A+ A A-

गोविन्दको ‘अधुरो मुस्कान’ आयो

रुद्र श्रीसमगर
पोखरा, १९ माघ


लोकप्रिय सर्जक, गायक तथा मोडल गोविन्द पुनमगरको आधुनिक गीत ‘अधुरो मुस्कान’को म्यूजिक भिडियो सार्वजनिक भएको छ ।


हालसम्म विभिन्न लोक तथा दोहोरी गीत एवं गाउँका गीत ल्याएका गोविन्दले पहिलोपटक आधुनिक गीतको म्यूजिक भिडियो ल्याएका हुन् । उनी आफैंले शब्द लेखेका छन् भने म्यूजिक भिडियोको निर्देशन पनि गरेका छन् । सो गीतमा गायिका तारा श्रीसमगरले स्वर दिएकी छिन् भने गायक एवं संगीतकार नवीन रानामगरको संगीत र आशीष अविरलको एरेञ्ज रहेको छ ।


टाइगर्स फिल्मस् प्रालिको प्रस्तुती रहेको म्यूजिक भिडियोमा गोविन्द आफैंले अभिनय गरेका छन् भने उनलाई अभिनयमा मुस्कान थापा र सिर्जना मगरले साथ दिएका छन् । दानबहादुर श्रीसमगर र मिलन गुरुङको छायाड्ढन तथा सम्पादन रहेको म्यूजिक भिडियोमा मिलन गुरुङले कलरिड्ड र जय गुरुङले श्रृड्डार गरेका हुन् ।


युट्युबमा हेर्नका लागि लिंक ः

Last Updated on Monday, 05 February 2018 17:45

Hits: 527

नीता र मीनाको ‘भुरुरु पुतली तिरीरी मुरली’

रुद्र श्रीसमगर
पोखरा, १९ माघ


चर्चित लोक तथा दोहोरी गायिकाद्वय नीता पुनमगर र मीना गर्बुजामगरले नयाँ गीत ‘भुरुरु पुतली, तिरीरी मुरली’को म्यूजिक भिडियो सार्वजनिक भएको छ ।


दिदीबहिनी इन्टरटेन्मेन्ट म्यूजिक प्रालिको प्रस्तुती रहेको सो लोक दोहोरी गीतको म्यूजिक भिडियोमा रामजी खाँण र आरुसी मगरले अभिनय गरेका छन् । नीता पुनमगरको लय र सीपी मगरको शब्द रहेको सो गीतको म्यूजिक भिडियोको निर्देशन प्रकाश भट्टले गरेका हुन् ।


साई भिजन प्रालिले दृश्य निर्माण गरेको हो भने छायाड्ढन राजेश घिमिरे र सम्पादन विष्णु शर्माले गरेका हुन् । म्यूजिक भिडियोमा रेशम दर्लामीले ड्रोन चलाएका हुन् ।


युट्युबमा हेर्नका लागि लिंक ः

Last Updated on Monday, 05 February 2018 17:43

Hits: 511

बा, मेरो आँखा किन चिम्सो बनाइदिनुभा'को ?

एकदिन,मेरो छोरा सानै छदा स्कुलबाट रुदै आएर सोध्यो ।

बाबा मेरो आँखा किन चिम्सो बनाइदिनुभा'को ?

आज मैले क्लासमा फरर पढ्न नजान्दा

नेपाली सरले रिसाउदै गाली गर्नुभो

यो चिम्सेहरुले पढ्नै जान्दैनन..

चिम्सो आँखाले अक्षर पनि चिम्सै देख्छ हो बाबा?

मेरो पनि आँखा ठुलो भएको भए

अक्षर पनि ठुलै देखेर नेपाली फरर पढ्न सक्थे होला है??

अर्को दिन,

उसरी स्कुलबाट आयो र भन्यो

बाबा हामीले गाइको पूजा नगरेर गरीब भाको रे हो ?

सरले भन्नुभको गाई लक्ष्मी रे पूजा गरे पछी धनी भैन्छ रे !

के तपाईंलाई धनी हुन मन लाग्दैन र बाबा ?

अब हामी पनि सुङ्गुर मासेर गाई मात्र पालौन !

मलाई सुङुरको बारेमा सबै लेख्न आउछ

तर जाचमा गाइको बारेमा मात्र सोध्छ

म अब गाइको प्रत्येक अङ्गहरु गन्न चाहन्छु

सरले भन्नुभाको सुगुर त फोहोरी रे

सुङुरको मासु खाएर म पनि तेस्तै भाको रे

म साच्चै सुगुर जस्तै देखिन्छु हो बाबा??

क्ष बाट क्षेत्रि आउछ तर किन र बाट राइ आउँदैन ??

सुङुरको मासु खाएर अक्षरहरु पनि हामी सङ्ग रिसाएको हो बाबा ??


फेरी, अली ठुलो भए पछी स्कुलबाट आउँदा प्रश्न ल्याउन छोड्यो

किताब र सरको कुरा गलत भन्न सक्न्ने हैसियत नभएको लाचारी बाउलाई बुझ्ने भयो शायद..

बरु, खुशी हुँदै एकदिन आँफैले कोरेको एउटा सुन्दर चित्र ल्याएर भन्यो

हाम्रो ईतिहास पढाउने सरले भनुभाको हाम्रो राष्ट्रनिर्माता प्रिथिवी नारायण शाह रे !

उस्ले गर्दा मात्र हामी नेपाली भएर जन्मिन पाएको रे !

त्येसैले आज उनको जन्मदिनमा मैले उस्को चित्र कोरेर फस्ट भए नि,..

र श्रदाका साथ घरको मुल ढोकाकै माथि टासिदियो त्यो चित्र..

आज, अचानक क्याम्पस बाट आउन साथ

त्यो बर्षौ देखी औंला ठाडो पारेर हाम्रो मुलढोकामा खवरदारी गरिरहेको

आँफैले बनाएको चित्र उस्ले धुजा- धुजा पारेर मिल्काउदै थियो

एउटा ईतिहास लाई च्यात्दै थियो… शायद,,

उस्को बाउले अर्थात मैले बर्षौ देखी दिन नसकेको उत्तर कतै भेट्यो होला..

या,यो युगको भुइचालोले पुरिएको इतिहासहरु लाई पल्टाइ रहेको छ…

 सुष्मा रुपाबुङ 

Last Updated on Monday, 15 January 2018 17:53

Hits: 716

गायक खड्ग गर्बुजा एकल साँझबारे पोखरामा छलफल

 रुद्र श्रीसमगर पोखरा,७ माघ

नेपाल मगर सांस्कृतिक संघ केन्द्रीय समितिको आयोजनामा पोखरामा हुने वरिस्ठ लोकगायक खड्ग गर्बुजा एकल साँझबारे पोखरामा छलफल कार्यक्रम सम्पन्न भएको छ ।

नेपाल मगर सांस्कृतिक संघ कास्कीको व्यवस्थापनमा आइतबार भएको कार्यक्रममा नेपाल मगर संघ कास्कीसहित विभिन्न मगर भ्रातृसंस्थाका प्रतिनिधिबीच सो कार्यक्रमको तयारीबारे छलफल गरिएको हो । आगामी वैशाख महिनामा हुने एकल साँझलाई सफल बनाउन छलफल कार्यक्रमको आयोजना गरिएको मगर सांस्कृतिक संघका केन्द्रीय सदस्य पदम थापामगरले जानकारी दिनुभयो ।

कार्यक्रममा नेपाल मगर संघ कास्कीका अध्यक्ष पूर्णबहादुर रानामगरले मगरकै कार्यक्रम भएकाले सफल बनाउनु सबैको दायित्व भएको उल्लेख गर्नुभयो । लोक कला र संस्कृतिको विकासमा कार्यक्रमले योगदान दिन सक्ने बताउँदै रानामगरले कार्यक्रमको उद्देश्य थप प्रष्ट गरेर अघि बढे सफल हुनेमा कुनै शंका नभएको बताउनुभयो ।

वरिस्ठ लोकगायक खड्ग गर्बुजामगरले एकल गायन कार्यक्रम सफल बनाउन सबैको सहयोगको अपेक्षा गरेको उल्लेख गर्नुभयो । नेपाल मगर पत्रकार संघका केन्द्रीय उपमहासचिव रुद्रबहादुर श्रीसमगरले कार्यक्रम सफल बनाउन सबै एकजुट भएर लाग्नुपर्नेमा जोड दिनुभयो । नेपाल मगर सांस्कृतिक संघ कास्कीका सल्लाहकार गोविन्द पुनमगरले एकल गायन कार्यक्रम सफल बनाउनु कास्कीका लागि प्रतिष्ठाको विषय भएको बताउनुभयो ।

सो अवसरमा नेपाल मगर भूपू सैनिक तथा प्रहरी संघ, कास्कीका अध्यक्ष चन्द्रप्रकाश थापामगर, नेपाल मगर पत्रकार संघ कास्कीका अध्यक्ष रुद्रबहादुर हितानमगर, नेपाल मगर संघ कास्कीका जिल्ला सदस्य झमबहादुर गर्बुजामगरलगायतले विभिन्न सुझाव दिनुभएको थियो । यसैबीच, नेपाल मगर सांस्कृतिक संघ कास्कीले लोकगायक खड्ग गर्बुजालाई स्वागत एवं सम्मान समेत गरेको छ ।

Last Updated on Thursday, 01 February 2018 16:01

Hits: 545

एउटा अस्तित्वको खोजीमा बाँचेको ढुङ्‌गा

दिल थापा, हाल जापान 

 

म ढुङ्‌गा हुँ,

अझ भनौं पहिले पहाडको ढुङ्‌गा 

अहिले नदीको ढुङगा 

वर्षायाममा नदीमा बाढी आउदा ढुङ्‌गा संग  

म ढुङ्‌गै ठोकिएर  

चिल्लो अनि निर्वस्त्र  भएको ढुङ्‌गा ।

मलाई किन हो कुन्नी  

ढुङ्गा भएर नदीको किनारमा शताब्दी सम्म बाँच्दा पनि  

मलाई फेरि बन्न मन छ ढुङ्‌गै 

जन्मन पाए फेरि जन्मन मन छ, भएर ढुङ्गै 

तर नदीको किनारमा 

नदीको पानीसंग होइन 

अहिलेको जस्तो पनि होइन 

मलाई पहिलाकै बन्न मन छ ढुङ्‌गा 

पहाडका अघिल्ला पाइलामा 

ढुङ्‌गा संग ढुङ्‌गो जोडिएर 

अनि अलिकति माटोसंग झगडा परिरहने 

अजिवको प्रेम गरेर ।

म अहिले कति साह्रो चिल्लो 

अनि कति नरम

जता  छामे पनि  

चिल्लै चिल्लो नरमै नरम

पाउदीन म मेरो कुनै स्वरुप अनि संरचना

खाली फगत चिल्लो र नरम 

देखिदा लाग्दो हो कति रुपवान  

आखाहरुलाई 

म अस्तित्व बिना ढुङ्‌गालाई 

म त कस्तो गोलो 

भकुन्डा जस्तो 

थाहा छ मलाई म पहिलाको  

पहाडको अघिल्लातिरको ढुङ्‌गा होइन

सुर नमिलेको 

छान्दा पनि  खस्रो स्पर्श दिने

मलाई पहिलाको जस्तै हुन मन छ, 

रुखहरुको जराहरुसंग अंगालो हालेर बस्न मन छ,

तिखा - तिखा 

अनि चेप्टो चेप्टो 

शिरतिर फुकेको 

बीचतिर सुकेको 

पुच्छर तिर पनि फुकेको 

ठ्याक्कै पहिलाको जस्तै भई 

यो त ढुङ्‌गा हो भनी सम्झन मिल्ने गरी |

मलाई कुटिल राजनीतिको डोजर लगाई 

धर्मको अफिम प्रयोग गरी 

मेरो अस्तित्व ध्वस्त बनायौं 

मलाई पहाडको शिखरबाट लड़ायौं 

म गुल्टीए नदीतिर 

आफ्नो अस्तित्व मेटाउदै मेटाउदै

म नदीको बीचमा बजारिए

झ्याम्म आवाज आफैले सुनिने गरी  

तिमीले सुर नमिलेको भनी संज्ञा दिने  

मेरा संरचनाहरुलाई हात खुट्टाहरुको निशाना सम्झेको थिएं  

तर ति सब निकम्ब भइसकेका थिए 

तुरुलुक्क शीतको थोपा चुहाई

मैले सयौं शताब्दी अगाडी छोडेर आएको थिएँ ।

हो आज म निकम्ब छु, 

अस्तित्व विहीन छु,  

पहिचानविहीन छु, 

म तिम्रा लागि ढुङ्गा नै हुँ, 

तर

एउटा अस्तित्वको खोजीमा छु ।

Last Updated on Tuesday, 02 January 2018 15:40

Hits: 837

 हार्दिक श्रध्दाञ्जलि - भिमी देवी राना

मिग मिडिया प्रा.ली द्धारा संचालित

www.rajyasatta.com

सुचना तथा प्रसारण बिभाग

दर्ता नम्बर १६८७/०७६-७७

ठेगाना

ललितपुर १४, ललितपुर

संचालक/प्रधानसम्पादक

हुम बहादुर थापा मगर

मोबाईल ९८४१५९३६०६