A+ A A-

संविधानसभापछिको अन्यौल– अब के गर्ने ? काठमाडौंमा राज्यसत्ता बहस सम्पन्न



काठमाडौं,
संघीयता सहितको संविधान जारी गर्नका लागि के गर्नु पर्ला, संविधानसभा विघटन पछि उत्पीडित समुदायका मुद्धाहरु अब कसरी हल गर्न सकिन्छ भन्ने विषयमा राज्यसत्ता डट कमले  काठमाडाँैंमा बहस कार्यक्रम सम्पन्न भएको छ । प्रमुख राजनीतिक पार्टीका प्रतिनिधि, संविधानविद तथा अधिकारकर्मी, संञ्चारकर्मी र आदिवासी जनजाति प्रतिनिधिहरुको उक्त बहस कार्यक्रममा उपस्थिति थियो ।
बहसमा जनमुक्ति पार्टीका गोरे बहादुर खपाङ्गी, पूर्व मन्त्री एमएस थापा, नेकपा माओवादीका सुरेश आले, नेपाली कांग्रेसका नेता इन्द्र बहादुर गुरुङ, फोरम नेपालका डा. उमाशंकर शर्मा र संविधानविद् डा. चन्द्रकान्त ज्ञवाली प्रमुख वक्ताको रुपमा सहभागि थिए ।  राज्यसत्ता डटकमका निर्देशक होम थापाले कार्यक्रम आयोजना गर्नुको उद्देश्य माथि प्रकास पारेकाथिए ।
 संविधानसभा विघटनपछि उत्पीडित समुदायको अधिकार कसरी सुनिश्चित गर्ने र आगामी दिनमा राजनीतिक र कानुनी रुपमा के कसरी निकास निकाल्न सकिन्छ भन्ने विषयमा बहस केन्द्रित थियो । बहसमा विभिन्न क्षेत्रबाट प्रतिनिधित्व गरेका आदिवासी जनजातिका प्रतिनिधिहरुले आफ्ना जिज्ञासा तथा सुझाव राखेकाथिए । संविधानविद् डा. चन्द्रकान्त ज्ञवालीले संविधान सभा मारिनुको कारण, अवको संवैधानिक जटिलता र त्यसको निकासको बाटोका विषयमा आफ्नो धारणा व्यक्त गरेकाथिए । जातीय पहिचान सहितको संघीयता निर्माणका लागि अबका दिनमा खेल्नु पर्ने भुमिकाका बारेमा राजनीतिक दलका प्रतिनिधिहरु र जनजातिका प्रतिनिधि तथा अधिकार कर्मीहरुले आ आफ्नो धारणा राखेकाथिए ।

बहसको भिडीयो विवरण  छिट्टै हेर्न सक्नुहुनेछ ।

 हार्दिक श्रध्दाञ्जलि - ज्ञान बहादुर गाहा मगर