A+ A A-

कँग्युर महापुजामा आठ धर्मगुरुहरुको एकैस्थानमा जमघट हुने !

प्रेमध्वज गाहा

पुर्बी नवलपरासी , कार्तिक १७  - पुर्बी नवलपरासीको कावासोती ३ मा रहेको बरचुली बौद्ध गुम्बाको आयोजनामा  बौद्ध धर्मको महान ग्रन्थ त्रिपिटक कङ्ग्युर पाठबाचन महापुजा २०७५ हुने भएको छ ।



शनिबार, गुम्बाको प्राङ्गणमा आयोजित पत्रकार सम्मेलन मार्फत महापुजा हुने जानकारी दिइएको हो । गुम्बा ब्यवस्थापन समितिका अध्यक्ष गोपी गुरुङको अध्यक्षता तथा बौद्ध लामा ओम गुरुङको प्रमुख आतिथ्यतामा सम्पन्न कार्यक्रममा ,मनिप्रसाद गुरुङ , दुरपति गुरुङ, गँगालक्ष्मी गुरुङ, बिष्णु गुरुङ, सरद गुरुङ लगायतका तमु अगुवा तथा समाजसेबीहरुको उपस्थिति रहेको थियो । कार्यक्रममा बोल्नुहुँदै अध्यक्ष गोपी गुरुङले  गुम्बालाई नेपालकै नमुना बौद्ध धर्मावलम्बीहरुको पर्यटकीय तीर्थस्थल निर्माण गर्ने , बौद्ध भिक्षुहरुको उत्पादन गर्ने , गुम्बा तथा बिहार निर्माण गर्ने उद्देश्यका साथ महापुजाको आयोजना गर्न लागिएको जानकारी दिनुभयो । महापुजाबाट करिब ३५ लाख रुपैयाँ सँकलन गर्ने लक्ष्य रहेको पनि वहाँले बताउनुभयो ।

त्यस्तै कार्यक्रममा बोल्नुहुँदै बौद्ध लामा ओम गुरुङले महापुजाबाट सबै धर्मावलम्बीहरु बीच एकता र सद्भाव कायम गर्दै शान्त र सभ्य समाज निर्माणको सन्देश महापुजाबाट प्रबाह हुने आशा ब्यक्त गर्नुभयो । वहाँले बिश्वमा शान्ति कायम गर्नका लागि भगवान गौतम बुद्धको उपदेश पालना गर्नुपर्ने खाँचो पनि औँल्याउनुभयो । महापुजाको कार्यक्रम अन्तर्गत मँसिर १ गते सँघीय साँसद एवम उद्योगपति बिनोदकुमार चौधरीबाट समुद्घाटन  तथा शान्ति ¥याली ,सर्बधर्म महामिलन कार्यक्रम , प्रवचन लगायतका कार्यक्रमहरु रहेको आयोजकले जानकारी दिएको छ ।

महापुजामा अन्य धार्मिक कार्यक्रममा नदेखिएको दृश्य समेत देखिने भएको छ । मँसिर ३ गते सोमबार महापुजामा बौद्ध , हिन्दु , मुस्लिम , क्रिश्चियन लगायतका आठ धर्मका धर्मगुरुहरुको जमघट हुने भएको हो । महापुजा आगामी मँसिर ३ देखि मँसिर ७ सम्म सञ्चालन हुने छ । बौद्ध धर्मको महाग्रन्थ बिनयपिटक ,सुत्रपिटक र अभिधर्मपिटकको १०८ ठेली १०१ धर्मगुरुहरुबाट बाचन गरिने  महापुजाको समापन गण्डकी प्रदेशका मुख्यमन्त्री पृथ्बीसुब्बा गुरुङको उपस्थितिमा हुने पत्रकार सम्मेलनमा जानकारी दिइएको छ ।

Last Updated on Monday, 05 November 2018 01:42

Hits: 126

रिब्डीकोट बुद्ध बिहार पाल्पालाई बुद्ध मूर्ती प्राप्त !

हुबिमगर,
काठमाण्डौ, सावन ५ - रिब्डीकोट गाउपालीका ठिमुरे ६, घोर्लीखरक पाल्पामा निर्माणधिन "रिब्डीकोट बुद्ध बिहार" पाल्पालाई बुद्धमूर्ती पाप्त भएको छ ।
Image may contain: 11 people, including Thapa Hum, people smiling, people sitting and people standing

नगरमण्डप , श्री र्कीतिपूर बिहार, अमिल्स र्कीतिपूरमा यूबा बौद्ध समूह काठमाण्डौको सन्योजन र  , बिश्व बौद्ध बिश्वबिध्यालय र कास्टिंग सोयल फर मेरिट ट्रष्टको आयोजनामा कार्यक्रम भएको थियो ।

बिश्व बौद्ध केन्द्रका अध्यक्ष, पूर्ब प्रधानमन्त्री एबं बर्तमान सांसद माधवकुमार नेपाल कार्यक्रमका प्रमुख अथिति हुनुहुथ्यो भने बिषेस अतिथिमा नेपालकालागी थाई राजदुत डा.भगवत टानस्कुल हुनुहुन्थ्यो ।
Image may contain: 2 people

अन्य अथितिहरुमा सांसदद्धय कृष्ण गोपाल श्रेष्ठ,कल्याणी खड्का , डा.सुधन्ध भन्ते उर्फ अनिल शाक्य, गुणघोष महास्थाबिर,संखरा न.पा.का मेयर सुर्बण श्रेष्ठ, पूर्ब मन्त्री एबं यूबा बौद्ध महासंघका अध्यक्ष डा. केशबमान शाक्य, पूर्ब मन्त्री एबं ईतिहासबिद् एम.एस थापा मगर,बौद्ध महासंघका पूर्ब अध्यक्ष हर्ष मुनी शाक्य, मगर बुद्ध सेवा संघका अध्यक्ष क्या. देउ बहादुर राना मगर लगाएतका बिशीष्ट पाहुनाहरुको उपस्थित रहेको थियो ।

Image may contain: 21 people, including Loki Thapa, Deepa Thapa Magar, Thapa Hum, Deo Rana and Surya Bahadur Thapa, people smiling, people sitting

प्रमुख अथिति र बिषेस अथितिले संयूक्त रुपमा पानसमा बत्ति बालेर कार्यक्रम उद्धघाटन गर्नु भएको थियो । बिश्व बौद्ध केन्द्रका अध्यक्ष समेत रहेका माधव नेपालले आफ्नो मन्तब्य दिने क्रममा दाताहरु संग सातै प्रदेश, पांच महानगरपालिका र सबै नगरपालिकाको लागी बुद्ध मूर्ती दाताहरु संग माग गर्नु भएको थियो ।

डा. सुगन्ध भन्तेले बुद्ध मूर्तीको बिशेस्ता बारे जानकारी  दिने क्रममा थाईलैण्डको झ्यालखानमा कैदिको रुपमा मृत्युडण्ड पाएका र मृत्युडण्ड कुरीरहेकाहरुलाई पापमोचन र चिन्तामुक्त होस भन्नाकालागी बनाउन लगाइएकोले यो मूर्ती एकदमै महगो पर्ने बताउनु भएको थियो । अपराधीको रुपमा मृत्युडण्ड पाएका कैदीहरुले बनाएको बुद्ध मूर्ती हाल सम्म उपासक, उपासीकाहरु बाट नेपालमा तिन चोटी हस्तान्तरण गरिसकेको बताउनु भयो ।
पूर्ब मन्त्री एबं यूबा बौद्ध महासंघका अध्यक्ष डा. केशबमान शाक्यले धन्यबाद ज्ञापन गर्नु भएको थियो भने शोभा शाक्यले कार्यक्रमलाई  सहजिकरण गर्नु भएको थियो ।  
Image may contain: text

मित्रराष्ट्र थाईलैण्डका बौद्ध उपासक उपासिकाहरु बाट नेपालका बिभिन्न बिहारलाई ४२ थान बुद्ध मूती हस्तान्तरण गरेका थिए । ब्यालिस थान मध्ये दश थान मगर बुद्ध सेवा संघ नेपाल आबद्ध मगरहरुले सन्चालन गर्दैगरेका बिहारहरुलाई प्राप्त भएको छ ।

बुद्ध मूती प्राप्त गरेका बिहारहरुमा रिब्डीकोट बुद्ध बिहार पाल्पाका बिहार निर्माण संयोजक हुम बहादुर पचभैया मगरलाई थाईलैण्डका बौद्ध उपासिका पुनदिन हाई पेनबुन फाउण्डेसनका प्रेसीडेन्ट ओरासोम सुतीसुक्रनले हस्तान्तरण गर्नु भएको थियो । त्यस्तै रामपूर नगर पालिका वडा नं. ४ पाल्पामा निर्माणधिन "जनहित बुद्ध बिहरको" तर्फबाट बिहारका प्रतिनिधि क्या.रोमन बहादुर राना मगरले प्राप्त गर्नु भएको थियो ।
Image may contain: 3 people, including Thapa Hum and Loki Thapa, people standing

बुद्ध मूर्ती पाप्त गर्ने अन्य प्रतिनिधि र जिल्लाहरुमा ईलाम बाट भोजराज लुंगेली मगर,धनकुटा बाट मिम बहादुर राना मगर, सुनसरी बाट दिर्ध कुमारी मगर , काभ्रे बाट सरस्वती पुलामी मगर ,पर्बत बाट डब बहादुर गर्बुजा मगर , तनहुं बाट ऋख बहादुर राना मगर , स्यांजा र कन्चनपुरलाई अन्य थाईलैण्डका बौद्ध उपासक उपासिकाहरु बाट हस्तान्तरण गरिएको थियो ।
उपस्थित उपासक,उपासिका तथा अथितिहरुलाई बिहानको चियानास्ता र दिनको भोजनको निसुल्क ब्यबस्था समेत गरिएको थियो ।
फोटो: हुबि मगर
फोटो हेर्न तलको लिङ्क थिच्नुहोस् ।
 केन्द्रकै अध्यक्ष माधवले मागे दाता संग मूर्ती !

Last Updated on Friday, 27 July 2018 06:01

Hits: 716

२५६२ औं बुद्धजयन्ती देवदह नगरपालिकामा सम्पन्न

गोबिन्द घर्ती मगर


बैषाख १५ । आर्थिक विकास र समृद्धिको लागि सरकार प्रतिवद्ध रहेको पर्यटन, संस्कृति तथा नागरिक उड्ययन मन्त्री रविन्द्र प्रसाद अधिकारीले बताए । २५६२ औं बुद्धजयन्तीको अवसरमा देवदह नगरपालिका पर्यटन प्रवद्र्धन समितिद्वारा देवदह–४, भवानीपुरमा आयोजित बृहत बुद्धजयन्तीको अवसरमा बोल्दै अधिकारीले उक्त कुरा बताएको हो । मन्त्री अधिकारीले बृहत्त लुम्विनीको विकास भनेको देवदह, तिलौराकोट, रामग्रामको विकास भएकोले वृहत्तर लुम्विनी विकासको लागि सरकारले काम अगाडि बढाएको बताए ।
मन्त्री अधिकारीले रुपन्देहीको भैहरवामा निर्माण भईरहेको गौतमबुद्ध विमानस्थल निर्माण सम्पन्न भएसंगै लुम्विनी तथा लुम्विनी संग सम्वन्धीत स्थानमा पर्यटकको आगमन बढ्ने दावी गरे । मन्त्री अधिकारीले लुम्विनी संगै देवदह, रामग्राम, तिलौराकोटलाई पर्यटकीय क्षेत्रको रुपमा विकास गर्न सके आमनागरिकको जीवन स्तर परिवर्तन हुने बताए । अधिकारीले भगवान गौतम बुद्धको मावली स्थल देवदह क्षेत्रमा रहेका ऐतिहासिक स्थलहरुमा गरिएको उत्खनन्मा भेटिएका वस्तुहरु राख्न संग्राहलय निर्माण गर्न स्थानीय निकाय संग समन्वय गरेर अगाडि बढ्ने बताए । अधिकारीले लुम्विनी, देवदह, रामग्राम, तिलौराकोट लगायतका क्षेत्रमा पर्यटकको बसाई लम्व्याउन होमस्टे संचालन गर्नुपर्नेमा जोड दिए ।
सोही अवसरमा बोल्दै प्रतिनिधि सभा सदस्य छविलाल विश्वकर्माले बुद्ध संग सम्वन्धीत स्थलहरुको उत्खनन् गर्न आवश्यक रहेको बताए । नेकपा एमालेका स्थायी कमिटी सदस्य समेत रहेका सांसद विश्वकर्माले देवदहलाई पर्यटकीय क्षेत्रको रुपमा विकास गर्न सके समृद्धि संगै आर्थिक विकास समेत हुने बताए । पुर्वमन्त्री समेत रहेका विश्वकर्माले भारतीय गाईडको गलत विफ्रिङ्गका कारण लुम्विनीको प्रचार प्रसार कम भएको भन्दै त्यसको लागि नेपाली गाईड तयार गर्नु पर्ने बतए ।
विश्वकर्माले बुद्ध संग सम्वन्धीत ठाउहरुको अध्ययन, अनुसन्धान र प्रचार प्रसार लुम्विनी विकास कोषले गर्नुपर्नेमा जोड दिए । देवदह नगरपालिका प्रमुख हिरा बहादुर खत्रीको अध्यक्षतामा भएको कार्यक्रममा लुम्विनी विकास कोषका कोषाध्यक्ष सुरेन्द्रमणि शाक्य, भिक्षु सागर धम्म लगायतले आ–आफना भनाई राखेका थिए । सोही अवसरमा लुम्विनी विकास कोषले छात्रवृत्ति प्रदान गरेको छ ।
महामाया भवानी मावि, देवदह मावि, जनता माविका ३-३ जना विद्यार्थीलाई जनही ५ हजारका दरले छात्रवृत्ति प्रदान गरेको हो । कार्यक्रममा मगर, गुरुङ्ग र थारु जातीको संस्कृति प्रस्तुत गरिएको थियो । कार्यक्रममा स्वतन्त्र भूतपुर्व सैनिक कल्याणकारी देवदहले पिउने पानीको व्यवस्था गरेको थियो । उपप्रमुख विद्या लक्ष्मी गुरुङ्गको स्वागत र भिम प्रसाद गुरुङ्गको संचालनमा कार्यक्रम सम्पन्न भएको थियो ।

Last Updated on Tuesday, 01 May 2018 13:20

Hits: 324

मगर बुद्ध सेवा संघ नेपालले "मङ्गल नालंदा"बिहार निर्माणा गर्ने !

राज्यसत्ता
ललितपुर, असार २३ - मगर बुद्ध सेवा संघ नेपालले  "मङ्गल नालंदा"बिहार निर्माणा गर्ने भएको छ  । Image may contain: 4 people, including Deo Rana, people smiling, people standing and indoor

चन्दा संकलन:
यस मंगल नालन्डा बिहार निर्माणका लागि आर्थिक सहयोग पुर्याउने श्रद्धालु महानुभावहरु बट यस पूनित उदेश्य परिपूर्तिको लागि यथाश्रद्धा आर्थिक सहयोगको लागी हार्दिक अनुरोध गर्दछ ।

 

१. १,००,०००/- देखि माथी चन्दा दिई सहयोग गर्ने चन्दादाता महानुभावहरुलाई बिहारको शिलापत्रमा नाम अंकित गर्नुको साथै बिहारको संरक्षक मानिनेछ ।
२.रु.५०,००० देखि १,००,०००/- सम्म चन्दा दिई सहयोग गर्ने चन्दादाता महानुभावहरुलाई बिहारको शिलापत्रमा नाम अंकित गर्नुको साथै बिहारको आजीवन सदस्यता प्रदान गर्नेछ ।
३.रु. १०,००० देखि रु. ५०,०००/- सम्म चन्दा दिई सहयोग गर्ने चन्दादाता महानुभावहरुलाई बिहारको शिलापत्रमा नाम अंकित गरिनेछ ।
४.रु. १०० देखि १०,०००/- सम्म चन्दा दिई सहयोग गर्ने चन्दादाता महानुभावहरुलाई बिहारको आर्थिक सहयोग अभिलेखमा नाम अंकित गरिनेछ ।

(पुरा समचार परिपत्रमा तल दिईएको छ,पढ्नुहोस)

केन्द्रिय समितिको बैठकले गरिमा थापा मगर सुर्खेतलाई केन्द्रिय समितिमा मनोनित गरेको छ ।


द.नं. ८५८ /०५८ /०५९                                        मितिः २०७५ /०३ /१० 
                                मगर बुद्ध सेवा संघ नेपाल 

प.सं.

च.नं.

 

श्री ....................................................ज्यू                     

बिषयः  "मङ्गल नालंदा"बिहार निर्माणार्थ आर्थिक सहयोग सम्बन्घमा ।

 

महोदय, उपरोक्त सम्बन्धमा यस मङ्गल नालण्डा बिहार निर्माणार्थ मगर बुद्ध सेवा संघ नेपालले चौथो राष्ट्रिय महाधिवेसन २०७१ लुम्बिनी देखीनै चरणबद्धरुपमा विविध योजना र कार्यक्रमहरु गर्दै २०७२ चैत्र १३,१४ र १५ गते पोखरामा अन्तराष्ट्रिय मगर बौद्ध सम्मेलन भब्य र सब्य रुपमा सम्पन्न गर्यो ।

उक्त पोखरा धोषणा अनुसार बिहार निर्माण गर्न पहिलो आधार नै जग्गा हुने भएकोले बिना जग्गा संस्थागत रुपमा कुनै ब्यक्ति , संघ संस्था , स्वदेशी तथा बिदेशी संघ संस्था लगायत अन्य विविध दातृनिकायहरु साथै श्रद्धालु दाताहरु समक्ष सहयोगी हात बढाउन भरपर्दो र बिश्वासिलो आधार नपुग्ने भएकोले करिब पांच बिगाह जमिन बौद्ध चक्रपथ सेरोफेरोमा बिशेषत बुद्ध जन्मभुमी कपिलबस्तु राज्य , बुद्ध मावली देवदह र बुद्ध अस्तुधातु क्षेत्र रामग्राम (नवलपरासी) लाई लक्षित गरिएको छ ।

यस बिहार निर्माणार्थ जग्गा प्रति बिगाह एक करोडका दरले पांच करोड लाग्ने अनुमान रहेको सो जग्गामा करिब सातसय देखि  एकहजार जना श्रामणेरहरुले अध्ययन गर्न सक्ने बिहार निर्माण गर्ने लक्ष्य राखिएकोले मगरहरुको छाता संगठन नेपाल मगर संघ संग आबद्ध देश बिदेशमा रहेका संघ संस्था र मगरदाताहरुले यस जग्गा खदि गर्न हरेक संस्था वा ब्यक्तिहरुले सकेसम्म बिहारको संरक्षक बनिदिने , नभए पनि बिहारको आजिवन सदस्यता लिई आर्थिक सहयोग गरि संस्थाको लक्ष्य अनुसार आगामी कार्तिक २५ गते भित्र नेपाल मगर बुद्ध सेवा समाजको कृषि बिकास बैंक बुटवल शाखा बचत खाता नं. ०४१४८०१२०१४५३०१६ मा रकम जम्मा गरी यस अभियानलाई सफल पारिदिनुहुन सबैमा मैत्रीपूर्ण अनुरोध गर्दछौ ।

                              भवतु सब्ब मंगलम ।।

 



..................

देउ बहादुर राना
    अध्यक्ष

 

Last Updated on Friday, 20 July 2018 16:19

Hits: 1966

पररास्ट्र र दूतावास बीच मुख हेराहेर अनाबस्यक

रामकुमार श्रेष्ठ


कान्तिपुरको वैशाख १, २०७५ को "बुद्धको जन्मथलोबारे भ्रमपूर्ण प्रचार" शिर्षकको समाचारमा श्रीलंकाको क्यान्डीस्थित भारतीय म्युजियममा बुद्धको जन्म भारतमा भएको भन्ने गलत सूचना राखिएको भन्ने बिषयमा गलत सूचना फैलिरहेको तथ्यबारे जानकार नेपाली राजदूत विश्वम्भर प्याकुरेलले केही महिनाअघि यसबारे परराष्ट्र मन्त्रालयलाई पत्राचार गरिसकेको बताउँदै गलत तथ्य सच्याउन परराष्ट्रले कूटनीतिक पहल गर्नुपर्ने उनको भनाइलाई प्रकाशित गरेको छ । समाचारमा परराष्ट्र मन्त्रालयका प्रवक्ता भरत पौड्यालले त्यस्तो भ्रमपूर्ण सूचना छ भने त्यसलाई सच्याउन कोलम्बोस्थित दूतावासले नै पहल गर्नुपर्ने बताएको र ‘यस्तै काममा त हो नि दूतावासले भूमिका देखाउने । कोलम्बोस्थित दूतावासले सम्बन्धित निकायमा पत्राचार गरेर यसलाई सच्याइहाल्नुपर्छ । भन्नु भएको भनी प्रकाशित गरेको समाचारमा अभियानको ध्यान आकृस्ट भएको छ ।

पूर्व मन्त्रीद्धय राजेन्द्र श्रेष्ठ र दीप कुमार उपाध्याय, डा आरजु देउवा, डा कबिताराम श्रेष्ठ लगायतका ब्यक्ति सहभागी भएको टिमले अभियानका विस्व संयोजक इन्जिनियर रामकुमार श्रेष्ठद्धारा हस्ताक्षरित ज्ञापन पत्र बुझाएको थियो तात्कालिन प्रधानमन्त्री माधवकुमार नेपाललाई ११ अगस्ट २०१० मा उक्त ज्ञापन पत्रमा विभिन्न देशका पाठ्यपुस्तकमा भएका बुद्धको जन्मस्थल बारेमा गलत जानकारी राखिएकोले त्यस किसिमका दिग्भ्रम निस्तेज गर्न कुटनीतिक नियोगहरु मार्फत सम्बन्धित देशका सम्बन्धित निकायसँग कुराकानी गर्न अविलम्ब कदम चालियोस भनी आग्रह गरिएको छ ।

३० डिसेम्बर २०१५ मा काठमाण्डौंमा अभियानको सातौं बार्षिकी मनाइएको कार्यक्रममा अमेरिकी रास्ट्रपति बाराक ओबामा, चिनिया रास्ट्रपति सी जिनपिङ, भारती प्रधानमन्त्री नरेन्द्र मोदी, जापानी प्रधानमन्त्री शिन्जो अबे, श्रीलंकाका रास्ट्रपति मैथ्रिपाला सिरिसेना, थाइ प्रधानमन्त्री प्रायुत चानचा र नेदरल्याण्डका प्रधानमन्त्री मार्क रुटलाई सम्बोधन गरी केही प्राबिधिक कारणले गर्दा ती देशका पाठ्य पुस्तकमा बुद्धको जन्मस्थल बिषयमा भएको गलत जानकारी ती देशको प्रजातन्त्रको सबलिकरणका खातिर सच्याइनु पर्ने आग्रह गरी छुट्टाछुट्टै तयार पारिएको छ पेज लामो अनुसन्धानात्मक प्रतिबेदन कार्यक्रमका प्रमुख अतिथि पूर्व प्रधानमन्त्री पुष्पकमल दाहाल प्रचन्डलाई अभियानका तर्फबाट बिस्व संयोजक रामकुमार श्रेष्ठले हस्तान्तरण गर्नु भएपस्चात अभियानको प्रतिबेदनलाई आधार मानेर नेपाल सरकार मन्त्रिपरिषद्को बैठकले सम्बन्धित देशलाइ पत्राचार गर्न गरेको निर्णयलाई संस्कृति, पर्यटन तथा नागरिक उड्डयन मन्त्रालयले परराष्ट्र मन्त्रालयमार्फत ती सात देशमा पत्राचार गरेको छ ।

जनस्तरबाट सन्चालित विस्वब्यापी अभियानको पहलमा वुद्ध जन्मस्थल बिषयमा भएको गलत जानकारी गुगल र राष्ट्रिय र अन्तराष्ट्रिय महत्वका बुद्धिस्ट मन्दिरहरुले र स्वीडेनका पुस्तकहरुमा सच्याउने, ब्रिटिश म्युजियमले सच्याउने निर्णय गर्ने जस्ता महत्वपूर्ण काम भैसकेका छन ।

राष्ट्र संघको एउटा महत्वपूर्ण निकाय युनेस्कोले वुद्ध जन्मस्थल भएकै कारण नेपालको लुम्बिनीलाई १९९७ मा विस्व संपदा सूचिमा राख्ने निर्णय गर्‍यो भने पेरिसस्थित यस्को केन्दिय कार्यालय र अन्तराष्ट्रिय न्यायालय हेगमा वुद्ध नेपालमा जन्मनु भएको जानकारी सहित वुद्धको मूर्ति स्थापना गर्ने काम भैसकेको छ । लुम्बिनीको विकासको लागि तयार पारिएका दुबै गुरु योजनाहरु राष्ट्र संघ मार्फत नै तयार पारिएका हुन । 

जापान सरकारको आर्थिक सहयोगमा युनेस्कोद्धारा वुद्ध जन्मस्थल क्षेत्रमा गरिएको प्रो कनिङ्घामको नेतृत्वमा भैरहेको अत्याधुनिक अनुसन्धात्मक उत्खननले बुद्ध जन्म समयबारे नयाँ बैज्ञानिक तथ्य सार्वजनिक गरिसकेको छ र यस्लाई बिस्वकै ठूला अन्तराष्ट्रिय संचार माध्यमहरुले प्राथमिकतामा पारे भने न्यासनल जियोग्राफीले त डकुमेण्ट्री नै बनाइसकेको छ ।       

अत: पुरातात्विक र ऐतिहासिक प्रमाणका आधारमा नेपालको लुम्बिनी नै वुद्धको जन्मस्थल हो भन्ने कुरामा शंका छैन र पनि केही प्राबिधिक कारणले गर्दा वुद्धको जन्मस्थल बिषयमा विस्वब्यापी दिग्भ्रम भने कायमै छ धेरै देशको पाठ्य पुस्तक, राष्ट्रिय र अन्तराष्ट्रिय महत्वका संग्राहलय, बुद्ध मन्दिर र पुस्तकहरुमा नै यसबारे गलत जानकारी राखिएका कारण राष्ट्रियताको प्रश्नसंग सम्बन्धित मात्रै नभएर प्रजातन्त्रको सबलिकरण, मानब अधिकार हननको प्रतिरक्षा, वुद्धप्रतिको सही आदर जस्ता कारणले गर्दा पनि विस्वब्यापी रुपमा देखा परेको यो समस्या समाधानार्थ जनस्तरबाटै समाधान भैसकेका यस्ता समस्या समाधानको लागि पररास्ट्र र दूतावास मुख हेराहेर गर्नुभन्दा बरु यस किसिमका समस्याको लागि त कस्ले समाधान गर्ने भन्ने प्रतिस्पर्धा हुनु पर्ने देखिन्छ । र पनि मन्त्रालयलाई जानकारी दिंदै सम्बन्धित देशका कुटनीतिक नियोगले नै यस किसिमका समस्या समाधानार्थ पहल गर्नु उपयुक्त देखिने हुनाले यस्को समाधानार्थ ढिलाई नगरिदिन अभियान हार्दिक अनुरोध गर्दछ ।                    


रामकुमार श्रेष्ठ

लुम्बिनी-कपिलवस्तु दिवस अभियान बिस्व संयोजक

Last Updated on Monday, 16 April 2018 13:13

Hits: 238

 हार्दिक श्रध्दाञ्जलि - ज्ञान बहादुर गाहा मगर