A+ A A-

बातावरण साहित्यकार बिजय हितानको इको उदघोष- एक व्यक्ति १ पाउण्ड

-अमित थेबे

आसफोर्ड (बेलायत) १७ चैत,  

विश्व नेपाली साहित्य महासँघले सन २०२० जुन महिना काठमान्डुमा बृहत पर्यावरणीय साहित्य सम्मेलन आयोजना गर्ने भएको छ । इको साहित्यलाई प्रबर्धन गरिरहेको महासँघको बेलायत स्थित साउथ यूकेको प्रमुख संयोजनमा सम्मेलनको आयोजना गरिनेछ ।

शनिबार ३० मार्च २०१९ आसफोर्डमा शाखाको तेस्रो स्थापना दिवस तथा अर्थ आवरको अवसर पारेर आयोजना गरिएको सिर्जना वाचन तथा गायन कार्यक्रममा सम्मेलन आयोजना गर्ने घोषणा गरिएको थियो । वातावरणीय साहित्यको महत्वलाई बहसमा लैजान जून ५ मा पर्ने विश्व वातावरण दिवसका अवसरमा साहित्यकर्मीहरूको बृहत जमघट गराउने परिकल्पनाकार विजय हितानले बताए । शाखाका पूर्व अध्यक्ष समेत रहेका हितानले वातावरणीय सङकटलाई साहित्यका माध्यमबाट प्रकट गर्न आफूहरूले निरन्तर रूपमा इको साहित्यमार्फत अभियान चलाइरहेको बताए । ‘बढ्दो जलवायु परिवर्तनका असरबारे लेखक साहित्यकारहरू तातिने बेला भएको छ,’ उनले भने, ‘काठमाडौँ सम्मेलन मार्फत हामी सबैलाई पृथ्वीको पर्यावरण जोगाउन आह्वान गर्नेछौँ ।’

वातावरण संरक्षणकर्मी समेत रहेका हितानले सम्मेलनलाई सफल बनाउन एक व्यक्ति १ पाउण्ड सहयोग सङकलन अभियान शुरू गरिएको समेत बताए । नेपालमा रहनेहरूले भने १००  रूपैयाँ प्रतिबद्धता शुल्क वापत बुझाउन सक्नेछन् । एक हजार जना आफ्ना नातेदार र साथी भाइहरुबाट एक-एक पाउन्ड सहयोग स्वरुप उठिसकेपछी सन २०२० को अर्थ आवरको दिन यो कोष सङकलन स्थगित गरिने छ । यस अभियानबाट प्रत्यक्ष एक हजार जनालाई बातावरण सम्रक्षण र इको साहित्यको महत्व बुझाउन सकिने उद्देश्य लिईएको छ ।  

यसैगरी, विनेसाम साउथ यूकेको स्थापना दिवसमा डेढ दर्जन बढी कविहरूले आफ्नो सिर्जना प्रस्तुत गरे । कविहरू सेमन्त राई, सुरेन्द्र इङनाम, अमित थेवे, लाहाङ चेम्जोङ, औँतारी साइँला, विश्वासदीप तिगेला, विजय हितान लगायतले पर्यावरणीय कविताहरू सुनाए । स्थानीय केन्ट लिटरेरी ग्रुपमा आबद्ध बेलायती कविहरू फेलिसिटी के र मुर्रे हेलउडले आफ्ना रचनाहरू मार्फत वातावरणीय सङकटबारे बोलेका थिए । त्यस्तै, सुरेन्द्र र सेमन्तको जोडीले बाँसुरी र मादल वाद्देवादन प्रयोग गरेर गीतका धूनहरू प्रस्तुत गरे । कार्यक्रम सञ्चालक थिर थापा मगरले पनि इको गीत सुनाए ।

महासँघ सम्बद्ध लेखकहरूका प्रकाशित कृतिहरू उपर पनि दुई सर्जकले समीक्षा प्रस्तुत गरे । लेखक गणेश पुनले गीतकार भावेश भुमरीको नियात्रा सद्वङ्ग्रह ‘भिषाको रङ’ बारे धारणा राखे । कवि थेवेले हितानद्वारा लिखित निबन्ध सङ्ग्रह ‘इको उत्सर्जन’ माथि चर्चा गरे । कार्यक्रममा बीएफबीएस गोरखा रेडियोका स्टेसन प्रमुख योगराज राई, नेपाल अदिवासी जनजाति महासँघ यूकेका पूर्व अध्यक्ष तुल छन्त्याल, कल्पना हितान, भोज कुमारी लिम्बु, भावना सिङ्गक चेम्जोङको पनि उपस्थिति रहेको थिए ।

सन् २००७ मा अष्ट्रेलियाको सिड्नी सहरबाट शुरु भएको अर्थ आवरलाई विश्वकै भुइँ तहबाट सञ्चालन गरिने सबैभन्दा ठूलो वातावरणीय चेतनाको अभियान मानिन्छ । यो अभियान अन्तर्गत प्रत्येक मार्चको अन्तिम शनिबार करोडौँ अभियानकर्मीहरूले बेलुकी ८.३० बजेदेखि एक घण्टासम्म आफ्नो घरको बत्ती बिजुली निभाएर कार्बन उत्सर्जन कटौतीको अभियानमा ऐक्यबद्धता व्यक्त गर्छन् । अर्थ आवर विश्व वन्यजन्तु संरक्षण कोष (डब्लू डब्लू एफ) को पहलमा शुरु भएको कार्यक्रम हो ।

 

 

Last Updated on Friday, 05 April 2019 06:32

Hits: 37

मगर बौद्ध समाज यु के को वार्षिक उत्सव तथा दोश्रो अधिवेशन भव्य सम्पन्न ।

कृष्ण दर्लामी पुन: निर्वाचित ।

१ डिसेम्बर २०१८ , मिचेट  यु के, मगर बौद्ध समाज बेलायतको वार्षिक उत्सव भव्य सम्पन्न गरेको छ ।

नेपाल मगर संघकी  केन्द्रीय कोषाध्यक्ष कमला थापाको प्रमुख आतिथ्यमा दोस्रो अधिबेशन मार्फत  कृष्ण दर्लामीको नेतृत्वमा १५ सदस्य कार्य समिति निर्वाचित भएका छन ।

अधिबेशनको पहिलो सत्रमा शुभकामना मनतब्य राख्दै प्रमुख अतिथि थापाले मुलुकले बुद्ध धर्मको पँञ्चशील पालना गरेमा अहिले भैरहेको हत्या हिसां, बलात्कार जस्ता जघन्य अपराधमा कमी आउने बताउदै, मुलुक अन्ध बिस्वास बाट मुक्त भएर , देश शान्ति र बिकासको बाटोमा अघि बढने बताइन ।आदीवासी जनजाती महिला महासंघकी संस्थापक अदक्ष्य समेट रहेकी थापाले पूर्ब केन्द्रीय उपाध्यक्ष नन्द बहादुर घर्तीको बिभत्स हत्याको घोर भत्सना गर्दै, अपराधीलाई कानूनको दायरामा ल्याउन नेपाल मगर संगले सबै भूमिका निर्बाह गर्ने जानकारी पनि दिलाईन ।

आदिवासी जनजातिको पहिचान अस्तित्व नामेट पारी उनिहरुको दिन दहाद हत्या हुँदै आए पनि राज्य सत्तामा आशिन हरुले कुनै कथोर सजाई नदिनाले यस्ता गुण्डा हत्यारा हरुको मनोवल झन बढेको हालैका घत्नाले थप पुस्टी गरेको जनाईन ।

मनतब्य राख्ने क्रममा मगर संघ बेलायत,आदिवासी जनजाती महासंघ यूकेका संस्थापक अध्यक्ष ,समाजसेवी तथा नागरिकता निरन्तरता समितिका संयोजक थर्क रानाले, मगर जातिको धर्म बौद्ध भएकोले मगरको धर्मको बारेमा कुनै बिबाद नरहेको बताउदै मगर मात्र नभएर सबैले बुध्द धर्मको अनुशरण गर्नु पर्नेमा जोड़ दिए ।

अधिबेशनमा अध्यक्ष कृष्ण दर्लामीले मानविय जीवनमा बुद्ध धर्मको महत्वको बारेमा अवधारणा प्रस्तुत गरे भने सचिब टिका दर्लामीले कार्य प्रतिबेदन र कोषाध्यक्ष सरला थापाले आर्थिक प्रतिबेदन प्रस्तुत गरी सर्बसहमत बाट पारित गरिएको थियो । यसै गरी रिम गलामी द्वारा प्रस्तुत संसोधन सहितको बिधान पनि पारित भएको थियो । नया कार्य समितिले बौद्ध शिक्षाको ब्यापक प्रचार प्रसार गरी मानव जीवनलाई सुख र शान्ति बनाउने, मंगल बिहारको लागि आगामी ३ बर्ष भित्र आफ्नै बिहार बनाउने जस्ता प्रतिबध्दता जारी गरेको छ ।

मगर बौद्ध समाज बेलायतलको नया कार्य समितिको नामावली

अध्यक्ष: कृष्ण दर्लामी,

उपाध्यक्ष: इन्द्र पुन,

सचिब: टिका दर्लामी,

सह-सचिव: रिम गलामी,

कोषाध्यक्ष: सरला राना

सदस्य: दण्ड थापा, बुद्धि गाहा, भीम राना, पदमा राना, मनु थापा, गजबीर थापा, पदम गाहा, अशोक बुढाथोकी, कुमार राना, अमर पुन लगायतका कार्य समिती चयन् भएका छन ।

पदम गाहा 

Last Updated on Monday, 03 December 2018 18:28

Hits: 198

१६ औँ राष्ट्रिय विभुती महागुरु फल्गुनन्दको १३४ औँ जन्म जयन्ती बेलायतमा सम्पन्न ।

 सुरेन्द्र इङ्नाम – केन्ट, बेलायत गत ११ नोभेम्बर २०१८ को दिन बेलायतको फेल्थाम, लण्डनमा “किराँत सत्यहाङ्मा महागुरु फल्गुनन्द समाज” बेलायत द्धारा १६ औँ राष्ट्रिय विभुती समाज सुधारक महागुरु फल्गुनन्दको १३४ औँ जन्म जयन्ति कार्यक्रम सम्पन्न गरेको हो ।

सदाको वर्षहरु जस्तै यस वर्ष पनि बेलायतको बिभिन्न ठाँउहरु बाट किराँत धर्मका भक्तजन र शुभ चिन्तकहरु भेला भएर १६ औँ राष्ट्रिय विभुती समाज सुधारक महागुरु फल्गुनन्दज्यूको १३४ औँ जन्म जयन्ति समारोहको आयोजना गरेको हो ।

प्रमुख अतिथि कियाचु युकेका पुर्ब केन्द्रिय अध्यक्ष सुबास चन्द्र जबेगु र अन्य अतिथि कियाचु थोरोक शाखाका वर्तमान अध्यक्ष दल प्रसाद आङ्देम्बे, कियाचु युके वेल्स शाखा अध्यक्ष पर्शु वनेम, समाजसेवि तथा लिम्बु भाषा तथा संस्कृति संरक्षक सुबर्ण नेम्बाङ्, पाँचथर समाजका अध्यक्ष चन्द्र सुन्दास, धनकुटा समाजका अध्यक्ष पुर्ण फालेच्छा, संघीय लिम्बुवान यूकेका महासचिव राम ईजाम, मोरङ् नेपाल छेत्र नम्बर ६ का भुतपुर्ब सभासद श्रीमती तारा राई साथै अग्रज समाजसेबिहरुहरुले संयुक्त रुपमा दिप प्रज्वलन गरेर कार्यक्रमको सुरुवात गरेपछि महागुरुको नाममा सेवासाबा रुद्र तुम्बापोले सेवापुजा सुरु गरेको थियो ।

सेवापुजा सकेपछि “किराँत सत्यहाङ्मा महागुरु फल्गुनन्द समाज”का वर्तमान अध्यक्ष दिपक तुम्बापोले महागुरुको जीवनी प्रस्तुत गरेका थिए । कार्यक्रमको मध्यान्तरमा यसै संस्थाका सदस्य श्री पुर्ण कुमार फालेच्छा हालै धनकुटा सेवा समाजको अध्यक्ष जस्तो गरिमामय पद सम्हाल्ने अवसर पाएकोमा संस्थाले कार्यकाल सफलता साथै बधाई दिए ।

अन्त्यमा अध्यक्ष दिपक तुम्बापोले सम्पुर्ण अतिथि, भक्तजन र शुभचिन्तकहरुलाई आजको कार्यक्रममा उपस्थित भई सफल पारिदिएकोमा हार्दिक धन्यवाद तथा कृतज्ञता प्रकट गर्दै कार्यक्रम औपचारिक रुपमा सकिएको र पुजा पछि खानपिनको ब्यवस्ता भएको पनि जानकारी दिदै समापन गरेका थिए ।

विहानको ११ बजे कार्यक्रम शुरु भएर दिउसो ५:३० बजे सकिएको उक्त कार्यक्रममा संस्थाका उपाध्यक्ष रकम चेम्जोङ्ले स्वागत मन्तब्य दिएका थिए र सचिव भगीरथ जबेगुले कार्यक्रम सञ्चालन गरेका थिए ।

Last Updated on Wednesday, 14 November 2018 18:06

Hits: 161

"चिम्खोले काईला "उपराष्ट्रपतिद्वारा सम्मानित ।

 राज्यसत्ता ,

म्याग्दी रघुगंगा गाउँपालिका वडा न. ७ चिमखोला घर भै हाल बेलायतमा बसोबास गर्दै आएका समाजसेवी, पत्रकार तथा साहित्यकार दुत पुन (चिम्खोले काईला) नेपालका उपराष्ट्रपति नन्द बहादुर पुन (पासाङ) द्वारा सम्मानित भएका हुन् |चिम्खोले काईला लामो समय बेदेशी भूमिमा रहेर पनि नेपाल र नेपालीका लागि सामाजिक सेवा, पत्रकारिता क्षेत्र तथा साहित्य क्षेत्रमा बिशेष योगदान पुराए बापत उपराष्ट्रपतिले सम्मान गरेका हुन् |

पत्रकार चिम्खोले काईला एभेरेस्ट टाइम्स साप्ताहिक युकेका प्रबन्ध निर्देशक तथा सम्पादक हुन | उनको अथक योगदानको कारणले गर्दा एभेरेस्ट टाइम्स साप्ताहिक युकेले हालसालै दशौँ बार्षिकोत्सब मनाउन सफल भएको छ | म्याग्दी जिल्ला चिम्खोलामा जन्मिएका चिम्खोले काईला ब्रिटिश सेनाको अवकाश प्राप्त Waarant Officer हुन भने उनि Marketing & Innovation बिषयमा मास्टर डिग्री (MA) मा अध्यनरत छन | प्रबन्ध निर्देशक चिम्खोले काईलाको मुख्य जिम्मेवारी एभेरेस्ट टाइम्सको नियमित ब्याबस्थापन हेर्नु भएता पनि उनले ब्यबस्थापन र पत्रकारितालाई संग-संगै दौडाउछ्न त्यसैले चिम्खोले काईलाले पत्रकारिता क्षेत्रमा पनि बेग्लै छाप छोडिसकेका छन | उनि अन्तराष्ट्रिय पत्रकार महासंघ, नेपाल पत्रकार महासंघ, नेपाल पत्रकार महासंघ युके, आदिबासी पत्रकार महासंघ युकेमा आबद्ध छन |


साहित्यकार चिम्खोले काईला नेपाली साहित्यमा पनि बिशेष रुचि राख्छन भने गीत संगीतमा पनि उत्तिकै रमाउछन | उनले प्रकाशित गरेको साहित्य कृतिहरु: "सुन्दन्ते" र "युकेको जिन्दकी" कबिता संग्रहहरु हुन भने "अर्ली भाई" कथा संग्रह हो | उनले निर्माण गरेका गीत संगीत तर्फका कृतिहरु: "युके तिर जाउली" लोक दोहोरि एल्बम, "लण्डनको कोशेली" आधुनिक गीति एल्बम र "The best of Chimkhole Kaila" (DVD) निर्माण गरेका छन भने उनले चर्चित चलचित्र "मेजर पेन्सन खाउली" पनि निर्माण गर्नुको साथै उक्त चलचित्रको पटकथा तथा गीत समेत उनै चिम्खोले काईलाले लेखेका तथा संकलन गरेका हुन् | साहित्य तथा गीत संगीत संगसंगै बोकेर हिड्ने चिम्खोले काईला देश बिदेशमा रहेका बिभिन्न साहित्यिक तथा गीत संगीतका संघ-संस्थाहरुमा आबद्ध रहेका छन |


समाजसेवी चिम्खोले काईला युकेबासी नेपालीहरुको माझमा उनको नाम समाज सेवामा अग्र पंतिमा आउछ | उनि गैर आवाशीय नेपाली संघ युके, नेपाल पत्रकार महासंघ युके, मगर संघ युके, म्याग्दी प्रबासी नेपाली संघ लागायत बिभिन्न नेपाली संघ- संस्थाहरुमा आबद्ध रही बिभिन्न खाले च्यारिटी कार्यक्रमहरु गर्नुको साथै उनले उक्त संस्थाहरुको महाधिवेशनको निर्वाचन मण्डलमा रहेर कुशल कार्यक्षमता प्रदर्शन गरिसकेका छन |


चिम्खोले काईला पेशाले उनि संयुक्त अधिराज्य बेलायतको रक्षा मन्त्रालयको निजामति कर्मचारी हुन भने उनि मगर संघ युकेका निबर्तामान अध्यक्ष हुन | उनको लगनशीलता, अनुशासन, अनुभब, इमान्दारीता, बफादारीता, दक्ष तथा कुशल कार्यक्षमताले गर्दा नेपालका उपराष्ट्रपति द्वारा चिम्खोले काईलाले यो सम्मान पाउन सफल भएको हो | --

Last Updated on Tuesday, 20 November 2018 14:55

Hits: 186

मगर संघ केन्ट साखाको सातौं अधिबेशन सम्पन्न - अध्यक्षमा क्या रामबहादुर पुन !

बिजय हितान  
 
युके - फोक्स्टोन । आईतबार ४ नोभेम्बर २०१८ का दिन मगर समाज युके केन्ट साखाको अधिवेशन हर्बी ग्रामर स्कुलको सभाहल, फक्स्टोनमा सम्पन्न भयो ।

Image may contain: 12 people, including Basant Shreenet and Manju Thapa, people smiling, people standing

पहिलो चरणमा निबर्तमान अध्यक्ष बिजय हितानमगर र महासचिव इश्वर आले ले बिगत दुई बर्षमा गरिएका कृयाकलापको विवरण प्रस्तुत गर्नुभयो । त्यसैगरी कोषाधक्ष्य रामु थापाले आर्थिक विवरण र अन्य बिभाग सम्हालेका सदस्यहरुले आ-आफ्नो प्रतिबेदन प्रस्तुत गर्नुभएको थियो । साथै महिला उप-समितिकी अध्यक्ष सारदा पुनद्वारा महिलाको प्रतिबेदन प्रस्तुत गरियो ।

दोस्रो चरणको कार्यक्रममा नयाँ कार्यसमिती सर्बसम्मितिद्वारा चयन गरियो । निर्वाचन मन्डलका चार सदस्यहरु- दिपक काउचा, सिता पुन, होम रोका, र रुद्र थापाद्वारा निर्वाचन कार्यलाई सफलताका साथ सम्पन्न गरिदिनुभयो । नयाँ कार्य समितिका सदस्यहरु भिम राकश, दिल्लिराज थापा, आन पुर्जा, कर्ण राना, कुल राना, पृथ्वी थापा, ईन्द्रजित सारु, दिपक बुढा, टोप थापा, पूर्ण थापा श्रिस, चन्द्रा पुन, अस्मिता थापा, जयकला पुन, बिनाम राना, दुर्गा आले, तोया श्रिस, पदम बालम्पाकी  हुनुहुन्छ ।

Image may contain: one or more people, people standing and indoor

सम्पत्ति रेखदेख सचिव याम थापा; खान-पिन सम्योजन सचिव दलबिर गाहा र खान-पिन सम्योजन सह सचिव ससिराम पुन; संचार सचिव मानबहादुर थापा; साँस्कृतिक सचिव ओमकुमारी पुन, सह सान्स्कृतिक सचिव विश्वजित थापा; कोषाध्यक्ष रिम काउचा र सहकोषाध्क्ष जय पुन; सचिव कमारे बुढा; उपाध्यक्ष क्या नानीबाबु मगर , र अध्यक्ष क्या रामबहादुर पुन निर्बाचित हुनुभयो । कार्यक्रमको अन्त्यमा उपस्थित जनसमुदायबाट निबर्तमान कार्यसमितीलाई बिदाइ धन्यवाद, र नवनिर्बाचित कार्यसमितिलाई स्वागत तथा बधाई ज्ञ्यापन गरिएको थियो ।

अधिबेशनको पर्यबेक्षकता मगर संघ युके का महासचिव लाल पुन, घन थापा, रमेश सारङ्कोटि, र नरेश खपाङी ले गरिदिनुभएको थियो ।   

 

Last Updated on Monday, 05 November 2018 01:34

Hits: 306

 हार्दिक श्रध्दाञ्जलि - ज्ञान बहादुर गाहा मगर