A+ A A-

गायक खड्ग गर्बुजा एकल साँझबारे पोखरामा छलफल

 रुद्र श्रीसमगर पोखरा,७ माघ

नेपाल मगर सांस्कृतिक संघ केन्द्रीय समितिको आयोजनामा पोखरामा हुने वरिस्ठ लोकगायक खड्ग गर्बुजा एकल साँझबारे पोखरामा छलफल कार्यक्रम सम्पन्न भएको छ ।

नेपाल मगर सांस्कृतिक संघ कास्कीको व्यवस्थापनमा आइतबार भएको कार्यक्रममा नेपाल मगर संघ कास्कीसहित विभिन्न मगर भ्रातृसंस्थाका प्रतिनिधिबीच सो कार्यक्रमको तयारीबारे छलफल गरिएको हो । आगामी वैशाख महिनामा हुने एकल साँझलाई सफल बनाउन छलफल कार्यक्रमको आयोजना गरिएको मगर सांस्कृतिक संघका केन्द्रीय सदस्य पदम थापामगरले जानकारी दिनुभयो ।

कार्यक्रममा नेपाल मगर संघ कास्कीका अध्यक्ष पूर्णबहादुर रानामगरले मगरकै कार्यक्रम भएकाले सफल बनाउनु सबैको दायित्व भएको उल्लेख गर्नुभयो । लोक कला र संस्कृतिको विकासमा कार्यक्रमले योगदान दिन सक्ने बताउँदै रानामगरले कार्यक्रमको उद्देश्य थप प्रष्ट गरेर अघि बढे सफल हुनेमा कुनै शंका नभएको बताउनुभयो ।

वरिस्ठ लोकगायक खड्ग गर्बुजामगरले एकल गायन कार्यक्रम सफल बनाउन सबैको सहयोगको अपेक्षा गरेको उल्लेख गर्नुभयो । नेपाल मगर पत्रकार संघका केन्द्रीय उपमहासचिव रुद्रबहादुर श्रीसमगरले कार्यक्रम सफल बनाउन सबै एकजुट भएर लाग्नुपर्नेमा जोड दिनुभयो । नेपाल मगर सांस्कृतिक संघ कास्कीका सल्लाहकार गोविन्द पुनमगरले एकल गायन कार्यक्रम सफल बनाउनु कास्कीका लागि प्रतिष्ठाको विषय भएको बताउनुभयो ।

सो अवसरमा नेपाल मगर भूपू सैनिक तथा प्रहरी संघ, कास्कीका अध्यक्ष चन्द्रप्रकाश थापामगर, नेपाल मगर पत्रकार संघ कास्कीका अध्यक्ष रुद्रबहादुर हितानमगर, नेपाल मगर संघ कास्कीका जिल्ला सदस्य झमबहादुर गर्बुजामगरलगायतले विभिन्न सुझाव दिनुभएको थियो । यसैबीच, नेपाल मगर सांस्कृतिक संघ कास्कीले लोकगायक खड्ग गर्बुजालाई स्वागत एवं सम्मान समेत गरेको छ ।

Last Updated on Thursday, 01 February 2018 16:01

Hits: 422

बा, मेरो आँखा किन चिम्सो बनाइदिनुभा'को ?

एकदिन,मेरो छोरा सानै छदा स्कुलबाट रुदै आएर सोध्यो ।

बाबा मेरो आँखा किन चिम्सो बनाइदिनुभा'को ?

आज मैले क्लासमा फरर पढ्न नजान्दा

नेपाली सरले रिसाउदै गाली गर्नुभो

यो चिम्सेहरुले पढ्नै जान्दैनन..

चिम्सो आँखाले अक्षर पनि चिम्सै देख्छ हो बाबा?

मेरो पनि आँखा ठुलो भएको भए

अक्षर पनि ठुलै देखेर नेपाली फरर पढ्न सक्थे होला है??

अर्को दिन,

उसरी स्कुलबाट आयो र भन्यो

बाबा हामीले गाइको पूजा नगरेर गरीब भाको रे हो ?

सरले भन्नुभको गाई लक्ष्मी रे पूजा गरे पछी धनी भैन्छ रे !

के तपाईंलाई धनी हुन मन लाग्दैन र बाबा ?

अब हामी पनि सुङ्गुर मासेर गाई मात्र पालौन !

मलाई सुङुरको बारेमा सबै लेख्न आउछ

तर जाचमा गाइको बारेमा मात्र सोध्छ

म अब गाइको प्रत्येक अङ्गहरु गन्न चाहन्छु

सरले भन्नुभाको सुगुर त फोहोरी रे

सुङुरको मासु खाएर म पनि तेस्तै भाको रे

म साच्चै सुगुर जस्तै देखिन्छु हो बाबा??

क्ष बाट क्षेत्रि आउछ तर किन र बाट राइ आउँदैन ??

सुङुरको मासु खाएर अक्षरहरु पनि हामी सङ्ग रिसाएको हो बाबा ??


फेरी, अली ठुलो भए पछी स्कुलबाट आउँदा प्रश्न ल्याउन छोड्यो

किताब र सरको कुरा गलत भन्न सक्न्ने हैसियत नभएको लाचारी बाउलाई बुझ्ने भयो शायद..

बरु, खुशी हुँदै एकदिन आँफैले कोरेको एउटा सुन्दर चित्र ल्याएर भन्यो

हाम्रो ईतिहास पढाउने सरले भनुभाको हाम्रो राष्ट्रनिर्माता प्रिथिवी नारायण शाह रे !

उस्ले गर्दा मात्र हामी नेपाली भएर जन्मिन पाएको रे !

त्येसैले आज उनको जन्मदिनमा मैले उस्को चित्र कोरेर फस्ट भए नि,..

र श्रदाका साथ घरको मुल ढोकाकै माथि टासिदियो त्यो चित्र..

आज, अचानक क्याम्पस बाट आउन साथ

त्यो बर्षौ देखी औंला ठाडो पारेर हाम्रो मुलढोकामा खवरदारी गरिरहेको

आँफैले बनाएको चित्र उस्ले धुजा- धुजा पारेर मिल्काउदै थियो

एउटा ईतिहास लाई च्यात्दै थियो… शायद,,

उस्को बाउले अर्थात मैले बर्षौ देखी दिन नसकेको उत्तर कतै भेट्यो होला..

या,यो युगको भुइचालोले पुरिएको इतिहासहरु लाई पल्टाइ रहेको छ…

 सुष्मा रुपाबुङ 

Last Updated on Monday, 15 January 2018 17:53

Hits: 574

काप्रेक गाउँ म्यूजिक भिडियोमा

मनोज घर्ती मगर


गाउँ चिनारीका गीत निर्माण गर्ने क्रम बढ्दो छ । यसै क्रममा शुक्ला गण्डकी नगरपालिका वडा न. १ काप्रेक गाउँ को म्युजिक भिडियो निर्माण गरिएको छ । म्यूजिक भिडियो गरिएको गीतको शब्द रचना तथा छायांकन भेष गुरुङले गरेका छन् भने संगीत डिका गुरुङको रहेको छ ।

भिडियोमा नायिका अनुता गुरुङ, बबिना वाईबा र बिपना गुरुङको अभिनय रहेको छ । बिकाश गुरुङको निर्देशनमा बनेको गीतमा नृत्य निर्देशक लब्सन गुरुङको कोरियोग्राफी रहेको छ । भिडियो निर्माण सुजन गुरुङ र बिबेक गुरुङको संयोजकत्वमा बनेको हो ।

Last Updated on Monday, 25 December 2017 13:18

Hits: 344

एउटा अस्तित्वको खोजीमा बाँचेको ढुङ्‌गा

दिल थापा, हाल जापान 

 

म ढुङ्‌गा हुँ,

अझ भनौं पहिले पहाडको ढुङ्‌गा 

अहिले नदीको ढुङगा 

वर्षायाममा नदीमा बाढी आउदा ढुङ्‌गा संग  

म ढुङ्‌गै ठोकिएर  

चिल्लो अनि निर्वस्त्र  भएको ढुङ्‌गा ।

मलाई किन हो कुन्नी  

ढुङ्गा भएर नदीको किनारमा शताब्दी सम्म बाँच्दा पनि  

मलाई फेरि बन्न मन छ ढुङ्‌गै 

जन्मन पाए फेरि जन्मन मन छ, भएर ढुङ्गै 

तर नदीको किनारमा 

नदीको पानीसंग होइन 

अहिलेको जस्तो पनि होइन 

मलाई पहिलाकै बन्न मन छ ढुङ्‌गा 

पहाडका अघिल्ला पाइलामा 

ढुङ्‌गा संग ढुङ्‌गो जोडिएर 

अनि अलिकति माटोसंग झगडा परिरहने 

अजिवको प्रेम गरेर ।

म अहिले कति साह्रो चिल्लो 

अनि कति नरम

जता  छामे पनि  

चिल्लै चिल्लो नरमै नरम

पाउदीन म मेरो कुनै स्वरुप अनि संरचना

खाली फगत चिल्लो र नरम 

देखिदा लाग्दो हो कति रुपवान  

आखाहरुलाई 

म अस्तित्व बिना ढुङ्‌गालाई 

म त कस्तो गोलो 

भकुन्डा जस्तो 

थाहा छ मलाई म पहिलाको  

पहाडको अघिल्लातिरको ढुङ्‌गा होइन

सुर नमिलेको 

छान्दा पनि  खस्रो स्पर्श दिने

मलाई पहिलाको जस्तै हुन मन छ, 

रुखहरुको जराहरुसंग अंगालो हालेर बस्न मन छ,

तिखा - तिखा 

अनि चेप्टो चेप्टो 

शिरतिर फुकेको 

बीचतिर सुकेको 

पुच्छर तिर पनि फुकेको 

ठ्याक्कै पहिलाको जस्तै भई 

यो त ढुङ्‌गा हो भनी सम्झन मिल्ने गरी |

मलाई कुटिल राजनीतिको डोजर लगाई 

धर्मको अफिम प्रयोग गरी 

मेरो अस्तित्व ध्वस्त बनायौं 

मलाई पहाडको शिखरबाट लड़ायौं 

म गुल्टीए नदीतिर 

आफ्नो अस्तित्व मेटाउदै मेटाउदै

म नदीको बीचमा बजारिए

झ्याम्म आवाज आफैले सुनिने गरी  

तिमीले सुर नमिलेको भनी संज्ञा दिने  

मेरा संरचनाहरुलाई हात खुट्टाहरुको निशाना सम्झेको थिएं  

तर ति सब निकम्ब भइसकेका थिए 

तुरुलुक्क शीतको थोपा चुहाई

मैले सयौं शताब्दी अगाडी छोडेर आएको थिएँ ।

हो आज म निकम्ब छु, 

अस्तित्व विहीन छु,  

पहिचानविहीन छु, 

म तिम्रा लागि ढुङ्गा नै हुँ, 

तर

एउटा अस्तित्वको खोजीमा छु ।

Last Updated on Tuesday, 02 January 2018 15:40

Hits: 696

"तिमी बिना बाच्न सग्दिन म..." गीतको म्युजिक भिडियो युटुबमा सार्वजनिक

मानमा-बहराईन ४ डिसेम्बर,

प्रदेसी भुमी मा रहेर पनि नेपाली गीत संगीतको सिर्जनामा लगनशीलताका साथ लागिरहेका गायक तथा सर्जक नीर बिरही राना मगरले छैठौं सिर्जना "तिमी बिना बाच्न सक्दिन म" लाई १ डिसेम्बर २०१७ का दिन युटुब मार्फत सावर्जनिक गरेका छन् ।

मगर संघ बहराईनको साँस्कृतिक विभागीय सचिव समेत रहेकी वैदेशिक रोजगारीका शिलशिलामा बहराईन पुगेकी लोक गायिका सरिता दर्लामी मगरले स्वरमा साथ दिएकी छन् । शब्द गायक स्वंम् नीर बिरही राना मगर र देब पाठककको छ भने लय नीरकै हो । हिमालयन हर्टको निर्देशन तथा छायांकनमा तैयार भएको उक्त गीतमा कृस रुचाल, प्रन्स नलिना, दिबस ठकुरी, देवी पुन मगर, घर्ती मगर लगायत कलाकारको अभिनय गरेका छन् । उक्त गीतको म्युजिकमा एरन्ज बिलन थापा मगरले गरेका हुन् । गायक तथा सर्जक नीरले यो भन्दा अघि फर्की आउछु, नौमती धुनैले, नाच काले नाच, आदि गीतहरुमा आफ्नो स्वर तथा प्रस्तुती दिइ सकेका छन् ।

नबोल्ने किन हो, भए प्रदेसी, जस्ता गीतहरुमा लय तथा शब्द सिर्जना रहेको गीति एल्बमलाई स्रोता माझ ल्याई सकेका अब्बल कलाकार हुन् । अब छिट्टै आफ्नो नयाँ सिर्जनालाई बजारमा ल्याउने तयारीमा रहेको सम्वादका क्रममा हामीलाई सर्जक नीरले बताए ।

सर्जक तथा गायक नीरलाई साँङ्गितिक यात्रामा निरन्तर सफलताको शिखरमा पुग्न सफल रहोस् हाम्रो शुभकामना सहित हेरौँ यो म्युजिक भिडियो

Last Updated on Tuesday, 12 December 2017 11:01

Hits: 360

Error: No articles to display