A+ A A-

मगरघाट समिक्षा भवन निर्माण सहयोगका निमित्त हार्दिक अपिल !

 

मगरघाट समिक्षा भवन निर्माण सहयोगका निमित्त श्रद्धेय मगर तथा सम्पूर्ण नेपाली महानुभावहरूमा हार्दिक अपिल !

अादरणिय महानुभावज्यूहरू हजाराै बर्ष अघिका अादिम मानव रामापिथेकषको भूमी शान्तिका अग्रदूत भगवान बुद्ध सिद्धार्थ गाैतमकाे पवित्र जनम भूमी श्रद्धालु भक्तजनहरूको अटुट विश्वास श्री शिद्धबाबा मन्दिर अबस्थित बुटवल उपमहानगर पालिका र तिलोत्तमा नगरपालिकाको सिमानामा रहेको योगिकुटीबाट झन्दै ५०० मिटर पश्चिम तिलोत्तमा नदी, तिनाउ नदिको पावन काख किनारमा अवस्थित मगरघाट बिक्रम सम्बत २०३९ सालमा स्थापना प्रारम्भ भएको हो । २०४७ साल यता मगरघाटले विकाश निर्माणमा ब्यापकरूपमा गति लिन थाल्यो ।
मगरघाट नामाकरण भएतापनि सबै नेपालीहरूको परम्परा अनुरूप सार्वजनिक दाहसंंस्कारको रूपमा यो बिकसित भएको छ ।
अार्यघाट जस्तै- बिकाश निर्माण तपसिल बमाेजिम भइरहेका छन ।
१- क्रियापत्री बसने घर निर्माण गर्ने ।
२- चमेना गृह निर्माण गर्ने ।
३- पुरूष-महिलाको शाैचालय निर्माण गर्ने ।
४- मगरघाटको हाता भित्र बिभिन्न स्थानमा बृक्षारोपण गर्ने ।
५- घाट संरक्षणका निमित्त तिनाउ नदीमा तटबन्ध गर्ने ।
६- दाहसंस्कार गर्नको निमित्त बिधुतिय भट्टी निर्माण गर्न सरकार, संघसंस्था संग सहयोग माग गर्ने ।
७- पिउने पानी टंकी निर्माण गर्ने ।
८- हाल निर्माण भइरहेको ५०० ब्यक्ति अटाउने क्षमताको भवन निर्माण भैरहेको सहर्ष जानकारी गराउदै देश बिदेशमा रहनुहुने महानुभावहरू प्रति अाग्रह गर्दै हङकङमा पनि उक्त भवन निर्माणका निमित्त यथा सक्य अार्थिक सहयोग गरिदिनुहुन हार्दिक अपिल गर्दछाै ।

प्रार्थीः
संयोजक- हेम राज थापा, एवम सदस्यहरू, सल्लाहकारहरू
मगरघाट संयोजक समिति हङकङ ।

तस्विरहरूः

Last Updated on Monday, 22 August 2016 10:17

Hits: 874

निरज गुरुङ पछि अर्का नेपाली पुन: हङकङ पुलिसमा छनोट हुन सफल !

काजी गुरुङ
हङकङ, अगस्त १५ - गण्डकी अञ्चल कास्की, सात मुहाने देउराली गाबिस-८ पूर्ख्यौली घर भई सन १९९५ मा भारतीय गोर्खा सैनिकको जागिर छोडेर हङकङ आएका मिन बहादुर गुरुङ र श्रीमती बिष्णु माया गुरुङले पहिलो सन्तानको रुपमा सन १९९६ मा कुशल गुरुङलाई जन्म दिए। पछि कुशल गुरुङले सन आईल्याण्ड किन्डर गार्टेनबाट नर्सरी तह, डेलिया मेमोरियल स्कूलबाट प्राथमिक र माध्यमिक तहको पढाई पूरा गरे।

माध्यमिक तहको पढाई अध्ययनको सिलसिलामा हिमालय परियोजना युनलोंग जिल्ला (Project HIMALAYA Yuen long District) ले आयोजना गरेको बिभिन्न कार्यक्रमहरुमा सहभागीता हुंदै सोही परियोजनाकै मार्ग निर्देशनमा हङकङ पुलिस फोर्समा दोस्रो पटक नेपालीको प्रतिनिधित्व गर्दै छनोट हुन सफल भएको छ।

कुशल गुरुङ हिमालय परियोजना अन्तर्गत हङकङ पुलिस फोर्समा छनोट हुन सफल भएको खुशीयालीमा हिमालय परियोजनाले युनलोंगस्थित पुलिस स्टेशनमा अवस्थित कार्यकक्षाको सभा हलमा बधाई तथा शुभकामना कार्यक्रमको आयोजना गरेका थिए। कार्यक्रममा  HONG KONG POLICE FORCE, District Commander, Yuen long का Mr.Fok  लगायत अन्य पुलिस अफिसरहरुको पनि सहभागिता रहेको थियो।

कार्यक्रममा कुशल गुरुङलाई HONG KONG POLICE FORCE, District Commander, Yuen long का Mr. Fok ले हङकङ पुलिस फोर्समा छनोट हुन सफल भएको खुशीयालीमा बधाई तथा शुभकामना ब्यक्त गर्दै युनलोंग जिल्ला पुलिस अंकित मायाको चिनो प्रदान गरे।  यसैगरी उपस्थित युनलोंग जिल्लाका पुलिस अफिसरहरुले पनि बधाई तथा शुभकामना ब्यक्त गर्दै हात मिलाएका थिए। बधाई तथा शुभकामना ब्यक्त गर्ने क्रममा HONG KONG POLICE FORCE, District Commander, Yuen long का Mr. Fok ले निरज गुरुङ पश्चात हङकङ पुलिस फोर्समा छनोट हुन सफल दोस्रो नेपाली भएको बताए। हङकङ पुलिस फोर्सको तालिम ६ महिनाको हुने र ६ महिना तालिम पुरा गरे पश्चात कुशल गुरुङले निरज गुरुङ सरह नै हङकङ पुलिस फोर्सको पोशाक पहिरिने छन ।

स्मरण रहोस, गत बर्ष मात्रै स्याङ्जाका निरज गुरुङ्को मेहनतले पाएको सफलताले वीर गोर्खालीको नाम अझ उच्च बनेको थियो भने हङकङबासी  सिंगो नेपालीको गौरव बन्न सफल भएका थिए। यसैगरि लागू दुर्व्यसनमा नेपाली युवाको चढ्दो तथ्याँकमा नेपाली पुस्ता जेहेन्दार पनि छन भन्ने सन्देश दिदैं युवाहरूको लागि एउटा उदाहरणीय बनेका थिए निरज गुरुङ र आज आएर पुनस् अर्का नेपाली उसको आफ्नो मेहनतले नै भन्नु पर्छ स्थानीय सरहको स्थानमा पुग्न सफल भएको छ।

त्यो सानो तहको कर्मचारी किन नै नहोस। सायद यस सफलतामा कति पय अभिभावकहरुको रुचि, चाहना तथा आकांक्षा होलान पनि। तपाईहरु पनि आफ्नो छोराछोरीहरुलाई निरज गुरुङ र कुशल गुरुङ जस्तै हङकङको पुलिस बनाउंने इच्छा, चाहना तथा आकांक्षा भए हिमालय परियोजनामा भर्ना गर्न सक्नुहुनेछ। जसबाट तपाईंको निपुण९ परिपक्क,योग्य छोराछोरीहरुलाई धेरै हदसम्म सहयोग गर्नेछ।     

अन्तमा, मेरो तर्फबाट पनि कुशल गुरुङ्लाई निरज गुरुङ पश्चात हङकङमा नेपाली समुदायहरुको बीचमा एउटा अर्का सफल नायक, एैतिहासिक रच्न सफल ब्यक्तित्वको रुपमा परिचित हुने सौभाग्य प्राप्त गरेकोमा धेरै धेरै बधाई तथा शुभकामना सहित अगाडिको पाईलाहरु अझ लम्किएर जाओस भन्ने आशीर्वाद पनि दिन चाहन्छु। आशा छ यो सफलतालाई हङकङबासी महानुभावहरु कसैले पनि नकारात्मक दृष्‍टिले हेर्नुहुनेछैन भन्ने। हुन्छ भने आउंनुहोस निरज गुरुङ र कुशल गुरुङ जस्तै अन्य नेपाली युवाहरुलाई पनि हङकङ पुलिसमा भर्ती हुनको लागि प्रोत्साहन तथा हौसला प्रदान गरौं।

स्मरण रहोस, कुशल गुरुङका १३ बर्षिय सहोदर भाई लेनिक्स गुरुङ लगायत केही नेपाली युवा र पाकिस्तान मूलका युवाहरुले हाल सो हिमालय परियोजनामा चाइनिज भाषाको कक्षाहरु देखी खेलकुद तथा बिभिन्न गतिबिधिहरुको निशुल्क तालीम लिंदैछन।

Last Updated on Monday, 15 August 2016 11:16

Hits: 500

हङकङमा गुरुङ चलचित्र फ्रिसी भब्यताका साथ प्रदर्शित !

मुककाजी गुरुङ

 हङकङ, ८ अगस्त- ७ अगस्त २०१६ का दिन याउ मा तेईस्थित कम्यूनिटी हलमा गुरुङ भाषामा आधारित गुरुङ चलचित्र फ्रिसी  अपार सफलताका साथ प्रदर्शन भएको छ।

चलचित्र शुरु हुनु अगाडि औपचारिक कार्यक्रम मार्फत नेपालबाट आमन्त्रित फ्रिसी चलचित्रका लेखन तथा निर्देशक युग गुरुङ, हङकङ निर्माताहरु पुकार गुरुङ, किशोर गुरुङ र ज्ञान (श्री) थापा लगायत नेपालबाट २२ औं विश्व आदिबासी दिवसको अवसरमा सहभागी हुन आएका चलचित्र कर्मी नबिन सुब्बालाई मञ्चमा अतिथिको रुपमा आसिन गराएका थिए।

यसैगरि अन्य अतिथिहरु तमु प्ये ल्हु संघ हङकङका अध्यक्ष जितेन्द्र गुरुङ, लमजुङ सेवा समितिका निवर्तमान अध्यक्ष बिजय गुरुङ, तमु ट्हो ह्युल हङकङका प्रतिनिधि तथा उपाध्यक्ष कुमार गुरुङ, नेपाली महिला संघ हङकङकी अध्यक्ष टिका गुरुङ, जिफान हङकङकी उपाध्यक्ष माया गुरुङ, नमो बुद्ध जोर्डनका अध्यक्ष पदम कुमारी गुरुङ, समाजसेवी तथा युम्पो देउराली चलचित्रका हङकङ निर्माता दिलिप गुरुङ र अर्का समाजसेवी तथा कानून ब्यबसायी देव गुरुङ पनि अतिथिको रुपमा आसिन थिए।

जनसम्पर्क समिती हङकङका महामन्त्री मिन गुरुङ्द्वारा सञ्चालित कार्यक्रमलाई चलचित्र कर्मी नबीन सुब्बाले स्वागत मन्तब्य ब्यक्त गरेका थिए। बोल्ने क्रममा सुब्बाले गुरुङ समुदायमा युग गुरुङले गुरुङहरुको भाषा, संस्कार तथा संस्कृतिलाई संरक्षण, सम्बर्द्धन तथा प्रबर्द्धन गर्नको लागि गुरुङ चलचित्रलाई विश्व ब्यापी बनाउंने अभिप्रायले निरन्तर लागि रहेको बताउंदै चलचित्र कर्मी युग गुरुङको प्रशंसा गरे। लगभग २० बर्षदेखि युग गुरुङसंगको लामो संगत र गुरुङ समाज प्रति युग गुरुङले जुन कार्य गरिरहेको छ, त्यो वास्तबमै गुरुङ समुदायको लागि मात्र नभएर आदिबासी जनजातिको लागि पनि अहोभाग्य भएको बताए।

यसैगरि आफु लगायत आदिबासी चलचित्रकर्मीहरु बिशेष गरेर हङकङमा रहेका गुरुङ समुदायप्रति आभार प्रकट गरे। यस प्रकारले कि प्रवासमा बस्ने तमाम गुरुङ समुदाय साथै आदिबासी जनजातिहरुको कारणले आदिबासी जनजाति चलचित्रकर्मीहरु गौरवसाथ आदिबासी चलचित्रहरुलाई ब्यबसायीकरण गर्न पाईरहेको बताए र यो २० बर्षको दौरानमा युग गुरुङले चलचित्र क्षेत्रमा गरेको योग्दान जसले आदिबासी चलचित्रलाई ठुलो योग्दान दिएको बताए। यसगरी फ्रिसी चलचित्रका लेखन तथा निर्देशक युग गुरुङले गुरुङ भाषा, संस्कार तथा संस्कृतिलाई संरक्षण, सम्बर्द्धन तथा प्रबर्द्धनको लागि गुरुङ चलचित्रको माध्यमबाट निरन्तर लागि रहेको बताए र गुरुङ जीवनको अन्तिम घडीसम्म पनि गुरुङहरुको भाषा, संस्कार तथा संस्कृतिको संरक्षण तथा सम्बर्द्धनको लागि लागि रहने बताए। जसको लागि हङकङमा फ्रिसी चलचित्र लिएर आएको र यो क्रम निरन्तर चलिरहने बताए।

बोल्ने क्रममा गुरुङले हालसम्म गुरुङहरुको ब्यबहारिक रुपमा आफ्नो लिपी नभएको हुंदा भाषा जोगाउने मुख्य माध्यम भनेको नै चलचित्र एक हो र हङकङबासीहरुको माया र सहयोग प्राप्त भई रहने छ भन्दै आशावादी रहे र अन्तमा फ्रिसी चलचित्रलाई माया गरेर चलचित्र हेर्न पाल्नु भएका सम्पूर्णलाई धन्यवाद ब्यक्त गर्दै चलचित्र हेरी सकेपछि कमी कमजोरीलाई प्रतिकृया दिनको लागि अनुरोध गरे। चलचित्र कास्की जिल्ला अन्तर्गत गुरुङहरुको बाक्लो बस्ती सिक्लेस गाउंमा छायांकन गरिएको छ। यसैगरि यस चलचित्रमा मायाप्रेम देखि लिएर कुलतमा फसेका युवाहरुको लागि शिक्षा मुलक रहेको र गुरुङ्हरुको संस्कृतिमा आधारित रहेको छ। यस चलचित्रमा मुख्य कलाकारको रुपमा प्रतिक गुरुङ र धन माया गुरुङ नायक तथा नायिकाको भूमिकामा देखा परेकाछन ।

अन्य कलाकारहरुमा पूजा गुरुङ, सुनिल गुरुङ, प्रतिमा गुरुङ र राजेन्द्र थापा आदिले अभिनय गरेको देखिन्छ।रञ्जिन गुरुङले यस चलचित्रलाई छायांकन गरेको छ भने सह( छायांकन सुमन गुरुङले गरेका छन। यसैगरि प्रबिन नेपालीले सम्पादन र जसु गुरुङले नृत्य निर्देशन गरेकी छिन। ङै घट्कन बिले पनि ङै खुशी बिले पनि , खैमो ङी रोधीर, स्यना मादल रादी र मुलर बे क्यु थुंबै जस्ता गुरुङ गीतहरुलाई धन बहादुर गुरुङ, सरुन गुरुङ, शान्ति गुरुङ र निता गुरुङले स्वर दिएका छन। ह्वाइट लोटस प्रा लि को पाचौं प्रस्तुतिमा निर्मित उक्त चलचित्रलाई लेखन तथा निर्देशक युग गुरुङ (नेपाल), पुकार गुरुङ ९हङकङ०, किशोर गुरुङ (हङकङ), ज्ञान थापा(हङकङ) र झरना कुमार थापा ९हङकङ० लगायत कोरिया, युके, जापान, युएई र अष्ट्रेलियाका गरि दर्जनभन्दा धेरै ब्यक्तिहरुले निर्माण गरेको देखिन्छ। चलचित्र प्रदर्शन पश्चात दर्शकहरुले चलचित्र गुरुङ संस्कृतिमा आधारित बनेको र कुलतमा फसेका युवाहरुलाई शिक्षा मुलक रहेको भन्दै छोटो मिठो र माया प्रेम सम्बन्धि रहेको पनि बताए।

 

Last Updated on Wednesday, 10 August 2016 15:58

Hits: 598

हङकङमा २२ औं बिश्व आदिवासी दिवस सम्पन्न, हंगकंगले उर्जा दियो लिम्बु


भिम बरही मगर, ९ अगष्ट हंगकंग, आदिवासी जनजाति महासंघ हङकङको आयोजनामा २२ औं बिश्व आदिवासी दिवस याउ मा तेइ कम्युनिटी हलमा सम्पन्न भएको छ । आदिवासी जनजाति फिल्म एसोसियसनका अध्यक्ष तथा फिल्म निर्दैशक नबिन सुब्बाले प्रमुख आतिथ्य ग्रहण गर्दै  सम्बोधन गरेका थिए । आदिवासी जनजातिको हक अधिकार र राज्यले गरेको बिभेदको बारेमा बोल्दै हंगकंगले नेपाल गएर काम गर्नको लागि उर्जा दिएको सुब्बाले बताए । एविसी टेलिभिजनका पत्रकार मिलन लिम्बुले पनि बिशेष अतिथ्य ग्रहण गर्दै सम्बोधन गरेका थिए ।

नेपाली महासंघ हङकङकी अध्यक्ष रिता गुरूङ तथा आदिवासी जनजाति महासंघ हंगकंगका पुर्व अध्यक्ष भुपेन्द्र चेम्जोङले पनि बिषेश अतिथ्य ग्रहण गरेका थिए । चेम्जोङले आदिवासी जनजातिको बारेमा प्रस्ट्याएका थिए । अन्य संघ संस्थाका अध्यक्ष तथा प्रतिनिधीहरूले अतिथ्य ग्रहण गरेका थिए । सघंका अध्यक्ष एम बि थापा मगरको अध्यक्षतामा महासचिब हस्त मास्वाको सञ्चालनमा आदिवासी जनजाति युवा संघका सचिब तिलक सोमै मगरले स्वागत मन्तब्य दिएका थिए । प्रमुख अतिथि नबिन सुब्बा र बिशेष अतिति मिलन लिम्बुलार्इ कदरपत्रले बिशेष सम्मान गरिएको थियो ।

आदिवासी बर्ष पुरूषमा भवेश घिसिङ र बर्ष चेलीमा कविता रार्इलार्इ सम्मान गरीएको थियो । रेष्मा गुरूङले आदिवासी जनजाति भनेको के हो भन्दै प्रस्ट पारेकी थिइन ।  

आदिवासी जनजातिको हक अधिकारको बारेमा, प्रशासनिक निकाय र दलिय राजनिति निकायमा भैरहेको बिभेद साथै भुकम्प पिडितहरूमा पनि आदिवासी जनजातिलार्इ राज्य र राजनितिक दलले गरेको बिभेदको बारेमा छुट्टा छट्टै बृत्तचित्र प्रर्दशन गरीएको थियो । आदिवासी जनजातिको भेष भुषा पनि प्रर्दशन गरीएको थियो ।

Last Updated on Wednesday, 10 August 2016 17:11

Hits: 687

मगर संघ हङकङको १९ औं बार्षिक उत्सब सम्पन्न

भिम बरही मगर, ७ अगष्ट हंगकंग, मगर संघ हङकङको १९ औं बार्षिक उत्सब याउ मा तेइ कम्युनिटी हलमा "आजको आवश्यक्ता, मगरहरूको एकता । बिश्वको मगरहरू एक हौं, हाम्रो भाषा संस्कृतिलाई संरक्षण गरौं" भन्ने मुल नाराका साथ सम्पन्न भएको छ । संघका निबर्तमान उपाध्यक्ष श्री प्रेम बहादुर थापा मगरले प्रमुख आतिथ्य ग्रहण गर्दै  सम्बोधन गरेका थिए । नेपाली महासंघ हङकङकी अध्यक्ष रिता गुरूङ तथा आदिवासी जनजाति महासंघ हंगकंगमा अध्यक्ष एम वि थापा मगरले बिषेश अतिथ्य ग्रहण गरेका थिए । अन्य संघ संस्थाका अध्यक्ष तथा प्रतिनिधीहरूले अतिथ्य ग्रहण गरेका थिए । सघंकी अध्यक्ष चन्द्रा ज्योति आले मगरको अध्यक्षतामा महासचिब बोध बिक्रम थापा मगरको सञ्चालनमा उपाध्यक्ष थल श्रीस मगरले स्वागत मन्तब्य दिएका थिए । आजिवन सदस्यहरूलाई ताम्रपत्र प्रदान गरीएको थियो ।  बिभिन्न क्षेत्र तथा बिधाहरूमा सफल भएका तर संघलार्इ बिशेष योगदान पुर्याउने ब्यक्तित्वहरूलाई कदरपत्रले सम्मान गरिएको थियो ।

शिक्षा क्षेत्रबाट 
(1) गोबिन राना मगर MBA (Finance) 
Studied:- Sona school of management Tamil Nadu India. 
Teaching:- City university of HK (Finance) 
(2) ईन्द्र पुर्जा पुन मगर (Taxation Account) 
(3) बल सिं राना मगर (Bachelor degree electric & Communication engineer (City University HK) 
(4) साबित्री गर्बुजा पुन मगर (Nursing) 
(5) राम पुन मगर (Computer Engineer) 
(6) संदिप पुन मगर Royal Brisbane International collage (Advance Diploma of Hospitality) 
(7) तुल्सी पुन मगर (Diploma of secondary education Finance from London) 


समाजिक क्षेत्रबाट (1) देवान सिं पुन मगर (अध्यक्ष, बाग्लुङ समाज हङकङ) (
2) चित्रकला थापा मगर (कोषाध्यक्ष, मगर महिला संघ हङकङ) 
(3) सर मायां अर्मजा पुन मगर (समाजसेबी) 



भातृसंस्थाबाट (
1) जस चोचाङ्गी मगर (अध्यक्ष, पुन मगर समाज हङकङ) (
2) गोपाल थापा मगर (अध्यक्ष, लाङघाली कल्याण समाज हङकङ) 



ब्यवसायी क्षेत्रबाट (1) पोषन थापा मगर (युनिभर्सल ईन्सटिच्युट हङकङ) 



कला क्षेत्रबाट
 (1) मिना राना मगर (भुपु अध्यक्ष, मगर रोष गुमाष्ठा हङकङ) (
2) होम श्रीष मगर (अध्यक्ष, नौमती बाजा मगर संघ हङकङ) 



 खेलकुद क्षेत्रबाट
 (1) ज्ञान बहादुर बुढा मगर (फुटबल)



पहिलो चरणको औपचारिक कार्यक्रमको समापन पश्चात दोश्रो चरणको बन्दसत्र कार्यक्रम संघका सचिब सुमन थापा मगरले सञ्चालन गरेका थिए । संघको सांगठनिक प्रतिबेदन महासचिव बोध बिक्रम थापा मगरले र  कोषाध्यक्ष निलम थापा मगरले आर्थिक प्रतिबेदन प्रस्तुत गरेकी थिइन । जिन्सी तथा सम्पत्ती बिभाग प्रमुख द माया पुन मगरले जिन्सी सम्पत्ती प्रतिबेदन प्रस्तुत गरेकी थिइन । मगर महिला संघबाट संघकी अध्यक्ष युगमाया राना मगरको रोहबरमा कोषाध्यक्ष चित्रकला थापा मगरले संघको लेखा तथा कार्य प्रतिबेदन प्रस्तुत गरेकी थिइन ।  मगर रोष गुमाष्ठा हङकङबाट संघका कार्यबाहक अध्यक्ष सञ्जु थापा मगरको रोहबरमा कोषाध्यक्ष मति श्री पुन मगरले लेखा तथा कार्य प्रतिवेदन प्रस्तुत गरेकी थिइन ।

 

 

Last Updated on Monday, 08 August 2016 17:44

Hits: 539

 हार्दिक श्रध्दाञ्जलि - ज्ञान बहादुर गाहा मगर