A+ A A-

सिमरा गोल्डको उपाधि मनाङ मस्र्याङ्दीलाई

सिमरा गोल्डपको उपाधि लक्ष्मी हुन्डाई मनाङ मर्याङ्दीले जितेको छ । सिमरामा फागुन १३ गते भएको खेलमा पोखराको सहारा क्लबलाई १-० ले पराजित गरेर मनाङले उपाधि कब्जा गरेको हो । मनाङका लागि अन्तिम समयमा सुलभ मास्केले निर्णायक गोल गरेका थिए ।

 
उपाधि विजेता मनाङले रु. ३ लाख र उपविजेता सहाराले रु. १ लाख ५० हजार नगद पुरस्कार प्राप्त गरेको छ । उत्कृष्ट खेलाडी घोषित सहारका विसन गौचनले रु. २५ हजार र बढी गोलकर्ता आरसीटीका अमर डंगोलले रु .१५ हजार नगद हात पारेका छन् ।

Last Updated on Sunday, 26 February 2012 03:53

Hits: 744

संगमटोलको संगम क्लव राष्ट्रिय क्लवमा उक्लियो

पोखरा, १२ फागुन

मोफसलमा पोखराबाट पहिलो पटक राष्ट्रिय ए डिभिजनमा उक्लिएको पोखरा संगमटोलमा रहेको संगम क्लबले सुक्रबार एक समारोहका विच क्लबलाई सहयोग गर्नेदाताहरुलाई सम्मान गरेको छ । कार्यक्रमका प्रमुख अतिथि अखिल नेपाल फुटवल संघ एन्फा कास्कीका अध्यक्ष खेमहादुर गुरुङ, सहारा क्लबका अध्यक्ष विक्रम थकाली ,क्लबका अध्यक्ष मनि प्रसाद गुरुङले क्लबलाई सहयोग गर्नेदाताहरुलाई प्रंशसा पत्रको साथमा खादा तथा अविर लगायर सम्मान गरेकाथिए । जिल्ला, क्षेत्र हुदै राष्ट्रिय ए डिभिजनमा उक्लिएको क्लब हालै सम्पन्न भएको रेडवुल राष्ट्रिय ए डिभिजनमा नवौं स्थानमा रहेको छ ।

क्लबले ए डिभिजनको नवौं स्थान सम्म आईपुग्दा ९ लाख ९१ हजार खर्च भएको क्लबका सचिव विवेक गुरुङले बताए । क्लबलाई स्वदेश तथा विदेशबाट ब्यतिm तथा बिभिन्न संघ संस्थाहरुको सहयोगले क्लबले १८ लाख ५८ हजार संकलन गरेको क्लबले जनाएको छ । बांकी रकम ८ लाख ६७ हजार रुपैया फुटवल खेलको विकासमा खर्च गरीने क्लबका उपाध्यक्ष मेहन्द्र गुरुङ मायाले बताउनु भयो । उहाँले आउदो चैत्र महिना देखि जुनियर खेलाडी सहित आफ्नो टोलीलाई प्रशिक्षणमा राख्ने बताए । ए डिभिजनमा २० खेलाडीहरु रहेका छन भने १० जना जुनियर खेलाडीहरुलाई एकेडेमिको रुपमा राख्दै छ । मुख्य प्रयोजक क्याराभान ग्रुप तथा लोकेन्द्र प्रकास राजभण्डारीबाट ३ लाख, सहप्रयोजक कपदन पोखरा रियल स्टेटका प्रोपाईटर दिनेश श्रेष्ठबाट एक लाख ५० हजार, संगम क्लब हङकङबाट ३ लाख ५५ हजार ५ सय ५५ सहयोग प्राप्त भएको छ ।

क्लबका पुर्व अध्यक्ष हाल हङकङमा रहनु भएका प्रकाश गुरुङ, तथा अन्य सल्लाहकार विकास गुरुङ, कुमार गुरुङ, खमबहादुर गुरुङ, विल तामाङ, राजेन्द्र गुरुङ, राजु गुरुङ, विशाल गुरुङको नेतृत्वमा रकम संकलन भएको हो भने उनीहरुबाट एकलाख ५५ हजार ५ सय ५५ संकलन भएको हो । हङकङमा रहनु भएका अन्य सदस्यहरु अनोज गुरुङ, दिपक गुरुङ, हिमाल राना, सुर्य गुरुङ, शिशिर गुरुङ, तारा धनमाया, लाल भक्त गुरुङ, सागर गुरुङ, मोति गुरुङ, मिन सुजन गुरुङ, बद्री गुरुङ, रन्जन गुरुङ, धनबहादुर कान्छा, अर्जुन गुरुङ, धर्मेन्द्र गुरुङ, जवानसिंह गुरुङ, चेतन गुरुङ, युवराज गुरुङ, जोन गुरुङ र निरजंग गुरुङबाटगरी २ लाख संकलित रकम क्लबलाई प्राप्त भएको हो । एन्फा कास्कीले ५१ हजार, ईन्द्रमान गुरुङ भानु र राजु केसीबाट ५१ हजार, पोखरा दिपका लक्षिन गुरुङबाट ३० हजार, मनकामना पेट्रोलपम्पका सुनिल गुरुङबाट २५ हजार, विमल बस्यालबाट २५ हजार, सहारा क्लबबाट २५ हजार, भरत केसीबाट ३० हजार सहयोग प्राप्त भएको छ ।

त्यसै गरी संगम टोलका केशव नेपाली, तिलक गुरुङ, विरेन्द्र गुरुङ, भद्रकालीचोकबाट खुसिमान गुरुङ, कठमाण्डौका हेलन गुरुङ, सितलादेविका टिका कार्की, लेकसाईडबा विनोद श्रेष्ठ, रानीपौवाका खेमबहादुर गुरुङ, पृथ्वीचोकबाट हिमसागर काफ्ले, जिल्ला खेलकुद विकास समिति कास्की, लेकसाईडका जगदीश गुरुङ, एबीसी क्लब, नेपाल आर्दश बोर्डिङ स्कुल, भदैकालीचोकबाट भरत गुरुङ लगायतका ब्यति एवम संघ सस्थाबाट क्लबलाई सहयोग रकम प्राप्त भएको क्लबका सहसचिव शिव नेपालीले जानकारी दिए । सम्मान कार्यक्रममा बोल्दै एन्फा कास्कीका अध्यक्ष खेमबहादुर गुरुङले क्लबलाई सहयोग गनुहुने सम्पुर्ण सहयोगी हातहरुलाई धन्यबाद दिदै क्लबले दिगो रुपमा आम्दानीको श्रोत खोजेर आफ्नो खेल गतिविधिलाई निरन्तरता दिन सुझाव दिए । क्लबका अध्यक्ष मनिप्रसाद गुरुङले आफुहरुलाई प्रत्यक्ष एवम अप्रत्यक्ष सहयोग गर्नु हुने सम्पुर्र्ण महानुभाव प्रति धन्यवाद ज्ञापन गरे ।

दिननाथ बराल

Last Updated on Friday, 24 February 2012 13:07

Hits: 761

गुरुङ फिल्म 'आगे ठागु'को शुभमुर्हत



कमेडीलाई मुख्य विषय बनाएर निर्माण हुने गुरुङ चलचित्र आगे ठागु ठुल्दाई को बुधबार पोखरामा शुभमुर्हत गरिएको छ । अनुशिलन फिल्मस् एण्ड म्युजिक प्रोडक्सनको प्रस्तुतीमा निर्माण थालिएको चलचित्र आगे ठागु का लागी चलचित्रका मुख्य कलाकार मगन गुरुङ र झरना गुरुङले मुर्हत शत दिएका थिए । अन्य चलचित्रको शुभमुर्हतभन्दा केहि भिन्न तरिकाले भएको शुभमुर्हतमा कलाकारहरुले संबाद नबोलि नृत्य गरेका थिए । त्यस्तै गुरुङ पुरोहितहरुले मन्त्रोच्चारण गरेका थिए भने अग्रज गुरुङ चलचित्रकर्मी लोकबहादुर गुरुङले पुजापाठ गरेका थिए ।
 
 
चलचित्रलाई लामो समयदेखि गुरुङ चलचित्रहरुमा नृत्य निर्देशन गरेका गोरे गुरुङले निर्देशन गर्दैछन् । गुरुङ सँस्कृति रहनसहन र भेषभुसालाई आधार मानेर चलचित्रका लागी निर्देशक गोरे गुरुङले लेखेको कथालाई मनोजबाबु पन्तले संवादमा ढालेका छन् । चलचित्रमा पटकथा पनि उनै पन्तले लेखेको निर्माणपक्षले जनाएको छ । 'गुरुङ जातिलाई लाहुरे पृष्ठभुमी र बन्दुकसंग रमाउने जाति भनेर चिन्ने परिपाटी रहेको अवस्थामा चलचित्रले गुरुङहरु बहादुरसंगै शिक्षित र विद्वान पनि छन् भनेर देखाउन खोजिएको छ ।' चलचित्रबारे प्रकाश पार्दै निर्देशक गोरे गुरुङले भने-' चलचित्रले गुरुङ समुदायका मानिसहरुलाई समेत एकपटक सोँच्न बाध्य बनाउनेछ ।'


रोजगारीका लागी बिदेश जाने र बिदेशबाट आएको पैसा मोजमज्जामा उडाउने प्रचलन बढिरहेको बेला चलचित्रले युवापुस्तालाई रोजगारीका लागी स्वदेशमै केहि गर्ने सन्देश दिने निर्माणपक्षको विश्वास छ । १५ लाख रुपैँया खर्च लाग्ने अनुमान गरिएको चलचित्र पोखरासंगै लमजुङ काठमाण्डौ दार्जिलिङ र सिक्किममा पनि छायाँकन गरिने अनुशिलन फिल्मस् एण्ड म्युजिक प्रोडक्सले जनाएको छ ।
 
 
चलचित्रमा निर्देशक गोरे गुरुङलाई निर्देशनमा राजेश गुरुङ र गोरा गुरुङले सघाउनेछन् । ३ वटा गीत रहेको चलचित्रमा धोज गुरुङ गोरे गुरुङ र जयकुमारले संगीत दिएका छन् । रामकुमार श्रेष्ठको छायाँकन रहेको चलचित्र श्याम शुक्ला फिल्म प्रोडक्सनका संचालक घनश्याम लामिछानेले सम्पादन गर्ने भएका छन् । चलचित्रमा गमन गुरुङ, झरना गुरुङ, खिलबहादुर गुरुङ, युनिका गुरुङ र बालकलाकार बिशाल गुरुङको मुख्य अभिनय रहनेछ । चलचित्र फागुन ६ गतेदेखि सुटिङमा जाने बताईएको छ ।  
 
रेम बिक, पोखरा

Last Updated on Thursday, 16 February 2012 09:34

Hits: 772

युएईमा नेपाली रिङ टोन धमाका

म्यूजिक नेपाल डिजिटल प्लेटफर्म अन्तर्गत विभिन्न पार्टनर कम्पनीहरुका चर्चित गीतहरुका डिभिडि संग्रहका गीतहरु खाडी मुलकमध्ये युएई र कतारलाई मध्यनजर गर्दै अब मलेशिया कोरिया र जापानमा आरविटीद्धारा लोक संगीत र मोबाइलमा आफ्नो रुचि अनुसारको रिङ टोनहरु राख्न सकिने सुविधा गरेको  छ ।

नेपाल संगीत उद्योग संघको बिशेष पहलमा विश्वमा छरिएर रहेका नेपालीहरुको बीचमा आरबीटीको माध्यमबाट संगीत र मोबाइलमा रिङ टोनहरु पुर् याउन लागिएको हो ।

नेपाली चर्चित गायिका अन्जु पन्तको सुपरहित गीत 'तिमीले पराई ठानेपछि'लाई डियुमा २५०१८१८, विमल डांगी र मुना थापाको 'यो मुटु तिम्रै हो'लाई  २५०१८४० नरेन्द्र प्यासीको 'तिमी बिनको जीवन'लाई १२६३४२ शिव परियारको 'क्या दामी भो'लाई ९००८०९ डाउनलोड गर्न सकिन्छ ।

युएईमा DU मा डाउनलोड गर्न

१ आफ्नो डियु मोबाइलबाट १५६ मा कल गर्ने र म्यूजिक क्याटलगको लागि १ थिच्नुपर्दछ ।  
२ त्यसपछि आफ्नो डियु मोबाइलबाट सिटी स्पेश कोड अनि १५६० मा एसएमएस गर्नु पर्दछ ।  
३ अरु डियु मोबाइल प्रयोगकर्ताहरुको ट्युन अर्डर गर्नको लागि स्टार थिच्नुपर्दछ ।

लालबहादुर ढेंगा, दुबई
 

Last Updated on Saturday, 18 February 2012 06:22

Hits: 963

खुल्ला दौडमा विक र पाण्डेलाई उपाधि


१४ फ्रेबुअरी, पोखरा
नेपाल गणतान्त्रिक खेलकुद महासंघ तमुवान राज्य समितिको आयोजनामा मंगलबार तेश्रो पश्चिमाञ्चल स्तरीय छैटौं गणतान्त्रिक खेलकुद प्रतियोगिता समापन भएको छ । गणतान्त्रिक खेलकुद प्रतियोगिता अन्र्तगत मंगलबार पोखरामा सम्पन्न भएको गोर्खा एण्ड वराह १० किलोमिटर खुल्ला पुरुष सडक दौड प्रतियोगिताको उपाधी लमजुङ्गका मिनराशी विकले जितेका छन् । छैटौं राष्ट्रिय खेलकुद महोत्सवका लागि पश्चिमाञ्चलबाट छनौट भईसकेका विकले ३४ मिनेट ३१.०७ सेकेण्डमा उक्त दुरी पार गर्दै उपाधी सहित नगद ३ हजार जित्न सफल भएका हुन् ।


प्रतियोगितामा ३४ मिनेट ३५.९ सेकेण्डमा उक्त दुरी पार गर्दै कास्कीका चोकबहादुर गुरुङ द्वितीय र ३९ मिनेट ४८ः१ सेकेण्डमा उत्तm दुरी पार गरेका दाङ्का रमेश विक तृतीय भए । दोश्रो हुनेले २ हजार तेश्रो हुनेले एक हजार र शान्त्वना हुने दुई जनाले ५९५ सय पुरस्कार पाए ।

 त्यस्तै गोर्खा एण्ड वराह ५ किलोमिटर खुल्ला महिला सडक दौड प्रतियोगितामा टप्स उच्च माविकी लक्ष्मी पाण्डे प्रथम भएकी छन् । छैटौं राष्ट्रिय खेलकुद महोत्सवका लागि ५ किलोमिटर दौडमा पश्चिमाञ्चलबाट छनौट भईसकेकी पाण्डेले २५ मिनेट ५६.९ सेकेण्डमा उक्त दुरी पार गर्दै उपाधी सहित नगद २ हजार जितेकी हुन् ।
त्यस्तै २७ मिनेट २०.९ सेकेण्डमा उक्त दुरी पार गर्दै ज्ञानुवावा आवासिय उच्च माविकी मनिसा अधिकारी द्वितीय र २७ मिनेट ५६ः१ सेकेण्डमा उक्त दुरी पार गरेकी टप्स उच्च माविकी प्रभा चौधरी तृतीय भईन् । दोश्रो हुनेले १ हजार ५ सय तेश्रो हुनेले एक हजार र शान्त्वना हुने दुई जनाले ५९५ सय पुरस्कार पाए ।

ञानुबाबाकी अनिसा चौधरी चौथो, सुक्रराज भलभद्र उच्च माविकी प्रतिक्षा सुवेदी पाचोैं, आयोजक समितिकी प्रेमकुमारी बुठा छैटौं, सुक्रराज वलभद्र उच्च माविकी पवित्रा रसाईली सातौं, सुक्रराजकै प्रतिमा सुवेदी आठांै, पृथ्वीचोककी धनमाया क्षेत्रि नवौं र क्यूकीसीन कराँते डोजोकी सजिना तामाङ १० औं स्थानमा आउन सफल भईन । त्यसै गरी पुरुष १० किलो मिटर दौडमा कृष्ण भण्डारी चौथो, किरण घर्तीमगर पाचौं, प्रकास चौधरी छैटौ, विश्व केसी सातोैं, अमृत नेपाली आठौं, टेकतिलिजा पुन नवौं र सुरेस गुरुङ दशौं स्थानमा आउन सफल भए । उनीहरुलाई प्रमाण पत्र समेत वितरण गरीएको थियो ।

प्रतियोगितामा महिला तर्फ ३६ जना र पुरुष तर्फ ७६ जना सहभागि भएका थिए भने १० बर्षीय वालवालिका दुई जनाले समेत उक्त दुरी पार गरेका थिए । शहिद स्मृति बिद्यालयबाट सहभागि भएकी १० बर्षीया कल्पना गुरुङले ५ किलोमिटर र सोहि बिद्यालयका १० बर्षीय रन्जीत श्रेष्ठले १० किलोमिटर सडक दौड पुरा गरेका हुन । पृथ्बीचोकबाट सुरु भएको सडक दौड पोखराका बिभिनन् भाग परिक्रमा गरी सभागृहमा पुगेर टूंगीएको थियो ।
विजेताहरु धावकहरुलाई कार्यक्रमका प्रमुख अतिथि एकिकृत नेकपा माओवादीका पोलिट ब्युरो सदस्य एवम तमुवान राज्य समितिका ईन्चार्ज हितराज पाण्डे उत्तम, सामुदायिक रेडियो प्रसारण संघका केन्द्रीय उपाध्यक्ष एलपि बन्जरा, खेलकुद पत्रकार मञ्च कास्कीका अध्यक्ष विनोद लामिछाने, गोर्खा बराह ज्वर्लरका प्रबन्ध निर्देशक हरिकुमार धमला, समितिका अध्यक्ष नरबहादुर पुन लगायतले पुरस्कार वितरण गरेकाथिए ।
उक्त गणतान्त्रिक खेलकुद प्रतियोगिता अन्र्तगत गत माघको अन्तीम साता सम्पन्न भएको पश्चिमाञ्चल जिल्ला स्तरीय भलिवल प्रतियोगितामा डिफेण्डीङ च्याम्पीयन स्याङजा जिल्लाले यस बर्षको उपाधि पनि जितेको थियो ।
दिनानाथ बराल, पोखराबाट

 

 

Last Updated on Wednesday, 15 February 2012 03:31

Hits: 782

 हार्दिक श्रध्दाञ्जलि - भिमी देवी राना

मिग मिडिया प्रा.ली द्धारा संचालित

www.rajyasatta.com

सुचना तथा प्रसारण बिभाग

दर्ता नम्बर १६८७/०७६-७७

ठेगाना

ललितपुर १४, ललितपुर

संचालक/प्रधानसम्पादक

हुम बहादुर थापा मगर

मोबाईल ९८४१५९३६०६