A+ A A-

मगरहरू ईश्वरका दुत हुन - उपराष्ट्रपति पुन ।

उपराष्ट्रपति र मन्त्री हरूलाई सैनिकले गरे सम्मान ।

हुबि मगर

काठमाण्डौ, बैसाख १४ - नेपाल मगर भूपू सैनिक तथा प्रहरी संघ, केन्द्रिय समितिले नवनिर्बाचित सम्माननीय उपराष्ट्रपति नन्दबहादुर पुन मगरज्यू र माननीय मगर मन्त्रीज्युहरुलाई एक कार्यक्रम गरि बधाई तथा सम्मान कार्यक्रम सम्पन्न गरेको छ ।
कार्यक्रमका प्रमुख अतिथि सम्माननीय उपराष्ट्रपति नन्दबहादुर पुन मगरको प्रमुख आतिथ्यमा सम्पन्न भएको हो । माननीय गृहमन्त्री रामबहादुर थापा मगरज्यू, माननीय ऊर्जा, लजस्रोत तथा सिंचाई मन्त्री वर्षमान पुनज्यू, माननीय महिला, बालबालिका तथा ज्येष्ठ नागरिक मन्त्री थममाया थापा मगरज्यू, माननीय खाने पानी तथा सरसफाई मन्त्री विना मगरज्यू र माननीय संस्कृति, पर्यटन तथा नागरिक उड्डयन राज्यमन्त्री धनबहादुर बुढा मगरज्यू बिशिष्ट अतिथिको रुपमा उपस्थित रहेका थिए ।

नेपालको राष्ट्रिय गान बाट सुरु भएको यस कार्यक्रममा नेपालका प्रथम शहिद क्या. लखन थापा मगर र मगरको शब्दकोषका लेखक एबं इतिहास बिद स्व. हीरा सिंह थापा मगरको संझनामा एक मिनेट मौन धारण गरिएको थियो ।
नेपाल प्रहरी तथ सैनिकको तर्फ बाट पूर्ब प्रहरी प्रमुख कुबेर सिंह राना मगरज्यूले सम्माननीय उपराष्ट्रपतिज्यूलाई , भारतीय सैनिकको तर्फ बाट मेजर डिल बहादुर आले मगरले माननीय महिला, बालबालिका तथा ज्येष्ठ नागरिक मन्त्री थममाया थापा मगरज्यू र बेलायती सैनिक र सिगापुर प्रहरीको तर्फ बाट मेजर हरि बहादुर थापा मगरज्यूले माननीय खाने पानी तथा सरसफाई मन्त्री विना मगरज्यू लाई टिका, माला र फेटा लगाई दिएका  थिए ।

 

यस सम्मान कार्यक्रममा नेपाली सेनाका पूर्ब मेजर जनरल प्रेम प्रकाश थापा मगर, बृगेडिएर जनरल मानध्वज बुढा मगर र श्याम बहादुर थापा मगर, कर्णेल झपट बहादुर थापा मगर, पूर्ब प्रहरी ए.आई.जि.पी डा.गोबिन्द प्रशाद थापा मगर, बहालवाला डि.आइ.जी दुर्गा थापा पुन मगर र एस.पि हृदय थापा मगर, पूर्ब प्रहरी एस.एस.पी मन बहादुर रजाली, मेजर कृष्ण कुमार आले मगर लगाएत नेपाली सेना, नेपाल प्रहरी, ससस्त्र प्रहरी, बेलायती सेना, सिगापुर प्रहरी र भारतिय भूपू सैनिकहरुको उल्लेखनिय उपस्थित रहेको थियो ।
कार्यक्रको सुरुवातमा भूपू सैनिकहरुलाई परेको समस्याको बारेमा संस्थाका ईन्चार्ज दलबहादुर बिरकटा मगरले ज्ञापन पत्र बाचन गर्नु भएको थियो भने अध्यक्ष हुमबहादुर थापा मगरले प्रमुख अतिथि र बिशिष्ट अतिथिज्यूहरुलाई १३ बुंदे ज्ञापन पत्र बुझाएका थिए ।

शुभकामना मन्तब्य दिदै मगर भूपू सैनिक तथा प्रहरी सामान्य ब्याक्तिहरु होइनन् । उहाहरुको बीरताको गाँथाले नेपाल र नेपालीको शिर उच्च रहेको चर्चा गर्दै, उपराष्ट्रपति पुनले भने- मगरहरु ईश्वरको दुत हुन ।
अर्का बक्ता माननीय मन्त्री बिना मगरज्यूले यो ज्ञापन पत्रमा उल्लेख भए अनुसार सैनिकहरुको कथा ब्यथाले आफु अत्यन्तै मर्माहात भएको उल्लेख गर्दै मानीस भएर जन्म लिएता पनि मृत्यु भएमा आफ्नो जन्म भूमिमा दाहसस्कार गर्न नपाउनुले यो ज्ञापन पत्र नेपाल सरकारलाई जानकारी गराउने प्रतिबद्धता ब्यक्त गरेका थिए । अर्का माननीय मन्त्री थम माया थापा मगरले बाउ बाजेको थांतथलोमा बिकास नगर्दा सम्म मगरको बिकास नहुने र कुरीति, कुसस्कारको अन्त्य नगर्दा सम्म मगरहरु अगाडी बढ्न नसक्ने धारणा राखेका थिए । नेपाल मगर संघका केन्द्रीय अध्यक्ष नबिन रोका मगर, पूर्ब प्रहरी प्रमुख कुबेर सिंह राना मगरले पनि शुभकामना मन्तब्य दिएका थिए ।

कार्यक्रममा नेपाल मगर भूपू सैनिक तथा प्रहरी संघका केन्द्रिय अध्यक्ष हुम बहादुर थापा मगरको अध्यक्षतामा संघका ईन्चार्ज दल बहादुर बिरकट्टा मगरको स्वागत मन्तब्य र महासचिब क्या. भिम बहादुर राना मगरले संचालन गरेका थिए ।



कार्यक्रमको दोश्रो सेशनमा "मगर समुदयमा सबागीर्ण बिकासका लागी भूपू सैनिक तथा प्रहरीहरुको भूमिका" भन्ने बिषयमा अन्तरकृया कार्यक्रम रहेको थियो ।

 बधाई तथा सम्मान कार्यक्रम अध्यक्ष बाट समापन गरे पछि दोस्रो सेसनको " मगर समुदायको सरबांगिर्ण बिकाशको लागी मगर भूपू सैनिक तथा प्रहारीको भूमिका" बिषयक एक दिने अन्तरकृया कार्यक्रम सम्पन्न गरेको छ ।

यो कार्यक्रमको प्रमुख अतिथि पूर्ब प्रहारी महानिरीक्षक कुबेर सिंग राना मगर हुनुहन्थ्यो भने बिसेस अतिथिमा पूर्ब ए.आई.जि.पी डा. गोबिन्द प्रसाद थापा मगर र पूर्ब बृगेडियर जनरल स्याम थापा मगर ,पूर्ब प्रहारी बरिस्ठ उपरिक्षक मनबहादुर राजाली मगर साथै अतिथिहरूमा मेजरद्वय कृष्ण कुमार अाले मगर ,हरिबहादुर थापा मगर , नेपाल मगर संघका पूर्ब अंध्यक्ष एबं यस संस्थाका सल्लाहाकार यमबहादुर बुढाथोकी मगर , संस्थाका सल्लाहाकार एबं मगर बुद्ध संघ नेपालका अध्यक्ष देउबहादुर राना मगर र यसै संस्थाका ईन्चार्ज तथा मगर संघका भाषीक उपाध्यक्ष दलबहादुर बिरकट्टा मगर हुनुहन्थ्यो ।
सल्लाहाकार बुंढाथोकी मगरले मन्तब्य सहित स्वागत भाषण गरेका थिए । कार्यक्रमको सभापति गरेका अध्यक्ष थापा मगरले " मगर समुदायको सरबांगीर्ण बिकासको लागी भूपू सैनिक र प्रहरी को भूमिका भन्ने बिसय सम्मानित हललाई प्रबेस गराएका थिए ।

बृ.जनरल स्याम थापा मगर, ए.अाई.जि.पी.डा. गोबिन्द थापा मगर , पूर्ब अाई.जि.पी. कुबेर सिंग राना मगरले बिषय माथी महत्वपूर्ण बिचार राख्नु भएको थियो ।

हिरा थापा मगर, टेकबहादुर थापा मगर, कास्की जिल्ला अध्यक्ष चन्द्र प्रकाश थापा मगर, बोमबहादुर दर्रलामी मगर,संजोग लाफा मगरले मगर भूपू र नेपालको प्रथम शहीद क्या. लखन थापा मगर माथी भएको अन्याय र बिभेधको बारेमा र भूपू सैनिक तथा प्रहरी र उनका परिवारहरुलाई परेको समस्याको बारेमा गहन बिषयमा कुरा उठाउनु भएको थियो । कास्की , पोखरा बाट अाउनु भएकि एकल बिर नारी मीनु थापा मगरले बलिनर ऑसुको धारा बगाउदै अाफुले मगर लाहरे सिरीमान संग २०५८ मा बिवाह भएको र २०६० सालमा पतिको निधन पश्चात केहि बर्ष पेनसन पाए पनि हाल अाएर पेनसन रोकिएकमा दुख: ब्यक्त गर्दै संस्थालाई सहयोग गर्न अपील गर्नु भयो ।
संस्थाका अध्यक्ष हुम थापाको अध्यक्षतामा संस्थाका ईन्चार्ज दल बिरकट्टाको सहजिकरणमा महासचिव क्या. भिम राना मगरले कार्यक्रम सन्चालन गर्नु भएको थियो । कार्यक्रम बेलुकी ६ बजे सम्म चलेको थियो । कार्यक्रममा १२ जिल्ला बाट आएका प्रतिनिधि सहित करिब १५० जना भन्दा बेसी  मगर पूर्ब सैनिक तथा प्रहरी र उनका परिवारहरुको उपस्थिति रहेको थियो । उपस्थित सबैलाई धन्यबाद दिदै अध्यक्ष थापा मगरले कार्यक्रम समापन गरेका थिए ।

 

 

 

Last Updated on Monday, 07 May 2018 11:12

Hits: 1524

खपांगीको भाषणले निदाएको मानिस पनि कपालका रौं ठांडो पार्दै बिउझिन्थे - डा. शाक्य

भिम राना
ललितपुर,बैशाख १०— गोरेबहादुर खपाङ्गीको नेपाली राजनितिमा योगदानको चर्चा भएको छ ।
  राजधानीमा ८ गते सनिबारका दिन एक कार्यक्रमका विच गोरे बहादुर खपाङ्गी फाउण्डेशनद्वारा आयोजित “नेपालको राजनितिमा गोरे बहादुर खपाङ्गीको योगदान विषयक” अन्तरक्रिया कार्यक्रम सम्पन्न भएको  हो ।

कार्यक्रम फाउण्डेशनका अध्यक्ष हुम बहादुर थापा मगरको सभापतित्वमा फाउण्डेशनका सदस्य द्धय अधिबक्त मोहन शासंखरले स्वागत मन्त्बय र गायत्री राना मगरले कार्यक्रम संचालन गर्नु भएको थियो ।
  कार्यक्रमको उद्घाटन गर्दै प्रमुख अतिथि  डा. केशवमान शाक्यले  नेपालमा आदिवासी जनजाती महासंघको स्थापना समकक्षी हुनुमा खपाङ्गीको ठुलो योगदान रहेको बताउनु भयो । डा. कृष्ण भट्टचनको भाषण भृकुटी मण्डलका बाहुनहरुले कान थापेर सुन्थे भने सोहि स्थानमा गोरेबहादुर खपांगीको भाषणले त झन निदाएको मानिस पनि कपालका रौं ठांडो पार्दै बिउझेर खपांगीको भाषण सुनेको भृकुटी मण्डलका उनई बाहुनको कथन थियो र उनले भनेको अ‍ैले जस्तै लाग्छ , डा. शाक्यलले स्मरण गर्नु भयो ।
   अतिथिहरु माननीय सांसद अनिल कुमार झा, डा. ओम गुरुङ्ग, डा. श्रीराम शर्मा, मगर बुद्घ संघ नेपालका अध्यक्ष क्या. देउबहादुर राना मगर, नेपाल मगर संघका पूर्व अध्यक्ष यम बहादुर बुढाथोकी मगर,अधिवक्ता गौ बहादुर आले मगर, मगर्स क्रियसन इन्भेस्टमेन्ट प्रा.लि. का सि.इ.ओ. आशिरवाद पुन मगर, मेजर हरि बहादुर थापा मगर, मगर साँस्कृतिक संघका अध्यक्ष कविराज मगर, राजनितिज्ञ बलदिप राई, अधिवक्ता केहेर सिं राना मगर, समाजसेवी गुप्त बहादुर राना मगर, गम बहादुर थापा मगर र सन्जोग लाफा मगरको उपस्थिति रहेको थियो ।
  प्रमुख अतिथि डा. केशवमान शाक्यले नेता गोरे बहादुर खपाङ्गी मगरको तस्वीरमा खादा अर्पण गरि कार्यक्रम शुरु भएको थियो । कार्यक्रमलाई सम्बोधन गर्दै अधिवक्ता केहेर सिं राना मगरले वहाँको लगनशीलता, इमान्दारीता र चिन्तनप्रति सदैव प्रभावित भएको र वहाँले मगरहरुमा आत्मविश्वास जगाएको विचार व्यक्त गर्नुभयो भने यम बहादुर बुढाथोकीले वहाँ बहुआयामिक, स्पष्ट वक्ता र मास कन्ट्रोल गर्ने अभुतपूर्ण क्षमता भएको व्यक्तिको रुपमा चित्रण गर्नुका साथै आफ्नो सहपाठीलाई विश्वस्त पारी अनिवार्य संस्कृत विषय पाठ्यक्रमबाट हटाउन सफल भएको कुरा बताउनु भयो ।
  त्यसैगरी अधिवक्ता गौ बहादुर आल मगरले गोरे बहादुर खपाङ्गी र एम.एस. थापाद्वारा स्थापित नितिले अहिलेको संविधानमा जनजाति, महिला र दलितलाई समावेश गर्न वाध्यताको अवस्था सिर्जना गरेको अभिव्यक्ति  पस्तुत गर्नु भयो । सम्बोधनकै क्रममा बलदिप राईले खपाङ्गीको योगदान भनेकै पछ्याउने होइन हिड्ने हो, बनाइने होइन बन्ने हो र पिछलग्गु होइन समकक्षी बन्ने हो भन्ने कुरा बताउनु भयो ।
माननीय अनिल कुमार झाले खपाङ्गी जस्ता नेता पाएर पनि आदिवासी जनजातिले वहाबाट फाइदा उठाउन नसकेको विचार व्यक्त गर्नुभयो भने डा. श्रीराम शर्माले खपाङ्गी सबैको प्रेरणाको श्रोत भएको बताउनु भयो । त्यस्तै डा. ओम गुरुङ्गले आदिवासी जनजातिको भाषा, संस्कृति, धर्म संस्कारको संरक्षण सम्बद्र्घनको विषयलाई लिएर जुन किसिमको जातिय चेतनाको बिजारोपण गर्नुभयो र आदिवासी जनजातिको अधिकारमुखि सन्देश फैलाउन सफल हुनु भयो त्यो नेपालको आदिवासी जनजाति इतिहासमा स्वर्णीम अक्षरमा लेख्नुपर्ने अभिमत राख्नुभयो ।
  अन्त्यमा कार्यक्रमका सभापति हुम बहादुर थापा मगरले गोरे बहादुर खपाङ्गी  फाउडेसनले स्व. नेता खपांगीको स्मृति ग्रन्थ यही २०७५ साल सावन महिना भित्रमा प्रकाशन गर्न गईरहेकोले खपांगी संग संबन्धित बिषय अन्तर्गत रहने गरी ३००० शब्दमा नबढाईकन लेख तयार पारेर उपलब्ध गराउन अनुरोध गर्नु भयो । नेपालमा गोरेबहादुर खपांगीको राजनीतिक योगदान ,नेपालको सामाजिक,राजनीतिक आन्दोलनमा खपांगीले पुर्याएको योगदान, सामाजिक चेतना बिकाशमा खपांगीको योगदान ,खपांगी संगको अन्तरंग सम्बन्धको संसस्मरण , खपांगी संग जोडिएको महत्वपूर्ण धटना , खपांगीको बहुआयामिक ब्यक्रित्वलाई प्रकाश पार्ने लेख र गोरेबहादुर खपांगी सम्बधी कबिता गीत आदी रचना जस्ता लेखहरु उपलब्ध गराउन पनि अनुरोध गर्नु भयो । अध्यक्ष थापाले धेरै काम गर्न बाँकी भएको कुरा राख्दै प्रमुख अतिथि, अतिथि तथा उपस्थित सबैमा धन्यवाद टक््रयाउदै कार्यक्रम औपचारिक समापनको घोषणा गर्नु भयो ।
फोटो:भिम राना

Last Updated on Monday, 23 April 2018 15:30

Hits: 1531

राष्ट्रिय जनमुक्तिपार्टीको ११अाैं राष्ट्रिय भेला सिद्धार्थनगरमा सम्पन्न

सोनु थापा मगर

२० चैत्र, बुटवल । महत्वपूर्ण राजनीतिक तथा सांगठनिक प्रस्तावहरु पारित गर्दै राष्ट्रिय जनमुक्ति पार्टीको ऐतिहासिक एघारौं राष्ट्रिय भेला रुपन्देही जिल्लाको भैरहवामा सम्पन्न भएको छ । भेलाले पार्टीको संशोधित नाम “नेपाल राष्ट्रिय जनमुक्ति पार्टी (Nepal Rastriya Janamukti Party)” समेत पारित गरेको छ । केन्द्र देखि स्थानीय तहसम्म पार्टीले छाँया सरकार (कभरीङ्ग गभरनेन्स)को अवधारणा अनुसार विशेष अभियान चलाउने कार्यनीति समेत पारित गरेको छ ।
भैरहवा स्थित होटेल पौवामा चैत्र १९ गते सम्पन्न बन्द सत्रले संघीय परिषदको तर्फवाट अध्यक्ष केपी पालुङवाद्धारा प्रस्तुत राजनीतिक कार्यदिशा सम्बन्धि प्रतिवेदन र पार्टी महासचिव केशव सूर्यवंशीद्धारा प्रस्तुत विधानको छैठौं संशोधन सम्बन्धि प्रस्ताव माथि प्राप्त सुझाव सश्लेषण गर्दै पारित गरेको छ ।
पार्टी एकिकरण अथवा बृहत राष्ट्रिय मोर्चाको लागि वैचारीक सामिप्यता भएका दलहरुसँग पहल गर्ने निर्णय भएको छ । संशोधित विधान अनुसार केन्द्रीय महाधिवेशन प्रत्येक ४ वर्षमा हुने, प्रदेशमा अधिकार सम्पन्न प्रदेश परिचालन समिति रहने र स्थानीय तह तथा जनसंगठनलाई समेत अधिकार प्रत्यायोजन गरिएको छ ।
चैत्र १७ गते गणतान्त्रिक सभागृहमा सम्पन्न एघारौं राष्ट्रिय भेलाको उद्घाटन सभालाई प्रमुख अतिथि पार्टी संस्थापक अध्यक्ष एमएस थापाले सम्वोधन गर्दै पार्टीको जीत एकदिन सुनिश्चित रहेको हुँदा कार्यकर्ताहरु उच्च मनोबलका साथ अगाडि बढ्न सुझाएका थिए । विशेष अतिथिको रुपमा आमन्त्रित डीएवि पार्टीका सस्थापक अध्यक्ष एवं हङकङ विधान सभाका पूर्व सभामुखले नेपाल अत्यन्त सुन्दर, प्रचुर मानवता भएको मूलुक भएको र शान्तिपूर्ण बाटोमा धैर्यतापूर्वक हिडिरहेको राष्ट्रिय जनमुक्ति पार्टीले विकास र निर्माणको नेतृत्व लिनेछ, भन्दै सुभकामना दिएका थिए । पार्टी वरिष्ठ नेता तथा विदेश विभाग प्रमुख डीके बुद्धिष्ट तामाङले राष्ट्रिय जनमुक्ति पार्टीले वैचारीक निकटता भएका दलहरु सँग अन्तर्राष्ट्रिय भाईचाराको विकास गर्न चाहेको बताए ।
पार्टी अध्यक्ष केपी पालुङ्वा लिम्बुले पार्टीले सबै जाती, समुदायलाई एकताको सूत्रमा बाँध्ने राजनैतिक प्रणालीको विकास गरेर मात्र देशको आधुनिक एकिकरण हुनेछ भन्दै अब पार्टीले पहिचानको संघर्ष राष्ट्र विघटन र हिंसाको चपेटामा पुगेका विश्वका देशहरुले समेत “जनमुक्ति विचारधारा” लाई आफ्नो मार्ग निर्देशक सिद्धान्त मानेर अघि बढ्दै आएको बताए । भेलालाई पार्टी
वरिष्ठ उपाध्यक्ष एवं संघीय महासभा इन्चार्ज यम बहादुर बुढाथोकी, उपाध्यक्ष एवं राष्ट्रिय महिला मोर्चा इन्चार्ज कमला थापा र पार्टी नवप्रवेशीको तर्फवाट सूदुरपश्चिमका सामाजिक अभियन्ता खड्ग एसकेले सम्बोधन गरेका थिए भने कार्यक्रम सञ्चालन उपमहासचिव एवं विदेश विभाग उपप्रमुख टोप अस्लामीले र स्वागत मन्तव्य संघीय परिषद् सदस्य, संघीय यातायता विभाग प्रमुख एवं एघारौं राष्ट्रिय भेला मूल तयारी समितिका संयोजक सुर्य कुमार सारुले गरेका थिए ।
भेलाको पहिलो दिन देशका विभिन्न स्थानवाट आएका पार्टी कार्यकर्ता, नेता, सदस्यहरुको सहभागीतामा बृहत जनप्रदर्शन सहित नगर परिक्रमा गरिएको थियो ।

Last Updated on Thursday, 05 April 2018 08:48

Hits: 341

खैरेनीटारमा मगर भाषा तथा संस्कृतिसम्बन्धी पाँच दिने प्रशिक्षण सुरु

रूद्र श्रीसमगर

खैरेनीटार, २६ चैत

खैरेनीटार मगर समाज, शुक्लागण्डकी नगरपालिका–६, खैरेनीटार, तनहुँको आयोजनामा पाँच दिने मगर भाषा, लिपि तथा संस्कृतिसम्बन्धी प्रशिक्षण सुरु भएको छ ।

शुक्लागण्डकी नगरपालिका–६, वडा कार्यालयको सहयोगमा सोमबारदेखि सुरु भएको प्रशिक्षणमा मगर भाषा प्रतिष्ठान, कास्की शाखाका सचिव रूद्रबहादुर श्रीसमगरले प्रशिक्षण दिइरहनुभएको छ । प्रशिक्षणको वडाध्यक्ष कृष्णबहादुर पौडेलले उद्घाटन गर्नुभयो ।

सो अवसरमा बोल्दै वडाध्यक्ष पौडेलले राज्यले खर्च गर्ने बजेटको प्रभावकारिता जाँच्नुपर्ने बेला आएको बताउनुभयो । तालिमका तालिम भन्दा पनि तालिमको उपयोगितामा जोड दिनुपर्ने बताउँदै पौडेलले तालिममा सिकेका कुरालाई व्यवहारमा उतार्नुपर्नेमा जोड दिनुभयो । त्यस्तै, नेपाल आदिवासी जनजाति महासंघका क्षेत्रीय अध्यक्ष इन्द्रबहादुर थापामगरले आदिवासी जनजातिका भाषा, संस्कृति बिस्तारै लोप हुने क्रममा रहेको भन्दै संरक्षणका लागि राज्यले विशेष ध्यान दिनुपर्ने बताउनुभयो ।

शुक्लागण्डकी नगर कार्यपालिका सदस्य खिमबहादुर कुमालले आदिवासी जनजातिका भाषा, संस्कृति र भेषभूषाको संरक्षणका लागि नगरपालिकामार्फत् बजेट विनियोजन गरिएको जानकारी दिँदै प्रशिक्षणमा सिकेका कुरालाई व्यवहारमा उतार्नुपर्नेमा जोड दिनुभयो । नेपाल मगर संघ शुक्लागण्डकी नगर समितिका अध्यक्ष खड्कबहादुर थापामगरले पछिल्लो पुस्तामा मगर भाषा, संस्कृतिप्रति चासो हराउनु चिन्ताको विषय भएको बताउनुभयो ।

कार्यक्रममा खैरेनीटार मगर समाजका पूर्व अध्यक्ष नेत्रबहादुर थापामगर, बेसारडाँडा टोल विकास संस्थाका अध्यक्ष केशर पौडेल, बेलडाँडा टोल विकास संस्थाकी अध्यक्ष बेलकुमारी कुमाललगायतले आदिवासी जनजातिका भाषा, संस्कृति राज्यको अमूल्य सम्पत्ति भएको बताउँदै जगेर्ना गर्नु सबैको दायित्व भएको बताउनुभएको थियो ।

खैरेनीटार मगर समाजका अध्यक्ष बलवीर थापामगरको अध्यक्षतामा भएको कार्यक्रमको सञ्चालन खुमाया थापामगर ‘सीता’ र जयबहादुर थापामगरले स्वागत मन्तव्य व्यक्त गर्नुभएको थियो । प्रशिक्षण यही चैत ३० गतेसम्म चल्नेछ ।

Last Updated on Tuesday, 10 April 2018 12:24

Hits: 475

ईयुको प्रतिबेदन देखी नश्लिय बाहुन्वादी आतन्कित ,बाबुराम देखी योगेश भट्टरैले छाडे मुख ।

के पि ओली झनै रन्ठनिए 

काठमाडौं- ‘खय आर्य’लाई राज्यको अंगमा आरक्षणको व्यवस्था हुनु अवैज्ञानिक रहेको भन्दै युरोपियन युनियन (ईयू)ले खस आर्यलाई आरक्षणबाट हटाउन सुझाव दिएपछि नेपाल सरकारले ईयूको विरोधमा अभिव्यक्ति दिएको भन्दै नेपाल आदिवासी जनजाति महासंघले सरकारको विरोध गरेको छ ।

महासंघले खस आर्यलाई आरक्षणको व्यवस्था आवश्यक नरहेको ईयूको निष्कर्ष सही भएकोले सोको स्वीकार गरी आफ्नाे अभिव्यक्ति सच्याउन माग गरेको हो ।

गत मंसिरमा गरिएको प्रदेश तथा प्रतिनिधिसभाको निर्वाचनबारे समिक्षा गर्दै ईयूले खस आर्यलाई आरक्षणको आवश्यक नरहेकाले हटाउनुपर्ने सुझावसहितको प्रतिवेदन तयार पारेको थियो ।

ईयूले चैत ६ गते प्रतिवेदन सार्वजनिक गरेको हो । ईयूको प्रतिवेदन आएलगत्तै नयाँ शक्ति पार्टीका संयोजक तथा पूर्वप्रधानमन्त्री डा बाबुराम भट्टराई र नेकपा एमालेका प्रचार विभाग प्रमुख योगेश भट्टराईले कडा विरोध गरेका थिए ।

राजनीतिक दलका नेताका साथै सरकारले समेत वास्तविकतालाई ढाकछोप गर्ने प्रयास गर्दै ईयूको विरोध जनाएपछि महासंघका अध्यक्ष जगत बरामले बिहीबार प्रेस विज्ञप्ती जारी गरी आफ्नाे अभिव्यक्ति सच्याउन सरकारसँग माग गरेको हो ।

 

प्रेस विज्ञप्ती

युरोपियन युनियन (इयु) को निर्वाचन मिसनले प्रतिनिधिसभा र प्रदेशसभा निर्वाचन पर्यवेक्षणबारे सम्वत् २०७४ चैत्र ६ गते सार्वजनिक गरेको प्रतिवेदनले नेपालको वर्तमान राजनीतिक अवस्था र समावेशीकरणलाई सही तरिकाले औल्याएको ठहर गर्दै सङ्घीय लोकतान्त्रिक गणतन्त्रात्मक सरकार र जिम्मेवार केही राजनीतिक दलहरूद्वारा प्रतिवेदनमाथि आपत्ति जनाएकोप्रति नेपालका ३७ प्रतिशतभन्दा बढी आदिवासी जनजातिहरूको साझा प्रतिनिधिमूलक संस्था नेपाल आदिवासी जनजाति महासंघको गम्भीर ध्यानाकर्षण भएको छ ।


इयुको निर्वाचन पर्यवेक्षण प्रतिवेदनको सुन्दर पक्षहरूको अवमूल्यन गर्दै नेपाल सरकार, परराष्ट्र मन्त्रालयले गोलमोटल ढंगले उत्तेजनामा आएर प्रतिवेदन गलत रहेको टिप्पणी गरिनु र एकल नश्लीय तथा जातीय चिन्तनले ग्रसित भएर अपरिपक्वता देखाउँदै अन्तर्राष्ट्रिय जगतमा नै नेपालको छविलाई गिराउने गरी आवेगको भरमा विज्ञप्ती जारी गरिएकोमा महासंघ दुःख व्यक्त गर्दछ । साथै जिम्मेवार राजनीतिक दलहरू र तिनका नेताहरू समेतले प्रतिवेदनको विरोध गर्नु थप दुःखद पक्ष रहेकोले ती गैरजिम्मेवार अभिव्यक्तिप्रति महासंघ भत्र्सना गर्दछ ।


नेपालमा सदिऔँदेखि राजनीतिक रुपले बहिष्करण, सामाजिक, सांस्कृतिक, भाषिक, धार्मिक रुपले विभेद, आर्थिक रुपले शोषण खेपिरहेका/पारिएका आदिवासी जनजाति, दलित, मधेसी, मुस्लिम, महिला, यौनिक अल्पसंख्यक लगायत जनताको प्रतिनिधित्वको सुनिश्चितता समानता र न्यायमा आधारित विश्वव्यापी मापदण्डअनुरुप हुनुपर्नेमा प्रतिनिधिसभा र प्रदेशसभा निर्वाचनमा सोबमोजिम हुन नसकेको इयुको सिफारिश सही रहेको महासंघको ठहर छ । तसर्थ, लोकतन्त्रको सुदृढिकरण, समावेशी लोकतन्त्रको विकास र विभेदरहित समाजको स्थापनाका लागि मानव अधिकार, सामाजिक न्याय, समानता र सबैखाले विभेदको अन्त्यले मात्रै सम्भव छ । तर, नेपालमा सदिऔँदेखि शासन गरिरहेका ‘खस आर्य’ शासक समुदायलाई नै प्रतिनिधिसभा र प्रदेशसभामा आरक्षणको व्यवस्था गरेर समावेशी लोकतन्त्रको खिल्ली उडाउँदै एकल जातीय राज्यको वर्चस्व कायमै राख्ने गरी राज्यसरकारले गरिरहेको कार्य र कदमप्रति महासंघ पुनः घोर निन्दा व्यक्त गर्दछ ।


नेपालमा शासक जाति ‘खस आर्य’लाई नै राज्यको अंगहरूमा आरक्षण व्यवस्था हुनु अवैज्ञानिक र विश्वव्यापी न्याय र समानताको सिद्धान्त, मूल्य र मान्यता विपरित रहेकोले प्रतिवेदनमाथि हचुवाको भरमा नेपाल सरकारद्वारा दिइएको अभिव्यक्ति सच्याउन महासंघ जोड्दार माग गर्दछ । नेपालका आदिवासी जनतामाथि कुनै न कुनै रुपले भइरहेको नीतिगत र संरचनागत विभेदको आ-आफ्नो ठाउँबाट विरोध गर्न गराउन महासंघसम्बद्ध सम्पूर्ण आदिवासी जनजातीय सदस्य संगठनहरू, प्रदेश, जिल्ला र स्थानीय तह (नगरपालिका, गाउँपालिका, वडा) समन्वय परिषद्हरू, विदेश शाखाहरू, सम्बन्धन संगठनहरूलगायत आदिवासी जनजातिका क्षेत्रमा क्रियाशील सम्पूर्ण संघसंस्थाहरू र आम आदिवासी जनजातिलाई विशेष आग्रह गर्न चाहन्छौं ।

धन्यवाद ।
जय आदिवासी जनजाति ।

मितिः २०७४/१२/०८

बुद्दिजिवी बाल्गोपाल श्रेष्ठ लेखछन ..

कहा छ समानुपातिक समावेसी ?

खस-आर्यबारेको टिप्पणीप्रति ईयूको आलोचनामा
नेपालका नश्लवादी खस-आर्य नेताहरु बाुबराम भट्टराई देखि योगेस भट्टराईसम्म

देशमा हालिमुहालि चलाउन्दै आएका एकल जातीय एकल नश्लीय खस-आर्य समुदयाको बर्चश्व गुम्ने डरले पहिलो संविधान सभा नै भंग गर्नेसम्मको हर्कत गरेर दोस्रो संविधान सभामा आफु संविधान मस्यौदा कमिटिको अध्यक्ष बनेर जारी गरेको संविधानमा उपेक्षित जाति, जनजाति, दलित आदिलाई दिनु पर्ने आरक्षण देशमा हालिमुहालि चलाउन्दै आएका खस-आर्य समुदायका बाहुन, क्षेत्री, ठकुरी, दशानामी र सन्यासीलाई नै दिलाएर एकल जातीय एकल नश्लीय खस-आर्य समुदयाको बर्चश्व कायम गर्ने कर्तव्य पूरा गर्ने नश्लवादी खस-आर्यका मसिहा बनेका खुराफाति नेता पुर्व प्रधानमन्त्री बाुबराम भट्टराइको मनलाई ईयूको सुझाबले अति नै बिचलित पारेको देखियो -dr.Balgopal shrestha

 

https://www.sarbajanik.com/14647/2018/03/22/

Last Updated on Tuesday, 27 March 2018 10:30

Hits: 1571

 हार्दिक श्रध्दाञ्जलि - ज्ञान बहादुर गाहा मगर