A+ A A-

मेलवर्नमा नेपाली सामुदायिक भवन बनाउन घले दम्पत्तिद्वारा सहयोग

राम कुमार श्रेष्ठ

अष्ट्रेलियाको मेलवर्नमा निर्माण हुन लागेको नेपाली सामुदायिक भवन निर्माणका लागि गैरआवासीय नेपाली संघका निबर्तमान अध्यक्ष अष्ट्रेलियाका सफल ब्यबसायी एवं परोपकारी ब्यक्तित्वहरु शेष घले र जमुना गुरुङले दुई लाख अाठ सय अठासी डलर प्रदान गर्ने प्रतिबद्धता जाहेर गरेका छन् ।
अष्ट्रेलियाको बहुसांस्कृतिक समाजमा नेपाली संस्कृति एवं पहिचानलाई स्थापित गर्न यो सामुदायिक भवनले निकै ठूलो महत्व राख्ने मैले विस्वास लिएको छु । यसले अष्ट्रेलियामा नेपाली समाजको एकता र सम्बृद्धिलाई समेत झल्काउने छ । उक्त रकम घोषणा गर्ने क्रममा घलेले भने । सामुदायिक सम्पत्ति सिर्जना गर्ने काममा हरेक ब्यक्तिको सकृयता र अपनत्व हुनुपर्छ भन्नेमा आफुले सधै विस्वास राख्ने गरेको भन्दै घलेले गैरआवासीय नेपाली संघको नेतृत्व गर्दा पनि सोही मान्यतालाई स्थापित गरेको बताए ।
 
सामुदायिक भवन निर्माण गर्न आर्थिक सहयोग जुटाउने उदेश्यले मेलवर्नमा आयोजना गरिएको महापुराण कार्यक्रमको उदघाटनदेखि समापनसम्ममा तीन दिनसम्म गएर महापुराणस्थलमा पुराण श्रवणमा समय दिंदै समापनका दिन आइतबार उनीहरुले सो रकम दान गर्ने घोषणा गरेका हुन् । नेपाली सामुदायिक भवन निर्माणका लागि यति ठूलो रकम दान दिइएको नेपाली डायस्पोरामा सम्भवतः यो पहिलोपटक हो ।
 
यस अघि सप्ताहको तेश्रो दिन भिक्टोरियाका लागि अवैतनिक महावाणिज्यदूत चन्द्र योञ्जन र लक्ष्मी बाट १,००,०००.०० को प्रतिबद्धता जाहेर गरिएको थियो भने त्यसभन्दा अघि सबैभन्दा ठूलो प्रतिबद्धता यस उद्धेस्य प्राप्तीका लागि स्थापित संस्था अस्ट्रेलियन नेप्लिज मल्टिकल्चरल सेण्टरका अध्यक्ष डा चन्द्र दीपक पोखरेल र श्रीमती पोखरेलले कार्यक्रमको दोश्रो दिन २६,५०० डलरको प्रतिबद्धता जाहेर गरेका थिए । 
 
झण्डै साढे दुई दशकदेखि मेलवर्नमा ब्यबसाय गरिरहेका घले दम्पत्तिले सफल उद्यमी एवं परोपकारी ब्यक्तित्वको रुपमा आफूलाई स्थापित गरेका छन ।
 
उनीहरुको पहलमा नेपालको स्वास्थ्य एवं शिक्षा क्षेत्रमा काम गर्नेगरी एक अर्ब रुपैयाँको एमआईटी फाउण्डेसनसमेत स्थापना भएको छ ।
 
पशुपतिनाथ र स्वयम्भुनाथको मन्दिरसमेत अटाउने गरी बनाउन लागिएको नेपाली सामुदायिक भवन निर्माणका लागि मेलवर्नमा रहेका नेपाली समुदायले सकृयतापूर्वक सहयोग प्रदान गरेका छन् । समापनका दिनसम्म महापुराणबाट झन्डै १.१ मिलियन डलरको प्रतिबद्धता जाहेर भएको छ र महापुराण भन्दा पहिलाको समेत गरी जम्मा रकम १.४ मिलियन डलर पुगेको जानकारी कार्यक्रमको समाप्तीका अबसरमा दिइयो । यो संगै अब नेपाली सामुदायिक भवन निर्माण प्रकृया तिब्र गतिमा अगाडि बढ्नेछ ।

Last Updated on Monday, 25 December 2017 12:50

Hits: 33

छोरीको पास्नी खर्च बाढी पहिरो पीडितलाई

 राम कुमार श्रेष्ठ

अबिरल बर्षाको कारण हालसम्ममा २६ जिल्ला बाढीमय भएको छ र कम्तीमा ७० को मृत्यु, ५० बेपत्ता र ३४ हजार घर डुबानमा परी देश प्रलयकारी भूकम्पका कारण राहत पाइ नसक्ता नसक्तै फेरि अर्को राष्ट्रिय शोकमा डुबेको छ । बिस्वको कुनै पनि कुनामा बस्ने नेपाली यस्तो अवस्थामा चैनले बस्न सक्तैनन । भूकम्प पीडितहरुको राहतको लागि बिभिन्न देशबाट जुटाइएको सहयोग यस्को ज्वलन्त प्रमाण हो । 
 
प्रत्येक दिनको पीडादायक समाचारका कारण कुडलिएको मनकै परिणाम अस्ट्रेलियाको जिलोङ निवासी रवी शाह र निता शाहले आफ्नी सुपुत्री अग्रणी राज्य लक्ष्मी शाहको अन्न प्रासन कार्यक्रमको लागि तयारी गरिरहेको बेलामा आएको यो राष्ट्रिय शोकका कारण अन्न प्रासन कार्यक्रम नगरी यस्का लागि गरिने खर्च अस्ट्रेलियन एक हजार डलर धुर्मुस-सुन्तली फाउण्डेशन मार्फत बाढी पीडितहरुको सहयोगार्थ उपलब्ध गराउने निर्णय गर्नु भएको छ । यस्तो उदाहरणीय कार्यक्रमको थालनीको लागि शाह दम्पति धन्यवादका पात्र हुनुहुन्छ ।

Last Updated on Monday, 14 August 2017 13:22

Hits: 123

एफ सी केन्ट भेटरेनले “गोर्खा कप” को भेटेरेन कप पचायो

सुरेन्द्र इङ्नाम

 Image may contain: 18 people, people standing and outdoor

केन्ट, बेलायत - गत २८ मे २०१७ को दिन बेलायतको अल्डरसटमा तमुधिको आयोजनामा भएको “गोर्खा कप” भेटरेन तर्फ एफ सी केन्टले लगातार ३ पल्ट जीतेर यस वर्ष “कप” पचाएको हो ।

यस क्लबको स्थापनाकालदेखि लगातार जीत्दै आएको यस “गोर्खा कप” यस वर्ष भने विषेश रहेको टिम म्यानेजर बुद्धी सुनवार र कोच लोक लीम्बुले जानकारी दिनुभयो त्यस्का साथै नेपाल बाट नेपाल राष्ट्रिय फुटबल टिमकोचलाई स्पोन्सर गरी टिमको प्रोमोसन साथै गोर्खा कपको शोभा बडाइएको जानकारी पनि सुनवारले दिनु भयो ।

भेटेरेन तर्फ ८ टिमले भाग लिएको यस “गोर्खा कप” मा फाईनलमा ईलाम एफ सी लाई भास्कर राईले १ गोल र गुप्तराज चेम्जोङले १ गोल गरी जम्मा २ गोलको विरुद्ध सुन्यमा खेल सकिए पछि “कप” पचाई जम्मा पुरस्कार राशि १५ सय पाउण्ड थाप्न सफल भएको थियो भने भेटेरेन तर्फ उत्तम खेल प्रदर्शन गरी गुप्तराज चेम्जोङले मेन अफ द म्याचको पुरस्कार पनि हात पारेको थियो ।

“गोर्खा कप” कोर्डिनेटरको भनाई अनुसार ६३ टिमहरुले रजिस्टर गर्न खोजे पनि मेन टिम तर्फ ३२ टिमलाई मात्र सहभागी गराउन सकिने भएकोले पहिलो ३२ टिमहरुलाई मात्र रजिस्टर गरि खेलाईएको सो खेलमा मंगोलियन भान्जाजले ब्रिगेड बोईजलाई प्यानल्टि सुटआउटमा हराएर मेन टिमको “कप” जीतेको थियो ।

बिहान ९ बजेबाट शुरु भएको उक्त खेल साझ ८ बजे सकिएको थियो ।

Last Updated on Monday, 29 May 2017 14:31

Hits: 92

नेपाल राष्ट्रिय फुटबल टिमकोच राजुकाजी शाक्य नेपाल प्रस्थान

सुरेन्द्र ईङनाम 

Image may contain: 31 people, people standing and indoor

 

केन्ट, बेलायत - “एफ सी केन्ट भेटेरेन, बेलायत” को स्पोन्सरमा बेलायत आई पुगेका नेपाल राष्ट्रिय फुटबल टिमकोच तथा सहायक मेनेजर राजुकाजी शाक्य गत ३० मे २०१७ को साँझ लन्डन हिथ्रो एयरपोर्टबाट नेपाल फर्किएका हुन ।

फुटबल खेलबाट नेपाल राष्ट्रलाई प्रतिनिधित्व गर्ने, राष्ट्रकै गहना फुटबल खेलाडी राजुकाजी शाक्यले सन १९८१ सालबाट शुरु गरेर सन १९९७ सम्म खेलाडीको रुपमा नेपालकै ईतिहासमा सबै भन्दा लामो समय सम्म खेलेका हुन । वहाले राष्ट्रिय टिममा खेल्न थाले लगत्तै सन १९८४ मा पहिलो साफ गेम जितेको थियो, सन १९९३ मा वहाको टिम क्याप्टेनमा दोस्रो साफ गेम जितेको हो । पछिल्लो समयमा आएर नेपाल राष्ट्रिय फुटबल टिमको कोच गर्दै आएका राजुकाजी शाक्य एक कुशल कोचको रुपमा पनि चिनिन्छन, जुन ज्यलन्त उदाहरण सन २०१६ मा भएको साग गेमको उपाधि नेपालले हात पारेको हो ।


 
बेलायतमा नेपाली समुदाय बिच फुटबल खेल केहि वर्ष यता बाट उत्साह पुर्बक बडिरहेको छ । शुरु शुरुमा भेटघाट तथा मेलाको रुपमा शुरु भएपनि अहिले आएर प्रतिस्पर्धाकै रुपमा खेल हुदै गएको छ । यसै सन्दर्भमा “फुटबल क्लब केन्ट भेटेरेन” को स्थापना २०१४ मा भए यता यस क्लबले २ वर्ष भित्रै धेरै टुर्नामेन्टहरु जितेर छोटो समयमै ख्यातिप्राप्त गरि एक उदाहरणिय क्लब बनेको छ । हालै गत २८ मे २०१७ को दिन तमुधिको आयोजनामा भएको “गोरखा कप” भेटरेन तर्फ लगातार ३ पल्ट जीतेर शिल्ड पचाएको छ । बेलायतमा नेपाली भेटरेन टिमहरुमा सबैभन्दा कुशल टिम चिनिने यस क्लबलाई सम्भवत सबै टुर्नामेन्टहरुमा “एफ सी केन्ट भेटेरेन, बेलायत” लाई कसरि हराउने भन्ने मानसिकता अरु टिमहरुले लिएर आएका हुन्छन । यस क्लबको खेलाडिहरु भन्दा अरु टिमका केहि खेलाडिहरु राम्रा भएपनि यस क्लबको टिमवर्क, खेलाडिहरुविच घनिस्टता, एकआपसको सदभाव रहेकै कारण अरु क्लबहरु भन्दा माथि रहिरहेको हो ।

 

बेलायतको नेपाली समुदाय बिचको फुटबल खेललाई अवलोकन गर्न साथै नेपाल राष्ट्रिय फुटबल टिमकोच राजुकाजी शाक्य लाई सम्मानार्थ र “एफ सी केन्ट भेटेरेन, बेलायत” को प्रोमोसनको लागी राजुकाजी शाक्यलाई “एफ सी केन्ट भेटेरेन, बेलायत” ले स्पोन्सर गरि बेलायत ल्याएको थियो  । बेलायतको भिषा मिलाउन ज्यादै झन्झटिलो र धेरै प्रावधानलाई बिचार गर्नुपर्ने भएकोले यस कार्यलाई टिमका सहायक मेनेजर भास्कर राई र सचिव छबिन्द्र चोङ्बाङलाई केहि जिम्मेवारी दिईएको थियो ।

 

गत २२ मे २०१७ को साँझ बेलायत आई पुगेका शाक्य २८ मे भित्र सहायक मेनेजर भास्कर राईले बिभिन्न ठाउहरुमा नेपाल र बेलायतको फुटबलको बिषयमा अन्तरकृया कार्यक्रमहरु राख्नुभएको थियो । गत २९ मे को साँझ लेमल लिफ रेस्टुरेन्टमा सचिब छबिन्द्र चोङ्बाङले सञ्चालन गर्नु भएको सम्मान तथा बिदाई कार्यक्रममा यस क्लबका म्यानेजर बुद्धी सुनुवारले वहालाई बेलायत बोलाउनको औचिन्य प्रस्ट्याउनु भयो । यस क्लबका सस्थापक स्पोन्सर “गोरखा हिल क्यास एण्ड क्यारी” का सञ्चालक तथा निबर्तमान “फोक्स्टन नेपाली समाज”का अध्यक्ष चन्द्र गुरुङको बाहुलीबाट शाक्यलाई सम्मान–पत्र प्रदान गरिएको थियो भने टिम क्याप्टेन पदम योङ्हाङ र टिम कोच लोक चेम्जोङ्ले वहाको ९ दिने बेलायत बसाई रमणिय भएको होला भन्ने अपेक्षा राख्दै यहा बाट नेपाल सम्मको सफल यात्राको कामना दिए । अन्यमा राजुकाजी शाक्यको बोल्ने क्रममा निकै भावुक भएपछि एकछिन रोकिएर देशलाई उदृत गर्दै राजनितिको उथल पथल र राज्यले खेलाडिलाई प्रोत्साहन नदिएको गुनासो पोख्दै गोल्डकप जीतेर आएपछि सरकारले ३ लाख दिन्छु भनेको रकम अहिले सम्म नदिएकोले नेपाल फुटबल एसुसिएसन बाट राज्य ऋण लागेको सन्दर्भ पनि निकाल्नु भएको थियो । राज्यले जे जस्तै ब्याबहार गरेपनि वहाले आफ्नो कर्तब्य पालना गर्ने बताउनु भयो । एफ ए कोच लाईसेन्स को लागी उनि सन १९९८ मा पहिलो पल्ट बेलायत आएको बताउदै, वहाले अहिले सम्ममा धेरै सम्मानहरु पाई सकेको तर “एफ सी केन्ट भेटेरेन” ले बेलायत बोलाएर गरेको यो सम्मान भने सबैभन्दा ठुलो र भुल्न नसक्ने भएको साथै गोरखा कपमा विषेश अतिथि भएर यस क्लबले शिल्ड पचाएको हेर्न पाउदा धेरै गौरन्वित पनि भएको बताउनु भयो ।


यस क्लबको स्थापना केहि वर्ष यता भएकोले शाक्यको ब्याबस्थापन खर्च संस्था आफैले ब्यहोर्न नसक्ने अवस्था भएकोले केन्टमा रहेका विभिन्न ब्यापारि, संस्था र ब्यक्तित्वहरु “लेमन लिफ रेष्टुरेन्ट, चेरिटन”, “गोरखा प्यालेस”, “गोरखा हिल क्यास एण्ड क्यारी, फोक्सटन” “भान्सा घर आसफोर्ड”, “ओरियन्टल बफे फोक्स्टन”, “प्रीन्स अफ वेल्स, आसफोर्ड”, “गोरखा वरियर”, “फोक्स्टन ट्याक्सि परिवार”,“न्यु क्यास एण्ड क्यरी, चेरिटन”, “बस पाईलट, आसफोर्ड”, “गोरखा रिसोर्सेस”, सगरमाथा गोरखा नेपाली समाज, आशफोर्ड” र सम्पुर्ण यस क्लबका सदस्यहरुबाट केहि रकम उठाएर ब्यबस्थापनमा खर्च गरिएको थियो, त्यसबाट बचेको सम्पुर्ण रकमलाई गिफ्ट स्वरुप रकम खाममा राखेर क्लबको जुनियर सदस्य भ बहादुर पुनको हात बाट हस्तान्तरण गरिएको थियो ।

 

साँझको खाना खाएर राति ११ बजे छुटेपछि भोलिपल्ट क्लबका सदस्यहरु सङ्गम राई, सन्तोस गुरुङ, मोहन राई, भास्कर राई, बुद्धी सुनुवारले साँझ ७ बजे एयरपोर्ट पुर्याएर अन्तिम बिदाई गरेका थिए ।

Last Updated on Thursday, 01 June 2017 15:17

Hits: 98

लण्डनमा वातावरण साहित्य सम्मेलन हुँदै

 बिजय हितान मगर

Image may contain: text

 

 

 

 

 

 

 

 

 

 

 

 

 

 

 

 

लन्डन । विश्व वातावरण दिवसको अवसर पारेर बेलायतस्थित नेपाली साहित्यकारहरूले वातावरणको बिषयलाई केन्द्रबिन्दु बनाएर साहित्य सम्मेलन गर्ने भएका छन् ।

बिज्ञान जस्तै साहित्यमा पनि प्रकृति र वातावरणको संरक्षणात्मक र चेतनामूलक प्रयोगको आवश्यकता आज टड़कारो बनेको छ । यसैलाई लक्षित गर्दै बेलायतस्थित प्राय: सबै साहित्यिक संस्थाहरुको संयुक्त सम्योजनमा यस्तो सम्मेलन गर्न लागिएको संयोजक विजय हितानले बताए । सम्मेलन आगामी जून 4 मा लण्डनको चार्ल्टनमा सम्पन्न हुनेछ । सम्मेलनका पूर्व तयारीहरु- हल बुकिङ, साधनहरुको जोरजाम, खानपनि तथा अतिथि निमन्त्रणा जस्ता ब्याबस्थापन कार्य भैसकेको अर्का सम्योजक सुमल कुमार गुरुङले बताए ।
सम्मेलनमा बेलायतका लागि नेपाली राजादुत दुर्गाबहादुर सुबेदीको प्रमुख आतिथ्य, र मिस युके नेपाल २०१६ टेनिशा रानाको पनि बिशेष उपस्थिती रहनेछ ।
 
स्वस्थ जीवन र समृद्ध पृथिवीका निम्ति वातावरणको स्वस्थता अनिवार्य रहेको छ । विश्वव्यापी रूपमा वातावरणमा आएको ह्रासले गर्दा जीवनको गुणस्तर ओरालो लागेको प्रति चिन्ता गर्दै साहित्यलाई वातावरणमुखी र जीवनमैत्री बनाउन यस्तो साहित्यिक प्रयास बहुमूल्य हुने जनचेतना गत बर्षको पहिलो बातावरण साहित्य सम्मेलनले दिसकेको छ । यो बर्षको बातावरण दिवस ५ जुनमा पर्दछ, जसलाई विश्वभर मनाउन संयुक्त राष्ट्रसंघको बातावरण बिभागले नेत्रुत्व गर्दछ । प्रतेक बर्ष यसको आफ्नै नारा हुन्छ । यसबर्ष 'मानिसलाई प्रकृतिसँग नजदिक्याउनु' (connecting people to nature) यसको नारा  रहेको छ ।   

सम्मेलनमा एघारवटा साहित्यिक सङ्घसंस्था आबद्द हुँदैछन् । सम्मेलनमा एनआरएन युकेको भाषासाहित्य विभाग, विश्व नेपाली साहित्य महासङ्घ युके, अन्तरराष्ट्रिय नेपाली साहित्य समाज (अनेसास) युके, अन्तरराष्ट्रिय नेपाली वाङ्मय प्रतिष्ठान, नेपाली साहित्य विकास परिषद्, नेपाल मुक्तक प्रतिष्ठान, समकालीन साहित्य प्रतिष्ठान, साहित्य चौतारी, साहित्य सङ्गम, प्रबासी नेपाली साहित्य समाज, साहित्य सँगालो डट कमको संयुक्त सहभागिता रहनेछ । विश्वकै जल्दोबल्दो विषयमा सघन चेतनामूलक कार्यक्रम आयोजना हुनु र त्यसमा सबै साहित्यिक सङ्घसंस्थाहरू गोलबद्ध हुनु आफैमा प्रसंसनीय रहेको गत बर्षको कार्यक्रमपछिको सबैको प्रतिकृया थियो ।

ऐतिहासिक रूपमा वातावरण केन्द्रित साहित्य सम्मेलनको सफलताका निम्ति बेलायतस्थित सबै मिडियाहरूले पनि सहयोग गर्दै छन् । आफ्ना उत्कृष्ट वातावरणमैत्री रचनाका साथ उपस्थित हुन सबै भाषासाहित्यप्रेमीमा अपील गरिएकोछ ।

Last Updated on Saturday, 27 May 2017 06:43

Hits: 92

हार्दिक श्रध्दाञ्जलि - गोरे बहादुर खपांगी