A+ A A-

राष्ट्रिय जनमुक्ति पार्टी तनहुँ जिल्लाको आठौं जिल्ला अधिवेशन सम्पन्न !

पूर्णबहादुर राना
तनहुँ , माघ ७ - राष्ट्रिय जनमुक्ति पार्टीको २९ औं स्थापना दिवसको अवसरमा तनहुँ जिल्लाको आठौं जिल्ला अधिवेशन दमौलीमा भव्य रुपमा सम्पन्न भएको छ ।

Image may contain: 2 people, people sitting

सो कार्यक्रमको पार्टीका संस्थापक अध्यक्ष एवं पूर्व श्रम तथा यातायात मन्त्री एम।एस। थापाले उद्घाटन गरे । सो अवसरमा बोल्दै उनले प्राकृतिक र जीव विज्ञानको दृष्टिले सबै मानव समान भए पनि उसको भाषा, धर्म र सँस्कार फरक रहेको बताए । नेपालमा जातीय समस्या मुख्य समस्या भएकोले जातीय मुक्ति अपरिहार्य छ उनले भने । यस्तो चरम बिभेदको खाडल पुर्नको लागि संबैधानिक रूपमै राज्यको हरेक निकायमा जातीय जनसंख्याको आधारमा समानुपातिक प्रतिनिधित्वको बिकल्प नरहेको भनाइ उनको छ ।

२०४७ सालमा समानुपातिक, संघीयता, धर्मनिरपेक्षता, निःशुल्क स्वास्थ्य र ६० वर्षमा बृद्धा भत्ताको ऐजेण्डा राखी पार्टी स्थापना गर्दा आफुलाई साम्प्रदायिक र विखण्डनकारीको आरोप लगाइएको स्मरण गर्दै उनले हाल आएर सोही ऐजेण्डानै राष्ट्रिय ऐजेण्डा भएकोमा गर्व महसुस भएको दावी उनको छ । कार्यक्रमको विशिष्ट अतिथि जनमुक्ति पार्टीका उपमहासचिव एवं संगठन विभाग प्रमुख रामु परियारले एमसिसि विधेयक र सूचना विधेयक कुनै पनि हालतमा संसदबाट पास गर्न नहुने बताए । विधेयक पास गर्दा राष्ट्र र जनताको हितमा हुनु पर्ने धारणा उनको छ । सत्ता पक्ष र प्रतिपक्षले एमसिसि विधेयक देशको ईन्ट्रेष्ट माईनस हुने गरी विधेयक पास गर्न खोज्नु मुलुक र जनतालाई धोका दिन खोजेको बुझाइ उनको छ । देश विकासको मूलबाधक भ्रष्टाचार भएकोले भ्रष्टाचारी र बलात्कारीलाई संविधान मै मृत्यदण्डको व्यवस्था हुनुपर्ने उनले बताए ।

Image may contain: Bhuwan Thapa, text that says 'हार्दिक बधाई एवम् शुभकामना! भुवन सिं थापा राष्ट्रिय पार्टीको वर्ष गाँठ एवं तनहँ जिल्लाको २०७६ माघ & गते सम्पन्न जिल्ला अधिवेशनबाट नवनिर्वाचित अध्यक्ष भुवन सि थापाज्यू लगायत सम्पूर्ण कार्यसमितिका पदाधिकारी एवं सदस्यहरुमा हार्दिक बधाई तथा पूर्ण कार्यकाल सफलताको शुभकामना व्यक्त पूर्ण बहादुर राना अध्यक्ष एवम नेपाल विद्यार्थी मोर्चा केन्द्रीय समिति परिवार'

भुवनसिं थापाको सभापतित्वमा सम्पन्न सो कार्यक्रममा संघीय परिषद उपाध्यक्ष हस्त बहादुर थापा, सदस्य मे। खेम गुरूङ, तमुवान–मगरात अध्यक्ष मन्धरी आले, नेपाल विद्यार्थी मोर्चाका केन्द्रिय अध्यक्ष पूर्ण बहादुर राना लगायतकाले बोलेका थिए ।

जनजागरण र्याली सहितको आठौं जिल्ला अधिवेशनले भुवनसिं थापाको अध्यक्षतामा १९ सदस्यीय जिल्ला समिति चयन गरेको छ । समितिको उपाध्यक्षमा भक्त बहादुर थापा, र ज्योति तामाङ, सचिवमा सिजन थापा, संगठन सचिवमा गंगा राना, सहसचिवमा कमल बहादुर थापा, कोषाध्यक्षमा बहादुरसिं थापा चयन भएका छन । त्यस्तै सदस्यहरुमा  क्या। शेर बहादुर ढेङ्गा, शेर बहादुर थापा, कमला दस्ताकार, चन्द्र बहादुर थापा, राम बहादुर दर्लामी, कृष्ण बहादुर अस्लामी, राजिव थापा, शिवराम राना, कूल बहादुर थापा, सोम बहादुर राना, मन बहादुर राना र जंग बहादुर माकिम रहेका छन ।

Last Updated on Monday, 03 February 2020 04:57

Hits: 195

त्रिभुवन विश्वविद्यालयमा नेपाल विद्यार्थी मोर्चाको बोर्ड

पूर्ण बहादुर राना मगर

किर्तिपुर, काठमाडौं २०७६ माघ १४ - त्रिभुवन विश्वविद्यालय नेपालको सबैभन्दा पुरानो र ठूलो विश्वविद्यालय हाे ।
 


उच्च शिक्षाका लागि नेपालको पहिलो राष्ट्रिय शैक्षिक संस्था पनि हो । याे विश्वविद्यालय २०१६ सालमा स्थापना भएकाे हाे । यसकाे क्षेत्रफल तीन हजार ३०४२-५-२ राेपनि क्षेत्रफलमा फैलिएकाे छ ।  यस विश्वविद्यालयको केन्द्रीय कार्यालय कीर्तिपुर काठमाडौंमा छ ।

यस विश्वविद्यालयकाे नाम पुर्व राजा त्रिभुवनकाे नाममा नामाकरण गरिएकाे हाे । कृषि तथा पशु विज्ञान, वन विज्ञान, इञ्जिनीयरिङ, विज्ञान तथा प्रविधि, चिकित्साशास्त्र, समाजविज्ञान, भूगर्भशास्त्र मानवशास्त्र, व्यवस्थापन, शिक्षाशास्त्र, कानुन तथा मानविकिमा यो विश्वविद्यालयले शिक्षा प्रदान गरिरहेको छ ।

यस त्रिभुवन विश्वविद्यालयकाे घडि बिल्डिङ अगाडि गेटमा राष्ट्रिय जनमुक्ति पार्टीकाे भातृ संगठन नेपाल विद्यार्थी माेर्चाकाे बाेर्ड गाडिएकाे छ ।  बाेर्ड राख्नका लागि उपस्थित व्यक्तिहरू नेपाल विद्यार्थी माेर्चाका केन्द्रीय अध्यक्ष पूर्ण बहादुर राना, सहअध्यक्ष प्रबेग हाङस्रोङ लिम्बू, बरिष्ठ उपाध्यक्ष रणाविर आङबुहाङ लिम्बू रहका थिए । बाेर्डकाे “राष्ट्रिय मुक्ति र बहुराष्ट्रिय लोकतान्त्रिक समाजवादका लागि सम्पूर्ण विद्यार्थी एक होऔं,

उच्च तहसम्म सबै भाषामा शिक्षा र उत्पिडित विद्यार्थीलाई कोटा व्यवस्था गरौं" मूल नारा राखिएकाे छ । बिच भागमा नेपाल विद्यार्थी मोर्चाले "हाम्राे देशकाे विभिन्न भुभाग तथा विश्वकाे विभिन्न मुलुकबाट यस विश्वविद्यालयमा अध्ययन गर्न पाल्नु भएका सम्पूर्ण विद्यार्थीलाई हार्दिक स्वागत गर्दछ ।" भन्ने शब्दले स्वागत गरिएकाे छ । अन्तमा विद्यार्थी माेर्चाकाे स्थापना २०४८ मा भएकाे र "जनमुक्ति विचारधारा जिन्दावाद!" भन्ने नारा पनि राखिएकाे छ ।

नेपालमा ११ वटा विश्वविद्यालयहरू रहेका छन् ।
१.  त्रिभुवन विश्वविद्यालय कीर्तिपुर बि.स.२०१६ साल
२.  काठमाडौं विश्वविद्यालय धुलिखेल बि.स.२०४८ साल
३ . पोखरा विश्वविद्यालय लेखनाथ सन् १९९६
४.  पूर्वाञ्चल विश्वविद्यालय विराटनगर बि.स.२०५६
५.  नेपाल संस्कृत विश्वविद्यालय त्रिभुवननगर सन् १९८६
६ . लुम्बिनी विश्वविद्यालय लुम्बिनी सन् २००५
७.  मध्यपश्चिमाञ्चल विश्वविद्यालय वीरेन्द्रनगर सन् २००९
८. सुदूरपश्चिम विश्वविद्यालय महेन्द्रनगर सन् २०१०
९.  नेपाल कृषि तथा वन विश्वविद्यालय चितवन सन् २०१०
१०.नेपाल खुला विश्वविद्यालय ललितपुर वि.सं. २०७३
११.राजर्षी जनक विश्वविद्यालय  जनकपुर वि.सं
(लेखक: नेपाल विद्यार्थी मोर्चाका केन्द्रीय अध्यक्ष हुनुहुन्छ)

Last Updated on Tuesday, 28 January 2020 14:04

Hits: 512

रत्नपार्कको ३३ तले भ्यू टावर निर्माणका लागी ५ बर्ष समय थपियो

देब पचभैया

काठमाण्डौ-

काठमाण्डौको (रत्नपार्क) पुरानो बसपार्कमा निमार्णाधिन काठमाण्डौ भ्यू टावर निर्माणका लागी ५ बर्ष समय थपिएको छ । यही चैत्र १० गते बसेको काठमाण्डौ महानरपालीकाको बैठकले भ्यू टावर निर्माणका लागी ५ बर्ष समय थप्ने निर्णय भएको भ्यु टावर निर्माणका लगानीकर्ता मिग नेपालका प्रमुख सुमन थापामगरले जानकारी दिए । २०७१ फागनु २२ गते टेन्डर जितेको जलेश्वर स्वच्छन्द विकोई विल्डर्स कम्पनीले उपराष्ट्रपति नन्द बहादुर पुनबाट सिलान्यास गरी आर्थिक वर्ष २०७४/७५ बाट कामशुरु गरेको थियो ।

काठमाण्डौ महानगरपालीका संग ३० बर्षका लागी लिजमा लिएर निर्माण कार्य अघि बढेको भ्यू टावर निर्माणमा भुकम्प, नाकाबन्दी लगाएतका कारण समस्या आएपछि थप २ बर्ष समय थपिएर ३२ बर्ष सम्म संचालनको अनुमति दिइएको थियो । हालै थपिएको ५ बर्ष गरी अव लगानीकर्ताहरुले ३७ बर्ष सम्म भ्यूटावरको जिम्मेवारी पाएका हुन् ।

झण्डै २३ रोपानी क्षेत्रफलमा ७ अरब ६४ करोडको लागतमा बन्न लागेको ३२ तले भ्यू टावर निर्माणको काम तिब्र रुपमा अघि बढेको जलेश्वर स्वच्छन्द विकोई विल्डर्स कम्पनीका संचालक मनोज भेटवालले जानकारी दिए । आगामी जेठ महिनामा डिपिसि लेबल सम्पन्न हुनेगरी अहिले काम भैरहेको भेटवालको भनाई छ । भुकम्प प्रतिरोधात्मक भ्यूटावर निर्माणका लागी जलेश्वर स्वच्छन्द विकोई बिल्डर्स, आईडिया फर नेपाल र मिग नेपालको २० प्रतिशत लगानी रहेको छ ।

"सबै कुरा एकै ठाँउ" भन्ने उद्धेश्य लिएर अघि बढेको काठमाण्डौ भ्यू टावरमा कार पार्किंग देखि, बैंक, होटल, चलचित्र मन्दिर घर समेत सोही स्थानमा हुने छ । काठमाण्डौका १७ रुटमा चल्ने गाडीहरु समेत भ्यूटावर हुदै छुट्ने छन् । २०२० सम्म निर्माण कार्य सम्पन्न गर्ने लक्ष्य सहित निर्माण कार्य भैरहेको काठमाण्डौ भ्यूटावरका नेपाल प्रमुख हुम बहादुर थापामगरले जानकारी दिए ।

गत मंशिर बाट मात्रै मिग नेपालले २० प्रतिशत शेयर लिएर भ्यूटावर निर्माणमा जुटेको थापाको भनाई छ । हामी आउनु अघि ९ महिना सम्म निर्माणकार्य रोकिएको थियो थापाले भने रोकिएको कामलाई मगर भिच्छुहरु बाट पुजा गरेर काम शुरु भएको हो ।

भ्यू टावर निर्माणका लागी लगानी जुटाउदै मगरहरु ४ महिनामै ६५ करोड लगानी

भ्यू टावर निर्माणका लागि मगर अगुवाहरुले देश विदेशमा रहेका मगरहरुलाई सहभागी गराउन अभियान चलाएका छन् । कुल लागतको २० प्रतिशत लगानीको अवसर पाएको मगर इन्भेष्टमेन्ट ग्रुप नेपालको नेतृत्वमा सबै मगरहरुलाई सहभागी गराउने गरी अभियान संचालन भैरहेको यूके मगर संघका निबर्तमान अध्यक्ष एबम् काठमाण्डौ भ्यू टावरका ग्लोबल को-अर्डिनेटर नेम थापा मगरले जानकारी दिए । मिग हङकङ बाट शुरु भएको भ्यू टावरमा लगानी कार्यक्रम यूके हुदै अहिले संसारभर रहेका मगरहरु सहभागी भएको मिग हङकङका संयोजक सुमन थापामगरले बताए । मिग नेपालका प्रमुख समेत रहेका थापाका अनुसार आगामी जेठ महिना भित्र डिपिसि लेवल सम्पन्न गर्ने गरी अहिले तिब्ररुपमा काम भैरहेको छ । काठमाण्डौ भ्यू टावरका नेपाल संयोजक हुम बहादुर थापामगरका अनुसार पैसा भएकाहरुलाई मात्रै समेट्ने भन्दा पनि गाँउमा कुखुरा बाख्रा बेच्ने मगरहरुलाई पनि लगानी गर्न उत्प्रेरित गर्ने गरी नेपालका सबै जिल्लाहरुमा जानकारी दिन अन्तर्कृयात्मक कार्यक्रम भैरहेको छ ।

जिल्लामा पुगेर गरिएका कार्यक्रमले लगानी गर्ने मगरहरुको जमात बढ्दै गएको भन्दै संयोजक थापाले धेरैलाई सहभागी गराउने गरी अभियानलाई तिब्र पारिएको बताए । मगर संघ हङकङकी अध्यक्ष युग माया रानामगरले भ्यू टावर नेर्माणमा मगरहरुको योगदान पनि देखिने र त्यसबाट हुने आम्दानी सबैलाई बाड्न सकिने भएकाले अभियानलाई सकृय बनाइएको जानकारी दिइन । गएको मंशिर महिना बाट मात्रै मिग नेपाल भ्यू टावर निर्माणमा जोडिएको भएपनि यो बीचमै मिग नेपालमा ६५ करोड बढी लगानी जुटेको मिग नेपालका लेखा प्रमुख भिम थापामगरले जानकारी दिए । हाल खुलामन्चमा संचालन भैरहेको बर्सपार्क समेत काठमाण्डौ भ्यूटावरको जिम्मामा रहेको छ । त्याहा बाट दैनिक ५० हजार नगद प्राप्त भैरहेको मिग नेपालका नेपाल प्रमुख थापाले जानकारी दिए ।

Last Updated on Tuesday, 16 April 2019 12:42

Hits: 736

मगरका तिनवटै भाषा समेटेर मगर डिस्नरी एप सार्वजनिक

राज्यसता डट कम 

काठमाण्डौं, पौष १५
मगरको तीनवटै भाषा समेटेर मगर डिस्नरी एप सार्वजनिक भएको छ । मगर ढुट, मगर खामरपाङ र मगर काईके भाषाको शब्दकोषलाई समेटेर “मगर डिस्नरी एप” सार्वजनिक गरिएको हो । काठमाण्डौं स्थित मगर संघको केन्द्रीय कार्यालय कलंकीमा सार्वजनिक गरिएको एपलाई नेपाल मगर संघ केन्द्रिय समितिले नेपाल मगर लेखक संघ, मगर ढुट, मगर बिद्यार्थी संघ, मगर खामरपाङ र काईके भाषाका शब्दकोष लेखकहरु संगै प्राविधिक सहयोगी संस्था युएस नेपाल सोलुसन प्रालीको सहयोगमा निर्माण गरेको हो । मगर बिद्यार्थी संघका निबर्तमान काईके भाषिक उपाध्यक्ष निरज कुमार पुनको पहलमा, आईटी ईन्जिनियर अर्पन बम ठकुरी र बालकृष्ण पुन मगरले यसलाई तयार पारेको नेपाल मगर संघले जनाएको छ ।
एप सार्वजनिक कार्यक्रममा ईन्जिनियर बम ठकुरी र बालकृष्ण पुनले घरमै बसेर मगरभाषा सिक्न सजिलो भएको बताउनुभयो । “मगर डिस्नरी एप” गुगलमा गएर मगर डिक्सनरी डट,कममा गई डाउनलोड गरि प्रयोग गर्न सकिनेछ वा सिधै प्ले स्टोरमा गएर मगर डिस्नरी एप सर्च गरि प्रयोग गर्न सकिने उहाहरुको भनाई थियो । लोप हुँदै गएका मगर भाषाहरूलाई आधुनिक सुचना प्रविधिको माध्यम बाट आम शमुदायमा पु्र्याउने प्रयास गरेको मगरसंघका अध्यक्ष नबिन रोका मगरले राज्यसतालाई जानकारी दिनुभयो ।

Last Updated on Thursday, 02 January 2020 15:24

Hits: 451

जापानीज समाजसेवी ओ के बाजेलाई पाल्पामा नागरिक अभिनन्दन !

देब पचभैया
पाल्पा, फागुन ३०

Image may contain: 12 people, including Phoolmaya Gaha Magar, people smiling, crowd and outdoor
२५ बर्ष देखि निरन्तर पाल्पामा बसेर समाजसेवा गर्नुभएका जापानीज नागरिक काजुमासा  काकिमी (ओ.के बाजे ) लाई बिहिबार पाल्पामा नागरिक अभिनन्दन गरिएको छ । जिल्लाका १ सय ८० बढी विद्यालय एबम् बिभिन्न संघसंस्थाहरुले उहालाई सम्मान गरेका हुन् ।
Image may contain: 12 people, including Bishnukumar Sinjali, people standing and outdoor
पन्चे बाजासहितको र्यालीले तानसेन बजार परिक्रमा गरी टुडिखेल मैदानमा बिशेष समारोहको आयोजना  गरी सवाजसेवी ओ.के बाजेलाई सम्मान गरिएको मुल समारोह समितिका संयोजक सुन्दर श्रेष्ठले जानकारी दिनुभयो । 
Image may contain: 6 people, people smiling, people standing, crowd, shoes and outdoor
कार्यक्रमका प्रमुख अतिथि तानसेन नगरपालीकाका प्रमुख अशोक कुमार शाहीले सम्मान गरेपछि बिभिन्न संघ संस्थाहरुले उहालाई सम्मान गरेका हुन् ।
कार्यक्रममा जापान बाट आएका कलाकारहरुले समेत ओ. के बाजेको सम्मानमा बिभिन्न गित तथा नृत्य प्रस्तुत गरेका थिए ।

Image may contain: 8 people, people smiling, people standing and outdoor
२५ बर्ष अघि पाल्पाका एक टे«किङ्ग गाईड संग पाल्पा आउनुभएका जापानिज समाजसेवी काजुमासा  काकिमी (ओ.के बाजे) ले जिल्लाका विद्यालय, स्वास्थ्य संस्था, क्लब तथा गरिव जेहेन्दार विद्यार्थीहरुलाई आर्थिक सहयोग गर्दे आउनुभएको छ । बिकास निर्माणका कार्यमा समेत ओ.के बाजेले पाल्पामा करोडौ आर्थिक सहयोग गर्नुभएको छ ।
Image may contain: 3 people, including Chandra Masrangi Magar
जिल्लामा भएका समस्या र मागलाई लिएर उहाले जापानमा रहेका विभिन्न संघ संस्थाहरु संग अनुरोध गर्ने र सहयोग गर्ने काम गरिरहनुभएको हो । शुरुमा नेपाल आउदा कुरा गर्दा ओ. के , ओ. के भन्ने भएकाले उहाँलाई स्थानीयले ओ. के बाजे भनेका हुन् । पछि सबैले उहाँलाई ओ.के वाजेकै रुपमा चिन्दै आएका छन् । यस अघि पनि ओ.के बाजेलाई पाल्पामा २ पटक नागरिक अभिनन्दन गरिएको थियो ।

Last Updated on Friday, 15 March 2019 03:26

Hits: 619

 हार्दिक श्रध्दाञ्जलि - भिमी देवी राना

मिग मिडिया प्रा.ली द्धारा संचालित

www.rajyasatta.com

सुचना तथा प्रसारण बिभाग

दर्ता नम्बर १६८७/०७६-७७

ठेगाना

ललितपुर १४, ललितपुर

संचालक/प्रधानसम्पादक

हुम बहादुर थापा मगर

मोबाईल ९८४१५९३६०६