A+ A A-

क्रिकेटमा नेपाली महिलाले इतिहास रचे

 

एसीसी यु १९ महिला च्याम्पियससीपको उपाधि नेपालले चुमेको छ । कुवेतमा भएको प्रतियोगिताको फाइनलमा नेपालले थाईल्याण्डलाई ६ विकेट पराजित गरेर उपाधि हात पारेको हो । नेपाली महिला कि्रकेटटोलीको यो लगातार तेस्रो जीत हो । नेपाली टीमको नेतृत्व सम्हालेकी रुविना क्षेत्री 'प्लर अफ द सिरिज' भएकी छन् । ७५ रनको टार्गेटलाई नेपालले सहजै पाखा लगाएको थियो ।

महिला खेलाडीहरुले लगातार १९ औं जित दर्ता गर्दै ह्याटि्रक रचेका हुन । सन् २००८ देखि शुरु एसीसी यु १९ महिला च्याम्पियससीपमा नेपाली टीम एक पटक पनि पराजित भएका छन् । एक पटक पनि नहार्ने नेपाली टीम एक्लो हो । चार वर्ष पहिले थाइल्याण्डमा भएको खेलमा मलेशिया र दुई वर्ष पहिले सिँगापुरमा भएको खेलमा भुटानलाई फाइनलमा हराएर नेपालले उपाधि जितेको थियो । त्यतिबेला दुबै पटक टीमको नेतृत्व नेरी थापाले गरेकी थिइन ।

Last Updated on Saturday, 11 February 2012 10:57

Hits: 731

यसपटक पुन क्लवले जित्यो

हंगकंग – फ्रेब्रअरी ५
पूर्वान्चलको जेठो संस्था खोटाङ समाज हङकङले १५ बार्षिकी उत्सवमा आयोजन गरेको भलिवल प्रतियोगितामा पुन समाज हङकङले विजयी हात पारेकोछ । ९ टिमले भाग लिएको प्रतियागितामा पोल ए बाट पाथिभारा, संखुवासभा, स्याङजा, ताउलेक  र घान्द्रुक समाज रहेकाथिए । यसमध्ये पाथिभारालाई हराई ताउलेक समाज फाइनलमा पुगेको थियो । त्यसै गरि पोल वी बाट  बाग्लुङ, पुन, खोटाङ र पर्वत समाज थिए । यी मध्ये पर्वतलाई हराउदै पुन क्लव फाइनलमा पुगेकोथियो । अन्तमा पुन क्लवले विजयी हात पार्यो। उत्कृष्ट खेलाडि भने ताउलेक समाजका सुर्य बहादुर गुरुङ घोषित भएका थिए । यसअघि मगर संघले आयोजना गरेको कार्यक्रममा  पुन क्लव घान्द्रुक समाजसंग हारेकोथियो । त्यसपछि बाग्लुङ समाजले आयोजना गरेकोमा भने पर्वत समाजसंग उपविजेतामा चित्त बुझाउनु परेकोथियो ।


उत्कृष्ट खेलाडिलाई प्रमाणपत्र र नगद सल्लाहकार बसन्त कुमारि राईले हस्तान्तरन गरेकी थिईन ।  उपविजेता टिमलाई समाजका अध्यक्ष सुबास राईले र विजेता टिमलाई प्रमुख अतिथिले नगद,ट्रफि र प्रमाणपत्र दिएकाथिए । विजेता टिमलाई ६६६६  र उपविजेतालाई  ४४४४ हंगकंग डलर प्रदान गरिएको थियो । ट्रफिहरु हङकङ नेपाली महासंघले प्रायोजन गरि दिएको थियो ।
सस्थाको अध्यक्ष सुबास राईको अध्यक्षतामा सम्पन्न औपचारिक कार्यकक्रमका प्रमुख अतिथि हंगकंग नेपाली महासंघका अध्यक्ष प्रदिप थापामगर थिए ।  अन्य अतिथिहरुमा पर्बत मञ्चका अध्यक्ष बिषन गुरुङ,भारतीय गोर्खा भुपु सैनिक संघका उपाध्यक्ष जजिन चाम्लिङ,किरात राई यायोक्खाका सचिव पिताम्बर राई,तमु ट्यो ह्युलका उपाध्यक्ष रिता गुरुङ , सल्लाहकारहरु किन्दर राई ,बसन्त कुमारी राई,सिके गुरुङ,शशिमदन राई,रेफ्रिहरु जय नारायण चौधरी,लालकाजि राना,प्रकास गुरुङ,बिष्णु गुरुङ, नबिन राई  थिए । खेल बिभाग प्रमुख तथा समाजका उपाध्यक्ष अधिराज राई “प्रकाश’ को स्वागत मन्तब्य रहेको कार्यक्रम सचिव मोहन गुरुङले सञ्चालन गरेका थिए ।

अधिराज राईबाट
फोटो अनिज हंगकंग

Last Updated on Friday, 10 February 2012 02:45

Hits: 718

कविता प्रतियोगिता अमेरिकामा, पुरस्कार नेपालमा

अमेरिकामा आयोजित कविता प्रतियोगिताका विजेताहरुले नेपालमा पुस्कार ग्रहण गरेका छन् । नेपाली साहित्य प्रतिष्ठानले उत्तर अमेरिकामा आयोजना गरेको अन्तराष्ट्रिय कविता महोत्वस २०११ का विजेताहरुलाई राष्ट्रपति डा रामवरण यादवले माघ २० गते काठमाडौं पुरस्कार वितरण गरेका हुन ।
प्रतियोगितामा नुवाकोटका रामबहादुर तामाङ राबत, प्रथम कास्कीका शरण आँसु द्धितीय र गोर्खाका छमु गुरुङ तृतीय भएका थिए । उनीहरुले क्रमशः १० हजार, ३०० र २०० अमेरिकी डलर नगद पुरस्कार प्राप्त गरे ।
कविता प्रतियोगिताका संयोजक विश्वविमोहन श्रेष्ठका अनुसार प्रतियोगिता गत जुलाई १, २ र ३ गते वासिङ्टन डिसीको भर्जिनियामा सम्पन्न भएको थियो । प्रतियोगितामा तीस देशबाट प्राप्त ३६१ वटा कविता प्रस्तुत गरिएको श्रेष्ठले बताए  ।

Last Updated on Wednesday, 12 August 2015 18:27

Hits: 802

अब धुम मचाउने पालो नेपाली कोलावेरीको

तमिल गायक धानुषले गाएको कोलावेरी डिले विश्व संगीत बजार पिट्ने क्रम जारी छ । भारतका स्थानीय भाषामा रिमेक गरिएको यो गीत विश्वका अन्य भाषामा समेत बनिरहेकाछन् । संगीतको भाषा नहुने भने जस्तै यसले पनि जाति, भाषा, धर्म, सिमानालाई छिचोल्दै विश्वमा आफ्नो माधुर्यता फैलाइरहेकोछ ।
नेपालीमा समेत थुप्रै संस्करण बनाइएको यसको लोकप्रियता कत्तिको छ भन्ने उदाहरण यूट्यूवमा यसलाई हेर्ने दर्शक संख्या हेरे प्रष्ट भइन्छ । एउटा भिडियो करौडोले हेरेकाछन् ।


वलिउडकी 'सेक्सी नायिका' उदिता गोस्वामीले समेत नेपाली भाषामा यो गीत गाएकीछन् । यो भर्खर सार्वजनिक भएकोछ ।
यो गीतको प्रख्याती हेर्दा विश्वमा  पहिचानको नाममा बढ्दै गैरहेको ध्रुबीकरण र घृणालाई यदि केहिले मेटाउन सक्छ भने त्यो संगीतको माध्यमबाटै मेटाउन सकिन्छ भन्ने यो एउटा गतिलो उदाहरण बनेकोछ । किनभने प्रभावका लागि विश्वको सबैभन्दा बढी शक्तिशाली मानिएको अग्रेंजी भाषा नै नचाहिंदो रहेछ त्यसका निम्ति  दक्षिण भारतको एउटा स्थानीय भाषा पनि झन बढी शक्तिशाली हुँदोरहेछ ।
मल्टिमिडिया र इटरनेटले जोडेको विश्वमा अब कुनै भाषा, ब्यक्ति, समूदाय, धर्म सानो र ठूलो नहुने यसले प्रमाणित गरिदिएकोछ ।  इंटरनेटले वास्तवमा साँच्चिकै एउटा प्रभुत्ववादी सत्ताको साँघुरो घेरालाई तोड्ने काम गरेकोछ ।

मूल गीत यहाँ छ :

Last Updated on Friday, 10 February 2012 05:10

Hits: 845

Error: No articles to display