A+ A A-

आफ्नै घर परिवार मिलाउन नसक्नेले देश कसरी मिलाउछ ?

पहिला घर परिवार बलियो बनाउ अनी देश चलाऊ ।

-हुम सुनारी मगर ,

एउटा परिवारको सदस्यहरू बीच कहिलेकाहिं ठाकठुक त हुन्छ नै त्यसलाई घर मूलिले सम्हाल्न सक्नु पर्दछ । सबैलाई मिलाएर एकताको सुत्रमा बाँध्न सक्नु पर्छ। सबैको एकताले नै परिवार मजबूत हुने हो। परिवार भित्रको फुटले छिमेकी हाँस्छन् । "दाजुभाई फुटे गँवारले लुटे" भन्ने उखानको चरिथार्थ हाम्रो गौरवशाली पार्टी भित्र भयो ।


बैचारिक र सैद्धान्तिक मतभेद र बिचलन भयो भने पार्टी टुक्रिनु स्वभावै भयो। तर, तत्कालिन राष्ट्रिय जनमुक्ति पार्टीमा त्यस्तो केही देखिएन तर व्यक्तिगत स्वार्थ, गुट उपगुट, वैमनस्यता, अहमता र नेतृत्वहरूको अपरिपक्वता कै कारणले पार्टी विभाजित हुँदै गयो । त्यसो हुनु हुँदैनथ्यो।

अब, ति सबै विभाजित समूह र पक्षहरूसँग पार्टी एकताको लागि बहस छलफल चलाउनु पर्छ। माउ (घरमूली) पार्टीको हैसियतले संघीय जनमुक्ति पार्टीले नै यसको पहल छिट्टै गरोस्। बहुजातीय समाजवादको सुत्रधार कर्ता संघीय जनमुक्ति पार्टी नै भएकोले उस्तै उस्तै राजनीतिक सिद्धान्त बोकेर पछि जन्मेका पार्टीहरूसँग पनि पार्टी एकताको पहल यसैले गर्नुपर्छ। तर, त्यो भन्दा अगाडी फुटेर गएका श्रद्धेय गोरे बहादुर खपाङ्गीका समूह र शिवलाल थापा समूहसँग आगामी हुने महाधिवेशन भन्दा अगावै पार्टी एकताको लागि पहल यहि माउ पार्टीले नै गरोस्।

आफ्नै घरका दाजुभाईहरूलाई मिलाएर राख्न सकिदैन भने त्यसले अर्को घरको समस्या कसरि समाधान गर्न सक्छ ? यहाँ त राष्ट्रिय एकताको सवाल छ। मूलुकको समृद्धि र सुशासनको कुरा छ। राज्यसत्ता कब्जा गर्ने कुरा छ। आफ्नैलाई पाखा लगाएर कसलाई समेटेर राष्ट्रिय एकता गर्ने ? कसको समर्थन लिएर राज्यसत्ता कब्जा गर्ने ? एकता नचाहने पार्टी भित्र कोहि हुनुहुन्छ भने त्यसको कारण सहित यहाँ प्रस्तुत हुनु पर्यो। होइन भने बिनासर्त अबिलम्ब पार्टी एकताको लागि पार्टी कै नेता तथा कार्यकर्ताहरूबाट दबाब दिनुपर्ने समय आयो। एकताको पहल गर्नु नै मेरो पार्टी प्रवेशको अर्को उद्देश्य हो।


सुनारी मगर, प्रवास जनमुक्ति मञ्च, साउदी अरेवीयाका अध्यक्ष हुन । 

Last Updated on Sunday, 10 April 2016 09:08

Hits: 330

नेपाल मगर संघलाइ पैसा चाहिने, भू.पू सैनिक नचाहिने?


मनोज घर्तीमगर
  नेपाल मगर संघले भूपू सैनिकहरुको योगदानलाई अवमूल्यन गरेको छ । नेपाल मगर संघको जग बसाउनेदेखी संघलाई यहाँसम्म ल्याउन चार जना भूपूहरुले नेत्तृत्व समेत लिइसकेका छन् । संघ बनाउन भूपूको यति ठूलो योगदान भए पनि भूपू सैनिकलाई आसन्न ११ औं महाधिवेशनमा प्रतिनिधि नदिने भएपछि भूपूहरुको अवमूल्यन भएको हो ।

विसं. २०१२ सालदेखी नै विभिन्न नामले मगरहरु गोलबद्ध हुन थाले पनि २०३९ फागुन १५ गते दमौलीमा स्व.हेमबहादुर पुनमगरको अध्यक्षतामा भएको नेपाल लाङ्घाली परिवार संघको प्रथम राष्ट्रिय महाधिवेशनपछि राष्ट्रियस्तरमा सबै मगरहरु जागरुक भई एकजुट हुन थालेका थिए । संघको पहिलो अध्यक्ष नै भूपू भए पनि अहिलेसम्म हुँदै आएका महाधिवेशनमा भूपूहरुलाई प्रतिनिधी दिइएको छैन ।

नेपाल मगर संघको विधान २०४९ को परिच्छेद –५ धारा १७ को (च) १ मा विभिन्न भातृ संघ गठन हुने व्यवस्था छ । त्यसमा तोकेरै मगर विद्यार्थी संघ, नेपाल मगर भूपू सैनिक/प्रहरी संघ, नेपाल मगर सम्पर्क समन्वय समिति, मगर महिला संघ, मगर साँस्कृतिक संघ, नेपाल मगर युवा संघ लगायत अन्य भातृ संगठनहरु खोल्न सक्नेछ भन्ने व्यवस्था गरेको छ । त्यही धारा बमोजिम गठन भएका भातृ संगठनको अध्यक्ष नेपाल मगर संघको पदेन सदस्य हुने व्यवस्था छ ।

मगर संघले यसरी गठन भएका भातृ संगठनलाई महाधिवेशनमा सहभागी हुँदा जिल्ला समिति सरह मान्यता दिएको छ । त्यो मान्यता अनुसार भातृ संस्थाबाट ३ जना प्रतिनिधि र २ जना पर्यवेक्षक महाधिवेशनमा सहभागी हुने व्यवस्था छ । नेपाल मगर भूपू सैनिक संघले यस अघि पनि पटकपटक आबद्धता दिइ प्रतिनिधीको व्यवस्था गरिदिन अनुरोध गरेको थियो ।

नेपाल मगर संघको चैत १६ गते चितवनमा बसेको सचिवालय बैठकले मगर संघका भातृसस्थाहरु मगर भुपु सैनिक संघ, मगर चलचित्र कर्मी संघ, मगर बौद्ध सेवा समाज, मगर लेखक संघ र मगर खेलकुद संघलाई अहिलेको महाधिबेशनमा प्रतिनिधिको रुपमा सहभागी गराउन नसकिने निर्णय गरेको छ । संघको विधानमै नभएको व्यवस्था लागु गरि यि संस्थाहरुलाई बाहिरै राख्न संघ कस्सिएको हो ।

सचिवालय बैठकले भातृ सस्थाहरुको १० जिल्लामा शाखाहरु गठन भएको हुनुपर्ने, अधिवेशनको ४ बर्ष पहिले संघमा आधिकारीक दर्ताको लागी निवेदन दिनुपर्ने, संस्था मगर संघमा आधिकारिक दर्ता भएको हुनुपर्ने लगाएतका कारण देखाएर यस पटकको महाधिबेशनमा उनीहरुलाई प्रतिनिधिको रुपमा सहभागी गराउन नसकिने निर्णय गरको हो । तर, सचिवालयले देखाएका यस्ता कुनै पनि कारण विधानमा उल्लेख छैन । नेपाल मगर भूपू सैनिक संघ, मगर बौद्ध सेवा समाज लगायतका सँस्थालाई बाहिरै राख्न यो निर्णय गरिएको धेरैको बुझाइ छ । ‘उनीहरुले प्रतिनिधि नदिएपछि त भन्नु केही छैन । अर्को कोही मान्छे आउँछ कि भनेर हो जस्तो लाग्छ । उनीहरुले मगर संघमा सिन्डिकेट लागू गर्न खोज्दैछन्’ नेपाल मगर लेखक संघको उपाध्यक्ष पिएचडी शोधार्थी एवं लेखक बिष्णुकमार सिंजालीमगरले भने,‘लेखक संघले सबै प्रक्रिया पूरा गरे पनि प्रतिनिधी दिएन । कति पटक ज्यूज्यू गर्दै जाने । अब स्वतन्त्रपूर्वक काम गर्ने हो । सकेसम्म संघले सबै भातृ संस्थालाई समेटे राम्रो हुन्थ्यो ।’

फागुन २२ गते चितवनको नारायणगढमा सम्पन्न तेस्रो अधिबेशनबाट निर्वाचित नेपाल मगर भूपू सैनिक संघका अध्यक्ष हुमबहादुर थापा (पचभैया) मगरले मगर संघको ११ औं महाधिवेशनमा कुनै पनि हालतमा भूपू सैनिक संघलाई प्रतिनिधी दिइनुपर्ने माग गरेका छन् । ‘मगर संघ बनाउन भूपू सैनिकहरुको ठूलो योगदान छ । जति प्रयास गरे पनि हामीलाई प्रतिनिधी नदिने चलखेल भयो यसले भूपूहरुको अवमूल्यन भएको महसुस भएको छ’ मगर संघ हङकङ्गका संस्थापक सल्हाकार र अध्यक्षसमेत रहेका हुमबहादुरले भने,‘मगर संघले किन हामी माथि राजनीति गर्दैछ बुझ्न सकिएको छैन । यदि हामीलाई प्रतिनिध दिइएन भने मगर संघको अधिवेशनलाई कुनै किसिमका सहयोग गर्दैनौं ।’ भूपू सैनिक संघले चार वर्ष अघि गुल्मीमा भएको १० औं महाधिवेशनमा पनि प्रतिनिधीको व्यवस्था गरिदिन निवेदन दिएका थिए ।

त्यसो त मगर समुदायसँग नचाहैरै भए पनि भूपू सैनिकको सम्बन्ध कुनै न कुनै रुपमा जोडिन्छ । भूपूलाई यो समुदायले चाहेर पनि बाइकट गर्न सक्दैन । तर, मगर संघले कुन हेतुले उनीहरुलाई बाइकट गर्दैछ अचम्मको विषय हो । अहिलेको कार्यसमिति बसेको नेपाल मगर संघको कलंकिस्थित भवन बनाउन पनि भूपूहरुको उत्तिकै योगदान र कुल लगतको ९५% रकम सहयोग रहेको छ । यो भवन निर्माण नै भूपू सैनिक क्या. यामबहादुर बुढाथोकीमगर मगर संघको अध्यक्ष हुँदा बनेको हो । त्यतिबेला मगर संघ हङकङबाट करिब १७ लाख , मकाउमा कार्यरत भू.पू मगर सैनिक बाट २ लाख ५० हजार , जापानमा बस्ने मगरहरू बाट १६ लाख र बेलायतमा बस्ने भू.पू र तिनका सन्तान बाट १० लाख रुपैंया सहयोग आएको थियो । त्यतिबेला संघका अध्यक्ष ले.एकबहादुर राना थिए भने त्यसलाई आडबल दिने भूप अध्यक्ष एवं भूपू सैनिक हुमबहादुर थापा मगर थिए । त्यो बाहेक विभिन्न अरु कार्यक्रम गर्दा पनि आर्थिक, भौतिक, नैतिक रुपमा भूपूहरुले पुर्याएको योगदानलाई मगर संघले विर्सन मिल्दैन ।

नेपाल मगर संघले भूपू सैनिकहरुलाई बाइकट गर्न खोजे पनि सफलता भने मिलेको छैन । संघको १० कार्यकाललाई हेर्दा गोरेबहादुर खपाङ्गी चार पटक अध्यक्ष भएका छन् । उनीसहित अहिलेसम्म ७ जनाले संघको बागडोर सम्हालेका छन् । तीमध्ये चार जना त भूपू हुन् । नेपाल प्रहरीका भूपू इन्सपेक्टर(पहिला बृटिस) हेमबहादुर पुनमगर संस्थापक अध्यक्ष हुन् भने उनीपछि भूपू सार्जन्ट कविराज पुनमगर, भूपू ले. मानध्वज रानामगर, भूपू क्या. यामबहादुर बुढाथोकीमगरले मगर संघको नेत्तृत्व सम्हालिसकेका छन् । उनीहरुको उपस्थितिले भूपूहरुलाई बाइकट गर्न खोजे पनि सबैभन्दा धेरै नेत्तृत्व लिनेमा भूपू सैनिक नै देखिन्छन् ।

नेपाल मगर भूपू सैनिक संघलाई महाधिवेशन प्रतिनिधि दिनेबारे आफ्नो एकल निर्णयले केही नहुने संघका अध्यक्ष महेन्द्र थापामगरले बताए । ‘आबद्धताका लागि सैनिक संघ लगायत थुप्रैले निवेदन दिएका छन् । उनीहरुलाई प्रतिनिधी दिने ननिदेबारे अब बन्ने समितिको राष्ट्रिय सम्मेलनले निर्णय गर्छ’ नेपाल मगर भूपू सैनिक संघको अधिवेशनबारे बेवास्ता गर्दै अध्यक्ष थापाले भने,‘मगर जोडेका सबै भातृ संस्था हुन्छन् भन्ने छैन । कसले कहाँ के संघ बनाउँछ हामीलाई थाह भएन । सैनिक संघबारे मगर संघलाई आधिकारिकता थाहा छैन । कहिले जन्मियो कहाँ बनायो ?’
नेपाल मगर भूपू सैनिक संघले चितवनमा गरेको अधिवेशनमा मगर संघका अध्यक्ष महेन्द्र थापालाई नै बोलाएको थियो । तर, उनी आफ्नै कार्यव्यस्तताले जान पाएका थिएनन् । यसबारे ज्ञिजासा राख्दा महेन्द्रले भने,‘सैनिक संघले बोलाएको थियो । महाधिवेशनको चटारोले जान पाइएन । कार्यक्रममा त हामीलाई जसले पनि बोलाउँछ ।

तमुहरुले पनि बोलाउँछन् । तपाइँ पत्रकारहरुको संस्थाले पनि बोलाउँछ । बोलायो भन्दैमा सबै भातृ संगठन हुन्छन् भन्ने छैन । सैनिक संघको आधिकारितकता छैन ।’
नेपाल मगर संघमै पनि सैनिक संघलाई प्रतिनिधि दिने/नदिनेबारे दुई खेमा छ । केही पदाधिकारी प्रतिनिधि दिनुपर्ने पक्षमा छन् भने अध्यक्ष महेन्द्र थापामगर लगायत कुनै हालतमा नदिनुपर्ने खेमामा छन् । संघका महासचिव नविन रोकामगरले पनि अझै केही नबिग्रेकाले सैनिक संघलाई प्रतिनिधिमा छुटाउनु नहुने बताए । ‘सैनिक संघको अधिवेशनमा मगर संघको सहभागीता छैन । विधि नपुगेका कारण प्रतिनिधी नदिने भनिएको हो’ महासचिव रोकाले भने,‘यस विषयमा २७ गते हुने सचिवालयले फुल निर्णय गर्छ । सम्बन्धित तहबाट पनि पहल भए यसले निकास पाउला ।’

Last Updated on Monday, 04 April 2016 11:36

Hits: 1662

जनमुक्ति जातीय कि राष्ट्रिय पार्टी १

हुम सुनारी मगर

  आम नेपाली जनताको मुक्ति चाहेको हो, जनमुक्तिले। आदिवासी जनजाति मात्रै आम नेपाली जनता होइनन्। दलित, मधेशी, मुस्लिम मात्रै पनि आम नेपाली जनता होइनन्। ब्राम्हण, क्षेत्री, दस्नामी र ठकुरी मात्रै पनि आम नेपाली जनता होइनन्। पुरै, पौने तीन करोड जनता आम नेपाली जनता हुन्। कसले भन्यो जनमुक्तिलाई नितान्त जनजातिहरूको मात्र पार्टी हो भनेर रु समाजवादको खोक्रो नारा लगाउनेहरूले रु लोकतन्त्रको धज्जी उडाउनेहरूले रु नक्कली साम्यवादीहरूले रु या एक तर्फीय सूचना प्रबाह गर्न पल्किएका पत्रकारहरूले रु   हो, जनमुक्ति पार्टीलाई केहि जनजाति नेताहरूले बहुजातीय समाजवादू को दर्शनलाई अवलम्बन गरेर पार्टी स्थापना गरेको पक्कै हो ।

के जनजाति नेताहरूले स्थापना गरेको पार्टीलाई जनजातिको पार्टी भन्न मिल्छ रु त्यसो हो भने नेपाली काँग्रेसलाई ब्राम्हण नेताले जन्माएको हो, त्यसलाई ब्राम्हण पार्टी भनौं रु एमालेलाई ब्राम्हण पार्टी भनौं रु माओवादी, राप्रपा लगायत ब्राम्हणहरूले नेतृत्व गरेको सबै पार्टीहरूलाई ब्राम्हण पार्टी भनौं रु   जनमुक्ति पार्टीले जातीय उत्पीडनलाई माथि उठाएर समावेशी महान समाजवादको नीति अवलम्बन गर्यो। सदियौंदेखि भाषिक, धार्मिक र साँस्कृतिक रूपमा थिच्चिएर बस्ने आम उत्पीडित

नेपाली समाजलाई मुक्त गर्ने नीति महान समाजवादी हुन्छ कि जातीय पार्टी हुन्छ रु निरङ्कुश, बुर्जुवा, नोकरशाह, दलाल र शोसकहरूबाट सदियौंदेखि पिल्सिएर दासी जीवन बिताइरहेका र बर्गीय रूपमा उत्पीडनमा पारिएका आम नेपाली सर्बहारा जनताको मुक्तिको लागि अढाई दर्जन बर्षदेखि शसस्त्रको माध्यमबाट नभई शास्त्रको बाटोबाट संघर्षशील जनमुक्ति पार्टी कसरी जातीय पार्टी हुन्छ रु   के जनजाति, दलित, मुस्लिम, मधेशी र अल्पसंख्यकरसिमान्तकृत नेपाली समूदायहरू मात्रै बर्गीय उत्पीडनमा परेका छन् रु कर्णाली, सुदुरपश्चिम लगायत नेपालको कैयौं क्षेत्रहरूमा पनि ब्राम्हण, क्षेत्री, ठकुरी र दस्नामीहरू बर्गीय रूपमा उत्पीडनमा परेका छैनन् रु के नेपालका सबै ब्राम्हण क्षेत्रीहरू सम्पन्न छन् रु बर्गीय रूपमा उत्पीडन र ति बिपन्न ब्राम्हण क्षेत्रीहरूलाई सम्पन्न हुने अधिकार छ कि छैन रु तिनीहरूलाई मुक्तिको आवश्यकता छैन रु   महान बहुजातीय समाजवाद दर्शनले भाषिक, धार्मिक र साँस्कृतिक रूपमा उत्पीडनमा परेका र नपरेका सबै जातजाति र पक्षहरूलाई समेटेको हुन्छ र छ पनि।

के जनजातिहरूले मात्र आफ्नो भाषा, धर्म र संस्कृतिको संरक्षण, संवर्द्धन र विकास गर्नु पर्ने हुन्छ रु ब्राम्हणले आफ्नो संस्कृतू भाषाको संरक्षण गर्नु पर्छ कि पर्दैनरु यद्धपि, एक संस्कृत बिषयलाई मात्र राज्यले प्रोत्साहित गर्ने कार्यलाई पार्टीले घोर आपत्ति जनाउँनु पर्छ। आफ्नो हिन्दु धर्मलाई जोगाइ राख्न पर्छ कि पर्दैन रु  पश्चिमी संस्कार र संस्कृतिको बिकृति नेपालमा भित्रिरहेको अवस्थामा त्यसलाई निरूत्साहित पार्दै आफ्नै मौलिकता, संस्कार र संस्कृतिलाई जोगाइ राख्न पर्छ कि पर्दैन रु यी यावत कुराहरूलाई सम्बोधन र संरक्षण गर्न नेपालमा बहुजातीय समाजवादू को आवश्यकता छ, जसलाई जनमुक्ति पार्टीले नेपालमा पहिलो पटक प्रतिपादन गर्यो।

अब भन्नुस् जनमुक्ति पार्टी कसरी जातीय पार्टी भयो रु   जनमुक्ति पार्टीले जनसंख्याको आधारमा राज्यको हरेक निकायहरूमा समानुपातिक समावेशी नीति राज्यले लागू गर्नु पर्छ भनेको छ। के समावेशीता जनजाति, दलित, मधेशी र मुस्लिमलाई मात्र आवश्यक छ रु जनसंख्याको आधारमा नेपालको सबैभन्दा धेरै जनसंख्या भएको क्षेत्री र ब्राम्हणलाई आवश्यक छैन समावेशी नीति रु काठमाडौँ र झापाको ब्राम्हण क्षेत्रीले मात्रै अधिकार प्राप्त गर्ने र उनीहरूलाई मात्रै सम्पन्न हुने अधिकार नेपालको कुन कानुनमा लेखेको छ रु   काठमाडौँका शाहरशाही ठकुरीहरू मात्रै सम्पन्न हुने कर्णाली र सुदुरपश्चिमका ठकुरीहरू अधिकार देखि बञ्चित हुनु पर्ने भन्ने नेपालको कुन कानुनमा लेखेको छ रु कर्णाली र सुदुरपश्चिमका क्षेत्रीहरू सधै बिपन्न भईरहने तर काठमाडौँ लगायत अन्य जिल्लाका क्षेत्रीहरूले मात्रै अधिकार प्राप्त गर्ने भन्ने कहिँ लेखेको छ रु यी यावत विभेदहरूलाई समाप्त पार्न नेपालमा समानुपातिक समावेशी हुनु पर्ने जनमुक्तिले आजभन्दा २५ बर्ष अगाडी उठाएका थिए।

अब कसरी जनमुक्ति पार्टी जनजातिको पार्टी भयो रु   तुलनात्मक रूपमा विभिन्न उत्पीडनमा परेका जातजाति, भाषाभाषीहरू, कर्णाली र सुदुरपश्चिमका जनताहरू शिक्षामा केहि पछाडी अवश्य होलान्। तर, उनीहरू किन पछाडी परे, यस प्रति अनुसन्धान गर्नु जरुरी छ कि छैन रु के राज्यले कर्णाली र सुदुरपश्चिमका जनताले बोल्ने भाषामा औपचारिक शिक्षाको व्यवस्था गरिएको छ रु मधेशमा बोल्ने मैथली, भोजपुरी, अवधि र थारू भाषालाई त्यहाँको स्थानीय तहमा प्रार्थमिकता दिएको छ रु   पूर्वमा बोल्ने लिम्बु र राई, मध्ये क्षेत्रमा बोलिने तामांग र नेवास् पश्चिममा बोलिने गुरुङ र मगरले आफ्नै भाषा लगायत सबै अल्पसंख्यक जातजातिहरूको भाषामा शैक्षिक शिक्षा लिन पाएका छन् रु मानव जातिको वास्तविक पहिचान भनेको उसको भाषा हो।

उसको धर्म हो र उसको संस्कृति हो। उसको भाषालाई नै दमन र समाप्त गर्ने कार्य २५० बर्षदेखिको एकात्मक राज्यसत्ताले गर्यो।   अब नेपालमा बोलिने सबै भाषा, धर्म र संस्कृतिलाई प्रयोग गर्ने अधिकार राज्यले गर्नु पर्छ र त्यो पहिचान सहितको सङ्घीय व्यवस्थाले मात्रै सम्भव छ भनेर जनमुक्ति पार्टीले पहिलो पटक भनेका थिए। भाषा, धर्म संस्कृतिको संरक्षण गर्न नेपाल भरि रहेका आम नेपाली जनताहरूलाई समान अधिकार छ कि छैन रु   त्यो चाहे ब्राम्हण होस् या जनजाति या मैथली या थारू या क्षेत्री या दलित या मुस्लिम या कुनै ( सबै सबैलाई आ(आफ्ना भाषा, धर्म र संस्कृतिको संरक्षण, सम्बर्द्धन र विकास गर्नु पर्छ भन्ने मान्यता राख्दछ। त्यसको प्रत्याभूत गर्न पहिचान सहितको सङ्घीय व्यवस्थाले मात्रै सम्भव छ भनेर जनमुक्ति पार्टीले भनेका छन्। सबै सबैका भाषा, संस्कृति र धर्मको रक्षा गर्न चाहने पार्टी कसरी जातीय पार्टी हुन्छ रु   एकात्मक शैलेको समाजवाद दर्शन बोकेको देशकै सबैभन्दा पुरानो पार्टीले २०४६ साल पछि सबै भन्दा बढी सत्ताको स्वाद चाखेको छ।

 देशको विकासमा कायापलट गर्ने अवसर र मौका त्यो पार्टीले पायो । सबै भन्दा ठुला र पुराना साम्यवादी पार्टीहरूले सत्ताको स्वाद पटक पटक चाखी सके । त्यसका नेतृत्वहरू सम्पन्न भए, काठमाडौँमा महल ठडाए र अहिले तिनीहरू विलासिताका जीवन बिताई रहेका छन्। त्यस्तो पार्टी र तिनका नेताहरू कसरी साम्यवादी पार्टी हुन सक्छ रु   नेपाल भन्दा धेरै पछि मात्रै लोकतन्त्र प्राप्त गरेका देशहरू आज विश्व कै शक्तिशाली राष्ट्रमा दर्ज भईसकेका छन् । तर, नेपाल सम्पन्न र समृद्धिको कुरा धेरै टाढाको बिषय भयो ( आम नेपाली जनताहरू जातीय मुक्तिबाट माथि उठ्नसम्म पनि सकेन।

बर्गीय मुक्तिबाट पनि माथि उठ्न सकेन।   जनमुक्तिले के अहिले सम्म सत्ताको स्वाद चाखेको छ रु नेपाललाई विश्व कै गरिब राष्ट्रमा दर्ज गराउने के जनमुक्ति पार्टी नै हो रु के जनमुक्ति पार्टीले नेपालको नदीनालाहरू भारतलाई बेचेको छ रु भारतसँग राष्ट्रघाती सम्झौताहरू के जनमुक्ति पार्टीले गरेको हो रु जनमुक्ति कै कारणले के दश बर्षे जनयुद्ध भएको हो रु १७ हजार नेपाली यूवा यूवतीहरू सहादत हुनु परेको कारक के जनमुक्ति पार्टी हो रु हजारौं नेपाली जनताहरू बेपत्ता पारिए, के त्यो जनमुक्ति पार्टीको कारणले हो रु   पचास लाख यूवाहरू देशमा बेरोजगारको कारणले विभिन्न देशहरूमा श्रम गर्न र गुलामी बन्न पुगेका छन् ( के त्यो जनमुक्ति पार्टीले गर्दा हो रु जनमुक्ति पार्टीले अहिलेसम्म नेपाली समाज र राष्ट्रलाई नै हानी हुने खालको के राष्ट्रघाती काम गरेको छ र यो पार्टीलाई आम नेपाली जनताले विश्वास नगर्नु पर्ने रु   सङ्घीय जनमुक्ति पार्टी आम नेपाली जनताहरूलाई अधिकार दिलाउने एक मात्र पुरानो र असली समाजवादी पार्टी हो।

यसले अहिलेसम्म कुनै पनि अराष्ट्रवादी र राष्ट्रघाती कार्य गरेको छैन। जातीय र बर्गीय रूपमा ९त्यो जुन सुकै जात र समूदाय किन नहोस्० उत्पीडनमा पारिएका आम नेपाली जनताको पक्षमा यो पार्टी प्रतिवद्ध छ। विभेदरहित नीतिको अनुशरण गरेको छ।  एकाधिकारवादलाई समाप्त पारेर समावेशी सिद्धान्तलाई आत्मसात गरेको छ। राष्ट्र भित्र बसोबास गर्ने प्रत्यक नेपाली नागरिकको भाषा, धर्म र संस्कृतिलाई समान रूपमा सम्मान गरेको छ। सबै सबैलाई समान किसिमको अधिकारको प्रत्याभूत गर्ने प्रतिवद्ध छ, जसले मात्रै नेपालमा स्थायी शान्ति हुने र स्थायी शान्तिले मात्रै देश समृद्धितिर उन्मूख हुने भएको हुँदा मैले १७ बर्षको राजनीतिक बिश्राम पछि सङ्घीय जनमुक्ति पार्टीमा समाहित हुने निर्णय गरेँ।

बचेकुचेको मेरो बाँकि जीवन आम नेपाली जनता, समाज र सिङ्गो राष्ट्रको लागि बिना पूर्वाग्रह, पक्षपात रहित, निश्वार्थ र स्वयंसेवकको रूपमा पार्टीमा रहेर नेपाली जनता र राष्ट्र कै पक्षमा समर्पित हुनेछु। अवसरको राजनीतिलाई निरुत्साहित पार्दै सबै सबै पक्षको समान अधिकारको लागि समाज र राष्ट्रको समृद्धिको लागि समर्पित सिपाही नै असल राजनीतिज्ञको बिशेषता हो भन्ने सिद्धान्तलाई सबै राजनीतिक कर्मीहरूले आत्मसात गरौँ।  

लेखक  सङ्घीय जनमुक्ति मञ्च साउदी अरेवीयाका अध्यक्ष हुन् ।

Last Updated on Saturday, 02 April 2016 13:38

Hits: 2269

नयाँ संविधानले आदिवासी जनजातिलाई दब्बू र लम्पट बनायो : तामाङ

रूद्र श्रीसमगर

पोखरा, चैत्र २०-चैत्र लोकोत्तर लोकवादी विचार अभियानका संयोजक धनप्रसाद तामाङले आदिवासी जनजातिलाई नयाँ संविधानले दब्बू र लम्पट बनाएको जिकिर गर्नुभएको छ । लोकोत्तर लोकवादी विचार अभियान र नाङ्साल तामाङ सेवा समाजले शनिबार पोखरामा गरेको आदिवासीय सांस्कृतिक विमर्श कार्यक्रममा तामाङले नयाँ संविधानले पनि देशमा विद्यमान समस्याको हल दिन नसकेको चर्चा गर्दै पुनः आन्दोलनको आवश्यकता भएको बताउनुभयो ।

सांस्कृतिक चेतनाको अभावका कारण आदिवासी जनजाति समुदाय जहिले पनि उत्पीडन र दमनमा पर्ने गरेको जनाउँदै तामाङले राज्यले आदिवासी जनजातिका सांस्कृतिक मूल्यको अवमूल्यन गरेको उल्लेख गर्नुभयो । ‘आदिवासी सांस्कृतिक विमर्श जरुरी छ’, तामाङले भन्नुभयो, ‘अब संस्कृति संरक्षणका लागि पुस्ता हस्तान्तरणको प्रक्रिया सुरु गरौं ।’ सामाजिकीकरणमा जोड नदिइकन समाजको विकास प्रक्रिया अघि नबढ्ने बताउँदै उहाँले सांस्कृतिक पैरवीको जरुरी भएकोमा जोड दिनुभयो ।

अब नयाँ दर्शनको विकास आवश्यक भएको समेत उहाँको भनाइ थियो । नेपाल तामाङ घेदुङ सिम्पानी कस्येरी एकाइ समितिको व्यवस्थापनमा भएको कार्यक्रममा नेपाल आदिवासी जनजाति महासंघ, जिल्ला समन्वय परिषद् कास्कीका सचिव पूर्ण Þयोल्मोले संविधानसभाबाट जारी नयाँ संविधानमा प्राप्त उपलब्धीलाई संस्थागत गर्दै थप अधिकारका लागि संगठित हुनुपर्ने आवश्यकता औंल्याउनुभयो । नेपाल तामाङ घेदुङका केन्द्रीय सदस्य एवं प्रदेश नं. ४ का संयोजक दीपक वाइबा तामाङले संस्कृतिलाई राजनीति र राजनीतिलाई राज्यसँग जोड्नुपर्ने आवश्यकता औंल्याउँदै तामाङ पहिचान र सभ्यताको पुनर्जागरणका लागि एक भएर अघि बढ्नुपर्ने बताउनुभयो ।

नेपाल आदिवासी जनजाति पत्रकार महासंघ (फोनिज) कास्कीका उपाध्यक्ष रूद्रबहादुर श्रीसमगरले आदिवासी जनजाति संस्कृति संरक्षणका लागि सांस्कृतिक रूपमा सचेत हुनुपर्नेमा जोड दिँदै विकृति र अन्धविश्वासको अन्त्य गर्दै नयाँ सोंच र संस्कारको विकास गर्नुपर्ने बताउनुभयो । भुजेल संस्कृति मञ्चका केन्द्रीय संयोजक कुलबहादुर भुजेलले भुजेललगायतका अति सीमान्तकृत आदिवासी जनजाति समुदायहरूको संस्कृति संरक्षणमा अन्य ठूला आदिवासी जनजाति समुदायले सहकार्य गर्नुपर्नेमा जोड दिनुभयो ।

सो अवसरमा नेपाल तामाङ घेदुङ कास्कीका कार्यवाहक अध्यक्ष रामप्रसाद सम्देन तामाङ, तामाङ बौद्ध सेवा समितिका अध्यक्ष केशबहादुर तामाङ, नेपाल तामाङ घेदुङ सिम्पानी कस्येरी एकाइ समितिका अध्यक्ष वीरबहादुर तामाङलगायतले आदिवासी जनजाति समुदायमा सांस्कृतिक जागरणको आवश्यकता औंल्याउनुभएको थियो । नाङ्साल तामाङ सेवा समाजका अध्यक्ष चन्द्र ग्याबक तामाङको अध्यक्षतामा सम्पन्न भएको कार्यक्रमको सञ्चालन मोहनकुमार तामाङ र रेशम तामाङले स्वागत गर्नुभएको थियो ।

 

Last Updated on Sunday, 03 April 2016 14:24

Hits: 1791

समाजवादी क्रान्ति कि सामाजिक क्रान्ति ?

नन्द बहादुर घर्ती मगर

  कुनै वेलाका अर्थमन्त्री क.अनन्त १/२ दिन अगाडि रोल्पा आएछन । एमाओवादीको आयोजनामा सरकारी कार्यालयका प्रमुखहरुलाई वटुलवाटुल पारी जिल्लाको विकासको गतिविधिवारे क.अनन्तले वुझ्ने काम गरे रे । योभन्दा एकदिन अगाडि पनि एमाले नेता माधवकुमार नेपालले प्रमुख जिल्ला अधिकारीमार्फत सरकारी कार्यालयका प्रमुखहरुलाई वटुल्न लगाई जिल्लाको अवस्थावारे वुझ्ने काम भयो रे । यी दुवै पार्टीहरु यसप्रकारको काम गर्नमा तछाडमछाड गरेको पाइयो ।

सार्वजनिक पदधारण नगरेको व्यक्ति तथा पार्टीको आयोजनामा हुने यसप्रकारको गतिविधि कति उचित या अनुचित ? यी सवै पेटभित्र लुकेको छ । म ठान्छु यो राजनीतिक भ्रष्टाचार हो । राजनीतिक भ्रष्टाचारको धर्म हो जनताको सार्वभौमिकताको स्वरुपलाई क्षयीकरण गर्दै लैजाने । त्यसैले उनीहरुको यो काम वेइमानीले भरिपूर्ण छ ।

कार्यक्रममा अनन्तले भने रे, “राजनीतिक क्रान्तिको अभिभारा पूरा भयो अव समाजवादी क्रान्तिको थालनी गर्नुपर्छ र त्यो काम एमाओवादीले मात्र गर्छ ।” उनको यो भनाई वैचारिक कुरा हो । वैचारिक कुरा गर्न सवैलाई स्वतन्त्रता छ । तर यो भनाई उनको मनभित्रको ज्ञानले देख्यो या गाइडेड । हामीले छुट्टयाउन खोजेको गाँठी कुरा यो हो ।

समाजवादी क्रान्ति भनेको आर्थिक रुपले डुव्लाएका जनतालाई मोटो वनाउने संकल्पको तयारी । भनौं यो क्रान्तिको तेश्रो चरण हो । आर्थिक रुपले पहिलो विश्वशक्ति अमेरिकाको ‘नेटिभ अमेरिकन’ जसलाई हामी ‘रेड इन्डियन’ भन्छौं उनीहरु राष्ट्रपतीय निर्वाचनमा वेखवर हुन्छन । यद्यपि उनीहरु आइएलओ १६९ खाएर वसेका छन तर राजनीतिक रुपमा जागेको दखिएन । ठिक त्यसैगरी क.अनन्त र माधवकुमार नेपालले रोल्पाका सरकारी कार्यालयका प्रमुखहरुलाई वोलाई राजनीतिक भ्रष्टाचार गर्दा पनि यहाँका जनता वेखवर छन । यसको अर्थ नेपालमा पनि रेड इन्डियनहरुको वाक्लो वस्ती रहेछ भन्ने वुझिन्छ ।

क.अनन्त जुन धरातलमा छन त्यो धरातललाई समाजवादी कि सामाजिक क्रान्ति ? हामी राजनीतिक रुपमा इमान्दार छैंभने वहसमा उत्रिनुपर्छ । हैभने मान्छेको जुन विकासक्रम छ त्यसमा वाझो हाल्नु हुदैन । गाइडेडवाट चल्नु सवैभन्दा खतरापूर्ण हुन्छ । यो ज्ञानको कुरा हो । 

४ चैत २०७२

Last Updated on Sunday, 27 March 2016 16:53

Hits: 338

हार्दिक श्रध्दाञ्जलि - गोरे बहादुर खपांगी