्कृति र भूगोलको निश्चित समुदायको राज्यमा वर्चश्व भयो र बहुसंख्यकलाई अन्याय अत्यचार र विभेद भयो । यही अन्याय र विभेदबाट मुक्तिका लागि २००७ साल र २०४६ सालको प्रजातान्त्रिक आन्दोलन, २०५२ सालदेखि सुरुभएको दशवर्षे जनयुद्ध, २०६२/२०६३ सालको जनआन्दोलन यी सबैमा मगर जातिको ऐतिहासिक योगदान रहेको तथ्य सर्वविदितै छ । देशको सिङ्गो जनसंख्याको ७.१ प्रतिशत जनसंख्याको तेस्रो ठूलो समुदाय मगर समुदायलाई संघीय लोकतन्त्रिक गणतन्त्रले पनि न्यायोचित व्यवहार गर्न सकेन । त्यसैले यस समुदाय विगत लामो समयदेखि राज्यविहीन ढङ्गले बाहिर परे । सबै ढङ्गले उत्पीडनमा परेको मगर समुदायलाई मुलधारमा पु¥याई समानुपातिक समावेशी मुलुक निर्माण गर्नका लागि विभिन्न मागहरुलाई सम्बोधन गराउनुहुन अनुरोध गर्दछौँ ।

संविधान संशोधन गर्दा सम्बोधन गर्नुपर्ने सवालहरूः

१. संविधान आठौँ प्रदेशको रुपमा ऐतिहासिक एकीकृत मगरात भूमिको सुनिश्चितता गरियोस् । संविधान निर्माण गर्ने क्रममा मिति २०७२ जेष्ठ २५ गते प्रमुख चार दलको बीचमा गरिएको १६ बुँदे सहमतिको बुदा नं. १ मा भएको पहिचान र सामथ्र्यको ८ प्रदेश भएको हुनाले सोहीबमोजिम एक प्रदेश थप गरियोस् । (रुकुम, रोल्पा, प्यूठान, गुल्मी, पाल्पा, अर्घाखा“ची, स्याङ्जा, तनहूँ, म्याग्दी, बाग्लुङका पुरै जिल्ला र नवलपरासीको पहाडी भेग, पर्वतको पश्चिम दक्षिण भाग, मुस्ताङको पश्चिम दक्षिण भाग, दाङको पहाडी भाग, सल्यानको उत्तर निर्माण गरियोस् ।

२. नेपाल सरकार र आदिवासी जनजातिहरुको बीचमा भएको २० बु“दे सहमतिबमोजिमको  सवालहरुलाई नया“ संविधानमा सम्बोधन गराउनुहुन माग गर्दछौँ ।

३. गाउ“पालिका, नगरपालिकाको सीमाङ्ककन गर्दा जातिगत सांस्कृतिक र भाषिक सघनतालाई आधार बनाएर सीमाङ्ककन गरिनुपर्ने । विशेष स्वायत्त क्षेत्र, संरक्षित क्षेत्रहरुलाई सामाजिक र सांस्कृतिक मात्र नभई राजनीतिक इकाईको रुपमा राजनैतिक अधिकार दिइयोस् ।

४. संघ, प्रदेश र स्थानीय तहरुको सबै सरकारी कार्यालयहरुमा बहुभाषा नीतिको व्यवस्था होस् ।

५. राज्यको स्थानीय, प्रदेश र संघीय तहका सबै निकायहरुमा जातीय जनसंख्याको आधारमा समानुपातिक समावेशी प्रतिनिधित्व हुनुपर्ने ।

६. मगर लगायतका सबै आदिवासी जनजातिको प्रथाजनित कानूनलाई मान्यता प्रदान गरियोस् ।

७. संविधानको धारा ४ मा रहेको धर्मनिरपेक्षको स्पष्टीकरण हटाउने र राष्ट्रिय जनवार गाई  हटाइयोस् ।

निवेदक:

संस्थाकोनाम                                                                                         हस्ताक्षर

भोली १९ असोजका दिन नेपाल भरिकै मगरहरू ११ बजे मार्इती घर मण्डलामा जममा भएर पहिचान सहितको संघीय संबिधान,हाम्रो अडान ,मगरात स्वायत्त प्रदेस स्थापनाका लागी साझा अभियान र मगरात स्वायत्त प्रदेश सुनिश्चित गर भन्ने नारा लगाउदै नारा लगाउदै बानेश्वर पुगेर आमसभामा पणिरत हुनेछन ।

अध्यक्ष नबिन रोका बाट ज्ञापन पत्र बाचन र हस्तान्त्ररण

ज्ञापनपत्र बुझ्दै के भने प्रचन्डले

पुरा तस्बिर हेर्न तलको लिङक दबाउनु होस ।

 

Rajyasattaadded 28 new photos to the album:मगरहरू प्रधान मन्त्री निवास पुगस् मगरात मागे.

 

 

 

 

 

Last Updated on Thursday, 06 October 2016 17:15

Hits: 4593

खपाङ्गी फाउण्डेसनलाई बेलायत र स्पेन बाट सहयोग ।

संजय सिंजाली मगर 

काठमाण्डौ, भदौं २८ - नेपालका आदिबासी जनजातिका अगुवा तथा पूर्व मन्त्री स्व. गोरे बहादुर खपाङ्गी मगरको नाममा स्थापना भएको फाउण्डेसनलाई सहयोग प्राप्त हुने क्रम जारी छ ।

हिम ज्योती आलेमगर श्रीमान GOMEZ को साथमा

बेलायत बाट छोटो नेपाल घर बिदामा आउनु भएका बागलुङ्ग हारीचौर गा.वि.स बडा नं.३ ठुलाथार लामोडाडा हाल ललितपुर ४, बागडोल  निवासी  दिलकुमारी पुनमगरले संरक्षक बापत २५ हजार पाच सय रुपैया दिनु भएको छ । उहा घर बिदा सकेर श्रीमान इन्द्र पुनमगरको साथमा  बेलायत फर्किसक्नुभएको छ । इन्द्र पुनमगर Global LEAF project UK का founder अध्यक्ष हुनुहुन्छ । पुनमगरले निकट भबिश्यमा नेपालमा आधुनिक  बिश्वबिध्यालय स्थापना गर्ने सोच बनाउनु भएको छ।

त्यस्तै दश हजार तिरेर फाउण्डेसनको आजिवन सदस्य लिनेमा स्पेन निवासी हिम ज्योती आलेमगर रहनु भएको छ । हिम ज्योती आलेमगरको जन्म स्थान रामेछाप जिल्लाको ठोसे गाउमा भएको हो । उहाको बाबा गुण बहादुर आलेमगर र आमा रुद्रमाया आलेमगरको कोखबाट जन्मिनु भएको हो । उहाले १५ बर्षको हुदा क ख रा पढ्न स्कुल सूरु गर्नु भएको थियो । र १० बर्षको र्कोष ७ बर्षमा सिध्याए लगत्तै, १०+२ मा भर्ना हुनु भयो । त्यस पछि पढाई संगसगै स्कुलमा काम गर्न थाल्नु भयो ।

पुनमगर दम्पती

उहाको बिवाह स्पेनीस नागरीक MATEO VARGAS GOMEZ संग भएको हो । उहाको एक छोरी बर्ष ९ कि सारा र एक छोरा बर्ष ७ का बिशाल छन् । उहाहरू स्पेनको BARCELONA, calella भन्ने ठाउमा बस्दै आउनु भएको छ ।

हिम ज्योती आलेमगर साँचिकै दिलको  ज्योती हुनुहुन्छ ,उहाले कसैको दुख्ख देख्न सक्तिनन्  । आलेमगर बिवाह भएर स्पेन गए देखि नेपालको बिध्यालय,स्वास्थ्यचौकी,सडक बनाउन र दिनदुखिहरूलार्इ सहयोग गर्दै आउनु भएको छ । उनि स्पेनमा बसेर नेपाललार्इ हाल सम्म करिब ५० लाख रूपैया सहयोग गरेको बताउनुहुन्छ । दुबै दानबिरलार्इ गोरेबहादुर खपाँगी फाउन्डेसनले धन्यबाद दिएको छ ।

Last Updated on Friday, 16 September 2016 04:59

Hits: 1338

३५ औ एकता मगर दिवसको अवसरमा चिण्डीके डुप्के तिन दिन सम्म मनाउने

संजय सिंजाली मगर

काठमाण्डौं,भाद्र २५- ३५ औ एकता मगर दिवस र ४५ औं चिण्डीके डुप्के तेस्रो अन्र्तराष्ट्रिय मगर मञ्च स्थापना दिवस २०७३ को पूर्व तयारी संयुक्त बैठक आज नेपाल मगर संघ केन्द्रीय समितीको कार्यालयमा बस्यो ।

नेपाल मगर संघ स्थापना हुन पूर्व वि.सं. २०२८ सालमा खिलध्वज थापा मगरको अध्यक्षतामा लांघाली(गाँउले) समाजले बनबोझको आयोजना गरी चिण्डीके डुप्के को नामकरण गरी कार्यक्रम आयोजना गरेका थिए ।

चिण्डीके डुप्केको अर्थ एक अर्का साथीहरु बीच परीचय तथा चिनजान गर्न जाने भन्ने अर्थ हुन्छ । पञ्चायती शासन व्यवस्थामा संघ संगठनहरु खुलेर कार्यक्रम गर्न प्रतिवन्ध भएकोले मगरहरुले यस कार्यक्रमको आयोजना गरी मगरहरु संगठित हुने  गर्दथे ।

वि.सं. २०७१ देखि पहिलो पटक चिण्डीके डुप्के अन्र्तराष्ट्रिय स्तरमै मनाउन सुरु गरेको हो । वि.सं. २०७२ सालमा विनासकारी भूकम्पको कारणले गर्दा यो चाड मनाइएन भने यस पटक तेस्रो अन्र्तराष्ट्रिय चिण्डीके डुप्के मनाउन लागिएको नेपाल मगर संघ काठमाण्डौं जिल्ला समितीका अध्यक्ष डबबहादुर गर्बुजा मगरले राज्यसत्ता लाई जानकारी गराउनु भयो ।

यस कार्यक्रमको पूर्व तयारीको लागि नेपाल मगर संघका केन्द्रीय सदस्य तथा उपत्यका संयोजक जीवन थापा मगरको अध्यक्षतामा नेपाल मगर संघ काठमाण्डौं जिल्ला समितीका अध्यक्ष डबबहादुर गर्बुजा मगर, ललितपुर मगर संघका अध्यक्ष कृष्ण राना मगर,भक्तपुर जिल्ला समितिका उपाध्यक्ष सवीन पुलामी मगर र उपत्यका भित्र रहेका मगर संघ संस्थाका अध्यक्ष तथा प्रतिनिधीहरुको उपस्थित रहेको थियो ।

यो कार्यक्रमको आयोजना काठमाण्डौ,ललितपुर र भक्तपुर जिल्ला समिति र तीनै जिल्लामा रहेका मगर संग आवद्ध संघ संस्थाहरुको सहयोगमा सम्पन्न हुदै आएको छ ।

३५ औ एकता मगर दिवस र ४५ औं चिण्डीके डुप्के तेस्रो अन्र्तराष्ट्रिय कार्यक्रम यही आउदो फागुन १४,१५ र १६ मा काठमाण्डौंको टुडिंखेलमा मनाउने निर्णय गरेको छ ।

समितिको अर्को बैठक असोज १५ गतेका दिन प्रज्ञा भवन कमलादीमा बिहानको ११ बजे बस्ने गरी आजको बैठक सम्पन्न भएको ललितपुर मगर संघका अध्यक्ष कृष्ण राना मगरले राज्यसत्ता लाई जानकारी गराउनु भयो ।  

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Last Updated on Saturday, 10 September 2016 17:38

Hits: 700

राष्ट्रिय जनमुक्ति पार्टी तामाङ सालिङ राज्य परिषद गठन

संजय सिंजाली मगर

काभ्रे, भदौं २६ राष्ट्रिय जनमुक्ति पार्टी तामाङ सालिङ राज्य परिषद स्तरिय प्रथम अगुवा कार्यकर्ता भेला एवम् प्रशिक्षण कार्यक्रम संम्पन्न भएकोछ ।

 

तामाङ सालिङ राज्य परिषदका उपाध्यक्ष तथा संयोजक सोबिन थिङको सभापतित्तोमा तामाङको गुरु "ताम्बा" धावा लामा र गुरु आमाले डम्फु र तामाङ गितबाट अतिथिहरूलार्इ स्वागत गरेका थिए भने संघीय परिषद सदस्य ईन्द्र बहादुर थिङले कार्यक्रम संञ्चालन गरेका थिए ।

कार्यक्रमका प्रमुख अतिथि राष्ट्रिय जनमुक्ति पाटीका केन्द्रिय अध्यक्ष केपि पालुङवा र बिशेष अतिथिमा बरिस्ट्र नेता डिके बुद्धीस्ट हुनुहुन्थ्यो । अतिथीहरुमा पार्टीका सहअध्यक्षद्धय मानध्वज ब्लोन तामांङ र बुद्ध श्री लामा,केन्द्रिय सचिब बलदिप राई, संघीय परिषद सदस्यद्धय हुमबहादुर थापा मगर र माधव गिरी थिए । 

  

कार्यक्रम काभ्रेको बनेपा नगरपालिकाको भवनमा एकदिने प्रशिक्षण कार्यक्रम पार्टीले सञ्चालन गरेको थियो । प्रथम अगुवा कार्यकर्ता भेला एवम् प्रशिक्षण कार्यक्रममा मकवानपुर,नुवाकोट,काभ्रे,सिन्धुपलान्चोक,रामेछाप,दोलखा,सिन्दुली, चितवन, धादिँग र रसुवा गरि १० जिल्लाका अगुवा तथा कार्यकर्ता भेला भएका थिए ।  

भेलाले सोबिन थिङको संयोजकमा १९ सदस्यीय तामाङ सालिङ राज्य परिषद गठन गरेको छ । सहसंयोजकद्धयमा काजीमान मोक्त्तान  र चम्पा लामा, सचिवमा, ईन्द्र थिङ चयन भएका छन् ।

सदस्यहरुमा कित दावा घिसिंग, संगिता मोक्त्तान, संजिरा लामा, प्रमिला तामाग, झाम तामाङ, तारा डोलमा, दिलबहादुर रुम्बा, हरि सिं वाईवा, बिक्रम थिङ, संगम वाईवा, सृजना बम्जन, केशर मान तामाङ, श्यामराज गिरी, ईन्द्रमान तामाङ चयन भएका छन् ।

सो कार्यक्रममा एमाले, कांगे्स र माओबादी केन्द्र परित्याग गरि दर्जनौ नेता तथा कार्यकर्ताहरू राष्ट्रिय जनमुक्ति पाटीमा प्रबेस गरेका छन । पार्टी प्रबेस गर्नुहुने नेता तथा कार्यकर्ताहरुलाई पार्टी अध्यक्ष केपी पालुङवा र बरिष्ट्र नेता डिके बुद्धीस्ट बाट पार्टी सदस्यता बितरण गरिएको थियो ।

अगुवा कार्यकर्ताहरुलाई केन्द्र बाट गएका अध्यक्ष बरिस्ट नेता, सहअध्यक्ष सचिब लगायत केन्द्रिय  सदस्यहरुले प्रशिक्षर्णत्मक रुपमा आ -आफ्नो बिचार राख्नु भएको थियो ।

बिचार राख्ने क्रममा डिके बुद्धीस्टले भन्नु भयो प्रधान मन्त्रीले बिदेश भ्रमण गर्दा वा सयन्त्रको बैठकमा सानो दल भए पनि राष्ट्रिय जनमुक्ति पाटीलाई समाबेस गर्न आग्रह गर्नु भयो । अध्यक्ष पालुङवाले पार्टीको सांगठनिकको बारेमा प्रशिक्षण दिनु भएको थियो ।
भिडियो हेर्न यो लिङक थिच्नुहोस

पुरा फोटो हेर्न यो लिङक थिच्नुहोस्

Rajyasattaadded 56 new photos to the album:राष्ट्रिय जनमुक्ति पार्टी तामाङ्ग सालिङ राज्य परिषद गठन.

 

Last Updated on Monday, 12 September 2016 04:43

Hits: 4667

खपाङ्गीको मृत्युको कारण दुर्घटना कि षड्यन्त्र !

बिजय हितान    

भदौं १७ - गोरेबहादुर खपाङगी नेपाली राजनीतिमा एक आकर्शक ब्यक्तित्व भएका नेता हुन । सेता दाह्रीजुंगाका मालिक, प्रस्ट र निडर बक्ता, दर्सन र दुरदर्सीपूर्ण भाषण, प्रिथक अनी नौलो राजनैतिक सिद्दान्तको बिजारोपण गर्नु यसका प्रमुख कारण हुन । मगरका छोरा भएर वंसजले नदिए पनि दाह्री जुंगा पालेर हिँडदा लेनिन हुन खोजेका हुन या कसैलाई चुनौती दिएका हुन त्यो त खपाङ्गिनै जानुन ।

यस्ता शिखर पुरुष  मोटरसाइकल दुर्घटनामा परेपछी एकाएक नेपाली राजनैतीक छितिजबाट अस्ताउँदा मानिसमा प्रश्नका भेलहरु उर्लेका थिए । स्पष्टबादि नेतालाई मोटारसाइकलले ठक्कर दिनु दुर्घटना थियो या षड्यन्त्र ? दसैं बहिस्कार आन्दोलनका नायक तर मन्त्री भएपछी आँफैले राजा ज्ञानेन्द्रको हातबाट टिका किन लगाए ? पहिचान र समाबेसिको मुद्दालाई नेपालमा प्रथमपल्ट राजनैतिक बहसमा ल्याउने राष्ट्रिय जनमुक्ती पार्टिका संस्थापक महासचिव तर मोटरसाइकल दुर्घटनामा पर्नु अगाडिका दिनहरुमा किन निस्कृय देखिन्थे ? साम्प्रदायिकताको आलोचना खेप्दै गर्दा पनि किन र कसकालागी समाबेसिय र समानुपातिक राजनैतिक सिद्दान्तको वकालत गर्दै हिँडे ?

अली अस्ती सम्म उनी कठामान्डु, नक्खु को एक किराय घरमा अर्धचेत अवस्थामा लम्पसार थिए । धर्मपत्नी र छोरा छोरीहरुको स्याहार सुसारमा। राज्यमा भने भरखरै संघिय, समानुपातिक, गणतन्त्रात्मक संबिधान ब्याबस्था लागु भएको छ । धन्दै एक दसक लामो राजनैतिक खिचातानी पछी। जसका सुत्राधार उनै बिस्तरामा लडिरहेका खपाङी थिए जो अहिले हाम्रो माझ छैनन ।

माथिका प्रश्नहरु अन्य नेपाली नागरिकलाई जस्तै मेरो मानस पटलमा पनि झुन्डिरहेको बखतमा  'नेपाली राजनीति र समाजमा खपाङ्गिको देन' पुस्तक गत बर्ष मेरो हात परेको थियो ।  सन २०१२ मा खपाङ्गी  बेलायत भ्रमणमा रहँदा उँहासँग एउटा अन्तरकृया आयोजना गरेका थियौं । उँहा समक्ष केही प्रश्नहरु राखेको थिएँ- 'इतिहाँस लोप हुनुका एउटा प्रमुख कारण लिखित दस्ताबेज नरहेर हो । तपाईं एक सिर्श नेतामात्रै नभै एक दार्शनिक पनि हुनुहुन्छ भन्ने कुरा तपाईंका गहकिला र दुरद्रशीपूर्ण भासणमा सुन्न पाईन्छन । अब ति कुरा कैले किताबमा पनि पढन पाइएला ? हाम्रा सन्तानले खपाङ्गीका दर्शन र सिद्दान्त के कस्ता थे कसरी सम्झलान ? कतै किताब प्रकाशन गर्ने सोंच त छैन ?'

खपाङ्गी जी ले सेतो दाह्रीलाई मसार्दै जवाफ दिनु भाथ्यो- 'नढाँटी भन्नु पर्दा, हितान बाबु, सोंच बनाएको त छैन । त्यसकोलागि समय निकालौंला । रङभेद र एकाधिकार बिरुद्दको लडाईं लडेका नेल्शन मन्डेलालाई नेपालका प्राय सबै राजनैतिक दलका नेताले खुबै गुणगान गाउँछन । तर त्यस्तै अभियान बोकेर हिंडेका खपाङ्गीको कटु आलोचना गरिन्छ । उत्पिडनमा पारिएका आदिवासी जनजाती समुदायको मुक्ती र बिभेदलाई अन्त्य गर्न अहोरात्र खटिएका, समाबेसी र समानुपातिक सिद्दान्तमा आधारित ब्याबस्थाको माग गर्ने महान समाजवादी शिखर पुरुष थिए खपाङ्गी । यस्तो अतुलनिय देनले गर्दा खपाङ्गीलाई नेपाली जनताले मन्डेलाको स्तरमा उब्ब्याउँदै सम्मान ब्यक्त गर्दछन ।

ऊच्च शिक्षा हाँसिल पस्चात शिक्षण पेसामै छँदा नेकपा (माले) का सकृय सदस्य बनेका रहेछन खपाङ्गी । सामाबेसिको आधारमा अन्य जातीका नेतालाई पनि पोलिटब्युरो र केन्द्रिय समितिमा राखिनु पर्छ भन्ने माग गर्दा कुरा नमिलेर पार्टी पारीत्याग गरेछन । त्यसै पार्टीका एक नेताले- 'धरान, पोखरा, बुटवल जस्ता शहरमा बनेका मगुरालीका भवनहरु हामीले मागेका छौं र तिमीले पोलिटब्युरो र केन्द्रिय सदस्य माग्ने ?' भनी खपाङ्गीलाई लाप्पा खुवाएछन ।

खपाङ्गी बिक्रम सम्बत २०५६ को प्रतिनिधि सभाको चुनावमा पाल्पाबाट उठ्नु भयो  । बिक्रम सम्बत २०४७ सालको संबिधान नै उत्पीडित समाजको पक्षमा नरहेको ठहर गर्दै त्यही उत्पीडित समाजको वोकालत गर्ने रास्ट्रीय जनमुक्ती पार्टिले खपाङ्गीलाई चुनावमा नउठाएको भए हुन्थ्यो । बरु लगातार शान्तिपूर्ण बिरोध, जनचेतना, पार्टी संगठन र बिस्तारमा लाग्दै अरु केही बर्ष सरकारमा जाने लालच नदेखाएको भए हुन्थ्यो । झन्डै ७० प्रतिसत मगर समुदाय रहेको निर्वाचन छेत्रबाट उठदापनी खपाङ्गिले हार ब्योहर्नुका कारणहरु राजनैतिक चेतनाको कमजोरिले हुनसक्छ ।  

खपाङ्गी दसैं-टिका प्रकरण एकपल्ट नेपालामा तहल्का मच्चाएको बिषय हो । जसलेगर्दा खपाङ्गीको प्रसिद्दिको चुचुरो रातारात गर्लम्म ढलेको थियो । तर खपाङ्गी जस्तो दँसै प्रथाको बिरोधि नेताले किन राजाको हातबाट टिका लगाए त ? सबैको चासोको बिषय थियो । राजनीतिमा सौदा गर्दा केही गुम्छ केही लाभ हुन्छ । लाभ प्राप्त गर्न राजालाई रिझाउनै पर्ने अवस्था श्रीजना भएछ त्यतिबेला । पाठशालाका पाठयक्रमबाट सँस्क्रित बिषयलाई हटाउन आफुले गरेको प्रस्ताव स्विकार हुन्छ की भनेर खपाङ्गी राजाको हातको टिका थाप्न पुगेको वाँहाले बताउनुहुन्थ्यो । पछी सांसदबाट त्यो प्रस्ताव पारीत भयो । त्यतिले आफ्नो अस्तित्व गिरेपनी देसको ढुकुटिबाट बर्सेनी साँढे चार अरब रुपैँया जोगाउन सफल भएको कुरा पछी वाँहाले गर्नुहुन्थ्यो । यसरी देसको ढुकुटि बचाउन आफुले जोखिम मोलेका खपाङ्गी, दुर्घटनामा परेपछी सरकारले उपचारार्थ पाँच लाख रुपैँया मात्रै दिएछ । जबकी सरकारमा डाडुपन्यु सम्हाल्ने नेताहरुले करोडौं रुपैँया उपचार खर्च पाउँछन ।

 दँसै-टिका प्रकरणपछी सुस्ताएका खपाङ्गीलाई सगरमाथा टेलिभिजनको अन्तरवार्तामा आदिवासी जनजातिको आन्दोलन तुहिएको प्रसँग  कोट्याइन्छ । तुहिएको भए असोक राइ, चैतन्य सुब्बा जस्ता नेता कसरी जन्मन्थे भनी उत्तर दिएर आफ्नो बिगतको नेत्त्रुत्वले धेरै सबल नेताहरु जन्माइसकेको गर्व गर्दछन । त्यसै अन्तर्वातामा ब्रामणबादको बिरोधमा आफु किन उत्रिएको भनेर खपाङ्गी खरो तरिकाले प्रस्तुत भएका छन ।

आफुलाई 'घोक्र्याएर ल्याइएको' भन्ने उनको भनाइले उनी खुशीले होइन कसैको करकापले उक्त अन्तरवार्तामा गएका थिए भन्ने बुजिन्छ । यदी कसैले उनको मोटारसाइकल ठक्कर दुर्घट्ना होइन षड्यन्त्र हो भन्छ भने उक्त अन्तर्वाता प्रमुख कारण हुनसक्ने प्रसस्तै सम्भावना छ । मन्चको भाषणभन्दा टेलिभिजनको अन्तर्वाता प्रभावकारी हुन्छ । त्यस्तो खालको अन्तर्वाता शायद खपाङ्गिको पहिलो हुनसक्छ ।

मन्चमा सयौं दर्सक हुन्छन भने एक राष्ट्रिय स्तरको टेलिभिजनको लाखौं हुन्छन । मन्च अगाडिका प्रायजसो सबै आफ्ना समर्थक हुन्छन भने घर-घर बसेर टेलिभिजन हेर्नेहरु बिपक्षका पनि हुन्छन। त्यसैलाई यु-ट्युबमा हालिदिएपछी लाखौं दर्सकले हेरे। यसरी उक्त अन्तर्वाता खपाङ्गिलाई मनपर्नेले पनि हेरे मन नपर्नेले पनि । यस अघी खपाङ्गिका बिचार कोठाभित्र, समर्थकले भरिएका मन्च अगाडि र केही स्थानिय तथा जातिय पत्रपत्रीकाका पानामा सिमित थिए । यसरी मास मिडियामार्फत पहिला कहिल्लै प्रसारण गरिएको थिएन। फल्सरुप खपाङी बिचार बिरोधिहरुले काठमान्डुको कुनै उपल्लो तलामा खपाङ्गिलाई सदाको लागि पन्छाउने ग्रान्ड षड्यन्त्रको योजना बुनिएको हुनसक्छ ।

मोटरसाइकलले हानेपछी ढिलो गरी वीर हस्पिटल पुर्याइनु, मोटारसाइकलवाला पहाडे मुलको बाहुन-छेत्री वा आदिवासी जनजाती नभएर मधेसी मुलको मुसलबान हुनु, मोटारसाइकलवाला पनि घाइते भएको र उपचारको क्रममा अचानक अस्पातलबाट त्यसै साँझ पुलिसले गायब बनाइदिएको, अस्पातलमा एक डक्टरले टाउकोमा र अर्को डक्टरले पेटमा असर परेको भन्दै उपचारको जिम्मेवारि लिन नमानेको र ढिला गरेको, त्यसदिन घरमा आफु कतै नजाने जानकारी श्रीमतीलाई बिहान दिएको तर पछी अचानक कसैले फोन गरेपछी घरबाट निस्केको इत्यादी परिस्थितीलाई अनुसन्धान गर्दा उक्त दुर्घटना नभएर एक षड्यन्त्र हुनसक्ने थुप्रै सम्भावना छ।            

राजनैतिक र सामाजिक कृयाकलापमा सर्बस्व सुम्पेका खपाङ्गी काठमाण्डौमा किरायमा बस्थे । उनी दुर्घटनामा परेपछी परिवारले खर्च ब्यहोर्न सक्ने स्थिती थिएन । तर वास्तवमै उनिलाई यती तिरस्कार गरिएको रहेछ कि नत उनको पार्टिले, न मगर समाजले, न आदिवासी जनजाति महासंघले नै उनको उपचारको नेत्रुत्व लिने तत्परता देखाएछन । त्यसैले त सङकर लिम्बुको सम्योजकत्वमा 'खपाङ्गी उपचार सहयोग समिती' गठन गरिएको थियो । यसरी धन्दै धन्दै बिर्सिसकिएका खपाङ्गी बिचरालाई कसले उनको दुर्घटनाको छानबिन अगाडि बढावोस ।

इन्भेस्टिगेसनलाई अगाडि बढाइएको भए केही प्रश्नको उत्तर खोज्न सकिन्थ्यो। जस्तो- फोन ट्र्याक गरेर कसले कँहाबाट फोन गरेको थियो र फोनमा के वार्तालाप भएको थियो ? मोटारसाइकल सवार मुसलमान नेपाली नागरिकको भक्तपुरको बसाइ हो कि होइन ? चुरेटाको ब्यवसाय बास्तविक थियो कि थिएन ? उनको नेपाली नागरिकता कँहा र कहिले दर्ता भएको थियो ? मोटारसाइकल कँहा, कहिले र कसको नाममा रजिस्टर्ड भएको थियो ?   

  

Last Updated on Thursday, 08 September 2016 17:44

Hits: 449

हार्दिक श्रध्दाञ्जलि - गोरे बहादुर खपांगी