A+ A A-

सिक्किममा लाफा सम्मानित

राज्यसत्ता संबादाता

सिक्किम , कार्तिक २८ - मगमगर चलचित्रकर्मी संजोक लाफा मगर सिक्किमको गान्तोकमा सम्मानित हुनु भएको छ ।



अखिल मगर संघ सिक्किमको स्थापना भएको २५ औँ बर्ष, रजत जयन्तीको अवसरमा  सिक्किम सरकार सुचना तथा जनसम्पर्क सहायक निर्देशक विष्णु राना मगर र अखिल मगर संघ सिक्किम महासचिव बिमल थापा मगरको पहलमा मगर भाषा, संस्कृती संरक्षण समिति गान्तोक सिक्किमको आयोजनामा सिक्किमको गान्तोकमा पहिलो पटक सन्जोग लाफा मगर निर्देशित मगर चलचित्र “आसे” र वृत्तचित्र “जिवित तर मृत्यु” प्रदर्शन गरियो  ।



चलचित्र प्रदर्शनको पूर्वसन्ध्यामा लाफा मगरलाई सिक्किम मगर संघका उपाध्यक्ष, केबी घले मगरले सम्म्मान गर्नु भएको थियो । मुग्लान गएका प्रेमीको अन्तहीन प्रतिक्षा आसे चलचित्र र चार दशक बेपत्ता भएका मगर आदिकविको खोजि “जिवित तर मृत्यु” वृत्तचित्र हेरेपछि दर्शक भावबिहल बनेका थिए । 

सिक्किमको बिभिन्न स्थानमा चलचित्र प्रदर्शन गरिनेछ  कार्यक्रममा भारतिय राष्ट्रीय मगर संघका महासचिव, अखिल मगर संघ सिक्किमका कोषाध्यक्ष अबिमाया थापा मगर, पुर्व बिधायक मनिता मगर, विशिष्ट मगरहरुको उपस्थिति रहेको थियो ।

Last Updated on Wednesday, 14 November 2018 13:45

Hits: 569

लक्ष्मी प्रसाद देवकोटा महाकवी होइन, महाचोर कवी हुन -सत्य तथ्य सहित ।

आङकाजी शेर्पा

लक्ष्मीप्रसाद देवकोटालाई“महाकवि“ भन्न मिल्दैन ।

आदिवासी नेवाकोकृति चोर्नेलाई“महाचोर कवि” भन्नुपर्छ ।


१. “मुनामदन“ लक्ष्मीप्रसाद देवकोटाको मौलिक कृति हाेइन । “मुनामदन” आदिवासी नेवा भाषामा लेखिएकाे गीत “ जि वे लछी मदुनी”लाई पर्वते भाषामा अनुवाद गरेर मुनामदन नामाकरण गरिएको हो ।

२. “मुना मदन“ काठमाडौंका एक आदिवासी नेवा ब्यापारीले विवाह गरेर ल्याएको आफ्नो पत्नीसँग एक महिना पनि सँगै नबसी तिब्बतमा ब्यापर गर्न जान लाग्दा उसकाे पत्नीले व्यक्त गरेका बियोग र बेदनाका भावनाहरू समेटेर नेवा भाषामा लेखिएका सुप्रसिद्ध गीत “जि वे लछी मदुनी“ अर्थात “म आएको एक महिना पनि भएको छैन“लाई नेवाहरूले “फाल्चा” (पाटी पवौमा) गाएको लक्ष्मीप्रसाद देवकोटले सुने र पछि पर्वते खस भाषामा अनुवाद गरे र मुनामदन नामाकरण गरिएको हुनाले “मुनामदन“ देवकोटाको मौलिक कृति हाेइन । 

३. “मुनामदन”मा आदिवासी नेवा ब्यापरी र उनकी श्रीमतीको पहिचान र नाम हटाएर आर्य ब्यापरीको नाम र पहिचान राखिएको छ । “मुनामदन” किताबको खोलमा पनि आर्य पुरूष र महिलाको फोटो राखिएको छ ।

४. केही नेवा इतिहासकारका अनुसार नेवा भाषाको नाम “मन मदन” (मन केटीको नाम र मदन केटाको नाम)लाई बिगारेर मुनामदन लेखिएको हो भन्ने दाबी छ ।

५. आदिवासी घाँसीको कृति चोर्नेहरू “आदिकवि” !

६. आदिवासी नेवाको गीत चोर्नेहरू “महाकवि” !

७. आदिवासी नाक र काटनेहरू “राष्ट्रपिता” !

८. जेलमा थुनेकाे आदिवासीबारे केही नलेख्ने, पिजडामा थुनेको सुगाको कविता लेख्नेहरू “कविशिरोमणि” !

सारंशः 
सक्कली इतिहास खोजिनु पर्छ ।
गलत इतिहास सोझिनु पर्छ ।
सबैले आफ्नो मौलिकता रोजिनु पर्छ ।

अन्तमाः 
फेसबुकका मित्रहरू
स्वस्थ बहस र तर्क गरौ ।
असभ्य गाली गलौजको भर नपरौ । 

Last Updated on Wednesday, 07 November 2018 18:16

Hits: 485

"रातो झोला" मा प्रदेशिको ब्यथा लिएर आए गायक भुवन सिं थापा ।

"रातो झोला हातैमा बोकेर"

"आसुँ ढिका आँखैमा रोकेर"
.....आएं परदेश छोडेर जन्म घर ।
आउँला आमा आघुमको दसैंमा बिरानो भो झिलिमिली यो शहर ।


गायक तथा संगीतकार भुवन सिं थापाले निकै मर्मस्पर्शी गिती भिडियो "रातो झोला" सार्वजनिक गरेको छ ।
लोक आधुनिक बिधाको यस गितमा स्वर, शब्द तथा संगीत स्वयम भुवन सिं थापाको रहेको छ साथै गीतको भिडियो डाइरेक्सन, क्यामरा तथा भिडियो सम्पादन समेत स्वयम गायक भुवन सिं थापाकै रहेको छ । बिशेष गरी चाडबाडको बेलामा पर्देशमा रहेका पर्देशिहरुको पिडालाई गीत मार्फत ब्यक्त गर्न खोजेको यस गीतमा कौडा बुढा मगरको एकल अभिनय हेर्न सकिन्छ ।

क्यामरा सहयोगिमा ए वाइबीको र संगीत संयोजन अर्का चर्चित संगीतकार सरोज लामाको रहेको यस गीतलाई म्युजिक नेपालको युट्युब च्यानलले सार्वजनिक गरेको छ ।

Last Updated on Monday, 15 October 2018 16:47

Hits: 713

२०औं वर्ष बित्यो प्रवासको जेलमा, दोष दिउ कसलाई ?

२० बर्ष देखी साउदी जेलमा थुनिएका सन्त बहादुर पुनको व्यथा । 

-हुम सुनारी मगर,
रियाद , साउदी अरेवीया !
Image may contain: 1 person



अब त, नेपाली चाडपर्व के हो थाहा छैन मलाई।

२०औं वर्ष बित्यो प्रवासको जेलमा, दोष दिउ कसलाई ।


सुखी परिवारको कल्पना गरेर प्रवास आएको थेँ।
कमाएर धन पठाउछु है सानु भनेर कसम खाएको थेँ।
प्रवास आएको केहि महिना मै दुर्भाग्य जेलमा परियो।
देश र परिवार सम्झी रुन्छु सधै, कस्तो खेलमा परियो।


अब त, देश र समाज कस्तो भयो थाहा छैन मलाई।
२०औं वर्ष बित्यो प्रवासको जेलमा, दोष दिउ कसलाई ।

सयौं भेडाका गोठाले थियो मेरो जिम्मेवारी।
एक धूर्तले भेडा खोसेर खुब सताउनथ्यो सधैभरि।
भेडा सङ्ख्या घट्दा जवाफ दिनु पर्थ्यो कपिललाई।
वास्तविकता सुनाउँदा झूट भनेर कुटिन्थ्यो आफैलाई।


कालीनदी र पर हिमाल कस्तो भयो थाहा छैन मलाई।
२०औं वर्ष बित्यो प्रवासको जेलमा, दोष दिउ कसलाई ।

धूर्तले भेडा खोसेको कुरा कपिललाई विश्वास नलाग्ने।
एउटै उपाए थियो मसँग त्यो धूर्तमाथि जाइलाग्ने।
त्यसलाई तर्साउन हतियार देखाउने गरे निर्णय।
आइ पो लाग्यो जाइलागे जीवन बन्यो अनिर्णय।


अबत मेरा सबै दौंतरी कस्तो भयो थाहा छैन मलाई।
२०औं वर्ष बित्यो प्रवासको जेलमा, दोष दिउ कसलाई ।

ज्यानमारा मुद्धा सदर गर्न पुग्यो साउदीको अदालत।
२०औं बसन्त जेलको भित्ता हेर्दै बस्नु मेरो धरातल।
अब झुण्ड्याउछ अरे घाँटी रेट्छ अरे भन्ने सुन्छु सबेरै ।
कस्तो जन्म लिएर आएछु दैव मेरो जीवन दिन्छ कसले हे बरै।


मेरी सानु अनि बालबच्चा कता छन् थाहा छैन मलाई।
२०औं वर्ष बित्यो प्रवासको जेलमा, दोष दिउ कसलाई ।


(यो लेख लेख्दै गर्दा आफैले आँशु थाम्न सकिन । साउदी अरेवीयाको जेलमा बिगत २० वर्षदेखि मृत्यू पर्खेर बसेका म्याग्दीका सन्त बहादुर पुनको वास्तविक घटना) 

 

 

Last Updated on Thursday, 18 October 2018 12:55

Hits: 605

आदिकवि रेखबहादुर स्मृति साहित्य पुरस्कारबाट थापा र आले सम्मानित !

प्रेमध्वज गाहा मगर

दमौली,२९ भदौ,  रेख बहादुर सारु स्मृति साहित्य पुरस्कार २०७५ ,बाट मगर भाषाका अग्रज साहित्यकार शिबलाल थापा मगर र संस्कृतिबिद यम बहादुर आले सम्मानित हुनुभएको छ  ।                                                 



मगर भाषाका आदिकबी स्वर्गीय रेख बहादुर सारुको ७५ औं जन्म जयन्तीका अबसरमा , बिहीवार तनहुंको दमौलीमा एक कार्यक्रमको आयोजना गरि थापा र आलेलाई सम्मान गरिएको हो । नेपाल मगर संघ तनहुंको मुख पत्रका रुपमा प्रकाशित  मगर भाषाको पहिलो साहित्यिक पत्रीका ञ सेहेच लामाङ हुइ २०३९ झ का लागी वहांहरुलाई सम्मान गरिएको रेख बहादुर स्मृति साहित्य  प्रतिष्ठानले जनाएको छ ।   पुर्ब मन्त्री समेत रहनुभएका थापा र आले पत्रीकाका तत्कालिन सम्पादक द्वय हुनुहुन्छ  । सम्मान कार्यक्रममा  , पञ्चायतकालिन कठिन समयमा पनि  मगर भाषाको पहिलो पत्रीका प्रकाशन गरेकोमा सम्मानित द्वयको उच्च प्रशंसा गरिएको थियो । 



त्यसैगरी कार्यक्रममा  पत्रिकाका अर्का सम्पादक स्वर्गीय  ले। मान्ध्वज राना र स्व। तुल बहादुर किजिमलाई  पनि मरणोपरान्त सम्मान गरिएको छ ।   त्यस्तै ,उक्त अबसरमा आदिकबि पुत्र शिबकुमार सारुलाई पनि सम्मान गरिको थियो ।  सम्मानित थापा र आलेले रेख बहादुर सारु स्मृति साहित्य पुरस्कारबाट आफुहरु सम्मानित हुन पाउंदा खुशी लागेको र जिम्मेवारीको महसुस समेत भएको प्रतिक्रिया ब्यक्त गर्नुभएको थियो ।                                  

रेख बहादुर सारु साहित्य प्रतिष्ठानका अध्यक्ष खड्क बहादुर आलेको अध्यक्षता एवम गण्डकी प्रदेशसभा सदस्य  माननीय सरिता गुरुङको प्रमुख आतिथ्यतामा  सम्पन्न  कार्यक्रममा                 तनहुँका प्रमुख जिल्ला अधिकारी  भरत कुमार शर्मा ,अधिवक्ता इन्द्र्कुमारी थापा लगायतका ब्यक्तित्वहरुको आतिथ्यता रहेको थियो । 



यसैबिच कार्यक्रममा कबिता प्रतियोगिता  समेत सम्पन्न भएको छ । प्रतियोगितामा नवीन थापा प्रथम ,बसन्ती सारु मगर द्वितीय र प्रदीप राना तृतीय भएका थिए । विजेताहरुलाई प्रमुख अतिथी  माननिय सरिता गुरुङ्ले नगद तथा प्रशंसा पत्र प्रदान गर्नुभएको थियो । प्रतियोगितामा ९ जना मगर भाषाका कविहरुले भाग लिएका थिए । रेख बहादुर सारु स्मृति साहित्य  प्रतिष्ठानकि सचिब रिमा आले मगर र विजय थापाले संयुक्त रुपमा कार्यक्रम संचालन  गर्नुभएको थियो भने  मगर लेखक संघ तनहुँका अध्यक्ष बादल आले मगरले स्वागत मन्तव्य ब्यक्त गर्नुभएको थियो ।

Image may contain: 7 people, people standing

कार्यक्रममा    प्रतिष्ठानका सदस्य मधुसिं थापा मगरले सारङगीको धुनबाट उपस्थित सबैलाई मन्त्रमुग्ध पारेका थिए । त्यसैगरी नेपाल मगर विद्यार्थी संघ तनहुँका विद्यार्थीहरुले कौराहा  नृत्य  प्रस्तुत गरेका थिए ।

Last Updated on Friday, 14 September 2018 16:31

Hits: 603

 हार्दिक श्रध्दाञ्जलि - भिमी देवी राना

मिग मिडिया प्रा.ली द्धारा संचालित

www.rajyasatta.com

सुचना तथा प्रसारण बिभाग

दर्ता नम्बर १६८७/०७६-७७

ठेगाना

ललितपुर १४, ललितपुर

संचालक/प्रधानसम्पादक

हुम बहादुर थापा मगर

मोबाईल ९८४१५९३६०६